محمد عبد الماجد

مع (ﺍﻟﺤﻤﺎﻡ ) ﺩﺍ ﺍﻟﻬﻼﻝ ﻣﻔﺮﻭﺽ ﻳﺸﺎﺭﻙ ﻓﻲ ( ﺍﻟﻤﺠﻤﻮﻋﺎﺕ ) ﺑﺎﻟﺮﺩﻳﻒ؟


• ﺟﻨﺲ ( ﺣﻤﺎﻡ ).
• ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
• ﺍﻟﻔﺮﻕ ﺩﻱ ﺯﻱ ﺍﻟﺰﻭﻝ ﺍﻟﻘﺎﻋﺪ ﻳﻮﺻﻒ ﻟﻴﻚ ﻓﻲ ﺷﺎﺭﻉ.
• ﻗﺪﺭ ﻣﺎ ﻳﻮﺻﻒ ﻟﻴﻚ .. ﻣﺎ ﺑﺘﻌﺮﻑ ﻭﺻﻔﻮ.
• ﻓﺮﻕ ﻛﻠﻬﺎ ﻣﺠﻬﻮﻟﺔ.
• ﻫﺴﻊ ﻧﻘﻮﻝ ﺷﻨﻮ ﻟﻲ ( ﻋﻴﺎﻟﻨﺎ )؟.
• ﻧﺸﺮﺡ ﻟﻴﻬﻢ ﺍﻟﻤﻮﺿﻮﻉ ﻛﻴﻒ؟.
• ﻧﻮﺻﻞ ﻟﻴﻬﻢ ﺍﻟﻔﻜﺮﺓ ﺑﻲ ﻳﺎﺗﻮ ﻃﺮﻳﻘﺔ؟.
• ﻧﻘﻮﻝ ﻟﻴﻬﻢ ﻧﺤﻦ ﺑﻨﻠﻌﺐ ﻓﻲ (ﺍﻟﻤﺠﻤﻮﻋﺎﺕ ) ﻣﻊ ﺍﻻﻧﺪﻳﺔ ﺩﻱ.
• ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
• ﻳﻌﻨﻲ ﺍﻟﻮﺍﺣﺪ ﻟﻮ ﺟﺎﺏ ﻟﻴﻪ ( ﻋﺪﺱ ) ﻣﻊ ﺍﻻﺳﻤﺎﺀ ﺩﻱ ..ﻭﻻ ﻳﻔﺮﺯﻭﻩ.
• ﻳﻤﺸﻲ ﻟﻴﻚ ﻣﻊ ﻫﺬﻩ ﺍﻻﺳﻤﺎﺀ ﺯﻱ ﺍﻟﺤﻼﻭﺓ.
• ﻭﻻ ﻓﻲ ﺯﻭﻝ ﺑﺤﺲ ﺑﻴﻪ.
• ﻭﻻ ﻓﻲ ﺯﻭﻝ ﺑﻴﺸﻌﺮ ﻟﻴﻚ ﺑﺎﻟﻌﺪﺱ.
• ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
• ﻟﻮ ﺟﺒﺖ ﻟﻴﻚ ( ﻧﺒﻠﺔ ) ..ﺑﺘﻔﺮﺗﻚ ﺍﻟﻔﺮﻕ ﺩﻱ ﻛﻠﻬﺎ .
• ﻓﺮﻳﻖ – ﻓﺮﻳﻖ.
• ﻛﻠﻬﺎ ﺑﺘﻄﻴﺮ .
• ﺣﻤﺎﻣﺔ – ﺣﻤﺎﻣﺔ.
• ﻧﺤﻦ ﻧﻠﻌﺐ ﻣﻊ ﺩﻳﻞ ﻓﻲ ﻣﺠﻤﻮﻋﺔ ﻭﺍﺣﺪﺓ.
• ﺩﻱ ﻣﺎ ﻓﺮﻕ ﻳﻠﻌﺒﻮﺍ ﻣﻌﺎﻫﺎ ﻓﻲ ﺍﻟﻤﺠﻤﻮﻋﺎﺕ.
• ﺍﻟﻤﻮﺿﻮﻉ ﺩﺍ ﺑﺎﻟﻨﺴﺒﺔ ﻟﻴﻨﺎ ﺯﻱ ﺍﻟﺰﻭﻝ ﺍﻟﻜﺒﻴﺮ ..ﻭﻗﺎﻋﺪ ﻓﻲ ﺍﻟﺸﺎﺭﻉ ﻳﻠﻌﺐ ﻟﻴﻪ ﻣﻊ (ﺷﻔﻊ ) .
• ﻣﺎ ﺑﻴﻤﺸﻲ ﻣﻌﺎﻧﺎ.
• ﻭﻻ ﺑﻴﻘﺴﻢ.
• ﻭﻻ ﺑﻨﻘﺒﻠﻮﺍ ﻟﻲ ﻧﻔﺴﻨﺎ.
• ﺭﺃﻳﻜﻢ ﺷﻨﻮ ﻧﻠﻌﺐ ﻓﻲ ﺍﻟﻤﺠﻤﻮﻋﺎﺕ ﺑﺎﻟﺮﺩﻳﻒ؟ .
• ﺍﻟﺮﺩﻳﻒ ﺑﺲ.
• ﺍﺻﻼ ﻧﺤﻦ ﻭﺻﻠﻨﺎ ﺍﻟﻤﺠﻤﻮﻋﺎﺕ ﺑﻲ ﻧﺎﺱ ﺍﻃﻬﺮ ﺍﻟﻄﺎﻫﺮ ﻭﻣﺤﻤﺪ ﻋﺒﺪﺍﻟﺮﺣﻤﻦ ﻭﻭﻟﻴﺪ ﻋﻼﺀﺍﻟﺪﻳﻦ.
• ﻳﻌﻨﻲ ﻣﻔﺮﻭﺽ ﻧﻜﻤﻞ ﺟﻤﻴﻠﻨﺎ.
• ﻭﻧﺸﺎﺭﻙ ﻓﻲ ﺍﻟﻤﺠﻤﻮﻋﺎﺕ ﺑﺸﻜﻞ ﺭﺳﻤﻲ ﺑﺎﻟﺮﺩﻳﻒ .
• ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
• ﻣﺎ ﻋﻨﺪﻧﺎ ﻟﻼﻧﺪﻳﺔ ﺩﻱ ﺍﻛﺘﺮ ﻣﻦ (ﺍﻟﺮﺩﻳﻒ ) .
• ﺑﺲ ﻟﻮ ﻛﺎﻥ ﺍﻻﺗﺤﺎﺩ ﺍﻻﻓﺮﻳﻘﻲ ﺑﻴﺴﻤﺢ ﻟﻴﻨﺎ ﻧﻀﻴﻒ ﻟﻴﻨﺎ ( 25 ) ﻻﻋﺒﺎ ﻣﻦ ﺍﻟﺮﺩﻳﻒ ﻛﻨﺎ ﺷﺎﺭﻛﻨﺎ ﻓﻲ ﺍﻟﻤﺠﻤﻮﻋﺎﺕ ﺑﻲ ﻧﺎﺱ ﺍﻟﺠﻌﻠﻲ ﻭﺍﻟﺒﺮﻧﺲ ﻭﺍﻟﺼﻴﻨﻲ.
• ﻧﺎﺱ ﺑﺸﻪ ﻭﻣﺴﺎﻭﻱ ﻭﻻ ﺑﻨﺨﺴﺮﻫﻢ ﻣﻊ ( ﺍﻟﺤﻤﺎﻡ ) ﺩﺍ.
• ﺍﻟﻤﺠﻤﻮﻋﺎﺕ ﺍﻟﺸﺎﻳﻔﻬﺎ ﺩﻱ ﻣﺎ ﻋﺎﻭﺯﺓ ﺍﻛﺘﺮ ﻣﻦ ( ﺭﺩﻳﻒ ) ﺍﻟﻬﻼﻝ.
• ﻳﻤﻴﻦ ﺑﺎﻟﺮﺩﻳﻒ ﻧﻄﻘﻄﻘﻬﻢ ﻟﻴﻜﻢ ﺯﻱ ﺍﻟﻤﺎ ﺣﺼﻞ ﺣﺎﺟﺔ.
• ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
• ﻣﻌﻘﻮﻟﺔ .
• ﺩﻱ ﻣﺠﻤﻮﻋﺎﺕ ﺩﻱ.
• ﺍﻟﻤﺠﻤﻮﻋﺎﺕ ﺑﻘﺖ ﺯﻱ ﺣﻔﻠﺔ ﺍﻟﺸﺎﻱ.
• ﺍﻟﻤﺠﻤﻮﻋﺎﺕ ﺍﻟﺴﻨﺔ ﺩﻱ ﻋﺎﻣﻠﺔ (ﺳﻴﺴﺘﻢ ) .
• ﺍﻻﻧﺪﻳﺔ ﺩﻱ ﺯﻱ ﺍﻋﻤﺪﺓ ﺍﻟﻜﻬﺮﺑﺎﺀ ﺍﻟﺒﻜﺘﺒﻮ ﻓﻴﻬﺎ ( ﺫﻛﺮﻱ ﻣﻦ ﻓﻼﻥ ) .
• ﺩﻳﻞ ﺇﻟّﺎ ﻳﻌﻤﻠﻮﺍ ﻟﻴﻬﻢ ( ﺫﻛﺮﻱ ).
