أبو تراوري أوعه يكون سافر !!
> ايها الناس
> الوضع يتطلب عقلانيه لا انفعال
> نعم احبطتنا النتيجه في دار جعل
> ونعم انهزمنا قبلها بدارنا امام السلاطين
> ونعم خسرنا بالتعادل امام اهلي الخرطوم
> ولكن كيف كان موقفنا في تلك المباريات ؟؟؟
> بالتأكيد المتتبع للمباريات المعنيه
> يقسم ان النتيجه العادله لمباراة الاهلي كانت فوز المريخ بعشارية.
> والنتيجه العادله لمباراة السلاطين فوز المريخ بثمانية
> ونتيجة شندي فوز المريخ علي الاقل برباعيه
> ولكن لماذا حدث هذا؟
> جمال عبد الناصر في عام النكسة
> كانت لا تنقصه روح ولا يفارقه طموح
> فقط كسر الروس شوكته بالسلاح الفاسد
> وفي ساعة الصفر اكتشف القائد جمال عبد الناصر ذلك العيب في اسلحته التي كان يعتمد عليها في الحرب
> نحن كذلك
> اسلحتنا للمعارك هي لاعبونا
> وبعض الاداريين في القطاع
> وعدو امتنا قبل الخصوم هو التحكيم
> في مباراة الاهلي الخرطوم
> معتز التمشيطية مشطها وصرف ضربة جزاء كانت ستعلن عن الهدف الثالث.
> الذي بدوره يعلن عن موت الاهلي في معركتنا
> وفي مباراة السلاطين اوقفت الرايات اي طلعات هجوميه لنا
> بل وكالعاده صهين التحكيم الذي يتضامن ضدنا مع التنجيم
> صهين عن اكثر من ضربة جزاء
> فضربات الجزاء حرام للمريخ
> بالذات اذا ارتكبت ضد بكري
> لا لشيء
> سوى المشاركة في حملة تحطيم بكري
> فتارة ينذرونه دون سبب في بداية المباراة
> ليحجموا اداءه كما حدث امام مريخ كوستي
> ومرات عديدة يسكتون علي حملة الاباده التي يتعرض اليها ميدانياً
> ويحرمون احتساب اي ركلة جزاء ترتكب مع بكري
> ايها الناس
> بكري مهاجم مزعج
> وبقوم بادواره كامله
> العليهو بعملو والولاده من الله
> لكن ما بقصر
> ايها الناس
> الذين يتآمرون لن يحطموا المدينه ولكنهم قطعا سيعلنون شرارة احراق المدينه
> وحتي لا تحترق المدينه
> على الذين يخطئون ولا يظلمون حسب زعمهم
> ان يوقفوا الاخطاء «المانيوال» دي
> لأن العاقبه بالتأكيد لن تكون عندهم في المسرات
> العاقبة ستكون عقابا كبيرا لا ينفع عنده الندم ولا يشفع فيه انسان
> المهم
> نعود لموضوع الاسلحة
> في الميدان لدينا مدفع اسمه تراوري
> المدفع ده عطلان
> لا شغال ولا بشتغل
> وقلناها كثيرا
> الزول ده لن يفيد المريخ في شيء
> لين وهين وبين
> اناني ومستهتر ومتطنقع
> والذين يدافعون عنه يقولون انه موهوب بدليل انه لعب في اربع سنين لسته فرق من ضمنها الترجي
> صحيح انه لعب
> ولكن وجه العملة الآخر يقول طالما في اربعه سنين استغنت عنه ست فرق من بينها الترجي
> يبقي لا رجاء في هذا التراوري
> الزول ده ابوهو ان شاء الله ما يكون سافر
> حقوا يرافق ابوهو احتراماً و برا به
> ويقعد معاهو هناك
> هنا ما بنفعنا ابدا
> وتراوري من اسلحة الروس التي خدعوا بها جمال
> جمال عبد الناصر
> المهم
> نتحدث عن تراوري بهذه الصفات لاننا نفتقد لصفات ايداهور
> اليوم ذكري الرحيل
> لو استنساخ مفروض تتكرر يا رجل
> ايها الناس
> الروس عندنا كتاااار شديد
> روس القطاع والدائره
> وللأسف القيادة تثق بهم شديد
> وسنوياً يخدعون القيادة بالاسلحه الفاشله
> وهم الآن من يصنعون الحرب البارده علي عبد الصمد
> لان عبد الصمد يري انه دخل المجلس من اجل الروس
> ومن اجل التيوس
> ومن اجل تخصيص ما للمريخ للمريخ
