كوش نيوز .. أخبار السودان بين يديك

زاهر بخيت الفكى : أهتف معاى…ما أجملك..!!



شارك الموضوع :
[JUSTIFY]أهتف معاي..
ما أجمــلك ..
ما أروعك ..
رغم المصائب والمحن..
رغم الكلام ..
القالوه فيك..
ما زلت يا السودان وطن..
شاسع وسيع..
شامخ بديع..
يسع الجميع..
فيك الشباب الرائعين..
الشايلين..
هم عزتك..
إعجابنا بيك..
ما فيهو شك..
وبلا حدود..
وطن الجدود..
عاجزين..
نرد ليك الجميل..
نوفيها يا بلدي العهود..
متشكرين..
دعواتنا ليك ..
ترجع تعود..
المولى يرفع ذكرتك..
يكفيك شر الطامعين..
الحاسدين..
الفاسـدين..
المفسدين..
الشالوا قطنك وثروتك..
باعوها أيضاً سكتك..
انصاعوا تابعوا للعين..
كانوا السبب ..
في فتنتك..
مولايَ يا رب يا مُعين..
احفظ شبابنا..الصامدين..
القابضـين..
على جمرتك..
هم يا وطن..
نورنا اليشع.. وسط الظلام..
يهدي الحيارى.. الضائعين..
الضالعين..
في نكبتك..
أسباب شتاتك وفرقتك..
أحمينا منهم يا كريم..
أحفظنا..
أحفظ نعمتك..

صحيفة الجريدة
ت.إ[/JUSTIFY]

شارك الموضوع :

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.