زواج سوداناس

تهاني عوض: (السودانيين) مشهورين ب(الطيبة الزائدة) و(العفوية) و(البساطة)



شارك الموضوع :

طبعا أي شعب في الدنيا دي عندو (خصائص) وصفات مشهور بيها ..فالانجليز مثلاً مشهورين بالبرود، والمصريين مشهورين بــ(السخرية اللازعة) أما نحن (السودانيين) فمشهورين ب(الطيبة الزائدة) و(العفوية) و(البساطة) ، و(كثرة المجاملات)، وكمان فينا (عيب) كبير جدا ألا وهو (عدم احترام الوقت) .. فحياتنا مبنية على (المجاملات) بشكل (مبالغ فيهو) ..يعني الواحد لو ما جامل بيشعر بإنو (ما سوداني) أصلي ، وإنو (عيب كبير) إنو ما يجامل حتى لو على حساب نفسه وشغله وأسرته ..!!
طيب ياخ نحن ممكن (نجامل) ولكن في (حدود ).. فالعصر ليس (عصر) المجاملات الكثيرة ، هو عصر السرعة والعمل والانجاز ، وليس عصر (الركلسة) و(الونسة) و(تكسير الوقت) فيما لا (فائدة) منه .. وضغوط الحياة الاقتصادية ما زي (زمان) .. الظروف اتغيرت ومتطلبات الحياة ذاتها اتغيرت وبقت (صعبة) !
البعض قد يرى أن هذه (المجاملات) دليل صحة وعافية (اجتماعية) وأنه لولا (المجاملات) دي السودانيين ماحيكون في بينهم أي (تماسك اجتماعي) ..!
في تقديري (الخاص) هذا غير صحيح..فكل شعوب العالم (يجاملون) ويعزون في الموتى ويهنئنون في الافراح ويتزاورون في (المناسبات الخاصة).. بس نحن كترناها أكتر من اللزوم ..! لكن الغريبة (السودانيين) في (الخارج) في مسألة (الوقت) أو (المواعيد) أو (الشغل) أصلا ما بهزروا وما بجاملوا نهائي وجادين شديد وكمان مشهورين بالجدية والانضباط .
وكلامي دا (مجرد وجهة نظر شخصية) وليس حقيقة مطلقة وقابلة للنقاش .

تهاني عوض

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        صريح جدا

        انت بس اختينا من وجهات نظرك دي
        ما ناقصين منظراتية

        الرد
      2. 2
        Ali

        ومن تكون تهانى عوض ؟؟؟

        الرد
      3. 3
        احمد عبد الله

        السخرية اللاذعة يا بتي مش اللازعة ..كويس بس ما كتبتي الطيبة (الذائدة)!!

        الرد
      4. 4
        احمد عبد الله

        بعدين العنوان لازم يكون السودانيون مشهورون مبتدا و خبر كما علمونا في تانية ابتدائي

        الرد
      5. 5
        مواطن حر

        احمد عبدالله ياااااااااااااااااا عبدالله الطيب………… ثانية وليس تانيه.هههههههههههه الجمل مابشوف عوجة رقبتو. اثنين اخضر

        الرد
      6. 6
        التهامي

        تعليقاتكم كلها خارج الموضوع . تهاني عوض طرحت موضوع للنقاش . وموضوع مهم جداً . عدم احترام الوقت واهداره فيما لا يفيد اصبحت من صفات السوداني . على سبيل المثال ضياع الوقت في مناسبات العزاء . سفر وصرف وتغيب عن العمل لعدة ايام . لماذا ؟؟ لماذا لا يكون العزاء ينتهي بانتهاء مراسم الدفن . ايضاً الزيارات المباغتة . واحد يبرر ذلك بان فلان هذا اذا لم نزره فانه سوف يزعل . من الذي قال انه ( سيزعل ) ؟ الصحيح هو العكس . والامثلة كثيرة . هسة ينط واحد يقول ليك لازم نحافظ على عاداتنا وتقاليدنا السمحة . والله لا سمحة ولا حاجة . الواحد فينا كواحد من المغتربين المعذبين في الارض اجازاتنا كلها عزاء ومجاملات وهم وغم . لم نحس يوماً ببهجة في حياتنا . وكتيرين عندهم نفس الاحساس . ولكنه الحياء .

        الرد
      7. 7
        ابو الخير

        الموضوع بصراحة كويس لكن بس مكتوب بلغة ركيكة ولغة ونسة ولايصلح ان ينشر
        ونرجو الحرص على الكتابة اللغة الفصحى بدل هذه الركاكة
        مع احترامي للجميع

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *