زواج سوداناس

بالصور: البصات العملاقة في طريقها الى الخرطوم


بص اكورديون2

شارك الموضوع :

وقف الدكتور عبد الرحمن الخضر والي الخرطوم، العاصمة السودانية على بداية شحن البصات كبيرة الحجم والتي يبلغ طولها 18 متر وتبلغ سعة البص 175 راكب
والمعروفة بالأكورديون، من دولة الصين الصديقة،

وياتي ذلك ضمن الحزم الحديثة لتوسعة شبكة مواصلات العاصمة السودانية والتي تشمل البصات متنوعة الأحجام وقطارات حديثة وتحديث قطاع التاكسي،بالإضافة لبصات نهرية،وقد شهدت الخرطوم في السنوات الماضية نمو مطرد في عدد الأحياء وزيادة كبيرة في عدد سكانها .
الخرطوم: معتصم السر

 

شارك الموضوع :

تعليقات الفيسبوك

تعليقات


25 التعليقات

إنتقل إلى نموذج التعليقات

      1. 1
        أمير الظلام

        أين الطرق التى ستسير عليها هذه الباصات

        الرد
      2. 2
        سودابي

        لعبه جديده وحركه بي حركتين,, بصات اكورديون!!! ان شاء الله يكون عندكم ليها شوارع وممرات,,, بعدين البصات دي جنسها شنو؟ بس ما تكون زي تاكسي الوالي وبص الوالي ” لاعندو ام لا ابو” ,, بعدين اسالكم سؤال: انتو الولاه ديل ما عندهم حنك غير لعبه البصات دي؟ والسوال ليس للاجابه>>
        التوقعات:
        1- بص اكورديون يصطك في النفق ” عشان اللفه صغيره”.
        2-بص اكورديون يغلق كبري المك نمر”لانو ما قادرو يلف في الصنيه”.
        3-بص اكورديون بتعطل بشارع الانقاذ و150 راكب يواصلون مشوارهم مشيا ” ده عشان ما عرفو العطل”.
        4-بصات اكورديون تتسبب في تشريد سائقي الامجاد والناقلات الصغيره “ده لما يمنعوا الامجاد عشان الناس تركب البص”
        5- بصات اكورديون تباع بالكيلو لفشلها في العمل في الاجواء الحاره ” طبعا عي اصلا قديمه وادوها بوهيه وجابوها السودان- اسبير ما عندها وميكانيكي يصلحها مافي” ,, بعدين هي بصات صينيه وكده>>>>>>>>

        حلوه حركه الصين الصديقه دي

        الرد
      3. 3
        أبو محمد

        يا فتاح يا عليم ويا رزاق يا كريم ، اللهم أحفظ السودان من الحاقدين وكل من يريد بالسودان سوء أشغله بنفسه.

        الرد
      4. 4
        كلام قصير

        حركات انتخابات
        وين من زماان
        هسي ما تعدي السنة البصات دي وتشوفوها خرده
        اي مشروع دخلت فيهو الحكومة دي فشل ..اي مشروع
        حكومة مطارداها دعوات الغلابة

        الرد
      5. 5
        ابو عبدالله

        الله يجيبها كان صينيه واللا طبق رزق ساقه الله لنا ما كنا لينا خمسين سنه الحكومات السابقه ما فكروا يجيبو انشاء الله بس واحد يخدم الخرطوم لما كانت شوارعها جميله وهسع الشوارع احسن وافضل قول محتاجه لتنظيم الكارو الحصان والصناعي ابو عجلات والركشه وامجاد والتكاسي العامله زحمه سواقنها عاملين هم المثقفين حقيننا الوحيدين تلقاه اليوم كله من الصباح ما شغال شايل جريده وخالف كراع تقول ليه مشوار للظلط التاني يقول ليك الف ولو جادلته يقول ليك لو عجبك انشاء الله ديل كلهم مع البص الصيني تستعدلو بمشو عدل والبقول ناس امجاد ببقو عطاله يعني البلد ماتتطور عشان يدلعو في الناس كل من دون مؤاخذه يطلع جبله قال امجاد قال ليس لديهم اي مجد غير التمني علي الراكب وبالذات لو لقاه جاي من المطار شايل ليه شنطتين جداد يونسه وينبذ ليه البلد وانتو مرتاحين ومروقين ما زينا ونحنا ذاتنا مفكرين نبيع ونسافر وتلقي الراكب المغترب ده جاي نهائي لانه ليه سنه ما لما حق دخله هو في شهر والراكب من الغبينه ما بتكلم ذاتو وهو حق المشوار ذاته جايبه من بلد الغربه بالجنيه صاريهم في التكه لما يوصل البيت ينادي ليه واحد من اهله يقول ليه شوف الزول ده حقه كم وتعال شوف الشكله ليه اصلو جايبه من جده وهو يقول ليه ده ما حقي حقك المشنقه هذا هو الحال يا الما داير البصات الصينيه انشاء يجيبو لينا ابو طبق لا ترحمو ولا تخلو رحمة ربنا تنزل الا النقه والكلام كلااااااااااااااااااااااااااااااااااااااااام في كلااااااااااااااااااااااااااااااااااااام

        الرد
      6. 6
        فارس عبدالرحمن

        البصات القبلها تحولت الى خرده قبل ان تكمل العامين ودا مشروع جديد لنهب مليارات الشعب السودانى المسكين
        يمهل ولا يهمل

        الرد
      7. 7
        250250

        بصراحة انا ماعارف حكاية الناس البيكرهو ارض السودان ديل عايزين شنوا في النهاية يا اخي اتحدثو على الاحزاب على الحزب الوطني ما مشكلة ولكن يجب ان تكون القاسم المشترك بيين مواطني اي دولة هو الارض الذي يقفون عنده ولكن كونك تعيب الارض نفسوا بصراحة ده مشكلة كبيرة يمكن ان نصنيفهم بالحيانة العظمي على الوطن يجب التعامل معهم بكل حزم ……. من دولة السودان لان مثل هولاء الناس ليس لديهم موطي قدم ولذلك يجب محاكمة اي شخص يتغول على تراب هذا الوطن الغالي ويجب فتح مدارس ابتدائية خاصة بمعومات الوطنية لجميع امثال هولاء الناس حتى تسلم تراب الوطن الغالي الحبيب حماك الله يا وطن العزة والكرامة والله بكل صراحة حينما الواحد يكون خارج السودان يشعر بقيمة الوطن وتراب الوطن اسال الله ان يرفع بلادنا لهامات العلاء

        الرد
      8. 8
        أبوعبدالله

        اين الطرق والسواقين وأين قطع الغيار واين الورش الخاصة واين مهندسي الصيانة بالبصات الطويلة لا تنفع في السودان
        المرسدس مرسدس يا والي

        الرد
      9. 9
        abowaeel

        اكيد هنالك لجنه متخصصه قامت بدراسه كل مايتعلق بهذه البصات وهل هي سوف تصلح للحركه بالخرطوم ام لا والحلول لاي معوقات تواجهها علي ماعتقد لايتم تنفيذ شي بدون دراسته جيدا . فيا اخوتي مادام الامر يخص راحه المواطن وتسهيل تنقله فهو خير

        الرد
        1. 9.1
          مصطفى

          يا أخ أبو وائل والله كلامك مستفز لعقولنا ، هنالك كم من مشروع ومشروع تم تنفيذه واتضح انه فاشل فشل زريعاً خصوصا تلك الباصات الخضراء التي تعطلت وتشلعت كلها لانها غير مناسبة للسودان وفوق ذلك انها صناعة صينية ، بلد كان يعمل فيها باصات مواصلات مرسيدس من السبعينات ( باصات ابورجيلة ) وبدلاً من التقدم نتأخر ونستورد في القرن العشرين باصات صينية غير جيدة الصنع ولا تتحمل ضغط العمل بدليل أنها الآن كلها معطلة ، فيا أخي اين الدراسة وأنت من كلامك متأكد كل التأكد بأن هنالك دراسة ولجان وما أدراك ما اللجان ، فكلنا لدينا عيون ترى وعقول تميز .

          الرد
        2. 9.2
          سودابي

          دي اللجنه المنبثقه يا ابو وائل ؟؟؟ حرام عليك وعليهم نحنا تعبنا من اللجان البتجيب الكرور دي,, انت ما سمعت بي المبادلات الحراريه بتاعه المصفاه الطلعت مهريه ومضروبه بوهيه؟ ولا ما سمعت بي بيض السلاحف الجابوهو علي اساس انو بيض دجاج ايراني؟ ولا ما سمعت بي التيرباينات بتاعه السد الجات بي مقاس اصغر من الفتحات؟ ولا ما سمعت بي. الدقيق والزيت والقمح والتيراب والشنو ما بعرفوا داك وال…….! اقول ليك حاجه انت شكلك ما بيتسمع

          الرد
      10. 10
        ابوطويلة

        ارحمونا يا ناس ( والى الخرطوم ) الباصات بطولها 18 متر دي (بتلف) واللا بتمشي عديل بس؟! وين الشوارع الواسعة والصواني للدورانات؟!! يا جماعة اتقوا الله فينا واحترموا عقولنا ( التى انهكتها البدع والابداع فى مشروعاتكم الفاشلة). سلام يا وطن مات وجيعك.

        الرد
      11. 11
        wadaljazeer

        حاجة جميلة شديد ولكن يجب إدخال الترام “المترو” هو الحل الناجع للمشكلة ونتمنى أن تتم المحافظة على هذه البصات وكل المواعين الناقلة الجديدة التى أدخلت لخدمة المواطن ، النقل النهري فكرة حلوة منها مواصلات وسياحة خاصة الخطوط الطويلة مثل الحلفايا وأبوروف … نتمنى كل التوفيق والسداد للقائمين على الأمر وسدد الله خطاكم لما فيه خدمة الشعب والبلد .

        الرد
      12. 12
        ود نخل

        ياجماعه قولوا خير

        الرد
      13. 13
        الجعلي

        وين الشوارع ووين البشرية الحا تركب مثل هذه البصات لسع يا ناس انتو بعيدين م المراحل دي

        الرد
      14. 14
        ود على

        اللهم اجعلهم خير وبركة

        الرد
      15. 15
        ابو خالد

        مكتب الوالي وما ادراك ما مكتب الوالي …. يا ربي كم ال commission أكيد يربوا عن المليارات

        الرد
      16. 16
        Sudani

        اخوانا انا ماعارف البصات دي حاتنجح ولا لا لكن البعرفو انها صفقة والكيزان مستفيدين فيها بالمليارات وكله على حساب اموال الشعب المغولب على امره ………؟؟؟؟؟؟؟؟؟؟؟؟؟؟؟؟؟؟ الله يصرف الكيزان عاجلا غير اجل

        الرد
      17. 17
        ودالجزيره

        ياجماعه نحن زمان كنا بنستورد لوارى بيدفورد واوستن صناعه انجليزيه وبنستورد لوارى نيسان ….وعندنا صنياعيه معترف بهم دوليا بعدلو اللورى ليصبح بص سواء كان سفنجة بدفورد او اوستن او نيسان …وكانت هذه البصات المعدله داخل الورش السودانيه فى مدنى والحصاحيصا هى وسيلة النقل الوحيده لنقل المواطنيين فى السودان ….ومازالت هذه البصات تعمل فى بعض المناطق حتى اليوم وبحاله جيده رغم مرور عشرات السنين …؟
        سوالى هو لماذا تركنا كل ذلك واتجهنا لشراء بصات مضروبه عمرها الافتراضى خمس سنوات فقط …علما بان المبالغ التى دفعت لشراء بصات الوالى المضروبه كان يمكن ان تحل مشكله المواصلات فى السودان كله لعشرات السنين القادمه ..وشكرا

        الرد
      18. 18
        omar khalid

        نرجو من السيد والي الخرطوم ابدأ في مشروع مترو الأنفاق ﻻنه الحل الوحيد لمشكلة المواصلات

        الرد
      19. 19
        عابد

        قمة التخلف هل عندك لهم شوارع هل عندك ليهم مواقف هل هذه طريقة لحل الزحام هل درستم كل هذه الامور ولا البلد كما تعودنا صفقات وبيع وشراء والله بلد ما فيها وجيع خلاص فاقد الشيء لا يعطي المسؤول فاقد ومفقود نرجى منه شنوو هذه هي امكانياته بالله عليكم امشوا شوفوا ليكم شغلة خلاص نحن م افيران تجربوا فينا ما فضل شيء لم تجربوا الا تدخلونا المقابر ونحن احياء

        الرد
      20. 20
        ابو الكلام

        الموضوع ماموضوع بصات وقاطرات وهذه البصات كانت موجوده فى عهد نميرى وفشلت بطوله وضيق شوارعنه اولا حدثو البنيه التحتيه للشوارع

        الرد
      21. 21
        محب الانقاذ

        السنة دي ٩ أمتار بتكفينا السنة الجاية ما مشكلة ١٨ متر الشعب بكون اتعود والشوارع اتصلحت

        الرد
      22. 22
        mukh mafi

        المصيبة تكمن في المنتقدين . فهم لا يعجبهم ولا الصيام في رجب فماكان نقصا اتخذوه ولولة ونعيق وسب .. واذا ما تقدمت الحكومة لعمل شيء اتخذوه هزوا فلا هذا يعجبهم ولا ذاك يرضيهم ..
        اننا لسنا دولة خليجية ولا اوربية وانما دولة فقير ومن افقر الدول فلم تتشابون وتطالبون ان بمستوى تلك الدول ..؟؟ نحن دولة كانت الهجرة سببا في نقص الخبرات والكفاءة واثر ذلك على الوطن والمواطن .. نحن وطن العوبة في يد الدول المحورية وتتقاذفنا الايادي من اتجاه لاتجاه لمرضاة هذا وذاك للحصول على معونات او دعم في المحافل الدولية .. وبالبديهي اننا سنعاني ونعاني ان اعتمدنا على انفسنا .. وسيصيح وسيشنع الكثيرون بكل مايتم انجازه .. الصين اليابان المانيا كلها دول نهضت بعد الحروب واعندت على نفسها وتحملت الاخطاء الكثيرة والقاتلة حتى تعلمت وبذا تقدمت وتعدت مرحلة الاخطاء الجسيمة ..
        فعلينا ان ننجز ونخطأ ونتعلم ..
        ولكن بالطبع ليست الاخطاء المتعمدة لتخريب الوطن او اقتصاده ..

        الرد
      23. 23
        mukh mafi

        تنبقى هناك معضلة المواطن المستعمل لهذه البصات فنحن لدينا العجزة المتحركين كثيرا والبسطاء الذين لايعرفون ماذا يعني ان البص فقط سيتوقف من 3 ل 5 دقائق .. وكذلك التمباكة القذرين الذين يوسخون شوارع الخرطوم .. والبصات هذه اكيد مغلقة وتعتمد على التكييف فسيحاول الكبار البصق على الارض ومعروف ان الولاية لا تهتم بخدمة ما بعد الشراء اي النظافة والصيانة .. ولذا كل شيء ينهار بسرعة ..
        ومن هنا اناشد ان كل بص يكمل 24 ساعة في الشارع يرجع للورشة للصياة والنظافة والغسيل .. حتى ان كان يعمل بصورة عادية فتدارك العطل وهو في اوله اهون من ان يترك ويستفحل ومن ثم تشلع البصات كما حدث ..
        والله لا زلت اذكر قولي هذا عند وصول البصات السابقة ..
        الخطأ الاستراتيجي هو ان الولاية اذا كانت اصلا تفكر في خطو مثل هذه الخطوة لم تم استجلاب البصات السابقة ؟؟ ولم لم يتم الاستفادة من قيمتها في تحسين الشوارع لهذه البصات الجديدة

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *