زواج سوداناس

الحوثيون 3 /1000 الأداهو بالكوريك يدينا بالكردنة


شارك الموضوع :

> الحسد معروف ووارد وصعب شديد
> ربنا سبحانه وتعالى ذكره
> من شر حاسد اذا حسد
> شر الحاسد شر شديد
> بره وبعيد
> والذي يحسد الناس هو الإنسان الذي يتفكر في حال الناس
> ويستكثر عليهم ما قسمه الله اليهم من نعم
> ويتمنى كل نعم العالم لشخصه الضعيف بحسده
> لذا
> لا يحسد سيد الشيء الناس
> يعني ما ممكن مثلا كردنة يحسد روشا على مالو
> لكن ممكن يحسد جيمي
> النعمة هنا اوسع واشمل واكبر واعرق
> وزمان قالوا جمال سألوهو
> قروشك كم؟
> قال ليهم قبل السؤال ولا بعد السؤال!!
> الزول المتزن لما يشوف نعمة غيرو بقول ما شاء الله
> الله يزيدو
> وفي ناس بقولوا الله يزيدو ويدينا
> وفي ناس بقولوا الاداهو بالكوريك يدينا بالكردنة
> اقصد بالملعقة
> وفي ناس طبعاً ادوهم بالقلاب ما بالكوريك
> الكوريك صغير
> نعم الله ينعم بها على من يشاء من عباده
> المهم
> وصلنا الى انو الزول بحسد الناس في العندهم وما عندو
> يعني نحنا كاصحاب قلعة حمراء فيها طابقين ما ممكن وما ممنجن نحسد زول يادوبك بكسر
> حلك لما يكسر
> ويقومن ليهو سنينات
> واييييييييييييييك
> ضرس العقل داير عمر
> نحنا كمريخاب بشرفنا جدا قيام استاد ثاني مشرف بالسودان
> لانو قصة الاستاد الوحيد المشرف دي
> برغم انها اسعدتنا الا انها ارهقتنا شويه
> دايرين نخفف الضغط علي القلعة الحمراء
> يعني تخاريج القوات النظامية واحتفالات البلاد تتحول شويه مننا
> قلعتنا هي ديوان البلد دي
> اي ضيف لازم نجيبو يشوفها
> قربنا نقول للضيوف نديكم بارد ولا نفرجكم في استاد المريخ
> ولن ننسى مدح معلق الجزيرة للقلعة الحمراء يوم فاصلة مصر والجزائر
> ولن ننسى تغزل الشوالي فيها يوم علق على مباراة لتونس بالشان
> لما اتلعبت عندنا
> كان بقول ان شاء الله تونس تغلب عشان تتأهل وتلعب بالقلعة الحمراء
> ياخ اول يوم التلفزيون ينقل مباراة بعد افتتاح القلعة الحمراء
> في ناس كانوا قايلين الكورة دي في الدوري الاسباني
> وخلال فترة تشييد القلعة الحمراء
> تشرف الشعب السوداني بالفرجة
> الناس كانوا بجوا العصر
> جماعات ومجموعات
> بعملوا رحلة للفرجة على القلعة الحمراء
> يبقي زول بالوصف ده ما بحسد زول يادوبك فكر في الوصف ده
> وسنظل الاستاد الوحيد المشرف في البلد دي
> الى ان يجعل الله امراً كان مفعولاً
> لكن الاربعين مليار بي جنيه شبشة
> ما بتسوي جبنة خليك من جوهره
> أسأل مجرب
> المهم
> رداً على العزيز صلاح الحويج
> الذي قال ان الاعلام الهلالي قد رحب بالاستاد الجديد للمريخ
> يا صلاح يا اخوي
> اعلام هلالي بتاع الهلال السعودي ولا بتاع وين الرحب بالقلعة الحمراء ده؟!
> الترحيب ده ما شفناهو في الاعلام المرئي ولا المسموع ولا قريناهو في الاعلام المكتوب
> يكون يا ربي ترحيبكم ده كنتوا خاتنوا في الصامت؟
> يا صلاح يا اخوي شمت الاعلام الهلالي وبخس لنا قلعتنا
> بل وقالوا ان الطابق التاني سيطير
> وهللوا لقول المهندس مسكين الذي منع تركيب المظلة على المقصورة
> بل ونصبوهوا بطلاً والارشيف يشهد
> بل واستغلوا تدافع اهالي الخريجين في احدى البوابات
> وكتبوا استاد المريخ ينهار علي اسر الخريجين
> ياتو اعلام الرحب ده يا صلاح!!
> الصرف الموجود باستاد المريخ افضل من الصراف الآلي
> وبعد ده اعلام الهلال بقول استاد المريخ غرق
> ده ترحيب برضو ؟؟؟
> يا صلاح قال ليك ايام خليل ابراهيم ديك
> هلالابي قابلوه ناس خليل
> قالوا ليهو الاذاعة وين
> وصف ليهم استاد المريخ
> ده ترحيب ولا حسادة عدييييييييييل كده !!!
> صلاح يا اخوي
> لما بنينا قلعتنا كانت فريده وكنا محسودين
> الليله مافي شيء بخليكم محسودين
> حتى ولو نفذتوا الجوهره «الزرغاء»
> لأنه لا يحسد الناس الا فاقد الشيء الذي يستمتع به الناس
> ونحمد الله طوابقنا تتطاقش
> صلاح يا اخوي وكت رحبتوا بالاستاد الجديد جيتو كسرتوه لينا ليييييييييه؟
> المهم
> قالوا هلالابي خال فاطنه ما مصدق كردنة
> قالوا ليهو هلالاب من اولاد فاطنه كردنة داير يبني الجوهره
> خال فاطنه قال يجوز
> اولاد فاطنه قالوا ليهو داير يكسر
> خال فاطنه قال ليهم الا دي
> لو داير يبني بره بره يبني
> لكن كسير لأ
> نحنا لي اسي تعبانين من كسير الموردة وكسير التلج
> كمان داير يكسر لينا قدر العندنا !!!
> الزول ده قول ليهو كسير لأ
> العب بره بره
> ايها الناس
> الاهلة منقسمون بين خيلان فاطنه واولاد فاطنه
> ولكن كفة خيلان فاطنه بترجح
> لانهم هم الكبار والعاقلين والعارفين
> ولانو الاربعين مليون كشافات نورها طويل وقصير ما بتجيبها
> الا كان صينية
> تولع بنق
> وتحرق والناس في الصف
> بالمناسبة بتاعت اللمبه دي
> قال ليك بتاع بحر جاي من شهر العسل
> باقي حنتو في اضافرينو
> قالوا ليهو صف لنا العروس السودانية
> قال ليهم العروس السودانية زي اللمبة الصينية
> جديده تولع بنققققققققققق
> وتحرق سريع
> ايها الناس
> غادرت بعثتنا صباح اليوم
> لم تغادر الا كي لا تغادر
> كي تتأهل
> السنه دي شامي لي ريحة مطار
> محمد عبد الماجد اسي الدخلك في ريحة المطار شنو؟؟
> المطار شميتوهو متين عشان تعرفوا ريحتو ؟؟؟
> دي ريحه بنعرفها نحنا يا ابو حميد
> ارجونا مع امجاد جمب جاد واتفرجوا
> لكن السنة دي ريحتنا مطار مطار يا عمك
> ايها الناس
> الرصاصات الفشنك بتاعت هنا
> قالوا ملوها كلها بارود حي
> اعملوا ساتر
> ايها الناس
> علمتني امي
> وقالت لي
> طالما الأرزاق بيد الله كسير التلج للرجال لزومو شنو؟!
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> في حاجة اليومين دي مضايقانا
> ايا كان موقف الزول من الحكومة او من الاجزخانة
> حقو الوطن يكون محفوظ بعيد في خانة
> مافي داعي للتريقة علي امكاناتنا وابنائنا
> وايا كان موقفنا من الحكومة او من الاجزخانة
> اقدم رئيس عربي هو رئيسنا الحدانا
> يعني الكابتنية حقتو بدون زول يتنافس معانا
> والخبرات برضك بتفرز الناس يا والينا
> عشان كده حقو ما نتريق علي طائراتنا وجنودنا وكل منانا
> انو الحوثيين يرجعوا للشمل من جديد ويبقوا معانا
> كفانا معاناة
سلك كهربا
ننساك كيف واقدم رئيس في الوطن العربي حقنا
والى لقاء
سلك

شارك الموضوع :

تعليقات الفيسبوك

تعليقات


2 التعليقات

      1. 1
        Adil

        كل يوم تأكد لنا انك حمار وبي بردعة كمان واصلع. فلوس بابا جمال يا متسول ما حقتو دي قروش مسروقة يعني حقت الشعب ودا السبب الخلاك انت شحاد ولعنة فلوس الشعب هي سبب عدم توفيقكم وهسع حتطيروا من انغولا

        الرد
      2. 2
        صالح احمد صالح

        اذا كان امثال هذا السلك هو اعلامكم فعليكم السلام واى حد ممكن اكون اعلامى !!!!ماهى الشروط ليكون الشخص اعلامى !!!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *