أنا القصرت فيك يُمة…..!!
جنة ربى يا يُمة ..تحت قدميك..
أريت ترضِي..
أسمع لى عفوياً تام..معاهوا رضاك..
عشان منى الكريم يرضى..
يرحمنى يا يُمة..
يغفر ليا كُل الفات..
كل هفواتى والزلات..
أجيك يا يُمة فى دار الخلود ألقاك..
تنعمى فى سِدِر مخضود..طلِح منضود..
حولِك حور..عالى قصور..كُلـِك نــور..
أنا القصرت فيك يُمة..
جيت الليلة كايسوا رضاك..
نسيت يا أمى كل الفات..
تسعة شهور..أنين مسموع..
أبكى أنا ولا من جوع..
عشان تصحى..
لا ملَيتى قط ..
يا يُمة لا كليتى..
تبكى معايا من ألمى ..من عينيك سائلة دموع..
تسألى الله يشفينى..
من محن الزمان ينجيك..
تكبر ليا..تبقى وزير..
عند مولانا ما قاسي ..أشوفك يا وليدى سفير..
تسوقنى معاك..
أطوف البيـت..أقيف فى حرموا أسأل..
سيدى الكريم يديك..
كل الدايروا شان يرضيك..
يقسِم ليك..
من فيضوا الوسيع يغنيك..
أموت مرتاحة فى قبرى..
عافية وراضية يا ولدى..
عشان سيدى يرضى عليك..
رحمة ربى تغشاك..يُمة..
أسأل ربى يغفر ليك..
أسأل ربى يغفر ليك..
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة