منوعات

بالصور.. وفي حادثة فريدة من نوعها..قيادات بالدولة يودون الصلاة أعلي كوبري المنشية ويدعون بدوام سلامته


أظهرت صوراً تم تداولها حديثاً علي مواقع التواصل الاجتماعي بعض من قيادات الدولة وهم يودون الصلاة من أعلي كوبري المنشية بالعاصمة السودانية الخرطوم.

وذكر بعض النشطاء علي مواقع التواصل الاجتماعي أن بعض قيادات ولاية الخرطوم بقيادة الأستاذ محمد الشيخ مدني والمهندس صديق محمد علي الشيخ نائب والي ولاية الخرطوم كانوا حضوراً وقاموا بأداء الصلاة ودعوا بأن يديم الله سلامة هذا الكوبري والذي نأل حظه من النقد والسخرية علي خلفية الأحداث التي صاحبت انهيار جزء منه.

ولم يتثني لموقع النيلين التحقق من الشخصيات والقيادات الموجودين داخل هذه الصور التي تحصل عليها النيلين.

وتعتبر حادثة الصلاة من فوق هذا الجسر فريدة من نوعها إذ لم يحدث أن قام مسؤول بالصلاة من فوق جسر بالخرطوم.

 

 

11077914_831608480209653_1278991562_n

 

11079816_831608483542986_980538936_n

 

 

ياسين الشيخ _ الخرطوم

 

النيلين


‫11 تعليقات

  1. قمة النفاق والدجل الزول العاوز يتقرب لله لازم يحاسب المتسببين قمة الاستهتار او الجهل سيدنا عمر رضى الله عنه قال لو عثرت بغلة في العراق لسألني الله تعالى عنها لِمَ لم تمهد لها الطريق يا عمر . هذا كبري يعدي عليه الاف البشر والممتلكات . بكل وضوح اذا لم تحسن الدولة من طريقة الاداء والرقابه سنظل في هذا المنوال . لايوجد مهندس من قبل الدولة يحاسب ولا مقاول ولا استشاري طيب الكباري والطرق لو بيعمولها وقف او بر ما عاوزنها خليك من هي اموال دولة وتصرف وتهدر بدون رغيب ولا حسيب احترموا ادمية البشر كرامة البلد عقول الناس التي تتفرج علينا ناس تعمل متروا كباري على البحار نحن كبري طوله كله ما يتعدي نص او كيلو الطرق قبل صاحب البص ما يغير كفر البص الصلط يتقلع

  2. ببساطة شديدة لو كنت في زيارة لمكان ما و أدركتك الصلاة فسوف تصلي حيث كنت …..يعني الموضوع لا فية دجل و لا شعوذة و لا هي ظاهرة فريدة يا النيلين.

    شكرا

    1. قمة النفاق الدجل ….. هناك عشرات المساجد تبعد عن الكبري بضع امتار .. وامنها مسحد سيدة سنهوري
      ما حكاية زول ادركتو الصلاة … مئات المرات ادركتنا الصلاة ولم نصلي فوق الكبري .. كنا نتوجه لاقرب مسجد

      لم نسمع حتى الان ان الدولة حاسب انسان مقصر في ادائه …

    2. يا سيد يا من ادركته الصلاة , ومهتم بالصلاة ورضاء الله انت , اول حاجه حاسب المسولين , وعلي رئسهم عمر البشير وبعدين تعال ادعي , لكن ابشرك الدعاء لن يفيد في الامور هذه الدعاء لن يمنع كبري من الوقوع , لبقول ليك هم بيدعو عشان ينجو من المحاسبه ما الكبري يقع وما يقع , ولا قفلو كليات الهندسه , واقيف في اي محله واعو ربنا يقوم ليكم فيها كبري , اين الدعاء من قولة فمن يعمل مثقال زرة خيرا يري , ومن يعمل مثقال زرة شرا يري … واين المسوليه من الدعاء, واين حقوق الناس , واين الاخذ بالاسباب , واين اطلبو العلم , واين واين لو كان الموضوع دعاء كان ندعي ونكون احسن دولة وبالدعاء نجيب طيارات ونقفل العيادات ونتعالج بالدعاء ,, نحن شعب مومن وحياتنا ايمان , وعلمنا الله ان العامل اكثر اجرا من العابد ,

  3. ياجماعة التواصل الاجتماعى مافى داعى للسخرية والسطحية المسئولين ديل زمن الصلاة ادركهم فصلوا الموضوع بسيط وما محتاج للاعلام قدر دة ربنا يسمحكم

  4. ياناس الجماعه ديل كان مفروض يصوموا ويجيوا يفطروا ويصلوا صلاه المغرب ….ويتاكدوا انو بقايا الفطور ما تلم فيها الجقووور ..

  5. يعني الصلاة أدركتني و أنا في الكوبري أقوم أقفل المسار و أصلي في الشارع و أعطل مصالح الناس !
    اذا لم يكن نفاق ف هو استهتار بمصالج الناس و عدم مسؤولية.

  6. ههههههههههههاي
    قمة النفاق والدجل ياعالم ده شنو الجن والغبا ده

  7. يعني أدركتم الصلاة ..!!!! طيب صدقنا !!! جابو السجاجيد الخضراء دي من وين ؟؟؟؟ والزول الطالع بصور معاهم بالفيديو دا مؤجر من ياتو محل؟؟؟ والباقين القاعدين ديل واللافين والبتونسو بي ورا ديل ما مسلمين ولا صلوا جمع تقديم !!!! والزول الصورهم دا زاتو منو مالو مابصلي ؟؟؟؟ وناس المرور ديل ما قفلوها خلاص مالهم ما وقفوا صلوا ؟؟؟؟