> بدون كومشنات وبدون كباري وبدون سمسره وبدون جمجره ولا شمشره
> وحكي لي لاعب كيف ان جمجمارا اقتطع منه مائة مليون سمسرة وشمشرة واسكات جمجرة
> المهم
> المريخ لا يهزمه الا المريخ
> ولن نترك صالح المريخ يبتعد من اجل بقاء طالح المريخ
> وكشف المحظورات والمستورات بالبينات القويه هو المخرج الوحيد
> ايها الناس
> المريخ لا يقارن باي فريق في البلد دي
> وتعرفوا جيدا ان الاهلة لا يعترفون بجمال في المريخ مهما بهر ذلك الحال العالم كلو
> نكروا سيكافات التي تمنعت عليهم
> وبخسوا مانديلا الذي يدركون تماماً انه حلم حياتهم
> وعلى الرغم من كل ذلك
> اعترف اكثرهم اثقالا على المريخ
> خالد ثقالات
> اعترف علنا بالفارق الكبير بين المريخ والهلال فنيا
> وقال الهلال لو مالحق روحو
> حايبقي ميزان القوة آحادي الكفه
> يعني بوضوح المريخ امريكا وابو الهل الروس
> والروس الروس حباب التيوس كانت نغمة العزله في دافوري زمان
> ايها الناس
> لا يقارن المريخ فنيا بكانوتيه وكمونيه
> ولا غرزه بالنقرين
> ولا جيمي باي زول
> وحتي القط الكميروني الذي فخروا به
> طلع كديس سااااي
> حيرت الجداد يا مكسيم
> ايها الناس
> الدوري ملحوق
> لان الكلمة فيه للتحكيم لا للبستحق
> ولاننا لن نسمح لها ان تكون كذلك
> قادرين علي اخراس صوت الذين يظلمون ولا يخطئون
> تاني لو قالوا ليهم اخطئوا ما بخطئوا
> اما افريقيا
> بمقدورنا المضي بعيدا في البطوله
> بالذات بعد ترميم النواقص في التكميليه
> من اسي هداف وليس مهاجم في مكان تراوري
> تراوري لازم يخدم ابوهو هناك
> والباقي غرزه عارفو
> ايها الناس
> فريق عندو خمسطاشر نقطه
> اطناشر منها اتي بها التحكيم الذي يخطئ ولا يظلم
> تلاته نقاط في كورة النسور
> اخطأ التحكيم في الآتي
> اتنين ضربات جزاء اوضح من الشمس وحالة طرد في الدقيقه تمنيه
> تلاته في كورة الميرغني
> ضربة جزاء للميرغني في اول المباراه
> والغاء هدف صحيح في الشوط التاني
> وتلاته في الابيض
> فلو لا رعونة مقدم وحظه العاثر لما احتاج الامر لضربة الجزاء التي صرفها قاضي الجوله خطأ ما قاصد
> باختصار
> لا يستحق الهلال الا نقاط كادوقلي
> وكلنا اليوم في انتظار رضا تحكيميا
> الليلة رضا الا يكلمنا عن المدائح
> لو جاب كورة بفضح التحكيم
> ايها الناس
> لدينا مباراة دوريه لسه ما لعبناها
> بالتأكيد ستقلص الفارق لنقطتين
> قول التحكيم خدم الهلال لي نهاية الدوري
> السته نقاط بتاعاتنا بعمل فيها شنو ؟؟؟
> قلت ليكم الدوري ملحوق
> ايها الناس
> سمعنا بالزول الجابوهوا الناس واتفقوا معاهو بي تسعه مليون
> بعد خروج روح ادوهوا اتنين
> وبقي يحفر لينا
> الموضوع ده ما بنخليهو
> حانوصل حدو
> دي فوضي شديده
> وشرف الانتماء يفرض علينا ان نكشف للجمهور التفاصيل الدقيقة
> ابقوا معنا
> ايها الناس
> مباراة شندي لا تحبطكم
> اعتبروها
> فاصل ونواصل الانتصارات ان شاء الله
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> مراكز الخصوبه انتشرت فينا
> مالنا يا والينا ؟؟؟
> زمان ارض وعرض خصبين زينه في زينه
> اسي السماد مالينا
> وبرضك لا بننتج ولا بطمر السماد فينا
> دي المشكله
سلك كهربا
ننساك كيف واليوم ذكري رحيلك وتراوري قاااااعد
والي لقاء
سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة