بابكر سلك

الترجي شاف كونفدرالتو وين


*ايها الناااااااااااس
*نحن من نفر عمروا الارض حيثما قطنوا
*نعمر الارض هنا او في رادس او في كل بقاع الارض
*ويا بلادييييييييييي
*يابلادي
*لك حق ان تفخري بمريخك
*فمريخ السودان جالب الفرح لسودان المريخ دوما
*لاكبير امامنا الا الله
*قلناها قبل كده
*وكررناها
*الترجي يشوف كونفدرالتو وين
*شافها ولا ما شافها ؟؟؟؟
*الترجي كبير علي ناسو
*لكن علينا نحنا ابدا
*ايها الناس
*ان تدخل المجموعات عبر باب سويقه هو شرف لا يضاهيه شرف
*وان تدخلها بالنفاج
*فهذه عمايل كدايس ساي
*ايها الناس
*افريقيا كلها عرفت من نحن
*افريقيا كلها عرفت صدق كلماتنا حينما قلنا
*الترجي يشوف كونفدرالتو وين
*شافها ولا ما شافها ؟؟؟
*جميعهم كانوا ابطالا
*برغم قساوة التحكيم الجنوب افريقي
*واحتسابه لهدف الترجي الاول من تسلل واضح
*ولكن مريخنا عظيم رغم التحكيم
*ايها الناس
*جمال الغالي كان حضورا مشرفا مع ابنائه براداس
*فكان لابد للتأهل ان يأتي
*وللكرة ان تتأدب
*وللمريخ ان يتأهل
*من باب سويقه عرف العالم من هو المريخ
*ويكفينا فخرا
*ان مدرب الترجي بارك للمريخ البطولة الافريقيه
*وقبله مدرب عزام قال
*الايام ستثبت ان من اقصاني هو بطل افريقيا
*السنه دي المطار مؤكد يا شفوت
*ايها الناس
*كنا نحتفل من الساعه تمنيه
*كلمناكم قلنا ليكم عندنا احتفال
*وكان حضور ود الياس مشرفا
*وحضور دكتور عمر محمود مشرقا
*وتلاقي الشفوت ضاويا لليل
*اسر حضرت كي تحتفل
*المريخ اسر محترمه
*ايها الناس
*مدرب الترجي قال ليهم
*اتنين يقيفوا جمب بكري والغاني يشرك ليهو
*الحكم لو انهي الكورة
*ما تخلوا بكري براهو
*الزول ده ممكن يجيب قون لو الحكم مودي الصفاره علي قدومو
*شكرا كبيرا يا كردنه
*مشيت لوزان ولا لسه
*ايها الناس
*اكتب قبل مباراة سانا وبانا
*طبعا مابقدر اشوفها
*بعد المريخ والترجي
*ما بصح تشوف كورة سانا وبانا
*بعد التحليه
*الكسره لا تجوز
*حرام قطعا
*الكمونيه يا بت
*ايها الناس
*بكري المدينه لعب باص القون لي ضفر
*بكري ضابح ليهو تيس خلي بالك
*اصلو بحب يضبح التيوس
*من يلعب باص قون
*بعرفوا ضبح ليهو تيس
*ايها الناس
*تأهلنا من راداس
*برغم انف اي شئ
*لاننا الاولي بالتأهل
*خلينا جمهور الترجي يملص قمصانو
*بعد شويه ملص الفنايل
*بعدها ملص المقاعد في المدرجات
*ولو استمرت عشره دقائق تاني
*كان تملص من الترجي زاتو
*المريخ كبيييييييييييييير
*بالاحمر خطر
*بالاصفر بطل
*بالاخضر الترجي فصل
*تاني حانجيكم ساااااي
*ايها الناس
*من غيرنا
*من غيرنا قد طوع المستحيل
*من غيرنا قد قال للترجي حاتطير
*من غيرنا تأهل من راداس الكبير
*ايها الناس
*الفرحه جابت الجميع للاحتفال
*الشاعره القويه المريخيه سعديه
*قالت محتفله بقون ضفر
*مريخنا العظيم هبت نسايمو طراوه *****احمر اخضر ابهي نجومو زايده نداوه
*تسجيلات نوزع بس وراها حلاوه ****** حار قلع الضفر والله ما بتداوي
*وتقصد شاعرتنا بي قلع الضفر يوم سجلنا ضفر
*بمناسبة ضفر
*شطارة البروف غارزيتو وضحت في توظيف ضفر
*خلق منه هداف اساسي بعد ان كان مدافعا شرسا
*اي فريق قابلناهو ضفر جاب فيهو قون
*في عزام القون التاني
*في كابو اسكورب القون الاول
*وفي الترجي جوه راداس قون التأهل
*يا روشا
*كاريكا عندو كم قون ؟؟؟
*ياهن الاتنين الفي الفشنكات ؟؟؟
*قون ضفر في الترجي
*بي فرق العمله بجيب تسعه الف من اقوان كاريكا في الفشنكات
*ده قون في الترجي
*وجوه رادس كمان
*ايها الناس
*اتأهلنا من عصرا بدري من رادس
*والقصه دي خلت ناس بانا غيرو رأيهم ومشوا علي كورتهم
*كانوا ما ماشين
*قالوا حايشوفوا فينا يوم
*شافوا يوم في الترجي
*آمنوا
*ايها الناس
*اكتب وماعارف سانا وبانا عاملين شنو
*اكتب وسانا وبانا بلعبوا
*البعملوا فيهو ده اسم لعب
*والعملناهو نحنا في الترجي ده اسمو شغل
*تكتيك وخطط وتوظيف
*فرق كبير
*ايها الناس
*اوجه حديثي للذين يحقدون من باب ينتقدون
*عندما كتبنا الترجي يشوف كونفدرالتو وين
*قالوا الخزعبلات والتمنيات دي بتنتهي في راداس
*الخزعبلات كلامكم المليئ بالدونيه وعدم الثقه في النفس
*ولا كلامنا لما قلنا الترجي يشوف كونفدرالتو وين ؟؟؟؟؟
*شافها ولا ما شافها يا من تحقدون من باب ينتقدون
*ولا ده ما الترجي البتعرفوهوا انتوا ؟؟؟
*ده الترجي البنعرفوا نحنا
*الترجي البنعرفوا نحنا بطير
*فرررررررررررررر كده
*المهم
*احتفل الشفوت في رادس
*وفي امدرمان والقاهره وباريس وامريكا
*في كل بقاع الدنيا
*في قطر في الامارات وفي الجزائر ناس عوض عيد
*وفي السعوديه
* السعوديون لما شافوا الاعلام الحمراء والمسيرات تجوب الشوارع
*كانوا قايلين الشفوت حوثيون
*قربوا يعيدوا عاصفة الحزم تاني
*المهم
*احتفل الجميع
*وفي القلعه الحمراء كان الجميع حضورا انيقا
*كابتن مجاهد الاشبال من قدامي اللاعبين
*كان حضورا باسرته ونسابته
*كلهم في الحفله
*كبير يا مريخ
*ايها الناس
*نبقي علي البروف غرزه
*ونسمع كلامو
*ونسجل حسب توجيهاتو
*عشان نجيب الاميره الافريقيه السمراء بالطياره
*بالطياره يا مرسي
*ايها الناس
*امس فيصل الجوهرة لعب !!!!!!
*سؤال برئ جدا
*ايها الناس
*ان تشكروا الله يزيدكم من فضله
*حمدا لله رب العالمين
*اها
*نجي لي شمارات والي الخرتوم
*كان شفت يا والينا
*الواطه سخنت علينا
*وشرطي المرور للتظليل حامينا
*والسحائي حايم فينا
*يبقي يا خلونا نظلل يا والينا
*يا يا ولايه من السحائي طعمينا
سلك كهربا
ننساك كيف والترجي طار فررررررررررررررررررر
والي لقاء
سلك


‫4 تعليقات

  1. الله يجازيك يا سلك عاوزك تشرح للناس شنو يعني نفاج . وبعدين مبرووك التأهل وربنا ما خيب ظنك لما قلت الترجي يشوف كمفدراليتو وين

  2. في ٢٠٠٧ في ناس أقصوا الترجي من المجموعات وتأهلوا علي حسابه للمربع الذهبي هزموه ٢ صفر في الخرطوم وتعادلوا معه في تونس بدون ضوضاء وبهدوء

  3. زول الدافوري ده بتكلم بطريقة انتخابات الكيزان تلقي نسبة التصويت 15% يقوموا يخاطبونا ليك وكأنهم احرزوا نسبة 100%. هسع الكائن الاسطوري ده بتاع الدافوري بتاع الحارات قال المريخ وباب سويقة وووو الخ، مع ان الجميع عارف ان المريخ انهزم في هذه المباراة بهدفين في مرمي جمال شعيرية.