• ﺍﻟﺒﻨﻘﻮﻝ ﻋﻠﻴﻬﻢ ( ﺻﻘﻮﺭ ) ﻛﻠﻬﻢ ﻳﻄﻠﻌﻮﺍ (ﺣﻤﺎﻡ ).
• ﻋﻠﻴﻜﻢ ﺍﻟﻠﻪ ﻟﻮ ( ﺍﻟﺘﺮﺟﻲ ) ﻣﺎ ﺣﻤﺎﻡ ﻳﺼﻌﺪ ﺑﻴﻜﻢ ( ﺿﻔﺮ ).
• ﺿﻔﺮ (ﺍﻟﻄﺎﺑﻖ ﺍﻟﺘﺎﻧﻲ ) ﻣﺎ ﺑﻘﺪﺭ ﻳﺼﻌﺪ ﻟﻴﻪ .
• ﻳﺼﻌّﺪ ﺑﺎﻟﻤﺮﻳﺦ ﻟﻠﻤﺠﻤﻮﻋﺎﺕ.
• ﺣِﻜﻢ.
• ﻭ
• (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ).
• ﺑﺲ ( ﺍﻻﻣﻴﻦ ﻭﺩ ﺍﻟﻤﺨﻮﺗﻠﻲ ) ﻗﺎﻝ ﻟﻮ ﺩﻱ ﻣﺠﻤﻮﻋﺎﺗﻜﻢ .. ﺍﻟﻤﻮﺿﻮﻉ ﻭﻻ ﻣﺤﺘﺎﺝ ﻟﻴﻪ ﻟـ (ﺍﻟﺠﻮﻫﺮﺓ ﺍﻟﺰﺭﻗﺎﺀ ).
• ﺍﻟﻤﻮﺿﻮﻉ ﺩﺍ ﺳﺎﻛﺖ ﻛﺪﺍ ﻣﻤﻜﻦ ﻧﺤﺴﻤﻮ.
• ﺟﻮﻫﺮﺓ ﺯﺭﻗﺎﺀ ﻋﻠﻰ ﺷﻨﻮ؟.
• ﺧﻠﻴﻨﺎ ﻓﻲ ﺍﺳﺘﺎﺩﻧﺎ ﺩﺍ ﻳﺎ ﺍﻟﻜﺎﺭﺩﻳﻨﺎﻝ .
• ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
• ﺩﻳﻞ ﻣﻔﺮﻭﺽ ﻧﻠﻌﺐ ﻣﻌﺎﻫﻢ ﻓﻲ ﺩﺍﺭ ﺍﻟﺮﻳﺎﺿﺔ ﺍﻡ ﺩﺭﻣﺎﻥ.
• ﺍﺳﺘﺎﺩ ﺍﻟﻬﻼﻝ ﺑﻲ ﺣﺎﻟﺘﻮ ﺩﻱ ﻛﺘﻴﺮ ﻋﻠﻴﻬﻢ .
• ﻏﺎﻳﺘﻮ ﻣﻔﺮﻭﺽ ﺗﻮﺟﻬﻮﺍ ﺷﻜﺮ ﺧﺎﺹ ﻻﺣﻤﺪ ﻋﺒﺪﺍﻟﻠﻪ ( ﺿﻔﺮ ).
• ﻭﺻﻠﻜﻢ ﺍﻟﻤﺠﻤﻮﻋﺎﺕ .
• ﻭﺷﻜﺮ ﺧﺎﺹ ﻛﻤﺎﻥ ﻟﻲ ﻣﺠﺪﻱ ﺷﻤﺲ ﺍﻟﺪﻳﻦ.
• ﻣﺠﺪﻱ ﺷﻤﺲ ﺍﻟﺪﻳﻦ ﺩﺍ ﻣﻔﺮﻭﺽ ﺗﻤﻨﺤﻮﻩ ( ﻭﺷﺎﺡ ).
• ﺗﺠﻴﺒﻮﻩ ﻓﻲ ﺍﺳﺘﺎﺩ ﺍﻟﻤﺮﻳﺦ ﻭﺗﻜﺮﻣﻮﻩ.
• ﻣﺠﺪﻱ ﺷﻤﺲ ﺍﻟﺪﻳﻦ ﻣﺎﻟﻮ ﻛﻤﺎﻥ؟ .
• ﻟﻮ ﻣﺎ ﻣﺠﺪﻱ ﺷﻤﺲ ﺍﻟﺪﻳﻦ – ﺍﻟﻤﺠﻤﻮﻋﺎﺕ ﺩﻱ ﺗﺸﻮﻓﻬﺎ ﺑﺲ ﻓﻲ
ﺑﻲ ﺍﻥ ﺳﺒﻮﺭﺕ .
• ﺗﺴﻤﻌﻮﺍ ﺑﻴﻬﺎ ﺑﺲ ﻋﻨﺪ ﻧﺎﺱ ﺍﻟﻬﻼﻝ.
• ﻣﺎ ﻋﺎﻭﺯ ﺍﻗﻮﻝ ﻟﻴﻜﻢ ( ﺿﺮﺑﺔ ﺍﻟﺠﺰﺍﺀ ) ﺍﻟﻤﻨﺤﻮﻩ ﻟﻴﻜﻢ ﻓﻲ ﺍﻡ ﺩﺭﻣﺎﻥ ﻓﻲ ( ﺍﻏﺎﺛﺔ ) ﻣﺎ ﺑﺤﺴﺒﻮﻫﺎ.
• ﻓﻲ ﺑﺮﻧﺎﻣﺞ ﺍﻟﻜﺎﻣﻴﺮﺍ ﺍﻟﺨﻔﻴﺔ ﻣﺎ ﺑﺤﺴﺒﻮﻫﺎ.
• ﻳﻌﻨﻲ ﺿﺮﺑﺔ ﺍﻟﺠﺰﺍﺀ ﺑﺘﺎﻋﺔ ﺑﻜﺮﻱ ﺍﻟﻤﺪﻳﻨﺔ ﺩﺍ …ﻓﻲ ﺍﻳﺎﻡ ﺍﻟﺴﻴﻮﻝ ﻭﺍﻻﻣﻄﺎﺭ ﻭﺍﻟﻔﻴﻀﺎﻧﺎﺕ ﻣﺎ ﺑﻌﺪﻭﻫﺎ .
• ﻟﻮ ﻋﻨﺪﻛﻢ ﻇﺮﻭﻑ ﻣﺎ ﺑﺤﺴﺒﻮﻫﺎ ﻟﻴﻜﻢ .
• ﺍﻟﻄﺮﻳﻒ ﻣﺤﻤﺪ ﻓﻀﻞ ﺍﻟﻠﻪ ﻓﻲ ﻣﺒﺎﺭﺍﺓ ﺍﻟﻬﻼﻝ ﻭﺳﺎﻧﻐﺎ ﻓﻲ ﻣﺨﺎﻟﻔﺔ ﺧﺎﺭﺝ ﺍﻟﺨﻂ ﻗﻌﺪ ﻳﻜﻮﺭﻙ ( ﺿﺮﺑﺔ ﺟﺰﺍﺀ ) .
• ﻣﺤﻤﺪ ﻓﻀﻞ ﺍﻟﻠﻪ ﻗﺎﻳﻞ ﻧﻔﺴﻮ ﺑﻌﻠﻖ ﻋﻠﻰ ﻣﺒﺎﺭﺍﺓ ﻟﻠﻤﺮﻳﺦ.
• ﻳﺎ ﻣﺤﻤﺪ ﻓﻀﻞ ﺍﻟﻠﻪ ﻧﺤﻦ ﺍﻟﺤﺎﺟﺎﺕ ﺩﻱ ﻣﺎ ﺑﻴﺤﺴﺒﻮﻫﺎ ﻟﻴﻨﺎ ( ﺿﺮﺑﺔ ﺟﺰﺍﺀ ) .
• ﺍﻟﺤﺎﺟﺎﺕ ﺩﻱ ﻋﻨﺪﻛﻢ ﻫﻨﺎﻙ ﻓﻲ ﺍﻟﻤﺮﻳﺦ.
• ﻭﻻ ﻋﺎﻭﺯﻧﻬﺎ.
• ﻭﻻ ﺗﻜﻮﺭﻙ ﻓﻴﻬﺎ.
• ﻭ
• (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ).
• ﺑﺲ ( ﺧﻠﻴﻔﺔ ﻭﺩ ﺍﻟﺸﻮﻓﻌﻠﻲ ) ﻗﺎﻝ ﺍﻟﺘﺮﺟﻲ ﺍﻟﺴﻨﺔ ﺩﺍ ﺯﻱ (ﺍﻟﻤﻤﺮﺽ ) ﺍﻟﺒﻌﻤﻞ ﻟﻴﻚ ﻓﻴﻬﺎ ( ﺩﻛﺘﻮﺭ ) .
• ﻟﻜﻦ ﺑﺮﺿﻮ ﻋﺸﺎﻥ ﻧﻜﻮﻥ ﻭﺍﺿﺤﻴﻦ ﻣﻌﺎﻛﻢ ﺍﺷﻜﺮﻭﺍ ﺿﻔﺮ ﻭﻣﺠﺪﻱ ﺷﻤﺲ ﺍﻟﺪﻳﻦ .
• ﺿﻔﺮ ﻣﺎ ﻗﺼﺮ .
• ﻭﻣﺠﺪﻱ ﺷﻤﺲ ﺍﻟﺪﻳﻦ ﺑﺮﺿﻮ ﻣﺎ ﻗﺼﺮ .
