كوش نيوز .. أخبار السودان بين يديك

أسلو بالأسلو موشن



شارك الموضوع :

أسلو بالأسلو موشن


* كتمة كبيرة الليلة.
* العروس من امس اتحننت ونقشت.
* والليلة من الصباح فى الكوفير.
* مركز مدام نهلة يا معلم.
* بى حقنا..الرياض شارع المشتل.
* العروس معاها الشباين.
* مدام نهلة قالت اهم شى الشباين.
* والفنانين جاهزين.
* بدل الساوند تلاتة.
* احتمال الكهربا تعمل حركات.
* عشان كدة الجنريتر جاهز.
* ده غير الجنريترات الما مقتنعين أنهم جنريترات.
* المهم.
* ناس كزام جهزوا الترابيز والكراسى.
* وواقفين راجين المعازيم.
* اى زول بكرموهو شديد.
* حتى لو ما معزوم.
* وما ضرورى شكل الهدوم.
* الناس ما يقيموها بى لبسة.
* وما ضرورى الجضوم.
* اى زول معزوم..السودان عموم.
* اى زول.
* حتى ولو فى زول روحو دايرة تطلع فى العروس.
* وظروفو ما سمحت ليهو يجى.
* يجى يحتو..ويفتو.
* وأغنية خاصة ليهو.
* تقديراً لى شعورو.
* فى الليلة ديك لا هان عليا ارضى واسامحك ولا هان على اعطف عليك.
* بنغنيها ليهو مخصوص.
* كتمة زى الكتمة.
* الفنانين شدت ما كتار.
* كل فنان يغنى كوبليه.
* عشان الزمن يكفى.
* والعشا الما خمج.
* رااااقد..مافى حاجة اسمها كمل.
* وفى البرد ده البارد راااااااااقد.
* والبردان جايبين شاى من ناس كوفتى والغزالتين.
* زول برجع ساى مافى.
* الحفلة لازم تبدا بدرى.
* ولما العرسان يصلوا.
* نقلب سيدا.
* اقصد نقلب سي دى.
* ايقاع سيرة..ونزفهم.
* لما يصلوا نص الحلقة.
* أسلو.
* أسلو بالأسلو موشن.
* موش عرسان.
* وبعد داك يقطعوا التورتة.
* يتقطع معاها حشا ناس فى الليلة ديك.
* وتكون الربة بتشبه الحدث.
* والكتمة ترتقى للأحداث.
* نحنا اهل العريس.
* ولدنا وصيناهو.
* يحافظ على عروسو.
* ويختها فى عيونو.
* وما يقصر معاها.
* واهل العروس كان احترمونا كان ما احترمونا.
* ما بنعمل مشاكل.
* وشهر العسل الدمازين.
* ونعمل هناك حفلة دكاكينية.
* نغنى للعروسة.
* فى العام الأول تجينا عروسنا شايلة سمؤال.
* وفى العام التانى تجينا عروسنا شايلة تهانى.
* وفى العام التالت تجينا عروسنا شايلة خالد.
* وفى اليوم الرابع تجينا عروينا شايلة الرايع.
* سعادة شديدة ويهنأ سيدا.
* عروسنا تتهنى وتسمع دقة الحديدة.
* ويا ملايكة سيرى معاه.
* وتنطلق الزغاريد.
* أيوى أيوى أيوى أيوى.
* وما أحلاها تلك الزغرودة التى تقول..يقى..يقى..يقى.
* وتلك التى تردد.
* ايييييييييييوووووووووووووووووى.
* كل أشكال الزغاريد ستصدح فى سماء المريخ اليوم.
* كتمة زى الكتمة.
* ننتصر لأنفسنا وللتاريخ وللمريخ.
* وتتأدب الكرة.
* أيها الناس.
* الكتمة أعلاه لا تأتى بالأمنيات.
* وحصاد الموسم اليوم.
* والعروسة فى يدنا.
* مفروض ما نفرط فيها.
* وما نخرب عرستنا.
* ولكى يتأتى كل ذلك.
* أنها نقاط الجماهير.
* ربة وزفة وهدير.
* ما نقنع من الأنتصار.
* هدف واحد بحقق الربة.
* والكتمة..ولغيرنا الصدمة.
* هدف واحد بتم التتويج والتفويج ويبدأ الهجيج.
* ليس بالأمنيات.
* ولكن الوقوف وقفة رجل واحد.
* كل الجماهير.
* تجمع روابط.
* وروابط وروافد وجماهير فرادى.
* القيادة العامة.
* وكل اركان الحرب الذى عرف كيف يقود المعارك.
* نجى كلنا.
* ونشارك فى المسيرة العصرية.
* من مدرسة المؤتمر للأستاد.
* ونقطع كل التذاكر دعماً لمجلس الأدارة.
* نصور سيدا بالكاس.
* البوستر بى عشرة.
* نبيع تلاتة مليون بوستر.
* بى سرعة.
* عشان كاس الدمازين برضو بى بوسترو.
* بوستر سيدا بالأصفر.
* وبوستر سيدا يالأحمر.
* نخصص سيدا.
* عشان وجع الغلابة بمتعنا شديد.
* ونخصص نغمة فى موبايلاتنا.
* نغمة تقول.
* تيييييتا..تييييييييييييييتا.
* يعنى سييييييدا..سيييييييييييييدا.
* يضربوا لينا يجروا.
* نضرب ليهم يرموا موبايلاتهم.
* أيها الناس.
* لو دايرين الكتمة..نبقى جادين.
* لا تغشنا الأفراح فنترك التشجيع.
* ولا نفنع اذا تأخر الهدف.
* فالهدف آت لا محالة.
* بس لو نصبر عليهو شوية.
* قصة اللاعبين بنخليها للجهاو الفنى .
* لثقتنا فى اللاعبين.
* ولثقتنا فى جهازنا.
* أيها الناس.
* قولوا بسم الله وأفطروا كويس.
* والليلة لو اتكربتوا.
* كورة بكرة ليقية سااااااااااااكت.
* تتلعب ما تتلعب كلو واحد.
* زى الزول البلبس جديد بعد العيد.
* عليكم الله.
* الليلة بعد نغلب ونصور سيدا بالكاس.
* بكرا كلنا ندخل كورة الهلال.
* نشجع الهلال..عشان البرير ينتصر.
* بس حايكون انتصر على الأرباب.
* الأرباب ده بقى زولنا خلاص.
* يا عبدالوكيل.
* سجل عندك صلاح احمد ادريس مريخابى بالتجنس.
* وادوهو علم هدية.
* أها.
* نجى لى شمارات والى الخرتوم.
* أكان شفت يا والينا.
* فى اتنين بتاعين بحر.
* اليوم داك بحرهم قال ليهم يتكلموا فى الدين.
* كل واحد فيهم يدى معلومة للتانى.
* قام واحد فيهم قال السماوات السبع والأراضى الأربع.
* التانى قال ليهو الأراضى الأربع دى جديدة يا معلم؟؟؟الأراضى سبعة.
* والأول قال ليهو عارفها لكن تلاتة باعوهم الجماعة ديل.
* وأشر على البحر.

سلك كهربا

*ننساك كيف والأراضى نقصن.
واللللللللللللللللللى لقاء
سللللللللللللللللللللللك

في السلك – بابكر سلك

شارك الموضوع :

1 التعليقات

      1. 1

        ده شنو الهبل البتكتب فيهو ده وكيف يسمحوا لعبط وجهل ان ينشر بين الناس. البشوف صلعتك دي يقول عالم نووي اتاري صلعة هبل ساكت.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.