زواج سوداناس

ضربة واشنطن


شارك الموضوع :

> قونا في الترجي عاجبني شديد
> ماعشان بكري الفقري كان السبب فيهو
> ولا عشان بكري خلي اربعة مدافعين وراهو
> ولا عشان علولو اوقف قصة اهدار ضربات الجزاء من قبل اولادنا
> القون عاجبني جداً
> لانو في مرمى الترجي
> وقون في مرمى الترجي
> زي ضربة واشنطن
> زي وقعة برج التجاره في نيويورك
> حاجه كده ليها اثرها
> وما بتمر ساي
> يعني ضربة برج التجاره عالمياً
> ما كانت زي رباطين او قطاع طرق همبتوا ليهو زول
> فرق كبير
> عشان كده القون عاجبني جداً
> واحس بل اكاد اجزم بأن هذا الهدف هو اعلان تأهلنا للمجموعات
> الترجي يشوف كونفدرالتو وين
> بالمناسبه
> الترجي ده قبل كده
> عشان نغلبوا في البلد دي
> لعبناهو الساعه اتنين الضهر
> الشمس بره
> والبلد وقتها كانت متهمه بالسحائي
> برغم السحائي كان الاصرار علي اللعب الساعه اتنين
> شمس زي الشمس
> وبرضو ما غلبنا الترجي
> طلعت بي شمسها ديك درون
> وقبل كده
> بدل ندي الترجي ضربة قاضيه
> ادينا الحكم بونيه
> في كورة الترجي بين الشوطين
> يوم المسيكني جاب القون هنا
> والغريبه برضو جاب القون هناك
> والاغرب انو القونين بنفس الطريقه
> وما نزل موظف سفارتنا بين الشوطين يستجدي الترجي ايقاف الاقوان بعد السته
> يبقي لينا حق نفرح
> عشان غلبنا الترجي بدون شمس وبدون بونيه
> غلب عديل كده
> اجبر التوانسه علي التطفيش
> والعك
> لدرجة انو في ناس قالوا ده ما الترجي البنعرفوا
> وليهم حق لانو الترجي البعرفوهوا
> بغلب ستات وخمسات
> لكن ترجي ينضغط لمن يطفش
> ده ما بعرفوهوا
> ده بنعرفوا نحنا
> ايها الناس
> مشروع الدعم 2870 قرب يطلع سانغا ساي
> قرب يطلع ماسوره
> والسبب هو اهمال المجلس
> او قل ادروب للمشروع
> واسقاطه لاصحاب الفكره
> والمضي في الموضوع بفرديه متناهيه
> كيف بس
> ادفع اشتراك لمدة سنتين
> يطلع تبرع ويشيلوا مني كمان رسوم اكتر مما يتصوره العقل
> وكمان تجيك رساله
> لو داير تلغي الخدمه تعمل كده وكده
> تلغي شنو يا حبيب
> الاشتراك حسب الاتفاق لمدة سنتين
> من وين جابت الشركات الغاء الخدمه يا ادروب
> ايها الناس
> شخصياً لا اميل لفهم انو الموضوع مقصود
> ولكن ارجح كفة الاهمال وعدم الدرايه
> اين الترويج للمشروع يا ادروب؟
> اين الإعلام والإعلان عن الخدمه يا ادروب؟
> اين مريخاب الخارج من الشمروع؟
> اين انت يا ادروب؟
> ايها الناس
> الموضوع اذا ما اتلحق بطرشق
> وبلحق سانغا
> ايها الناس
> نفكر ونبتكر
> وغيرنا يقلد
> وما معقول المقلد يطلع شغل افضل من المفكر
> ولا شنو يا ادروب؟
> ايها الناس
> اكتب قبل مباراتنا ضد النسور
> ولكني اتوقعها مباراة جميله
> وشريفه
> وبدون اخطاء تحكيميه
> فالتحكيم عودنا على الاخطاء التي لا تظلم في مباريات بعينها
> المهم
> من الذي أثار موضوع الاستقالات في هذه المرحله؟
> اليست هي الاستقالات المقدمه منذ شهور للوزارة؟
> ان كانت الاجابة بنعم
> لماذا اثيرت الآن؟
> وما هو صالح المريخ والوزارة في اثارتها ونحن امامنا موقعة باب سويقه؟
> ولماذا تزامن ذلك مع قرار اللجنه باعادة مباراة أمل عطبره؟
> وهل تزامنا صدفة؟
> المريخ ده مريخ ايران ولا شنو يا ساده يا مسؤولين؟
> ده الكلام البجيب الكلام الما بتحبوهو
> وبالطريقه دي الحل واحد
> بس بتقدروا ترجوهوا؟
> ايها الناس
> للمريخ رب يحميهو
> وجمهور لوصبت المطر عليهو
> نقطه ما بتنزل الواطه
> جمهور يغطي عين الشمس
> وبعرف يحمي مريخو كيف
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> عاصفة الحزم انتهت قالوا لينا
> ولسه الحوثيين جوه المدينه
> وماسكين المناصب يا والينا
> هي حرب عندها اهداف يا والينا
> ولا كورة تنتهي اذا انتهى زمنها اياً كانت النتيجه.. ورينا
سلك كهربا
ننساك كيف وما فاهمين حاجه وحاة ربنا
والى لقاء.
سلك

شارك الموضوع :

تعليقات الفيسبوك

تعليقات


5 التعليقات

إنتقل إلى نموذج التعليقات

      1. 1
        Adil

        امشي عامل راسك

        الرد
      2. 2
        Adil

        امشي عامل راسك ذي مكنة التلاجة روح قبحة تقبحك

        الرد
      3. 3
        ذاكرة 16 قيقا

        لكن نسيت حقت اطفال الحجارة الرجمو فيها الاستاد والكاف غرم الصفوة 10 الف دولار .
        هههههههههه .

        الرد
      4. 4
        محمد عبدالله

        لو الكتاب درجة الوعي عندهم ذي ما نحس من كتاباتك والله اعلم بالنوايا الواطة اصبحت لانك اصطحبت عندك فكرة انو الترجي الزمان اللعب وقرر الطيب عبدالله انو النزال كان 2 ظهر زي ترجي اليوم تكون غلطان وكذلك المريخ عكس وضعو الزمان لانو المريخ الان ممكن يكون افضل مريخ ما قبل 10 او 12 عام مضت فاكتب بشي من تقدير عقول الناس ومن حقك ان تفتخر بالمريخ والانتصار كمان لكن ما من حقك ان تضحك علي عقولنا .

        الرد
      5. 5
        abuaabid

        بكرى حقنا والجاب القوون برضو من عندنا اها شنو ليك !!!!
        وبعدين كتاباتك دى زى الهضربة قول بسم الله آزول الترجى ده تعباان والا تعبان انت من الهضربة عندك معركة باب سويقة ما قلته تعباان الجاب المعارك شنو !!!!
        ده شنو البيحصل عندكم ده كلوا من الترجى ده وحكاية الاستقالات حاجة من اتنين اما خوووف وزغللة سااكت واما خوووف ساكت من غير زغللة !!!!
        زولكم ده ما قلتوا ادارى محنك اسع دى عملة ادارى دى ويا سلك الهلال مدرسة فى اى شىء وكل شىء بينجضوا وهو الاولى بتحويل الرصييد لانوا شعبيته عينا باااردة ما ادعاء ولا خطرفات وتباروا الهلال ده الا تلحقوا امات طه !!!!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *