كوش نيوز .. أخبار السودان بين يديك

والي الجزيرة السابق الزبير طه يتلقى عرضاً للعمل بجامعة ماليزية براتب شهري 20 ألف دولار



شارك الموضوع :
تلقى البروفسير الزبير بشير طه والي الجزيرة ـ وزير الزراعة ـ وزير الداخلية ـ وزير التعليم العالي ـ وزير العلوم والتقانةـ ومدير جامعة الخرطوم السابق تلقى عرض مغرٍ لتولي منصب كبير في الجامعة الإسلامية الماليزية بمرتب يفوق «20» ألف دولار شهرياً، وبحسب الأوساط فإن العرض يقف وراءه صديق الوالي السابق الـذي يعمل حالياً خبيراً دولياً في مجال دراسات علم النفس، ولم يرد الزبير على العرض بالموافقة أو الرفض.

ولد البروفسير الزبير طه بمنطقة جزيرة الفيل محلية المدينة عرب قبل ان تصبح احد احياء مدينة ود مدني. درس هناك، وترعرع في كنف والدهُ رحمة الله عليه الذي احترف الزراعة، التحق بجامعة الخرطوم كلية الاداب ليتخرج منها بدرجة البكلاريوس عام 1972 بدرجة الشرف الثانية القسم الأول، وواصل المسيرة العلمية بجامعة بيرمنجهام / المملكة المتحدة. العام:1976م ليتحصل علي ماجستير الاداب تخصص علم النفس الاخلاقي، ثم جامعة سسكس/ برايتون/ المملكة المتحدة ليتحصل علي ماجستير العلوم تخصص علم النفس التجريبي عام 1978م، ثم جامعة شيفيلد/ المملكة المتحدة العام 1982م يتحصل علي دكتوراه الفلسفة تخصص علم النفس الفسيولوجي.


العيسابي ـ سوداناس
[/URL]

شارك الموضوع :

12 التعليقات

إنتقل إلى نموذج التعليقات

      1. 1

        والله البشوف دكتوراه من الجامعات البريطانيه يقول واحده فى الفيزياء النوويه والثانيه فى علوم الرياضيات والثالثه فى الهندسه والرابعه فى الطب

        ارحم نفسك والله شهاده بكلاريوس هندسه زراعه من ابوكرشولا اقوى من شهاداتك دى كلها

        احسن منك خريج المتوسط فى زمنك

        الرد
      2. 2

        هوي يا الماليزيين الغبيانين وينو نجاحو هنا عشان تجيبو عندكم ؟؟؟؟؟ والموضوع وراه صحبو شكلو داير يرد ليه دين قديم ويضيع الجماعة …. احسن ليكم تختوا مواسيرنا ديل …..ديل ضيعونا وحيودوكم في ستين داهية وتتسجموا وتترمدوا زينا

        الرد
      3. 3

        ولد البروفسير الزبير طه بمنطقة جزيرة الفيل محلية المدينة عرب قبل ان تصبح احد احياء مدينة ود مدني.
        حد افهمنى .. كلما اعرفه جزيرة الفيل حى من احياء مدنى

        الرد
      4. 4

        كضااااب…في ماليزيا الرقم دا كذب كذب كذب

        الرد
      5. 5

        انا شخصيا” بنصحه يمشي و يقطع وشو , بس اعمل حسابك من الدراي كليننغ Dry Cleaning لانو غالي في ماليزيا و مافي بند في الجامعة اسمو غسيل الوالي !!.

        الرد
      6. 6

        بختك ياعم بلا مؤتمر وطني بلا لمة … تلقاه البشير ذاته لعابه سال لهذا الغرض المغري … مبروك وبالتوفيق والنجاح … الحساد من المتنفذين ما يخلوك ترفض …. إتخارج من السودان أفضل ليك وعش حياتك والسودان ملحوق … مبروووووووووووووووك .

        الرد
      7. 7

        يا خوانا انتو غسيل الاموال ده شنو زول يفهِّمنا

        الرد
      8. 8

        ليس المهم ان يكون الرجل لديه شهادات جامعية كثيرة ليكون اداريا ناجحا ، من الممكن ان تجد اداري ناجح ومعه شهادة ثانوية وادارى فاشل وعنده دراسات عليا والزبير بشير طه خير دليل على ذلك ، يلا سافر ماليزيا امشي جاهد هناك وما تنسي اول ما تدخل المحاضرة ترفع للطلبة عصاتك وتقولهم تدريسي دا : هو لله هو لله وانا جيتكم مجاهد هنا

        الرد
      9. 9

        اول مرة اعرف أنه وزير العلوم والتقانة كان قارى اداب … والله حيرتونا معاكم

        الرد
      10. 10

        انتو يا سودانيين اصلو ربنا خلقكم عشان تنفعو غيركم ..امشي الله يسهلها عليك ….

        الرد
      11. 11

        مرتب مدير اكبر جامعه فى ماليزيا مابتجاوز اثنين الف دولار والراجل قال ادوهوا عشرين الف دولاردى مجنون ما بصدق الكلام ده يا عمك العب غيرها نحن كل سته شهور هناك

        الرد
      12. 12
        احمد ع

        Duuul
        دووول..
        رءيس ماليزيا ذاتو راتبو مابيصل االرقم دا !!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.