رأي ومقالات

طارق الطيب: الزول عاين ليهم قال لي عقاربك ديل كلهن مافيهم واحد ضكر وأنا بالزعل قربت أكشحهم ليه فوق راسه


قالوا العقارب بيشتروها في البلد وأنا من سمعت الخبر شرعت في إصطياد العقارب وتمكنت من إصطياد 17 عقرب من النوع الكبير.
كل عقرب وضعتها في برطمانيه وقددتها من فوق ومشيت للتاجر المزعوم وأنا كلي أمل بقبض مبلغ محترم خاصه وأن الشائعة تقول أن سعر العقرب الكبيرة 100 جنيه وعبر رحلة طويلة وصلت للرجل القالوا حيشتري ومن شفته قلبي ما إطمأن ليه.

المهم قال لي (كدي) دقيقة أتصل للزول ضرب لزوله وجاني راجع قال لي في واحد تمشي ليه في كريمة
مشيت كريمة للزول قام قعد يعاين للعقارب قالي طبعاً نحن عايزين العقارب الذكور قلت ليه طيب أنا أعرفها ليك ضكر ولا إنتاية كيف
قالي أنا بعرف،

الزول عاين ليهم قال لي عقاربك ديل كلهن مافيهم واحد ضكر وأنا بالزعل قربت أكشحهم ليه فوق راسه. ورجعت وبحوزتي 15 عقرب بعد وفاة 2 بسبب طول الرحلة ولا زلت أحتفظ بهم عسى أن يصبح الحلم حقيقة.

طارق الطيب دحيميد


تعليق واحد

  1. العقرب الإنتاية بكون عندها …. وكمان … وشعرها غالبا طويل
    اما العقرب الضكر فلديه ….
    اما العقرب الخمسوضكر فتجد عنده كل ما سبق

  2. [SIZE=4]ظاهرة يا خي، اذا كان لقيتها ماسكة موبايلها ومندمجة مع الواتساب، تبقى انتاية[SIZE=4]، أختاها .[/SIZE][/SIZE]

  3. [FONT=Times New Roman][SIZE=4]لو لقيت أكثر من عقرب في حتة واحدة، اللي طالع منها صوت، بتكون أكيد انتاية شغالة نقة شديدة في الضكر.[/SIZE][/FONT]

  4. ان لدغك فهو ذكر… وان لدغتك فهي انثى ..
    طريقة اسهل ان شرب فهو ذكر وان شربت فهي انثي ..
    اها وضح ؟
    قال عقرب قال

  5. [FONT=Times New Roman][SIZE=5]قول جارتنا (فلانة) راجلها اتزوج عليها .. وأمشي، اذا كانت جات جارية وراك جري شديد، معناها انتاية والشمار كاتلها ! [/SIZE][/FONT]

  6. ياسيد عشان تعرف انو العقرب ضكر والا انتايه لازم تضوق سمها لو فيهو سكر فهي انتايه ولو فيهو ملح فهوي ذكر

  7. وانا لو لميت فيك .. بكشح ليك الـ 15 الباقيات ديل فوق راسك ؟؟

  8. [SIZE=5]يا جماعة الكلام والتنظير الكتير دا مافي داعي ليهو، الموضوع بسيط جدا، تسأل العقرب : انت راجل ولاّ مرة ؟ بس تكون متأكد أنو العقارب ما عندهم فكرة عن الموضوع، لأنهم لو عارفين، كلهم ح يقولوا ليك نحن (نسوان)، الرجالة لاحقة ، يا روح ما بعدك روح ![/SIZE]

  9. [COLOR=#FF0000]الرمضاء [/COLOR]

    [SIZE=4][FONT=Arial]تختهن في [COLOR=#FF0000]الرمضاء [/COLOR]

    لو جرت دي انتايه
    ولو وقف دا ضكر
    [/FONT][/SIZE]

  10. [SIZE=5]يا سلام علي حكاية وافاة دى حلوة وتم دفنهم بمقابر شرفي لاهل اللغه اعرف نفق للحيوانات لكن العقارب او الحشرات دى جديدة واعتقد الموت يستعمل للحشران ولكن اسمع كتير ان الفئران انقرضت بالله ورونا الصاح عشان نقدر نغالط في النت دى.[/SIZE]

  11. لو عاوز تعرف الضكر من الانثي بدل تخلي كل واحد في برطمانية خلي كل اتنين في بطمانية واتفرج ياسلام واتفرج بالجد ماعندك موضوع