• ﻭﻣﺠﺪﻱ ﻗﺒﻞ ﺿﻔﺮ ﻛﻤﺎﻥ.
• ﻣﺠﺪﻱ ﺟﺎﺏ ﻟﻴﻜﻢ ﺣﻜﻢ ﻓﻲ ﺗﻮﻧﺲ ﻣﺎ ﻓﻴﻪ ﺍﻱ ﻛﻠﻤﺔ.
• ﺟﺎﺏ ﻟﻴﻜﻢ ﺣﻜﻢ ﻧﻀﻴﻒ .
• ﻣﺎ ﻓﻴﻪ ﺍﻱ ﻛﻠﻤﺔ.
• ﺍﻭﻝ ﻣﺮﺓ ﺍﺷﻮﻑ ﻟﻲ ﺣﻜﻢ ﺍﻓﺮﻳﻘﻲ (ﺩﻏﺮﻱ ) ﻛﺪﺍ.
• ﺍﻟﺤﻜﻢ ﺍﻟﺠﻨﻮﺏ ﺍﻓﺮﻳﻘﻲ ﺍﻣﺲ ﻓﻲ ﺗﻮﻧﺲ ﺍﻟﺨﻤﺲ ﺩﻗﺎﺋﻖ ﺍﻟﺰﻣﻦ ﺍﻟﺒﺪﻝ ﺍﻟﻀﺎﺋﻊ ﻛﻠﻬﺎ ﺟﻤﺎﻝ ﺳﺎﻟﻢ ﻛﺎﻥ ﺑﺘﻌﺎﻟﺞ ﻓﻴﻬﺎ ﻭﺑﻤﺜﻞ.
• ﻣﻊ ﺫﻟﻚ ﺍﻧﻬﻰ ﺍﻟﻤﺒﺎﺭﺍﺓ ﻗﺒﻞ ﺍﻟﺰﻣﻦ ﺍﻟﺬﻱ ﺍﺿﺎﻓﻪ .
• ﺍﻟﺰﻣﻦ ﺍﻟﺒﺪﻝ ﺿﺎﺋﻊ ﻣﺎ ﻛﻤﻠﻮ.
• ﺍﻧﺘﻮﺍ ﺍﻟﺤﻜﺎﻡ ﺩﻳﻞ ﺑﺘﺠﻴﺒﻮﻫﻢ ﻣﻦ ﻭﻳﻦ؟.
• ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
• ﺍﻟﻤﺪﻳﺮ ﺍﻟﻔﻨﻲ ﻟﻨﺎﺩﻱ ﺍﻟﺘﺮﺟﻲ ﺯﻱ ﺍﻱ ﻣﺪﻳﺮ ﻓﻨﻲ ﻗﺎﻝ ﺑﻌﺪ ﺍﻟﺨﺮﻭﺝ ﻓﻲ ﺗﺼﺮﻳﺤﺎﺕ ﻧﺸﺮﺕ ﻟﻪ ﻓﻲ ﺍﺣﺪ ﺍﻟﻤﻮﺍﻗﻊ : ( ﺃﺭﺟﻊ ﺍﻟﻤﺪﻳﺮ ﺍﻟﻔﻨﻲ ﻟﻠﺘﺮﺟﻲ ﺍﻟﺘﻮﻧﺴﻲ، ﺟﻮﺯﻳﻪ ﺩﻱ ﻣﻮﺭﺍﻳﺲ ﺧﺮﻭﺝ ﻓﺮﻳﻘﻪ ﻣﻦ ﺩﻭﺭﻱ ﺍﺑﻄﺎﻝ ﺍﻓﺮﻳﻘﻴﺎ ﻷﺧﻄﺎﺀ ﺍﻟﺤﻜﺎﻡ ﻓﻲ ﻟﻘﺎﺀ ﺍﻟﺬﻫﺎﺏ ﺃﻣﺎﻡ ﺍﻟﻤﺮﻳﺦ ﺍﻟﺴﻮﺩﺍﻧﻲ. ﻭﺃﺷﺎﺭ ﺍﻟﻰ ﺍﻥ ﺣﻜﻢ ﺍﻟﻴﻮﻡ ﺍﻟﺠﻨﻮﺏ ﺍﻓﺮﻳﻘﻲ ﺑﻴﻨﺎﺕ ﻛﺎﻥ ﺟﻴﺪﺍ ﻭﻻ ﻳﺠﺎﻣﻞ، ﻭﺃﺿﺎﻑ ﺧﻼﻝ ﺍﻟﻤﺆﺗﻤﺮ ﺍﻟﺼﺤﻔﻲ ﺍﻟﺬﻱ ﻋﻘﺪﻩ ﻣﺒﺎﺷﺮﺓ ﺑﻌﺪ ﻣﺒﺎﺭﺍﺓ ﺍﻻﻣﺲ ﻟﺤﺴﺎﺏ ﺇﻳﺎﺏ ﺍﻟﺪﻭﺭ ﺍﻟــ16 ﻟﺪﻭﺭﻱ ﺍﻷﺑﻄﺎﻝ : ﺿﺮﺑﺔ ﺍﻟﺠﺰﺍﺀ ﺍﻟﺬﻱ ﻣﻨﺤﻬﺎ ﺣﻜﻢ ﻟﻘﺎﺀ ﺍﻟﺬﻫﺎﺏ ﻟﻤﻨﺎﻓﺴﻨﺎ ﻫﻲ ﺍﻟﺘﻲ ﻛﺎﻧﺖ ﻭﺭﺍﺀ ﺍﻗﺼﺎﺋﻨﺎ ﻣﻦ ﺍﻟﻤﺴﺎﺑﻘﺔ .. ﻓﺒﻌﺪ ﻫﺰﻳﻤﺔ ﺍﻟﺬﻫﺎﺏ ﻛﻨﺎ ﻣﻄﺎﻟﺒﻴﻦ ﺑﻌﺪﻡ ﻗﺒﻮﻝ ﺃﻱ ﻫﺪﻑ ﻭﺍﻟﻔﻮﺯ ﺑﺜﻨﺎﺋﻴﺔ ﻧﻈﻴﻔﺔ ﻭﺫﻟﻚ ﻭﺿﻊ ﺍﻟﻼﻋﺒﻴﻦ ﺗﺤﺖ ﺿﻐﻮﻃﺎﺕ ﺣﺘﻤﻴﺔ ﺗﺴﺠﻴﻞ ﻫﺪﻓﻴﻦ ﻭﻫﻮ ﻣﺎ ﺍﺛﺮ ﻋﻠﻰ ﺃﺩﺍﺋﻬﻢ ﻃﻮﺍﻝ ﺍﻟﻠﻘﺎﺀ ﻭﺟﻌﻠﻬﻢ ﻳﻬﺪﺭﻭﻥ ﻓﺮﺻﺎ ﺳﺎﻧﺤﺔ ﻟﻠﺘﺴﺠﻴﻞ ﺑﺴﺒﺐ ﺍﻟﺘﺴﺮﻉ ﻭﺍﻟﺮﻏﺒﺔ ﻓﻲ ﺍﻟﺘﻬﺪﻳﻒ ﺑﺴﺮﻋﺔ ) .
• ﺯﻭﻟﻜﻢ ﻟﻐﺎﻳﺔ ﺍﻵﻥ ﻣﺎﺳﻚ ﻓﻲ ( ﺿﺮﺑﺔ ﺍﻟﺠﺰﺍﺀ ) ﺑﺘﺎﻋﺔ ﺑﻜﺮﻱ ﺍﻟﻤﺪﻳﻨﺔ ﺍﻟﺘﻰ ﺍﺣﺘﺴﺒﺖ ﻓﻲ ﺍﻡ ﺩﺭﻣﺎﻥ.
• ﺍﻱ ﻣﺪﺭﺏ ﺑﻄﻠﻊ ﺑﻬﺎﺟﻢ ﺍﻟﺤﻜﺎﻡ .
• ﻣﺎ ﺗﺸﺘﻐﻠﻮﺍ ﺑﻜﻼﻡ ﺍﻟﻤﺪﻳﺮ ﺍﻟﻔﻨﻲ.
• ﺻﺮﺍﺣﺔ ﺍﻟﺘﺮﺟﻲ ﺍﻟﺬﻱ ﺷﺎﻫﺪﻧﺎﻩ ﻓﻲ ﺍﻡ ﺩﺭﻣﺎﻥ ﻭﻓﻲ ﺭﺍﺩﺱ … (ﺍﻟﻜﻮﻧﻔﺪﺭﺍﻟﻴﺔ ) ﻛﺘﻴﺮﺓ ﻋﻠﻴﻪ .
• ﻓﺮﻳﻖ ( ﺍﻟﺤﻤﺎﻡ ) ﺷﻮﻳﺔ ﻋﻠﻴﻪ.
• ﺷﺎﺑﻜﻨﻨﺎ ﺍﻟﺘﺮﺟﻲ – ﺍﻟﺘﺮﺟﻲ .. ﻭﻫﻮ ( ﺣﻤﺎﻡ ) ﺳﺎﻛﺖ.
• ﺍﻟﻐﺮﻳﺒﺔ ﺍﻥ ﺍﻟﺤﻤﺎﻡ ﺍﻟﺴﻨﺔ ﺩﻱ ﻟﻴﺲ ﺍﻟﺘﺮﺟﻲ ﺑﺮﺍﻫﻮ.
• ﺍﻻﻫﻠﻲ ﺍﻟﻤﺼﺮﻱ ﺑﺮﺿﻮ ﻃﻠﻊ (ﺣﻤﺎﻡ ) .
• ﻭ
• (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ).
• ﺑﺲ ( ﺍﻟﺴﺮﺓ ﺑﻨﺖ ﻋﺜﻤﺎﻥ ) .. ﻗﺎﻟﺖ ﺍﻟﻜﻮﻧﻔﺪﺭﺍﻟﻴﺔ ﺍﻟﺴﻨﺔ ﺩﻱ ﺯﻱ ( ﺑﻴﺖ ﺍﻟﺒﻜﺎ ) .
• ﺣﺎﻟﺔ ﺍﻟﻔﺮﻕ ﻓﻴﻬﺎ ﺗﺤﻨﻦ .
• ﺣﺎﻟﺘﻬﻢ ﺻﻌﺒﺔ.
• ﺧﺮﺝ ﺍﻟﺼﻔﺎﻗﺼﻲ ﺍﻟﺘﻮﻧﺴﻲ ﺍﻣﺎﻡ ﻓﺮﻳﻖ ﻣﻮﻟﺪﻳﺔ ﺍﻟﻌﻠﻤﺔ ﺍﻟﺠﺰﺍﺋﺮﻱ ﺍﻣﺲ ﻟﺘﺼﺒﺢ ﻫﻨﺎﻙ ﺛﻼﺛﺔ ﺍﻧﺪﻳﺔ ﻣﻦ ﺍﻟﺠﺰﺍﺋﺮ ﻓﻲ ﺍﻟﻤﺠﻤﻮﻋﺎﺕ ﺑﺎﻋﺘﺒﺎﺭ ﺍﻥ ﻭﻓﺎﻕ ﺳﻴﻄﻒ ﻛﺎﻥ ﺑﻄﻞ ﺍﻟﻨﺴﺨﺔ ﺍﻻﺧﻴﺮﺓ ..ﻟﺬﻟﻚ ﺷﺎﺭﻙ ﺍﻟﺠﺰﺍﺋﺮ ﺑﺜﻼﺛﺔ ﺍﻧﺪﻳﺔ ﻓﻲ ﺑﻄﻮﻟﺔ ﺍﻻﻧﺪﻳﺔ ﻟﻼﺑﻄﺎﻝ ﺍﻻﻓﺮﻳﻘﻴﺔ ﻭﺻﻠﺖ ﺟﻤﻴﻌﻬﺎ ﻟﻤﺮﺣﻠﺔ ﺍﻟﻤﺠﻤﻮﻋﺎﺕ.
• ﻭﻣﺜﻠﻤﺎ ﺍﺧﺮﺝ ﻭﻓﺎﻕ ﺳﻄﻴﻒ ﻓﺮﻳﻖ ﺍﻟﺮﺟﺎﺀ ﺍﻟﻤﻐﺮﺑﻲ ﻭﺍﺧﺮﺝ ﺍﺗﺤﺎﺩ ﺍﻟﺠﺰﺍﺋﺮ ﻛﺎﻟﻮﻡ ﻏﻴﻨﻴﺎ .. ﺍﺳﺘﻄﺎﻉ ﻣﻮﻟﺪﻳﺔ ﺍﻟﻌﻠﻤﺔ ﺍﻥ ﻳﺨﺮﺝ ﺍﻟﺼﻔﺎﻗﺼﻲ ﺍﻟﺘﻮﻧﺴﻲ ﻋﺒﺮ ﺍﻻﺣﺘﻜﺎﻡ ﻟﻀﺮﺑﺎﺕ ﺍﻟﺘﺮﺟﻴﺤﻴﺔ.
• ﺍﻟﻨﺎﻗﺼﺔ ﺗﻤﺖ.
• ﺣﻤﺎﻡ ﻋﻠﻰ ﺍﺻﻮﻟﻪ .
• ﺍﻟﻜﻮﻧﻔﺪﺭﺍﻟﻴﺔ ﺑﻘﻰ ﻓﻴﻬﺎ ﺍﺭﺑﻌﺔ ﺍﻧﺪﻳﺔ ﺗﻮﻧﺴﻴﺔ .. ﻫﻲ ﺍﻟﺘﺮﺟﻲ ﻭﺍﻟﻨﺠﻢ ﻭﺍﻻﻓﺮﻳﻘﻲ ﻭﺍﻟﺼﻔﺎﻗﺼﻲ.
• ﻳﻌﻨﻲ ﺍﻟﻜﻮﻧﻔﺪﺭﺍﻟﻴﺔ ﺍﺻﺒﺤﺖ ( ﺩﻭﺭﻱ ﺗﻮﻧﺴﻲ ) ﻣﺼﻐﺮ.
• ﻭﻫﻨﺎﻙ ﺍﻻﻫﻠﻲ ﺍﻟﻤﺼﺮﻱ ﻭﺍﻟﺮﺟﺎﺀ ﺍﻟﻤﻐﺮﺑﻲ ﻭﻟﻴﻮﺑﺎﺭ ﻭﺍﺳﻴﻚ ﺍﻟﻌﺎﺟﻲ ﻭﻓﻴﺘﺎ ﻛﻠﻮﺏ.
• ﺍﻻﻧﺪﻳﺔ ﺩﻱ ﻛﻠﻬﺎ ﻓﻲ ﺍﻟﻜﻮﻧﻔﺪﺭﺍﻟﻴﺔ .
• ﺩﻳﻞ ﻳﻠﻌﺒﻮﺍ ﻓﻲ ﺍﻟﻜﻮﻧﻔﺪﺭﺍﻟﻴﺔ .. ﻭﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ اﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ ﻳﻠﻌﺒﻮﺍ ﻓﻲ ﺍﻟﻤﺠﻤﻮﻋﺎﺕ .
• ﻫﺎﻧﺖ ﺍﻟﻤﺠﻤﻮﻋﺎﺕ .
• ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
• ﻭ
• (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ).
• ﺑﺲ ( ﺍﻟﻜﻬﺮﺑﺔ ) ﺍﻣﺲ ﺣﺎﺻﻞ ﻋﻠﻴﻬﺎ ﺷﻨﻮ؟.
• ﺍﻟﻜﻬﺮﺑﺔ ﺍﻣﺲ ﻓﻲ ﺍﻟﺨﺮﻃﻮﻡ ﺯﻱ (ﺻﻴﻨﻴﺔ ) ﺍﻟﻐﺪﺍﺀ ﻓﻲ ﺍﻟﻤﻨﺎﺳﺒﺎﺕ .. ﻳﺠﻴﺒﻮﻫﺎ ﻫﻨﺎ ..ﻭﻳﺸﻴﻠﻮﻫﺎ ﻣﻦ ﻫﻨﺎﻙ.
• ﻟﻜﻦ ﺍﻗﻮﻝ ﻟﻴﻜﻢ.
• ﻣﻊ ﺿﻔﺮ ﻭﻣﺠﺪﻱ ﺷﻤﺲ ﺍﻟﺪﻳﻦ ﺍﺷﻜﺮﻭﺍ ﺟﻤﺎﻝ ﺍﻟﻮﺍﻟﻲ.
• ﻣﺎ ﻋﺸﺎﻥ ﺑﺪﻓﻊ ﻟﻴﻜﻢ.
• ﻭﻻ ﻋﺸﺎﻥ ﺳﺎﻓﺮ ﺗﻮﻧﺲ.
• ﺍﺷﻜﺮﻭﺍ ﺟﻤﺎﻝ ﺍﻟﻮﺍﻟﻲ ﻋﺸﺎﻥ ﻟﻮ ﻣﺎ ﺍﺳﺘﻘﺎﻟﺘﻮ ﺩﻱ .. ﻛﺎﻥ ﺍﻟﻤﺠﻤﻮﻋﺎﺕ ﺗﺴﻤﻌﻮﺍ ﺑﻴﻬﺎ ﺳﻤﻊ .
• ﺟﻤﺎﻝ ﺍﻟﻮﺍﻟﻲ ﺍﺳﺘﻘﺎﻟﺘﻮ ﻓﻴﻬﺎ ( ﺑﺮﻛﺔ ).
• ﻛﻞ ﻣﺎ ﻳﺴﺘﻘﻴﻞ ﺍﻟﻤﺮﻳﺦ ﺑﻤﺸﻲ ﻟﻲ ﻗﺪﺍﻡ.
• ﺟﻤﺎﻝ ﺍﻟﻮﺍﻟﻲ ﺍﻣﺲ ﻓﻲ ﺗﻮﻧﺲ ﺍﻛﺪ ﺍﺳﺘﻘﺎﻟﺘﻪ .
• ﺑﺎﻟﻄﺮﻳﻘﺔ ﺩﻱ .. ﺍﻟﻤﺮﻳﺦ ﻣﻤﻜﻦ ﻳﺸﻴﻞ ﻛﺎﺱ ﺍﻟﺒﻄﻮﻟﺔ.
• ﻋﺸﺎﻥ ﻛﺪﺍ ﻣﻔﻮﺭﺽ ﻧﺎﺱ ﺍﻟﻬﻼﻝ ﻳﻜﻮﻧﻮﺍ ﻟﻴﻬﻢ ﻭﻓﺪ ﻳﻘﻌﺪ ﻣﻊ ﺟﻤﺎﻝ ﺍﻟﻮﺍﻟﻲ ