كوش نيوز .. أخبار السودان بين يديك

طالب يصفع زميلته بكمبيوترمان والشرطة تتدخل


شارك الموضوع :

حينما كانت سيارة الإسعاف تدخل مسرعة الي مستشفى الأنف والأذن والحنجرة ، وهي تطلق صافرة الإنذار وتشق طريقها وسط الزحمة ، أطل خلف نافذة السيارة التي كانت تتبعها وجه مألوف لدى صحيفة الوطن مثلما نحن ايضاً مألوفين لديه فكان ذلك بمثابة ضوء أخضر لتغطية الصحيفة . الوطن وصلت متزامنة مع سيارة الاسعاف ودخلت الي غرفة الطوارئ بمعية الطالبة سماح أنور الزبير وأسرتها وزميلاتها .. ورغم ان الطالبة كانت متماسكة لحد ما رغم الصدمة التي حلت بها ، الا ان والدها كان متوتراً ولكنه اقل درجة من زميلاتها . الوطن بعد ان تابعت كل عمليات الاسعاف جلست الي الطالبة لتسمع تفاصيل الحكاية .. حيث قالت الطالبة سماح ان زميلها قام بصفعها داخل حرم الجامعة إثر مناقشة وصفتها بالعادية . واضافت لم أتصور الذي حدث ، خاصة وان والدي لم يمد يده علي يوماً قط . إدارة كلية كمبيوترمان التي هاتفتها الوطن لمعرفة الحقائق استنكرت الحادثة وقالت على لسان مدير العلاقات العامة ان الذي حدث سلوك شخصي ، ولكننا لن نتساهل مع الطالب . وتابع سوف نتخذ إجراءات صارمة بعد التحقيق لمنع تكرار هذه الحادثة ، بقي ان نشير الي ان الوجه الذي اطل من نافذة سيارة الإسعاف هو الأستاذ أنور الزبير والد الطالبة سماح . ومن هنا كانت المعرفة وكانت هذه الحكاية الحزينة والغريبة .

شارك الموضوع :

54 التعليقات

إنتقل إلى نموذج التعليقات

      1. 1

        على الرغم من إنني استهجن السوك الغير مبرر من الطالب وهو سلوك غير حضاري أبدا إلا إنني استهجن ايضا الأسوب الذي انتهجه الأب وتهويله للحدث ( إسعاف وونان وسفت وألأب يطل من نافذة الإسعاف ).وكذلك الصحافة في تغطية الموضوع ، خاصة وإن الموضوع سلوك شخصي بين طالبين ويا ما وياما الطلاب أكلوا كفوف من المعلمين لكن أحدا لم يذهب بالإسعاف الى مستشفى الأذن والأنف والحنجرة ،يا ترى هل كان حيحصل نفس الشئ لو لم يكن أبوها صحفي ، بصراحة الأسوب رخيص والتعاطي مع الحدث في مستوى صحف رخيصة بتاعة شمارات ، ولا اريد أن أعمم هذا التصرف على مستوى الصحافة عندنا واستغلال المنابر لأنو البلد بخير . وإتقوا الله

        الرد
      2. 2

        طيب يعني شنو لو ادها كف ؟؟؟؟ يعني دي خلااااااااااص مشكله كبيره تستدي الاسعاف والصحافه ويمكن بعد شوي حقوق الانسان والامم المتحده وباراك اوباما زاتووووووووو

        الرد
      3. 3

        كل واحد يصلح عربيته والجاتك في مالك سامحتك

        الرد
      4. 4

        سبحان الله ، لله في خلقه شؤون ، كف واحد ويجيبوا ليهو اسعاف والصحفي بتاع جريدة الوطن الهمام يجري ورا الاسعاف ويدخل المستشفى والسبب ما عشان الكف بس لانها ابنة الاستاذ الزبير . انا والله مابعرف الاستاذ لكن الظاهر عليهو راجل مهم لانه الصحفي قال ( اطل علينا من نافذة السيارة وجه مألوف لدى صحيفة الوطن فكان ذلك بمثابة ضوء اخضر لتغطية الصحيفة) . ما كل يوم بتحصل مشاكل زي دي في الجامعات والمدارس الثانوية ، لكن تقول شنو لصحيفة الوطن والوجه المألوف الذي اطل عليهم من نافذة السيارة التي تتبع سيارة الاسعاف . والله اول مره اسمع واحد ادوه كف او واحده ادوها كف يشيلوها بسيارة اسعاف طيب لو اداها بنيه كان جابوا طيارة اسعاف ويمكن كمان يستدعوا الدفاع المدني والشرطة العسكرية. والله مهازل يا صحافة السخف والانحطاط . :lool: :lool: :lool:

        الرد
      5. 5

        الإنسان لن يتصرف بهذه الطريقة إلا إذا كانت هناك خطوط مسموح بها ووصلت إلى هذه الدرجة من التصرف بدون حرج مثلا أن تكون هذه المكفوتة اختك أو (زوجتك بين قوسين) وفي هذه الحالة اعتقد والله أعلم ان هناك علاقة بين هذا الشاب وصاحبة الملطومة على خدها لأنني كما ذكرت هذا الشاب يعتبر نفسه ولي عليها وأنا ملكه ويتصرف كما انه صاحب البيت أو زوجها حاليا أو في المستقبل وهذا حال الجامعات ما في بنت إلا ولها صديقها وحبيبها، وما في شاب إلا ولله كرضمية ألف حبيبة وحبيبة مغشوشة وفي النهاية تسلية وتضيييع وقت مع بنات الناس وكلنا درستنا في الجامعات ونعرف هذه الأشياء.. لذلك على الوالد الذي يمتطي الاسعاف ويظهر وكأنه في أحد الدول الأوروبية وأنا اعلامي يا ناس يا هوووو صوروني ودثروني وزملوني أن يعرف ما هو الخط الذي سمح لهذا الشخص بكفت ابنته كما يفعل هو مع ابنته وزوجته.. وسلامات يا حضارة ويا ثقافة ويا سودانا الجديد..
        ومع المعذرة يا موقع النيلين هذا ليس بمستواك في نقل هذه الأخبار التي لا تليق بنا نحن كسودانييين وبلاش نزود المحلب.

        الرد
      6. 6

        حنكشه شديدة كف ده ولا داقشك للوري ؟ ولا يكون اداها كف بي رجلو :confused:

        الرد
      7. 7

        يا جماعة أنا عندي سؤال للسيد رئيس الجمهورية والسيد وزير التعليم العالي هل نحن

        محتلجين لهذا العدد الكبير من البنات في الجامعات ؟؟؟؟؟

        الرد
      8. 8

        ربنا يستر من الجاى

        الرد
      9. 9

        الغريبة المواضيع الهادفه الفى الموقع مابلقى زول واحد معلق عليها:mad: 😡 😡

        الرد
      10. 10

        😡 ههههههههههههههههههههههههههههههههههههههههههههههههه

        الرد
      11. 11

        يجب ان يختشي هذا الاب هذا الكف يعني ان هنالك خلل ما. علي الاب المحترم ان يراجع اسلوب تربيته لبنته. الشئ الآخر مالذي جمع الكبريت والبنزين؟ الشئ الاخير عليكم بمتابعة فلذات اكبادكم لان الزمن صار مختلف والسودانيين ولا استثني نفسي واهلي بدأوا يتنازلون عن بعض المبادئ. الرجاء لاتتسرعوا في الحكم فهم ابناءنا وبناتنا. لكم المحبه والتقدبر

        الرد
      12. 12

        هذا هو حقها الطبيعي تسلك الطرق المناسبة التي بتشوف انها مناسبة عشان ترجع حقوها وعشان كمان الناس تتعلم انها ماتتعدى على غيرها بالطريقة السافرة دي

        الرد
      13. 13

        الجامعات مشاكها كثيره وخاصه البنات والاولاد أمشو ا شوفو مجمع المايقوما

        وأسلوا الدكتور الجيمعابي يوميا عنده مواليد يكونوا في الشوارع من الجامعات

        ومن العلاقات السئيه نناشد الجميع التربيه التربيه التربيه الاسلاميه للابناء

        ونسأل الله الستر في الدنيا والاخره

        الرد
      14. 14

        اولا انا استنكر هذا السلوك المشين وارجو ان ياخد القانون مجراهو وان يحاكم الطالب محاكمة عادلة على ان لايتم فصله … ثانيا يا أبو اواب انتا بالمناسبة انسان جاهل …. الرسول عليه الصلاة والسلام قال : اطلبوا العلم ولو في الصين وطلب العلم فريضة ع كل مسلم انتا بدل ما تشجع ع التعليم تشجع ع الامية والله ما يكتر من امثالك البفكرو زيك كدا

        الرد
      15. 15

        يا اخونا فهمونا الكف الحااااااااااااااااار دا في شنو؟;(

        الرد
      16. 16

        الموضوع عادى جدا وما تكبروه وخلوا الشمارات يا ناس الوطن واوعكم من الجندره,واعتبروا هذا الشاب اخوها الكبير او اخوها الصغير الحمش اوحتى زوج المستقبل انتو ما ملاحظين انها قالت المناقشة كانت عادييييييييييةاحتمال برضو تكون الكف عاديه وانشاء تكون بنت انور الزبير رجل المنابر سابقا وصاحب السبحة واللالوبة حاليا فى هذه الحالة يكون المضوع انتهى ولا شنو يا شيخنا ؟

        الرد
      17. 17

        البت يمكن غلطت وعداها زى اختو وقام ضربا من شدة زعلتو

        الرد
      18. 18

        يكفتا الهم….. و يكفت أبوها المتحنفش دا… هسى كم اتنين اتلابعوا عدييييييييييييل كدة و جابوا الدم … الصوروم منو ؟ ولا اخد خبروم ؟ شوفو ليكم موضوع ياخ !!

        الرد
      19. 19

        أسى الخبر دة والهيلمانة بتاعة مداخلات الناس كلها ومافى توضيح انو السبب شنو الخلا الطالب يضرب البنت دة لكن عموما ماممكن الطالب يعمل كدة ما لم يكون فى سبب قوى يتعلق بسوء سلوك وقلة أدب

        الرد
      20. 20

        يا ود البلة اشكرك على ثقتك الزائدة في اخواتنا.. لكن للأسف إذا لم تكن كل البنات لهن أصدقاء وحبايب (ناهيك عن الزواج العرفي) وادخل وشوف انت بنفسك أقرب جامعة حكومية وليست أهلية (الأهلية وشرق النيل وكلية التقانة) وبقية الجامعات المتحنكشة، ادخل جامعة النيلين (جامعة أهلنا الغبش) أو جامعة الخرطوم وشوف بنفسك فقط.. ولا تعليق.
        وربنا يحفظ بناتنا من الشفاتة ويسترهن، وأحب أقول لك في شباب متخصصين لاخواتنا المسلمات المؤمنات والملتزمات بالزي الإسلامي.. يترك أي بيت ماشه على حل شعرها ويتحدى البنات اللاتي يلبسن الزي الإسلامي.. ونقول يا رب.

        الرد
      21. 21

        اولا الرجاء احترام القارئ لكل خبر ولازم نضع في الاعتبار انه يكون خبر مكتمل شنو يعني الهيلمانة العاملنها دي انا عارفة الكف احيانا قد يكون سبب لعاهة مستديمة لكن شايفة الخبر ركز على والد الطالبة اكثر من الموضوع الاساسي وهو موضوع العنف المرفوض تماما ————- ثانيا رسالة للجميع اياكم وظن السؤ دي اعراض ناس والكلام ليك يا ابو مؤمن ————-

        الرد
      22. 22

        ناس يموت من الجوع ما فى خبر ناس تموت من الحروبات قبلية وصراعات سياسية و مافى خبر واخيرا مانجده فى صحافتنا خبر عن كف عيب والله

        الرد
      23. 23

        بما انى عايش خارج الوطن ولا اعلم بوجود كليه او جامعه بهذا الاسم (كمبيوترمان ) ومن عنوان الخبر .طالب يصفع زميلته بكمبيوترمان . اعتقدت ان الطالب صفع زميلته بجهاز كمبيوتر من النوع الثقيل (مان) برميه على وجهها مما استدعى تدخل الشرطه والاسعاف والصحافه .

        الرد
      24. 24

        والله خايف اوكامبوا يسمع الخبار ده يعتبره اباده جماعيه وجرائم حرب ضد الطالبات ويطالب بحصار السودان وقوات عسكريه في كمبيوتر مان عشان كده احسن يحلوا المشكله وديا منعا للتدخل الاجنبي

        الرد
      25. 25

        لا اخص شرف ولا اقذف ببنت ناس لكن من العيب ضرب الفتاة بكل صراحة ممكن اتشابك مع اسد لكن فتاة لا اقدر المهم في الامر هذا الشاب اخطا لا من باب الفتنة لكن هذه البنت لو مشهود لها بسور الجامعه بالاحترام لازم عميد الكلية يحدد ذلك ولا تهاون هذا مظهر غير لائق بالجامعه وخصوصا سودانية هنالك بنات والله تخجل وتخاف عليهم لماذا لا نجد بنات قويات الشخصية انا بكل صراحة الوم هذا الشاب والوم ولي امر هذه الفتاة لازم يفصلوا هذه القضية بمحاسبة رادعه ونسال الله لا تكون هنالك علاقه غير شرعيه هل هؤلاء الجيل الذي سوف يعتمد عليه في قيادة السودان مستقبلا ارحمونا والله مستقبل يخوف شباب وبنات صايعات يخرب بيوتكم انا بحب البنت الشخصيتها قوية وتصرف هذا الشاب تصرف غباء عاجز عن الرد —— البنات والشباب ظلوا يبرمجو من قبل السياسيين يحرقو الجماعات قبل فترة ضرب وحرق مدير جامعه ليه كل هذا التلاعب

        الرد
      26. 26

        والله اجمل ما فى الخبر التعليقات انا موجود فى اقصى الدنيا واتصفح الانترنيت عشان اتلمس خطى اهلى بلدى وبكل امانة توجد تعليقات تجعل الواحد ينفجر من الضحك وانا اتابع هذه التعليقات فى مكتبى الخاص بين جدران الشقة وصوتى يعلو من الضحك
        لكم كل الود
        صلاح الدين موسى

        الرد
      27. 27

        على حسب مجريات الحدث البنت غلطانه والدليل على ذلك ان الصفعه لا تستدعي الاسعاف و الحجم ده كله ولذلك كبرت الموضوع لتلهي عن الموضوع . ولا يا اخوانا رايكم شنو فى الموضوع .

        الرد
      28. 28

        دي كف دخلا المستشفي لو بنيه كان مشت المغابر
        خلاص الاخبار كملت يناس النيلين
        حتي لوكانت سماح انور الممثلة خبر ذي ده مابهمنا:mad:

        الرد
      29. 29

        الي ولي أمر الطالبة
        1-عليك ابعاد الاعلام عن هذه القضية
        2-لايمكن لهذا الطالب صفع ابنتك الا وبينهم رابط قوي وبنتك استفزته
        3-والعلم عند الله هم متزوجون زواج عرفي
        4-عليك الضغط علي بنتك حتي تعلم الحقيقة قبل ان تفاجئ في المحكمة (مع هذا الطالب قسيمة زواج وعندئذا لا ينفع الندم:lool: 😉

        الرد
      30. 30

        انا ما مستغرب انو طالب يصفع طالبة لانو الطلبة عدمو الاخلاق الا من رحم ربى لكن المستغرب ليه انو الخبر يصل الجرايد واسعاف ومستشفى؟؟؟:mad: :confused: بصراحة ديل الا يكونو بيدورو الشهرة والاضواء بس يعنى لو كانت شكلة عديل كانو عملو شنو؟

        الرد
      31. 31

        الغيبة في الموضوع (الأسعاف) اصلو دي ضربا وارقو؟

        الرد
      32. 32

        دي قلة ادب شفع كيف كف والله والله لو عندها اخو راجل صاح يعمل عاهة للولد ده

        الرد
      33. 33

        اصلو ضربه شيطان …. اسعاف و3

        الرد
      34. 34

        مهزلة واللـــــــــــــــــــــــــــــــــــــــــــــــــــــــــــــــــــــــــه
        😡 😡 😡 😡 😡 😡 😡 😡 😡 😡 😡 😡 😡 😡 😡
        الناس مالاقية تاكل وتشرب ماجايبين خبرها كف من كمبيوتر مان يهز النت والاغرب عربية الاسعاف محن والله:eek: 😮 😮 😮

        الرد
      35. 35

        :confused: :confused: 😮 الكف شنو اصلو ضربتا قلاب مان مفروض اخونا يحترم حق الزماله ولا شنو

        الرد
      36. 36

        حليل أخوان البنات
        زمان كان الواحد يدافع عن البنات بعمره لو دعى الأمر
        الزمن دا بقى عرض العضلات على البنات وفرض الرجول أي كانت الأسباب فالرجل رجل يترفع عن ضرب النساء ..
        عييييييييييييييب عديل ولا دا زمن ما فيهو عيب
        اللهم لطفك

        الرد
      37. 37

        حغول حاجة وحدة 0البحترم نفسة بحترمة الناس 0لوهى ماشى تغرا ومحترما نفسها واهلها واللة الشيطان ما بغرب منها مش الطالب 0ومافى داعى للفخر انو ابوى عمرو ملضربنى انا بشكر ابوى لانو وانا صغير كان بضربنى عشان يعلمنى الصح والغلط وطبعا مافى زول برضى لاختو الحصل دا 0naderdave@hotmail.com

        الرد
      38. 38

        غلطان الطالب اسلوبو ماحضارى والمرأة بطبعها حساسة ومابتستحمل العنف ويستاهل يفصلو من الجامعة

        الرد
      39. 39

        😡 😡 😡 بالتأكيد غلطانه ومستحيل اي راجل اضرب بنت كف مالم تستفزه والبنات بي طبعهم استفزازيين .والود ده حمش انا مبسوط منه خالص اصله البنات ما امشوا الا كده .ثم ثانيا اسعاف شنو ده ضربا دابي هي والمفروض ابوها استعدلها بي كف تاني عشان تبطل امور الحنكشه دي قال كف واسعاف عشنا وشوفنا زمن غريب

        الرد
      40. 40

        يا جماعة الخير ما تكبرو الموضوع ساي ممكن يكونو مشو يفطرو وقام هو دفع عشان ما عندها فكه وبعد ما طلعو من الكافتريا قال ليها اديني قروششششششششششششششششششششي قامت قامت قالت ليهو ما عندك عندي قروش قام طاااااااااااااااااااااااااااااااااااااااااااااااااااااااااااااااااااااااااااااااخ اداها في حنانا لكن ده ما معقول يكون :lool: :lool:

        الرد
      41. 41

        يعنى الزول لازم يكون مشهور عشان كدا نشرتوها

        الرد
      42. 42

        ضرب البت يدل على نقص الرجوله واهتزاز الشخصيه والانثى معروفه بقلة العقل وقوة العاطفة والاحاسيس والطبيعي انو الراجل مخو اكبر من مخ المراه وضبط النفس عندو اكتر من المراه و الزول مابرضى الكلام دي لي اخواتو.

        الرد
      43. 43

        الطالب اكون مسطول اولاد الما ن دى كلم مساطيل والبنات بتاعين حبوب زايد الضغط الاكاديمي احصل اكتر زى الطالب الضرب زميلتو بالمسدس برضو من كمبيوترمان دى بالمناسبة العبدللة من قداما المحاربين فى المان دى او(غوانتنامو):cool:

        الرد
      44. 44

        انا استغرب جدا لكل هذا الاهتمام بى موضوع شخصى مثل هذا و ما علاقة مستشفى الاانف و الاذن و الحنجره بى ضرب الكف

        الرد
      45. 45

        اسعاف الزمن دا بقى اى كلام للهينة والقاسية مدور صفارتو وحايم فينا

        الرد
      46. 46

        لو كان ابوها صفعها في البيت ما كان اخدت الصفعة في الجامعة

        الرد
      47. 47

        والله ياجماعة لو كنت في محل ابوها دا إلا أعرسها ليهو عشان ضكران واكيد شافها في غلط عشان كدا اخدتهو الغيرة ودا راجل تمام

        الرد
      48. 48

        ابو مؤمن لك التحية انت خطيت النقط في الحروف والله كلامك صح 100% مافيهو اي لبس

        الرد
      49. 49

        والله مبسوط منك ياولد ياحمش … ولو غلطت عليك تاني اديها كف رااااااااااااجل والله …( ) 😮

        الرد
      50. 50

        أول يوم اهتم بقراءة هذا الخبر ولقيت الكف أهون من كشف الحال والتعليقات الظنانة دي

        الرد
      51. 51

        والله الواحد بقى مستاء جدا من الحاصل فى الجامعات وفى الشارع عموما دا كله راجع لى سوء التربيه لاراجل قادر اربى بنته لا والد قادر اربى ولده الاتنين غلطانين وماكان فى داعى يكبرو الموضوع لانه دا ما من شيم انو الراجل اضرب حرمه والبنت ما من شيمها تعلى صوتها على راجل وفي النهاية الكلام دة كلو ما صاح وبرجح انو التربية الصحيحة من البيت هي البتصلح المجتمع…

        الرد
      52. 52

        ياجماعة مالكم مستغربين الاسعاف ومستشفي الاذان والحنجرة…….دي طالبة في كمبيوتر مان عدييييييييييييييييييل , انتو ماحصل شفتو طالبات كمبيوتر مان ولا شنو؟؟
        انا شفتهن اوصفهن ليكم؟؟؟؟؟؟؟؟؟؟؟
        ودي تصرفات طبيعية جداً ……….. واكيد ما كان في زمن ولا كان جابو منظمة الصحة العالمية عشان تشرف علي الكف دا

        الرد
      53. 53

        نداء الى كل الأخوه العباقرة…

        بالله عليكم انتو فهمتو شنو من القصة دي عشان التنظير دا كلو ..

        لكن مهما حصل ما من حق الطالب انو يمد يدو عليها. 😡

        الرد
      54. 54

        الواحد قاعد في السودان ده يشوف البعاتي نهار زمان امهاتنا وكت زوجوا ليهم الواحده ما بتشوف زوجها الا باليل لكن شوف الزمن ده لو مجكسه ساكت تجيك في اليوم مليون مره والود ده ليهو حق يضرب لو ما في حاجه مقرفه وصلتو الحد ده ما كان عمل والله يستر اخوات نسيبهو…………………………………………………………..

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.