منوعات

بالصورة.. منزل سوداني يعلن مقاطعته للانتخابات بطريقة ساخرة..ويجد حظه من الشهرة والتداول


أعلن أهل احد المنازل السودانية مقاطعتهم للانتخابات التي ستشهدها البلاد والمتوقع انطلاقها يوم الاثنين.

حيث وضع أهل المنزل لافتة علي باب المنزل كتب عليها (عفواً أيها المرشح ساكني هذا المنزل مقاطعون, فلا تطرقوا الباب منعاً للإحراج).

وقد وجدت هذه الصورة حظها من التداول والانتشار داخل مواقع التواصل الاجتماعي المختلفة.

وجاءت معظم التعليقات متفقة تماماً مع صاحب هذا المنزل والذي وصفوه بالوضوح والشفافية.

11118195_10152912258253335_1072848272_n

ياسين الشيخ _ الخرطوم

 

النيلين


‫15 تعليقات

  1. وانا اقول لساكني هذا المنزل في ستين وما تقاطعوا يعني ايه الشعب السوداني كله ساكن عندكم ؟؟؟؟!!!!!!!!!!!!

  2. مقاأأطعين يا عبد الله الشعب السوداني الحقيقي مقاطع اما شعب المصالح بتاعين الزكاة وضعاف النفوس نعم غير مقاطع

  3. كل شخص حر في التعبير عن رائه يا عبيد الله … فلماذا الحنق ؟؟؟

  4. يا عبد الله بلد شعبها ما لاقي ياكل والحكومة تصرف فى اموال الشعب في انتخابات عارفه نتيجتها مسبقاً لكن يجو يعملوا انتخابات عشان ناسم ياكلو و يغنو
    يمهل و لا يهمل قاتلكم الله

  5. يعني لوما صوتو حتقدرو تاكلو ,,, طالما المقاطين كتار كده ماتروحو تصوتو لاى ناخب وتهزمو بشه بدل تلعنو الظلام وقاعدين

  6. جاء في الأثر عن علي بن أبي طالب: “لا يصلح الناس إلا أمير بَرٌ أو فاجر، قالوا: يا أمير المؤمنين، هذا البَر، فكيف بالفاجر؟
    قال: إن الفاجر يُؤمّن الله عز وجل به السُبل، ويُجاهَد به العدو، ويُجبى به الفيء، وتُقام به الحدود، ويُحَج به البيت، ويعبد اللهَ فيه المسلمُ آمناً حتى يأتيه أجله.
    إذا خرج ثلاثة في سفر فليؤمروا أحدهم، وذلك قطعاً للشقاق والنزاع. فوجود شخص يرجعون إليه يقطع النزاع.
    قال الفضيل بن عياض: لو كانت لي دعوة مجابة لجعلتها للسلطان.
    فأثر سلطان ظلوم غشوم خير من فتنة تدوم..

  7. الاسمو عبدالله دا اكيد جبهجى من ذوى المصالح الشخصية

  8. يعنى اليقول رايو يبقى كوز,, بعدين ده منو القال الشعب ما لاقى ياكل ,, ماشاءالله سمينين و امينين

  9. هههههههههى يكفى الحملات الإنتخابية التى قام بشو فى كل ولايات السودان والدعم الذى وجدته خاصة ولاية شمال كردفان يعنى بصراحة قول 75% سوف يرشحوه وبينى وبينكم يستاهل لأنه مافى من هو مؤهل للمرحلة القادمة
    سير سير يالبشير نحن معاك ومن قبل الله معك والماعاجبو ما عندو غير الصبر

  10. والله التعبانين نحن المغتربين والمعارضين نحن المغتربين والزهجانين نحن المغتربين والمفلسين نحن المغتربين والماقادرين نسافر نحن المغتربين واللسانهم طويل نحن المغتربين والما بحبوا البشير نحن المغتربين يعنى بصراحة كدا المغتربين هم مشاكل السودان

  11. غداً انتظر الضرائب وازلة المنزل للصالح العام لوجود بئر بترول بالمنزل دون اي تعويض مالي

  12. كفاية .
    مافي سوداني حر وفيهو نخوة و رجولة بشارك وينتخب شلة الحرامية
    يا ناس النيلين اتمنى تجيبو لينا اخبار الصومال وجزر القمر افضل من ما نسمع اخبار الكيزان المنحطين

  13. “إذا خلا المعتوه بأرض طلب الطعن وحده والنزال”
    انتخاباتكم كل الصناديق معبأة للكيزان وباقي الكراسي المخصصة لاحزاب ( ذوي الاحتياجات الخاصة ) تمامة عدد
    حليلهم البدوا بي موتر سوزوكي وشنطة ( تمكنا ) وايام الشهيد علي عبد الفتاح وخيم الالزامية وقيقم وليكم تسلحنا وحليل زمن الدفاع الشعبي تحرير توريت وقيسان وشهداء الانقاذ الشهيد الزبير وحسن فضل المولى ( مييين حسن فضل المولى دا ؟
    الآن زمن الفلل الرئاسية واراضي كافوري الماخمج ومشاريع الدهب الاسود والزئبق الاسود والنمر الاسود
    ياخ في اسود من ايامكم دي يا كيزان ؟؟؟؟؟
    تفتكروا ح تقعدوا اكتر من عاد وثمود او ح تطغوا اكتر من فرعون ؟
    ليكم يوم وما هو ببعيد .

  14. المشكلة في افريقيا و دول العالم الثالثة او النامية الحكومات و الشعوب عائيشين في خداع طول الوقت. يعني مافي لازمة للانتخابات ما دام النتيجة معروفة ولا التزوير موجود. اذا الناس عايزة تضيع و قتها في الفاضي و الضحك علي الدقون