ديوان الضرائب يفنّد تصريحات سميرة دنيا

بالله يا ناس الضرائب في واحد صوتو مبحوح وفيهو حشرجة بس ما عارفها منو واللا من المكرفون وهو عامل فيها فنان كبير ، بالله لو اتلحتوهو لينا عشان يعتزل يكون بارك الله فيكم وفيهو 😎 😎 😎

ده شنو الدهديد ده اصلو ده ديوان ضرائب ولا عصابة مافيا

تشربي ولا نكسر قرنك ؟؟؟
لك الله يا سميرة
في واحد ولدو بلع قرش معدني فحاولوا معه المستحيل فلم يخرج واعترض في حلقه حتى كاد ان يهلكه فاتاهم عابر سبيل فسألهم مابال هذا الولد فقالوا له ابتلع عملة معدنية فما كان من هذا الشخص الا ان رفع الولد وهزه وقلبه يمينا وشمالا فما لبث القرش ان وقع على الارض فقالوا له واللة انت طبيب ماهر جدا فاجابهم انا لست طبيبا فان موظف بالضرائب !!!
هؤلاء القوم لا فكاك منهم الا الاعتزال ولكن الجمهور يحتاجك ولا داعي للعقوبات الجماعية وناس الضرائب (اريتهم بالضريب) كما قالت احداهن !!1

هو الغنا فيهو ضرايب
والله معلمين لكن
الخوف من الحياه سايييييي في الدنيا دي يكون فيها ضرايب تاني
الله يستر

ليس دفاعا عن سميرة دنيا او غيرها
الضرائب في كل انحاء العالم بتاخد من العندو وتعطي الماعندو الا في السودان الضرائب ما بتشيل الا من الغلابة ستات الشاي وحاجات الفول وغيرهم من الطبقات المحتاجة مساعدة اما الغيلان الكبيرة هذه لا احد بيمسها بل تمنح وتمنح
يجب ان تكون الضرائب عادلة وتؤخذ من الاغنياء عشان تمنح للفقراء
ولاتمنح للجييش السوداني الذي مازال يقل اهله منذ الاستقلال الى الان ويصف بالجيش الباضل وقوات الشعب المسلحة

رحمة بنا ساعدوا الفقراء الحقيقيين

انا ما عندي قضية بسميره ولا غيره
الموضوع الغايزني الزول البتكلم عن الوازع الوطني ده زول كذاب
ناس الضرائب وناس الجمارك وناس المرور قاعدين من زمن حفروا البحر ما همهم الوطن لكن لما اصبح عندهم نسبة من التحصيل قاموا علي الناس قلع وختف بدون حق بس الواحد هموا يكبر الارادات بتاعتوا عشان تكبر النسبة بتاعتوا لا وطن ولا غيروا وده كلوا زايد المرتب الشهري اتخيل الواحد يصرف نسبة الجباية 3 اضعاف المرتب بتاعوا ده وطن شنوا (الله في)

الشئ المعمول به في السودان لا يمكن أن يسمي ضرائب بأي حال من الآحوال
لاننا بكل بساطة لا نري ما ندفعه من ضرائب في صورة خدمات تقدم للمواطنين
من شوارع – مستشفيات – تعليم – أي أننا نقوم بدفع الضرائب و هي تذهب
زيادة مرتبات للذين يقومون بالجباية
و أقترح تسميتها باأي أسم اخر غي الضرائب لاننا لانجني منها شئ
محسوس في حياة المواطنين المغلوبين علي أمره