إنتو ما مسلمين؟
ترجل والي المسلمين من ناقته المدغلبة (خمسة شنكل) ودخل إلى خيمة الحكم الوثيرة ونده على حاجبه
– يا علقمة .. يا علقمة
– نعم مولاي
– أبحث لي عن عشرة أشخاص من أفراد الرعية المعدمين ؟
– كل الرعية معدمة يا مولاي
– قم بإختيار أكثرهم فقراً وبؤساً
– إنهم كثر يا مولاي
– بقول ليك ايه .. بلاش لماضة وأمشي جيب أسماء أي عشرة مواطنين
يخرج علقمة بينما يمسك الوالي بهاتفه الجوال :
– مسؤول الزكاة؟
– نعم يا مولاي .. أريدك الآن في خيمتي لإجتماع عاجل
– حاضر يا مولاي
يدخل الحاجب وهو ممسك برقعة من الجلد يسلمها للوالي :
– هذه يا مولاي إسماء عشرة أفراد من الرعية المعدمين تماماً
– وماذا تعني بتماماً هذه
– يعني يا مولاي ما عندهم أبوالنوم
يخرج الحاجب ثم يعود :
– يا مولاي مسؤول الزكاة يستأذنك في الدخول
– إإذن له
يدخل مسؤول الزكاة وهو يرتدي حلة من الحرير الأبيض ويمسك بيده على عصاة من الأبنوس
فيطلب منه الوالي أن يجلس
– أريدك أن تذهب معي في (مشاوير) لتفقد بعض أفراد الرعية المعدمين ؟
– ومالو يا مولاي .. جدأ
– مالو مين وبتاع أيه .. حضر ليك عشرة ظروف وخت في كل ظرف ألف درهم !!
– من أين أقوم بتحضير هذه الأموال يا مولاي فالديوان على الحديدة !
– (في إستغراش) : على الحديدة؟ أين تذهب هذه الأموال التي تتم جبايتها
– يا مولاي لقد تبرعنا لقناة الضحي بخمسين ألف (دولار) .. وإشترينا لينا كم ناقة (برادو) وهناك العديد من (الإختلاسات) والباقي (البفضل) بشيلوهو العاملين عليها !
– تصرف .. تصرف يجب أن أقوم بتنفيذ هذا البرنامج (الراعي والرعية)
– حاااضر يا مولاي سوف أقوم بالتصرف وأحضر لك المبلغ المطلوب .. هل تأمر بشئ يا مولاي؟
– نعم لا تنسي أن تخبر جميع الصحف ووكالات الأنباء والقنوات الفضائية لمرافقتنا وتسجيل هذه الحدث ..
مجموعة من النياق البيضاء (المظللة ) تدخل إلى أحد الأحياء الطرفية وتتوقف أمام أحد الخيام البالية
بينما عددا من كاميرات التصوير توثق للحدث :
– (الحاجب يطرق باب الخيمة) : يا أهل الدار !
– (صوت ضعيف من الداخل) : من الطارق
– هذا برنامج (الراعي والرعية) .. مولاي والي المسلمين على الباب
– تفضلوا تفضلو .. يا مرحبا يا مرحبا !!
والي المسلمين (والرهط) المرافق له يدخلون إلى (الخيمة) البالية التي لا يوجد بها غير بساط بال و(قدر) قديم يغلي على النار
– (الوالي يهمس لحاجبه) : أقول ليك (معدم) تجيب ليا زول (شادي ليهو حاجة في النار)؟
– صاحب الدار يرحب (بالوفد) وينده على زوجته وأطفاله فيدخلون في ثياب رثة مهترئة وأجساد نحيلة ضامرة ..
– (الوالي يسأله) : كم لديك من النساء ؟
– برضو ده سؤال يا مولاي ؟
– معذرة أقصد من الأطفال
– هؤلاء الذين أمامك
– وهل يذهبون إلى (المدارس) ؟
– مدارس مين يا مولاي وهل لنا طاقة بتكلفتها !
– إذن فهم يعملون !
– كانوا يعملون ..
– ماذا تقصد ؟
– لقد تبرع فاعل خير لكل منهم (بدرداقة) ليعملون عليها في سوق (عكاظ) لكن قامت السلطات بنصادرتهم ثم إيجارها لهم !
– (الوالي يخاطب المصورين) : الحته دي بعدين أعملوا ليها مونتاج !
– (مسؤول الزكاة) وهو يقدم (الظرف) لصاحب الدار وسط اضواء الكاميرات :
– هذه مساعدة من مولاي (الوالي) تعينكم على مواجهة الحياة نرجو أن تتقبلوها منه
– من ناحية بنتقبلا بنتقبلا لكن بكرة ما تكشفوا حالنا وتجيبونا في تلفزيون (يثرب) وكل صحف (الجزيرة) .. إنتو ما مسلمين ؟
– (الجميع) : بلي
– طيب وكت مسلمين ما سمعتو إنو الصدقة دي بيدوها بالدس حتي إنو من يعطيها لا تعلم يساره ما أعطت يمينه ؟ (مواصلا) والله لأحب لنا ان نعيش على (كمونية السمك) التي تغلي في ذلك (القدر) على أن نصبح (فرجة) لكل الناس !!
كسرة ثابتة (قديمة) : أخبار ملف خط هيثرو العند النائب العام شنو(وووو وووو وووو وووو وووو)+و+و+و؟ كسرة ثابتة (جديدة) : أخبار تنفيذ توجيهات السيد الرئيس بخصوص ملف خط هيثرو شنو(وووو)+و+و+و؟
[/JUSTIFY]
الفاتح جبرا
ساخر سبيل
[email]gabra-media@hotmail.com[/email]
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
جبرا … كل عام وأنت والبلد بخير
كنت انتظر قبل العيد أن تكتب عن السيد ” خروف العيد ” حتى يأتي تعليقي حلمنتيشية في ذلك …ولكنني لن أتركها …وهاهي :
العنوان : [B]العنقاء والخروف و المستحيل[/B]
باااع باااع باااع
يا ناس سامعين ؟
نحن جبنا [B]خروف[/B]
جالاكسي رشيق
شكله أنيق
ومليااان [B]صوف[/B]
حنأكله جامبو
ونسقيهو عصير
أوعك من برسيم !
أنت قايلو بهيم ؟!
ونديهو
جرعة تطعيم
خوف الفايرس والجراثيم
وندخله تحت التكييف !
الدنيا سخانة
والموسم [B]صيف[/B]
ناويين ليهو الفُسحة
من بيتنا الفي بحري
نعبر شمبات
بي فوق الكبري
نصل امدرمان
نقيف نرتاح
في حي [B]أب روف[/B]
ونفوت بهناك
متتزه النيل
يستمتع
في الخرطوم بالليل
وبي صالون
نطلع شارع
وننزل شارع
طول اليوم
حنلف [B]ونطوف[/B]
ياناس الأمن
دي مظاهرة بوبار
لافيها حريق لافيها دمار
بس راح نهتف
بالصوت العالي
جبنا خروف جبنا [B]خروف[/B]
و الناس تسمع
صوت الباااع
وكمان بعيونها [B]تشوف[/B]
تستغرب وتسألنا
أنتو جبتو خروف ؟
طيب كيف ؟
وليه ومتين ؟!
بي كم باللهِ ؟
نتبوبر ليهم ونتفشخر
نحن كمان حاكمانا [B]ظروف[/B] ؟!!
تمنو تقييل
بي خمسة [B]ألوف[/B] !!
******************
لا يكون صدقتو !
دي كاميرا خفية !
ونحن اصحاب ماهية !
من وين بنجيبها ألوف ؟!
وهو منو البقدر يضبح ؟!
واللحمة مكومة قدامو !
أكوام أكوام أفخاد [B]وكتوف [/B]؟
كفاية علينا مرقة ماجي
حلووووة معاها حروف
إن جيت للحق
حتى الراعي
مفروض ما يضبح
كفاية عليهو البيتزا
ياراعي : معقول تضبح !
مفروض قلبك ياوالي
على شعبك [B]ملهوف[/B]
وشعبك عدمان جيعان خرمان
مقصص ريشه [B]ومنتوف[/B] !
شاركو شظف العيش
عيشن مشيول[B] مغروف[/B]
ومالن سايب [B]مسفوف[/B]
معقول تضبح !
ليه وكيف تضبح !
لا لا ماتضبح
لو صحيح بالدين[B] موصوف[/B]
*******************
وبي حسرة بقولها
بس أنا متأكد
إنك راح تضبح
ما أنت ناسي الموت
و جسمك بالكفن [B]ملفوف[/B]
ناسي الموقف
والأمم الواقفة [B]صفوف[/B]
والبشرى البي جنة رضوان
وثمارها [B]قطوف[/B]
******************
ماك شايف أرملة هملانة؟
حواليها يتامى ضعاف
وداك زولن غلبان
راجنو صغار
عاجز غلبه [B]المصروف[/B] ؟
لو عميان وغباك [B]الشوف[/B]
أحسن تتخارج
فوت [B]بالمعروف[/B]
*******************
يا ناس قيمتوا الموقف ؟
والحال البقى ما [B]مألوف [/B]؟
آآآه ياوجعن جوة [B]الجوف[/B]
قيمتك وقيمتي وقيمته
بقى يسواها [B]خروف[/B]
ربي رحيم
بيكا وبيا وبيهو [B]رؤوف[/B]
عيدية :
ربي لا تحرم بيت من الخرفان