بابكر سلك

الحوثيون 7/1000 الفشنكات والكمونيه


> خسر السودان مقعديه في الكونفدراليه
> بخروج اهلي شندي والخرطوم الوطني
> وكسب السودان مقعدين بالابطال
> واحد خدمة يمين وعرق جبين
> والتاني خدمة قرعه وحظ المسار
> مسار عزل عزل للهلال
> رياك مشار ما بعزل مسار زي ده
> لكنه الحظ
> احيانا يلعب اكتر من اللاعبين
> ويكون اثره واضحاً
> فدرهم الحظ يمكن ان يخدم اكثر من قنطار الشطارة
> اسي عليكم الله كي ام كي ام ده فريق ؟؟؟
> والغريبة التأهل امامه كان بفارق الاهداف
> ولولا تدخل العناية الالهية
> لشاهدنا بالامس كي ام كي يلاعب الفشنكات الملاوية
> ثم ابتسمت القرعه من جديد
> الفشنكات الكمونيه
> بالامس شاهدنا اسوأ مباراه تتلعب في تاريخ البطولات الافريقية
> لا مستوي ولا محتوي ولا فنيات
> هرجله من الطرفين تثبت ان بطولة الابطال بتجيب مواسير كتيرة
> تخدمها القرعة
> يعبد لها المسار
> المهم البحصل بحصل
> المهم
> قابل الزعيم في مشواره حتي الآن فرقاً محترمة
> تؤدي بفنيات وعرفة ودراية
> مافي زيها في ميدان عقرب
> مازي ناس سنبهار وزنزبار
> وفي الطريق الترجي
> لأن قدر الكبار دائماً يضعهم امام الكبار
> القدر ذاتو بخجل
> عشان كده بقيم
> وعلي الترجي ان يستعد للعب الدور المكرر
> فمدرب عزام عندما صرح بانه خسر امام بطل هذه النسخة افريقياً
> لم يتحدث ساكت
> الراجل خبير وشماها من بدري
> وزي ما قلت ليكم
> شامي لي ريحة مطار
> ريحة المطار بتعرفوها يا محمد عبد الماجد؟
> شميتوها متين؟
> ترجي علي مين !!!!
> ترجي علي ناسو وبس
> ايها الناس
> علة الكرة التونسية علي مر السنين واضحة
> ثيردباك ومساك طوال وتقال
> مع بكري ده لما يتلفتوا يلقونا في المجموعات
> ايها الناس
> جنينتنا الله يخليها لينا
> دائماً تعطينا احلى الثمر
> الجنينة الأدتنا طمبل وكليتشي ومجاهد وبكري العسل
> مفروض ما نغيرها اصلو
> ونصبر على الثمر في الشجر
> ينجض في امو
> ونجيبو بعد ينجض من امو
> ثمرات حلوة حلا
> اسي شايف لي ثمرة وسيمبو نجضن
> ووليد واطهر في الفرع يتمايلن
> محمد عبد الرحمن قرررررب
> باقي العويش يودوهوا السوق
> لكن زي بلح المدينة ده اسيادوا معروفين
> ما تغير الجنينة دي يا والي
> اها
> بكري بالغ لكن
> معقولة يا سيد المدينة!!!!
> لكن في حاجة غريبة جداً
> بكري لابس أربعة
> وحاور المدافع رقم أربعة
> وكسر بي تلاتة والحارس أربعة
> والكورة شوطين هنا وشوط تالت هناك
> وجاب القون في الشوط رقم اربعة
> وبعد قونو في كمبالا ببورتسودان وقون أمل عطبرة وقون عزام وده رقم أربعة
> بكري بجري بنمرة اربعة
> وكان جري الناس تعاين للقبل الاربعة
> وبلبس زي ساكواها اربعة
> عشان تعرفوا مجلس بفرط في بكري مجلس اربعة
> والغريبة القرار فيهو قرار اربعة
> كردنة وفطومة وروشا ثم عمدة الأربعة
> ايها الناس
> تأهلنا امام عزام بفارق الاهداف
> هدف بكري رجح الكفة
> وتأهلنا امام كابوسكورب بفارق الأهداف
> هدف بكري رجح الكفة
> هو النجاح ده كيف بس ؟؟؟
> كده قروش تسجيلو كملت
> وقعد لينا ربح ساااااااي
> استثمار كبير
> فعلاً رجل اعمال شاطر يا والي
> صفقة بكري صفعة معلم
> يا معلم
> وصفقة الموسم
> يا مؤلم
> ايها الناس
> على جمال سالم ان يراجع حساباته
> يا اما الاستهتار اصاب الولد ده
> يا اما مدرب الحراس ده كعب
> الزول ده ما كان كده
> الحاصل شنو ؟؟؟؟
> ايها الناس
> استفاد المريخ من التجارب
> ولن يفرط في مباراة دورية عقب الفوز الافريقي
> خيلاء ما في
> المباراة الدورية القادمة
> لازم الاولاد يمتعونا عرضاً ونتيجة
> ليثبتوا لنا انهم استفادوا من العثرات
> اللفة قربت
> والبغلة حاتقيف
> باقي بغلة عبد الخير الوقفة عندها ضرورييييييييييية
> ايها الناس
> علمتني امي وقالت لي
> البرفع يدو علي امو طال الزمن ولا قصر البلا حايخمو
> وقالت لي في مثل بقول الفيك بدربو
> قلت ليها سنكيت بدربو كيف يعني؟
> قالت لي ما سنكيت.. الله بيننا وبين سنكيت
> الفيك بدربو
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الكتاحة بقت حولينا وما علينا
> مشت الإمارات والسعودية يا والينا
> تكون اغتربت وفتحت لينا؟؟؟؟
سلك كهربا

ننساك كيف وحتي الكتاحة الكانت بتميزنا اتخارجت
والي لقاء
سلك


‫4 تعليقات

  1. عسي ان تكرهوا شيئا فهو خير لكم. وقوف بكري المدينة محلياً لعدة مباريات في هذا
    ا التوقيت اري فيه خدمة للمريخ وهو مقبل علي مباريات دوليه اكثر أهمية من الدوري المحلي علي الأقل نضمن سلامته من الإصابات وهو مستهدف من كل الفرق

  2. يا سلك ماقلتو كهربته زايده !!!!!الليلة جبتوا ليها منظم يعنى !!!!!زولكم ده راح يعملها فيكم وعينكم تعاين انتوا ياكافى البلاء ماعندكم بعد نظر لاعب واحد تعملوا ليهوا كل ده والبقيه كمبارس وعدار ساااكت انتوا لسع ضربات جزاء ما بتجيدوها تقابلوا الترجى بحالتكم دى الا تحصلوا سبعة الوحدات وزى ما قال ود عبدالمماج قايلين ح ننساها ليكم !!!!!وانتوا جنينتكم ذى مالها بعد الشر عقمة والا الحاصل شنو . وزى ما بيقولوا ناس الجيش الجاهل عدو نفسه وبعدين الزول الما عندوا مبادىء ده ما حقنا تب حلال عليكم والله يحلكم من الترجى بس !!!!!!!!!فريق يصل دورى ال32 يفرح !!!!يصل ال16 يمووت من الفرح ده شنوا ده الحاله المجموعات ما خصلوها لسع

  3. يا سلك ماقلتو كهربته زايده !!!!!الليلة جبتوا ليها منظم يعنى !!!!!زولكم ده راح يعملها فيكم وعينكم تعاين انتوا ياكافى البلاء ماعندكم بعد نظر لاعب واحد تعملوا ليهوا كل ده والبقيه كمبارس وعدار ساااكت انتوا لسع ضربات جزاء ما بتجيدوها تقابلوا الترجى بحالتكم دى الا تحصلوا سبعة الوحدات وزى ما قال ود عبدالماجد قايلين ح ننساها ليكم !!!!!
    وانتوا جنينتكم دى مالها بعد الشر عقمة والا الحاصل شنو . وزى ما بيقولوا ناس الجيش الجاهل عدو نفسه اسع بكرى ده وحيدوا الكان لاعب يعنى والا جهل سااكت و الزول الما عندوا مبادىء ده ما حقنا تب حلال عليكم والله يحلكم من الترجى بس !!!!!!!!!فريق يصل دورى ال32 يفرح !!!!يصل ال16 يمووت من الفرح ده شنوا ده الحاله المجموعات ما خصلوها لسع

  4. اعتراف من الجهلول االمعتوه بأنهم لديهم عقم مزمن وليست لديهم اعين فاحصة لكشف المواهب. بالله شوفوا الهطلة دي بتكلم عن لاعبين في الهلال قال عاوزهم في االمريخ كلموا الاهبل ده وقولوا ليهو كلامك هذا معناهو انك غير واثق في الربش الرمم العندك. يا عوير كلامك ده اساءة بالغة للاعبين المريخ. ياخ انت شكلك بتاع مراكيب يعني نقلتي منو الغشاك وقال ليك انت كاتب صحفي. بالله عليكم بلد فيها الركيك ده مش من حقتها تكون متخلفة كده. تفووووووووووووووووووووووووو