مصور فضيحة جسر “القوات المسلحة” ينشر ستة صور جديدة بعد أن شكك الرئيس السوداني في صحة الصور ،وقال عنها والي الخرطوم “مفبركة”
حيث نشر المصور سعيد عباس سعد مزيداً من الصور لكبري القوات المسلحة لحظة سباحة الصبية في البحيرة التي تكونت في إمتداد الجسر بسبب الأمطار في الأيام الماضية ،
وقال المصور سعيد عباس على صفحته في فيسبوك بحسب رصد “النيلين”(شكك البعض في نزاهتنا ومهنيتنا في صور كوبري كوبر فبدلاً من أن يشكروننا لكوننا أوضحنا لهم أخطاءً هندسية كبيرة طفقوا يوصفوننا بالمزورين والمدبلجين كأنهم لديهم وطنية وغيرة اكثر منّا
وهم لا يعلمون أننا قصدنا بهذه الصور إبتغاء وجه الله والوطن معاً وفق مهنية صحفية تقتضي الصدق والمصداقية قبل كل شى ، درسنا في التصوير أن الصورة أبلغ من القلم وقالوا لنا ربّ صورة أغنت عن ألف كلمة وفي بعض الأمثلة التي تؤكد صحة الخبر يقولون لك رأيته رأى العين أو الموضوع دا شوف عين
ولكن إذا عشنا مع من يكذبون حتي رأي اعينهم وأعيننا معا فماذا نفعل وماذا نقول ؟؟ ، وأن تكّذب رأي عيني فهذا وارد ولكن ان تكّذب حتي راي عينك فهذا موضوع يتطلب الوقوف مع النفس قبل العين وإليكم هذه الصور مرة أخرى فمن أراد ان يكذبنا فليقنعنا بحجة واضحة لأني بصراحة بدأت أشك في أني لا أري رغم ان أكل عيشي مربوط بسلامة النظر وقوته.)
ويشير موقع “النيلين” أن الرئيس السوداني عمر البشير في إجتماع مجلس الوزراء شكك في صحة صور كبري القوات المسلحة التي ظهرت أنذاك وكذالك قال والي الخرطوم ( “صور صحيفة (السوداني) دي مفبركة”) وذالك بحسب إفادات الأستاذ ضياء الدين بلال رئيس تحرير صحيفة السوداني.
الصور الجديدة لفضيحة كبري القوات المسلحة التي نشرها المصور سعيد عباس سعد
الصور التي سبق وتم تداولها
الخرطوم: معتصم السر
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يظل المشردين مشكلة في السودان
دولة رئسها انسان الي. ربنا يستر والله نحن
في الشمال افضل لينا مصر
دي ما دايرا ليها تكذيب ،،،،، المناظر واضحة ،،،، بعدين المطرة الجاية خلي الرئيس والوالي إمشو الموقع بعد المطرة طوالي وإتحققوا ،،،، ولكن ما الفائدة من ذلك ،،،، وأكان المطرة ما جات جيبو تناكر موية وكبوها وخلونا نشوف صدق المصور ،،،، وكذبكم با دجاليين
يا ريس ويا معتمد الصور دى صور كبرى فى اسرائيل والاولاد اللى بسبحو ديل من الهاجرو الى اسرائيل
ما يهمكم دى مكائد اسرائيل
[SIZE=5]سلام يا جماعة مهندسى الكبرى اتخرجوا من وين اوع يكونوا من (……..) [/SIZE]
[SIZE=4]العربات ماشة وموية وسخانة وضحلة شديد (شوف عجلات العربات برة الموية)، يعنى الضفادع (القعوي) ما بيعوم في حتة زي دي. ديل ضاربين سلسيون تقيل وافتكروا دا البحر، كمان واحد عامل diving، الصور أكيد ما مفبركة، لكن يمكن فيها (دراما سودانية !!) .[/SIZE]
[SIZE=5]الموضوع عن الأخطاء الهندسية التى صاحبت تنفيذ وتشييد الكبرى وتشكيك الرئيس ووالى الخرطوم فى الصور .. أما مشكلة المشردين فهو موضوع آخر شائك وطويل[/SIZE].
هي البلد كلها غرقانه بقت علي كبري القوات المسلحة -الصبية المشردين ديل كانوا بيحلموا بحوض سباحة ربنا اعطاهم حوض -ملاحظة المويه كا كتيره لدرجة يسبحوا فيها والدليل العربات الماشه ربع اللستك بس الجوه المويه ( دا سبب التشكيك ) – هي ما مفبركة لكن ما لدرجة السباحة -وطبعا الكيزان لا يعترفون بالخطا .
[SIZE=6]فضائح [/SIZE]
إلي من أسند اليهم مسؤولية هذا البلد هذه حقيقة عليهم مراجعة الشركات المنفذة لهذا المشروع ومحاسبتها .. أذكر في ذاك اليوم والكثير منا يتذكر بأن المياه غمرت الشارع تماماً بدأً من مدخل نفق بري جوار الشؤون الانسانية حتي تقاطع كبري القوات المسلحة مياه أكثر من مترين عمقاً فأين الفبركة في الصور … وأقول لهم بأن هذه الصور واضحة لالبس فيها فبدلاً من معالجة الخلل لاتلجأوا إلي نظرية المؤامرة.
ياسلام علي الصور التاكيديه نتمني ان نري متحف في السودان او علي الانترنت
تجمع اخطاء (حكومتنا ) عشان الناس البتحكمنا دي تعلم مالها وماعليها وانا عارف انو الحكومه حاجات زي دي مابتجيب في راسا الخاوي اي خبر راس (قرعوب ) …………….والانتخابات جايه نشوف تاني ياوالي الفبركه البوليك منو
علي ضياء الدين ينشر هذه الصور لانه هو الذي نشر خبر تشكيك الرئيس بالصور وتحقيقا للمصداقية والمهنية الصحفية لابد من نشر الصور بالصحيفة التي نقلت خبر انها مفبركة نشكر المصور سعيد عباس علي الصدق والمهنية الواعية وعلي الصور كمان……
يا جمال زي ما قال صحابنا انت زاااتك اكبر مشرد ديل عرفناهم مشردين داخل وطنهم وراضييين بالواقع وضاربين الهم باللعب في الموية لكن انت ما قادر تقعد في بلدك انت مشرد العقل والهوية ومصيييرك تجي راجع مهما طال الزمن اوقصر
[B]يوجد فيديو متداول بين الناس عبر الجوال صالة المطار مليانة موية واجهه بلد بهذه الاهانه خصوصا المطار منشار طالع نازل رسوم على الناس رسوم مغادرة وين بتذهب خدماتها اي سوداني طالع نازل حوالي 30 جنيه[/B]
يا شباب آيه رايكم من اليوم نطلق علي شخصية هذا الوالي
” وآلـــــــــــي الفربكــــة”
الموافقني يبايعني والغير موآفق بطريقته ….
يعني الوآلي أحسن من اللمبي ؟؟؟؟؟؟؟؟؟
[SIZE=4]يا (أبو محمد)، يبدو الراتب معظمه اتصرف في شهر رمضان وجاء العيد شطّب علي الباقي، وبقينا نحسب في شهر النفساء أب 40 يوم دا، ركّز شوية، الكبري دا أقدم بي كتير من الانقاذ وتم تشييده منتصف السبعينات في عهد النميري، ويسمى أيضا بكبري كوبر وكبري بري. [/SIZE]
[SIZE=4]معليش يا (علي الطيب) ما تزعل، أنا فعلا غلطان. بس لأنهم ذكروا في الخبر اسم الكبري القديم دون توضيح للملحق الطاير.. بعدين أنا قدمت العذر قلت ليك (مشلهت)، كويس انك خليتها علي الشلهتة بس، و ما طلعت من النص، زي ما بيعمل بعض العوام و الرجرجة والدهماء من رواد الموقع.[/SIZE]
خليكم من كبري القوات المسلحة نرجو مراجعة الاعمال الهندسية في شارع البحر (شارع الابراج) المؤدي لي صابرين والثورات مجرد ملاحظة ياالسيد والي الخرطوم .
[SIZE=6]الفبركة والفوتوشوب اوضح من الشمس في الصيف
لاحظو الموية ما مغتية عجلات الفيستو وبعد دا الشماشة ناطين من فووووق وغاطسين كمان!!! كيف بس يعني ؟؟؟ لو الصورة حقيقية كان الشماشة ديل موزعين بين عنابر العظام والمخ والاعصاب والمقابر
دي واحدة … الشي التاني عمك سعيد دا كان يزح الشفع ديل شوية من تحت عجلات شاحنة عاديات لانو المنظر بقي ما بيدخل العقل وماف زول بصدقو – الا الذين في قلوبهم مرض – طبعن
احترموا نفسكم يا مناضلين الكي بوردات واي حاجة تقولوها لي راجعة علي صاحبها[/SIZE]
يا جماعة الله الواضح من الصورة دى انها ما مغطية نص لستك العربية او قول غطت اللستك كله اللستك القطر بتاع العربية البوكس هو 16 ملم فكيف واحد يدق راس فى اقل من16 ملم قول ما 20يا جماعة ده سخف ساكت لان الكوبرى ده انجازوحل كثير من مشاكل الير فى تقاطع كوبرى كوبر ده ليه نحن نعاين فى الجانب الفارغ من الكوب اى الانتقاد اسهل شىء وما بيضير الحكومة خطأ فينا عاصمة النمسا فى الالفيتان دى الفيضانات اجتاحتها وهى من هى نعم وضعوا من بعد ذلك حلول وده شىء طبيعى ممكن عادى يكون مداخل المجارى للنصريف انسدت هذا امر طبيعى جدا ولا ضير من ذلك لكن ان يدقو راس فى مياه عمقا اقل من 2 سنت فهذا فوتو شوب وان كانت الصورة حقيقية لكن محتواه فوتوشوب .
هذا انجاز والحكومة نجحت فى الحتة دى شوفوا حتة تانى انقضوها فيه وهى كما انجازاتها كبيرة فاخطائها كبيرة لكن قطع شك اخطاء ما خطايا
]فعلا المشكلة اخواني في المشردين كما قال الاخ جمال
فالامطار والسيول تاتينا في السنة مرة ورغم ماتحدث من ابتلاءات هفي من الخالق الكريم ويمكن تجاوزها بالصبر والاحتساب واللحو اليه
ولكن قضية المشردين هذه مصيبة كبيرة وهم في ازدياد بسبب استمرار الحروب في كل مناطق السودان وبسبب الوضع الاقتصادي الصعب فالحكومة تعلم هذا ولكنها لاتريد ان تعمل او تصلح.
وبفعل هذه الحكومة صار معظم الشعب السوداني مشردا، فالمشرد في عصرنا هذا وبمفهوم الدول المتحضرة لاتعني فقط من لا بيت او ماوى له فقد تعني الكثير من عدم علاج ادمي يليق به او تعليم او عمل ووظيفة
فالسكوت على مثل هذا الوضع يجعلنا جميعا مشردين