رأي ومقالات

‫ارفع‬ رأسك أنت ‫‏سوداني‬


لاحظت مؤخرا لكتابات بعض نشطاء الفيسبوك الذين يحاولون تمجيد (الشخصية السودانية) وتمجيد (السودان) ، وذلك يايراد مقتطفات من (مقالات) من صحف (عربية) لصجفيين وكتاب عرب و(خليجيين)..وفي اعتقادي الخاص هذا تصرف (خاطئ) ينم عن جهل وانهزامية وعدم تقدير للذات وعدم ثقة بالذات والبحث عن شهادات (من الآخرين)لتعزيز (الثقة بالذات) واثبات الوجود ..!

أولاً نحن (كسودانيين) لسنا في حاجة لشهادة من أحد ليقول لنا (إنتو أحسن ناس) ، ولسنا في حاجة لشهادة من أحد ليقول(السودانيين ناس متعلمين ومثقفين جدا) ، ولسنا في حاجة لشهادة من أحد ليقول لنا (السودانيين ناس كريمين ومترابطين) ، أو (السودانيين ناس فاهمين وأمينين) .. نحن نعرف انفسنا اكثر من غيرنا .. ولسنا في حاجة لشهادة أي كان ..نحن وبشهادة التاريخ و(الآثار الشامخة) أننا أصحاب أول حضارة على وجه الأرض.. نحن أصحاب الحضارة الفرعونية الاصليين ، نحن أصحاب حضارة كوش ومروي والسلطنة الزرقاء ومملكة دارفور والمسبعات ومملكة وداي ، ومملكة تقلي.. نحن أصحاب الحضارة النوبية العريقة .. نحن احفاد الملوك بعانخي وترهاقا ، نحن أحفاد الملكات أماني وتهاني وكنداكات الحضارة المروية ..ارفع رأسك انت سوداني صاحب أول حضارة في تاريخ الأرض..أرفع رأسك انت سوداني حفيد ملوك النيل والفراعنة السود ..

ثانياً: الفقر ما عيب .. ومشاكلنا السياسية والاقتصادية دي مشاكل (داخلية) تخصنا نحن (وحدنا) كسودانيين وليس من حق (أي كان) أن يعيرّنا بمشاكلنا وخلافاتنا السياسية الداخلية ..

ثالثا: خلافاتنا السياسية (مع بعض) ليست دليل (جهل) أو (أمية) أو (انهزامية) بل هي دليل عافية وحراك سياسي ، ودليل على أننا شعب حيّ وطموح ..نتطلع نحو الأفضل ولا نستسلم ولا نستكين لنأكل ونشرب ونستحم ونلهو ونعبث(كالبهائم)..فالشعوب الخانعة والذليلة والمنكسرة والهامدة والساكنة هي التي هدفها المرعى (أكل وشراب ونوم وتناسل) ..نحن شعب طموحه عالي ولا يرضى بالذل ولا بالدنيئة..
‫ارفع‬ رأسك إنت ‫‏سوداني‬.


‫6 تعليقات

  1. من نصبك تتكلمي بإسم السودانيين في اي موضوع؟ ناطة لينا في اي موصوع وعملة فيها (ام)العريف!
    في السياسة وفي علم الإجتماع ومرات تحليا نفسي ومرات اكبر ناقد ادبي و…و..انهجري في الواطاة شوية يا بت الناس.

  2. كلمة ارفع راسك انت سوداني دي تقوليها لينا لمن نكون عايشين معززين مكرمين في بلدنا لكن الاسف هل الشعب السوداني عايش مكرم معزز في بلده جاوبي انتي على السؤال دا يافاهمة

  3. حقد دفين من المعلقين ناتج عن طفوله مشرده ختوها زي اختكم واحترموها شويه

  4. كلام موزون ومموسق وينم عن فكر عالي لتهاني وزي ما قالت ظروفنا الاقتصادية والسياسية هي امر داخلي بحت فنحن نرفع راسنا لاننا اصحاب قيم وموروثات لاتوجد في اي مكان في الارض فالناس مندهشون من تلك الصفات ونحن نتعامل بصورة عادية من خلال المخزون القيمي الموجود عندنا فتجد الناس يفتحون اعينهم قدر الريال ابو عشرة كيف السوداني يتعامل بالصورة دي فكون الاقتصاد سيئ او السياسة دمرت وبعدت الشقة بين افراد البيت الواحد لايعني اننا لسنا معززين في بلدنا , بالنسة لرأي الكاتبة عن الاطلاع عن كتابات العرب والخليجين عن الصفات والشخصية السودانية فهو ينبه بعض الناس عن وضع الشخصية السودانية خارجيا لانه لايعرف مكانته حيث يتعامل بعفوية .