زواج سوداناس

بالفيديو.. د. البوني: التمباك يدعم خزينة الولاية بــ60 مليار جنيه..وأي سوداني بسف تمباك لازم يأكل فول



شارك الموضوع :

خلال برنامج أف أم والذي يعرض في الفترة الصباحية علي قناة النيل الأزرق, تحدث د. عبد اللطيف البوني مقدم البرنامج عن موضوع التمباك وعن ما صاحبه من فتأوي من أهل الدين, وعن رأي أصحاب التمباك بدارفور.

وبدأ حديثه عن مقولة معروفة في السودان تقول: أن أي سوداني يأكل فول ما بالضرورة يسف تمباك, ولكن أي سوداني بسف تمباك لازم يأكل فول.

وذكر أن بعض العلماء أكدوا أن تعاطي التمباك فيه نوع من التحريم علي اعتباره نوع من أنواع المخدرات, ولكن إتحاد تجار التمباك بدارفور أكدوا أن التمباك لا يعتبر من أنواع المخدرات بعد التحاليل التي قاموا بها ونفت أن يكون التمباك مادة مخدرة.

ثم تطرق البوني لموضوع هام جداً يتعلق بالأرباح المالية الكبيرة التي تجنيها ضرائب ولاية الخرطوم من التمباك, وواصل البوني حديثه قائلاً: يقال أن التمباك يعود لولاية الخرطوم بأرباح تقدر بحوالي 60 مليار جنيه سوداني.

وذكر الدكتور من خلال هذا الفيديو الذي تحصل عليه موقع النيلين أن وزير المالية بدارفور ذكر أن محاربة التمباك  يعتبر استهداف لدارفور لأنه يعتبر من مصادر الدخل الرئيسية في دارفور.

 

لمشاهدة الفيديو علي قناة فيديو النيلين أضغط هنا

 

ياسين الشيخ _ الخرطوم

 

النيلين

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        اين ذهب السودان

        بئس الدكترة عندك وبئس الوزارة عنده. يا اخي انت بروف ومثل برامج اف ام لا يعطى الا لأقل المذيعات خبرة وتجربة. يعني هل تعتقد مثلا أن نقوم من النوم في يوم ونلقى الطاهر التوم يقدم برنامج اف ام لال فهذه من المستحيلات. صحيح انك تطرقت لمواضيع هامة وكان أن تشكل مادة اساسية لحوار يمتد لحلقات ويستضيف مختصين في علم النفس وعلم الاجتماع الريفي وعلوم الصحة والطب والأدمان وعلم الفقه ومختص من الضرائب ومختص لتصحيح السلوكيات الغير لائقة ولكن ابيت الا ان تخلد الى مستوى اف ام وتركت الحديث منبت. واعتقد انها فرصة لأحد رواد البرامج الحوارية في النيل الازرق وقناة ام درمان والشروق لتناول الظاهرة من كافة جوانبها. اما التلفزيون الرسمي فهو مثل سكر التموين ولحم التسعيرة قبل تحرير الاسعار.

        الرد
      2. 2
        يا سوادنة

        استغفر الله والله صحيح سوادنا ياخي ادا كان التمباك بعود لي ارباح للحكومة بي ٦٠مليار جنية لولاية الخرطوم وحدها فكيف حال تجار التمباك الاصليين كم يكون ربحهم في السنة كدب في كدب في كذب عاش الكذب وعاش كل الكذابين

        الرد
      3. 3
        خير

        ما شاء الله عقبال بزراعة الحشيش والقاد والافيون حتى تتحصل ولاية الخرطوم على ارباح 60000000000 ترليون يورو قال دكتور قال

        الرد
      4. 4
        صريح جدا

        يعني ما يهمكم الناس تموت بالتمباك وانتو تملو خزينة الدولة (أقصد خزينة أبوكم)

        الرد
      5. 5
        سودانية زمان

        ياناس النيلين اين تعليقي السابق بفتوة أكل الفئران بعد الضفادع

        http://www.alrakoba.net/news-action-show-id-191710.htm

        الرد
      6. 6
        Naser

        أنا داير اعرف التيس دا دكتور في شنو؟ الكلب وفايت الدرب بقى دكتور، هسي كلامك دا داير ليهو دكتوراة؟!! ايي شماسي عاطل ممكن يقول أحسن منو،
        وبعدين وكت الصعوط حلال وتمام ومربح بالله عليك اخد ليك سفة كااااربة كدا انت وناس بيتكم، وتعالوا في الجرايد واتصوروا وبرهنوا للعالم إنّو الصعوط تمام ومافيهو حاجه، هو كان مافيهو حاجة ماكان بسفو في الحمامات وبختوهو بره الجامع وقت الصلاة،
        على العموم الواحد لما يكون رشيق وشليق ويحاول يتظارف بطبزها زي دكتور طبزة دا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *