كيف تفرِط فيهوا ولدك..؟

المال والبنون..
زينة الدُنيا وحياتنا..
نِعمة من ربى الكريم ..
أحمدوهـوا..
أسـألوهــوا..
يحفظ أولادنا وبناتنا..
لو فقدنا عيالنا نحن..
نكون فقدنا رِباط صِلاتنا..
كُل نعيم الدُنيا فاتنا..
لا طعم لا لون بِتصبِح..
ما العيال أسباب حياتنا..
تابعوهم..
فى المدارس راقبوهم..
فى المعاهد وجامعاتنا..
صاحبوهم..
شوفوا نوع الصُحبة ذاتا..
هل صحيح فيهم صديق..؟
يستحق يبارهوا ولدك..
يبقى ليهو رفيق يتابع..
أفقدوهم..
للضياع ما تتركوهم..
بالنصائح أدعموهم..
نخشى من يوم بكرة يصبح تفقِدوهم..
أغلى هم من روحنا واكتر..
من جميع أموالنا ..من أعمالنا..
من كل المصانع..
المشاريع والمزارع..
ليهم اتفرغ وتابع..
قطعة مننا ياخى هم..
هم ياخى ذاتنا..
كيف تفرط فيهوا ولدك..؟
أخشى يوم تلقاهوا ضائع..
لا بينفع مال جمعتوا..
لا عميرك ببقى نافع..
أسألوهوا المولى يحفظ..
فى بيوتنا وفى الشوارع..
يحفظ أولادنا وبناتنا..