داليا الياس

أم


ﻣﻦ ﺗﺒﻘﻲ ﺃﻡ.. ﻣﻌﻨﺎﻫﺎ ﺗﺒﻘﻲ ﺣﻨﺎﻥ ﻭﺩﻡ ﻭﻛﻠﻤﺎ ﺻﻐﻴﺮﻙ ﻳﺰﻳﺪ ﺳﻨﻴﻦ..

ﺗﺰﺩﺍﺩﻱ ﺍﻧﺘﻲ ﻛﻔﺎﺡ ﻭﻫﻢ..

ﺗﺘﺤﻤﻠﻲ ﺍﻷﺳﻲ ﻭﺍﻟﺠﺮﺍﺡ …

ﻭﺗﺘﻨﺎﺳﻲ ﺇﺣﺴﺎﺱ ﺍﻷﻟﻢ ﻣﺎ ﺇﻧﺘﻲ ﺃﻡ.. ﻣﻌﻨﺎﻫﺎ تضحية ﻭﺍﻟﺘﺰﺍﻡ …

ﻣﻌﻨﺎﻫﺎ ﻓﻴﻚ ﺩﺍﻳﻤﺎ ﻋﺸﻢ.. ﺗﺴﺘﻘﺒﻠﻲ ﺍﻟﻴﻮﻡ ﺑﺎﻟﺪﻋﺎﺀ..

ﻭﺗﻘﻮﻟﻲ ﺣﻲ ﻋﻠﻲ ﺍﻟﻔﻼﺡ..

ﺻﻠﻴﺘﻲ ﻓﺠﺮﻙ ﻓﻲ ﺧﺸﻮﻉ..

ﻭﺑﺪﻳﺘﻲ ﻳﻮﻣﻚ ﻓﻲ ﺇﻧﺸﺮﺍﺡ

ﺿﺎﻳﺮﺗﻲ.. ﻟﻤﻠﻤﺘﻲ ﺍﻟﻬﺪﻭﻡ ﻭﺩﻋﻴﺘﻲ ﺑﺎﻟﻬﺪﻱ ﻭﺍﻟﺼﻼﺡ..

ﺣﺼﻨﺘﻲ ﻧﺎﺱ ﺑﻴﺘﻚ ﺗﻤﺎﻡ.. ﻭﺳﺄﻟﺘﻲ ﻣﻦ الله

ﺍﻟﻨﺠﺎﺡ.

ﻣﺎ إﻧﺘﻲ ﺃﻡ

ﻣﻌﻨﺎﻫﺎ ﻣﻦ ﻗﻮﻣﺔ ﺍﻟﺼﺒﺎﺡ.. ﺑﺘﻮﺯﻋﻲ ﺍﻟﺤﺐ ﻓﻲ ﺍﻟﺪﺭﻭﺏ

ﻭﺗﻜﺒﻲ ﻣﻨﻮ ﻋﻠﻲ ﺍﻟﻤﻼﺡ

ﻣﺸﻐﻮلة ﺩﺍﻳﻤﺎ ﺑﺎﻟﻌﻴﺎﻝ

ﻣﻠﻴﺎنة ﺑﺎﻟﺮﺿﺎ ﻭﺍﻟﺴﻤﺎﺡ

ﻛﺴﺮﻭا ﺍﻟﺼﺤﻮﻥ؟

ﻣﺎ ﻣﺸﻜﻠة.

ﺩﻓﻘﻮ ﺍﻟﻌﺼﻴﺮ؟

ﻣﺎ مشكلة

ﻛﺒﻮا ﺍﻟﺘﺮﺍﺏ ﻓﻮﻕ ﺍﻟﻌﺠﻴﻦ؟

ﻣﺎ مشكلة

ﻗﻄﻌﻮا ﺍﻟﺤﺒﻞ ﻓﻴﻬﻮ ﺍﻟﻐﺴﻴﻞ؟

ﻣﺎ مشكلة

ﺑﺲ ﻣﺸﻜﻠﻪ ﻟﻮ ﻗﺢ ﻭﺍﺣﺪ ﻣﺮﺗﻴﻦ

ﻟﻮ ﺟﺎﺗﻮ ﺣﻤﻲ ﻋﻠﻲ ﺍﻟﺠﺒﻴﻦ

ﻟﻮ ﺩمعة ﺳﺎﻟﺖ ﻓﻲ ﺍﻟﻌﻴﻨﻴﻦ.

ﻣﺎ إﻧﺘﻲ ﺃﻡ

ﻣﻌﻨﺎﻫﺎ ﺗﺒﻘﻲ الحبة قبة

ﺗﻔﻘﺪﻱ ﺍﻟﻤﻨﻄﻖ ﺗﻔﻜﺮﻱ ﺑﺎلمحبة

ﺗﺒﻘﻲ ﻭﺍحة ﻣﻬﻤﺎ ﺗﻜﻮﻥ ﺍلدنيا صعبة..

ﻭﻳﻔﻀﻞ ﺻﻐﻴﺮﻙ ﻓﻲ ﻋﻴﻮﻧﻚ ﺯﻭﻝ ﺻﻐﻴﺮ.. ﻣﻬﻤﺎ ﻛﺒﺮ ﻋﻦ ﻃﻮﻗﻮ ﺷﺐ.

ﻗﻠﻘﻚ عليهو ﻣﺤﺎﻝ ﻳﺰﻭﻝ

ﺣﺒﻚ ﺭﺑﻴﻊ ﻛﻞ ﺍﻟﻔﺼﻮﻝ

ﻟﻐﺔ ﺍﻟﻘﻠﻮﺏ ﺗﻠﻐﻲ ﺍﻟﻌﻘﻮﻝ

ﺟﻮﺍﻙ ﺇﺣﺴﺎﺱ ﺧﻮﻑ ﻋﺠﻮﻝ

ﺃﺣﻼﻡ جميلة ﻭﺃﻣﻨﻴﺎﺕ.. ﺗﺘﻤﻨﻲ ﻣﻦ الله ﺍﻟﻘﺒﻮﻝ

ﻣﺎ إﻧﺘﻲ ﺃﻡ..

ﻭﻣﻦ ﺗﺒﻘﻲ ﺃﻡ ﻣﻌﻨﺎﻫﺎ ﺗﺒﻘﻲ ﺃﻫﻢ ﺯﻭﻝ.. ﻣﻌﻨﺎﻫﺎ إﻧﺘﻲ ﺃحن زول

تلويح:

كل عام وأمهاتنا الخير فى ثنايا الأيام.. ونحن في كل عام لا يكفينا كل العام للتعبير عن المحبة والامتنان.. دمتن أقمارنا على مر الزمان.