نواب برلمانيون : حجاج الولايات يجهلون الأكل من البوفيه المفتوح

اوﻻ اكل الحجيج كان سئ للغاية مافى كﻻم واﻻسوأ منه محاولة اقناع الناس بحكاية البوفيه المفتوح الوهمية الطالعين لينا فيها دى .. والحجاج ديل دافعين مبلغ اكثر من الف ريال للطعام يعنى بطالبوا بحقوقهم وعايزين يعرفوا مشت ويييين ؟؟!! يعنى بالعربى كدا ما شاحدين منكم .. وبعدين انتوا كنتوا وين وقتها جايين تستهتروا هسى ( البوفيه ما واقع ليهم وبخموا ساى وموية زمزم بتشبعهم !!! ) عليكم الله دا اسلوب مسؤولين دا ؟! فعﻻ ان لم تستح افعل ما تشاء …ياناس افهموا الحج مرهق يعنى المفروض الاكل المقدم للحجيج يكون مغذى ويمدهم بالطاقة ياغجر .. وياريت تشوفوا لينا مشاكل الفساد اللى ازكم اﻻنوف بدل لبان النظام القاعدين تلوكوا فيو دا

[SIZE=4]اتقوا الله يا من تدعون انكم تمثلون صوت الشعب.لو تطوع اي واحد منكم وسأل اي حاج عن موضوع الاطعام لاخبركم بما يندى له الجبين.ولمن يقول ان الحج ليس سياحة ولابدمن المشقة فيه نقول لهم هؤلاء الحجاج لم يطلبوا الا طعامهم الذي دفعوا ثمنه مسبقا.ام تراكم تريدون ان تجعلوه وقفا كما فرضتم قبل عدة اعوام ما يسمي رسوم الوقف.
افعلوا ما تشأون فالديان لايموت.ولايصحبكم بعد الموت ماكنزتم الاوزره[/SIZE]

مسلسل الاستهزاء ….. ناس دافعين مقدم المشكلة شنو . يخلو … في النهاية الحجاج ما بعرفو ياكلو بخمو …. الله غالب

يا عائشه اسحاق الناس ديل اخدوا حق الاكل منهم وتقولي يشربو موية زمزم المويه ده في بالهم من البلد يا سيتي في ناس للساعه 2 ما فطروا وتقولوا ما عندهم ثقافة بوفيهات انتوا عرفتوا البوفيهات وين قاعدين في البرلمان عشان تجيبوا حق المساكيين ديل تقوموا تستفزوهم ما مثقفين ما كل ناس الخرطوم اصلا” من الاقاليم خلاص بقيتو مثقفين والحجاج غير مثقفين اتقوا الله في اخونكم وبلاش كسير تلج .

انتو لسسسسسه بتنقنقوا في الموضوع دا ؟!!! ياخ الحج الجاي قرب
اقعدوا نقنقوا كدا لغايه ما الحج التاني يجي ويفوتكم !

حسبنا الله ونعم الوكيل
أولا: حجاج الولايات مابعرفوا ثقافة البوفية والله قمة الاستهتار هل ياتري البرلمانيون هم من القمر ولا شنو إليس هم من الولايات .
ثانيا:الحجاجب الولايات ليس جهلا منهم بثقافة البوفيه حسب قول السادة البرلمانيون لان الولايات لاتقل شأنا من خرطومكم ولكن سوء مايقدم بالبوفيه هو الذي حال بينهم والبوفية
خضرة – موية سلطة – عشيش الريف مسلوق. الله يرحم البوفيه .
ورونا أيها البرلمانيون مكونات بوفيهاتكم خلونا من ضيوف الرحمن لهم رب يكرمهم