منوعات

بالصور.. رفيدة ياسين تعود للظهور وهي راكبة علي حمار بملابس تثير اهتمام رواد مواقع التواصل


عادت الإعلامية السودانية والمذيعة بقناة إسكاي نيوز رفيدة ياسين للظهور مرة أخري علي مواقع التواصل بعد فترة من الغياب.

حيث كانت رفيدة تشكل حضور كبير داخل مواقع التواصل الاجتماعي وخصوصاً علي فيسبوك بصور أو كتابات لها يتداولها الكثيرون.

ولكن إطلالتها هذه المرة كان محط أنظار رواد مواقع التواصل, نسبة للصور التي قاموا بتداولها في بينهم.

حيث أظهرت الصور التي تحصل عليها موقع النيلين الإعلامية وهي تمتطي حمار وترتدي ملابس أثارت اهتمام الرواد والذين سارعوا علي نشر تعليقاتهم.

فمنهم من كان سعيد برؤية رفيدة وهي تركب الحمار, علي شاكلة الناشط عاطف الحاج والذي كتب معلقاً (ياهوو ده السودان يارفيده وياهه دي عاداتنا وتفاليدنا ومرحب بك بين اهلك وفي حضن بلدك ).

ومنهم من استنكر صور مراسلة اسكاي نيوز وعلي رأسهم ياسر بلة والذي جاء تعليقه منافياً لبعض التعليقات حيث كتب (والله السودانيين ديل ما بحبو الحركات بتاعت الخشلعة دي … اهو سمعوك .. انا غايتو ماعندي تعليق …).

11209755_921941891201834_7936508864564656113_n (4)

رفيدة ياسين تعود راكبة علي حمار

 

ياسين الشيخ _ الخرطوم

 

النيلين

 


‫44 تعليقات

  1. البت ده ما عندها وليان رجال تقعدوها في الواطي وتخلي الحركات الخليعه البتعمل فيها دي

  2. غاية السفور والتبرج اليس لديها من يزجرها. اين ولي امرها اليس لها وازع اخلاقي وادبي

  3. فماذا تنشرون صورة خليعة وسافرة ومن هي حتى يتم نشر صورها التي يستحي منها السافر

  4. يعني عامله ما واعيه وما حاسه باليد التاكله على ساقك دي ،، دي مش برضو يد زول ولاّ انا بتهيئلي ؟!!!! وبعدين شنو الحركات البتعملي فيها دي فاكاها في نفسك كدا مفتكره نفسك اجنبيه سايحه كل مره متشعبطه لينا في حاجه

    1. دي يد عمك كبير ليس له في النساء شئ …. ده زي النسيب الذي زوجته في الوضوع “الولادة” …. وبنتها صحت قامت قالت ليها أسكتي يا بت خليه الإسو في البسوى فيه لمن تصبح الواطة النشوف في حكومة واللا ومافي …

  5. ياعلى ياقدير تسترها وتهديها الى سراطك المستقيم ويستر جميع بناتنا يجب ان نطرح مبادرة اللبس المحتشم للنساء والرجال فى السودان

  6. المشكلة الكبيرة والمحيرني إنه أبوها “عاطف يس ” رجل ملتحي وقمة الأخلاق وما عارفه كيف يسكت على فعائل بنته هذه .. سبحان الله أين أنت يا شيخ عاطف يا من عرفناك رجل حقاني وتأكل النار .. الحكاية شنو ماذا حصل لك /// بنتك تغلبك تأدبها مش معقول يا عاطف لماذا تريدنا أن نغير رأينا فيك بعد طول العشرة والمعرفة …..

  7. ياست رفيدة انتي دايره تصلي لشنو من الاخر كفاية استعراض كل البنات الزيك عندهم لبس مثلك واحسن شوية بس ماعاملين عرض ازياء بحر وجبل وجابت له حمير شبهك والله

    1. اذا أبدأ بنفسك و نزل صور أخواتك وقريباتك بهذا المنظر حتى تواكب التطور

  8. وعطفا علي عاطف الوالد الذي لم يلد ولم يربي ولم يريح الناس الله يسترك انت وبنتك ويرحم الناس من شركم

  9. المرأة عندنا في الريف تركب الحمار وتركب البقر والثور والجمل الا انهن لايركبن بهذه الصورة السيئة المظهر فهن يركبن بجنبتهن اي كما خلاف راكب مخلف يعني الرجلين باتجاه واحد لان هذا المنظر قميء وسافر وخاصة بهذا الزي الضيق ..
    وكما قال احد المعلقين ماذا تفعل يد هذا الرجل

  10. الصور اكثر من عادي. بنشوفها كل يوم. العالم اتغير بس نحن المعارفين نغير نفسنا بالرغ

  11. رفيده حرة في تصرفاتها بس نحن الشاغلين بالنا بيها و الصور اكثر من عادية خليها تعيش حياتها يا عالم.

    1. حرة كيف يا أخينا أنت أنت فهمك شنو للحرية واحده مره راكبه لينا حصان ومرة حمار ومره صور في غرف نوم خاصة وتجي تنشروا في النت وملاين الناس تشاهد هذه الصور وتقول حره إنت معيار فهمك للحرية شنوا .. واحده لا راحت ولا جات تصور مثل هذه الصور وتتعمد نشرها لملاين الناس وتقول لي حره .. الله المستعان هذه زمانك يا مهازل .

  12. بدينا تاني لفقع المرارة دا ارحمونا ارجعوا للاخبار المكتوبه عن البنات المنشورة هنا كم بنت والموضوع شنو دا ببقى لينا اكل ولا دواء ولا سلام . استغفر الله انا بخشى واخاف الله من ان اكتب كلام يكون ذنب علي او اتلفظ بالفاظ غير مقبوله ارحمونا ياجماعه

  13. انا قبل كدة قلت السودانين مابرضو الاعوج ياريت نوعية معينة من بناتنا يقرو التعليقات حتى ما يوطو راسنا الكلام للبعض

  14. خبرة والله لو ما عاجباكم زول يعلق مافي كويس إنكم شفتو كل شىء

  15. في السودان , وفي البادية يقولون لك : المرأة أو البنت عندما تمتطي الحمار ( بتفلخ ما بتشلخ ) أي تركب ضامة رجليها على جانب واحد وليس كما تفعل هذه البنت , حتى إنني رأيت بعضهن وهن يركبن ( الموتر سايكل) في أم درمان وهن ( فالخات ) خالفات والأمر كذلك بالنسبة للرجال عندما يمتطون الحمير أو الجمال عرياً أي بلا سرج فيركبون خلفاً (يفلخون ) ولآ أظن أن أحداً يسره أن يذكر بيت الشعر القاسي “والضد الجندرة” الذي يقول : ( إذا ذهب الحمار بأم عمرو ـــــــــــ فلا رجعت ولا رجع الحمار ) أما أنا فأقول معارضاً :* إذا شكل الحمار بأم عمرو ــــــــ فلا تاهت ولا عثر الحمار * تقضي أمرها في كل ضرب ــــــ تسربلُها السلامةُ والستار *

    1. في حمار او حصان بيركبوه بالجانب. اذا مافي داعي من اصله. هاهاهاهاها

    2. هسة في النهاية يعني رفيدة دي فلخت ولا شلخت ؟؟؟
      ويا ناس النيلين ما كل شوية تمسحو تعليقي دا !!!!

      1. أصلا انتو السبب منزلين صورته مالكم متوقعين الناس تعلق تقول شنو يعني؟؟ مؤدبة ومحترمة ومحتشمة!!!

  16. الله يرحم ايام زمان الناس بقت ما عندها دين مافي غيرة السوداني ما برضي لبتو ولا مرتو ولا جارتو تكون بالشكل ده والدنيا كلها تتفرج فيها

  17. ولله يا جماعه قالوا من ستر مسلم ستره الله يوم القيامه هسع فى داعى للتعليقات ديه ديه كلها اثام وأنت يا النشرت الصور بتاعت البنت ديه أسأل لله أن يغفر لك وده هتك أعراض للمسلمين ( والمسلم من سلم الناس من لسانه ويده)

  18. ربنا يسترك يا بت لكن دي ما عمليه تعمليها علي الاقل البسي ليكي حاجه مستوره اذا ابتليتم فاستتروا لكن بي طريقتك دي اول سودانيه تدخل النار بعدين.

  19. غايتوا يا اخوانا دايما دة حالكم يا ناس بلدي مالكم مابين السماحة و الوجاهة و الرقي و التحضر ما كفاية اتنازلت و ركبت ليكم حمار كمان …….. سوف الحساده !!!!!!!!!!!!!!!!!!!!!!!!!!!!!!!!!!!!!!!!!!!!!!!فاهمين حاجه ??????? احييييي حتي علامه الاستفهام قلبتها لي افرنجية أحييييييييييييييي أنا من تخلفي دة !

  20. الحمار مسكييييين ….. وبعدين ما تنسي ادي حق العلوق والنعالات ديل مركوب جنينه ولا شنو

  21. يا جماعة الخير البنت دي عايزة عريس وبس ما اكثر من كده الفيه الخير يتقدم ليها خاصة هي ليست مصرية انما سودانية اصيلة لانها بتحاول تظهر على العرسان للاختيار

  22. والله هي لا بتهمنا ولاتخصنا تتحرق بنار جهنم ان شاء الله ولكن نخاف علي بنات البلد وبنات الناس ان تؤثر عليهم بالمظاهر الخداعة الله يهديك يابت من غير اداب او ياخدك من قدامنا ويريحنا منك

  23. الله يهديك يا رفيده عابدين و كافة بنات المسلمين… المراه في الريف السوداني بتركب الحمار عادي

  24. دي الطريقة الصاح للركوب . يعني دغري مش بالجنبة . وبعدين هي حرة . عالم ما عندها شغلة غير النقد . انا اكتر شي لفت نظري هو هذا الحمار الصغير كأنه يشتكي من استخفافها به ولسان حاله يقول انا هنا للعمل واداء الواجب وليس للترفيه .

    1. والله لفتة مالفتك غير الحمار أي حاجة تاني يعني!!!
      هو ذاتو لو ما حمار رفيدة يس تركبو كيف يعني !!!

  25. أنا شخصيآ لا اعتقد من حق اي انسان انو يشتم او يعلق او ينتقد انسان في سلوكياتها الخاصه أتلهو في حالكم وما عليكم بيها

  26. من النهود لي بارة رقصة مع الحمارة هيي هيي هيي العجكو وين يحل الموضوع ده هههههههههههههه والله البت دي عائره وادوها صوت

  27. والله العظيم ماوجعني شتح البت دي ولا عمايلها احتمال تكون عاصيه وماعندها ولي امر وتنازلت عن قيمنا ومبادئنا السودانيه وعن احكامنا الاسلاميه ورضت تكون سلعه رخيصه في السوق الالكتروني معروضه علي الزوار
    بس انت ي ود الشيخ الواجعني وهار قلبي دا من جوووه
    ازاي تتخلا عن رجوووووووولتك
    الرجال شهامه ونخوه وعزة وما بباري النسوان ولا بتاع فارقه
    ولو كنت ما راجل ودا شئ اكيييييييييييييييييييييييييد بعتذر لنفسي اسف شديد عشان تعبتا وعلقتا ليك

  28. الحمار هو من قام بنشر هذه الصور فى النيلين فإذا هى لم تستحى ونشرتها فى صفحتها فأنا لاتهمنى صفحتها ولا صورها اما مثل هذا الغراب فيساعد على مثل هذا السفور