أهلاً بطلة عام جديد
أهلاً بطلة عام جديد
لو جايي بالإملاق
أو جايي بالإشراق
تلقاني فى الأحداق
شايل وطن عملاق
ماسك قلم حراق
لا زانى لا سراق
مرات يكون اعصار
مرات كلامو دقاق
*****
ما بعت حبرو رخيص
ولا حتى بالغالي
ما خفت من بوليص
أو من نشاف حالي
وحضنت حريتي..
قات ليا ما تبالي
شنقت طاقيتى
وسدرت طوالي
حاشاى اخونو
حبيب اتبدلت حالو
أو أبقى منو قريب
البايع آمالو
أنا مابخاف غيرالله.. الواحد الديان
مابرضى أى مذلة.. للرايع السودان
بعمل قليبى مظلة.. لحبايبى والاخوان
تلقانى آخُد طله.. دايماً على الاحزان
لكنى ما بتخله.. وأصبح أناني جبان
إيه يعني عايز تعمل
أسجني كان سجان
إيه يعني باكر بحصل
بس غيرو القضبان
السجن عايش فيهو .. كان حجمو مليون ميل
اغلالي زادن فيهو عِز الصباح والليل
دمع الغلابة سجن..
مرات أجد بعاتي
وأقوم احاصرو عديل
رهق التعابى سجن
مرات الاقي العاتي
واصارعو مهدود حيل
ظلم الرّعايا سجن
القى الهموم يوماتي
و أنا بين رحيل ورحيل
جوع الولايا سجن
تخذلني دمعاتي
والقلب هو المنديل
ضحك الجماعة سجن
وموت الجماعة عرس
ما تبكي ما كا وليد
ما تشكي ماكا بليد
شوف الحلول فكر
تتحله ياما مسايل
قاوم الهموم قدّر
تعمل براكا عمايل
ومعاك شباب أخضر
بعمل معاكا هوايل
وماسك قلم حراق
لا زاني لا سراق
مرات يكون إعصار
مرات كلامو دُقاق
الصباح..رباح – صحيفة آخر لحظة
[/JUSTIFY]ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة