منوعات

ابراهيم الميرغني ينشر 20 صورة مدهشة للخريف في السودان ويقول: “الحمد لله على نعمة السودان”


قام المتحدث الرسمي بإسم الحزب الإتحادي الديمقراطي في السودان ابراهيم الميرغني بنشر مجموعة من الصور من رحلته في سهول “البطانة” شرق السودان وذالك عبر حسابه على موقع التواصل الإجتماعي “فيسبوك”.

وقد إستمتع الميرغني بجمال الطبيعة الخلابة في سهول البطانة في فترة الخريف وشكر أهل المنطقة على حفاوة الإستقبال والكرم السوداني الأصيل.
ومن تدويناته عن الرحلة كتب إبراهيم الميرغني:-

“هذا النفر من الرجال بعض من أكرم وانبل من مشى على الارض ،، اما الصغير جبوره ( ابو شعنوفه ) فعجيبب”.وأضاف في تدوينة أخرى
(ريره ..الصفيه ..الصباغ .. الكحلى ..الرويان ..العطشان .. الفول .. الساده ..القليب ..مخيريق .. القدره .. ام شديده …. البطانه جنة الله فى الارض وكل ما يمكن ان يقال
” ان الحمد لله على نعمة السودان”.)

وأضاف القيادي الشاب في الحزب الإتحادي الديمقراطي بالسودان إبراهيم الميرغني بحسب رصد موقع”النيلين”.

“جبال الزهور .. الكحلى ..سهول البطانه فى الطريق الى ريره
والحمد لله على نعمة السودان”.

ويشير موقع “النيلين” أن الأستاذ إبراهيم الميرغني مولود بشرق السودان في مدينة كسلا،ويعتبر نفسه خليطاً ميرغنياً بجاوياً، ودرس في العاصمة السودانية الخرطوم في مدارس حكومية في مدرسة حلة حمد الابتدائية ، وهي من المدارس السودانية الحكومية العريقة، وظل في الخرطوم حتى الشهادة الثانوية.

وتخرج الأستاذ إبراهيم الميرغني في جمهورية مصر العربية حيث درس بجامعة القاهرة كلية الاقتصاد والعلوم السياسية.

الخرطوم: معتصم السر

تعليق واحد

  1. فعلاً الحمد لله علي ان جعل السودان بهذا الجمال ونسأل الله ان يحفظ لنا سوداننا

  2. [B][SIZE=5][FONT=Arial]والله انا بعجبني الولد القلب حار ، وكل دا علامه مرجلة اكان صيد أكان مناظر اكان مشاركة اهل ، واكت دائر انتقدك لكن من ما لقيت برش الصلاة وقفته
    ربنا يوسع عليك ووفقك
    [/FONT][/SIZE][/B]

  3. دا زول اصيل ماصل بي حب السودان مش المصورين في يخت شرم الشيخ و لا مقبوض بى 10 مليون دولار في مطار دبي. داقش الخلا بيسلحو و الله لو ليقي أسد بيجبو مش غزال ,
    ده فيه دم حمزه و علي
    ده حفيد النبي
    دا من عتره الرسول
    البصلّى عليه كل تقي
    دا سليل كربلاء
    نسل العسكري
    و الله اكبر علي كل معتدي

  4. لقدألقمت منتقديك من حناكيش مهاجر أولاد جون حجرا كبيرا، واكثر ما عجبني (خوسة) الضراع، والكلاش، اصلو الجماعة بقوا ما بفهموا بالعربي.

  5. ونحن نبكى مثلاً ولا ايه..عارفين السودان جميل ومن قمنا عارفين البلد تمتلك ثروه زراعيه وحيوانيه ومياه ..بس بعد ده الناس جيعانه

    الصور جميله بس الواقع شيييييييين

  6. انحنا سايقين ركشات وماجايبين خبر
    اتارى السودان عجيب مره واحده
    ماحاسدك لاكن عاينو للناس معاكم
    يعنى نحن لا جدنا الميرغنى ولا المهدى

  7. يطلع مين ده عشان نقرأ عنه خبر كل يوم ولا نعرف قرأ شنو وإلا سوى شنو
    بلا قرف وشوف ومشاكل السودان والسودانيين
    دي كلها صحافة صفراء مدفوعة الأجر

    فرطقان الشعفاني
    المحدث الرسمي لحزب البركه

  8. تم تشويه شخصيه هذا الرجل الوطني الشهم
    بنشر صوره واحده من كم يوم و هو يحمل صيد غزال
    و كانه طلع للصيد فقط
    لكن
    الراجل طلع لحجات كتير و عكس حاجات كتير و الله انا ما قائل البطانه دي جنه كده وكل الصور تدل ع جمال السودان و الاصاله و الطبيعه البكر و علي شخصيه الرجل السوداني الاسد البنط ف كرش العدو و المفترس
    وكان من الممكن اكون مجدع خارج البلاد ف احلي القصور

  9. الناس في الطين والخفجيبه والضبان وبيوتهم وقعت فوق روسيهم .. واخينا ده جاى يتكلم ليك عن جمال البطانه ومصور نفسو .. وعاجباهو شقت اللاندكروز الماصنعها ( البشير ماقال جياد بس !!! ) للطين .. ياخ الناس مرقت بى هدومه وساكنين شوارع الظلط لانو المويه هدمت الحيط الساتراهم فوق روسين اهاليهم .. بدل تمشى تقيف معاهم تصرمح لى فى البطانه .. شيل صورك دى بالله فرجها ليهم .. وورينا ردود افعالهم شنو .. وقول لينا جمال البطانه ده حاتشوفو في عيونهم ولا بتلقى الفيهم مكفيهم !!! اللهم لاتؤاخذنا بما فعل السفهاء منا ..

  10. فرح شنو يا ابو فرح انته ( يا المسمى نفسك سليمان ).. واخلاقى شن عرفك بيها ياتافه ؟؟ … المابلقاهو واقف معاى في احزانى مايلزمنى في افراحى .. والانا عملتو مافى داعى اشكالك واشكال الناشر صوره في البطانه ده يعرفوهو لانو عملتو لى الله .. ماعشان اجى اشرح لى عباد الله جمال المشاعر الانسانية.. وحلاوة التكاتف بين السودانيين .. اهلنا زمان قالو شكارتها دلاكتها .. وتلقاك زيو كده فاقد همه .. صور ذى دى مابتلزمنا يحتفظ بيها لذكرياته ويورثها بعدين لبناجيسهم الحايجى زمن بيكونو فيهو نسيا منسيا ..

  11. إبراهيم الميرغني وعصام الترابي بحبو البطانة والدوبيت ويحبون الهرب من حياة المدينة إلي الفضااءت والبراري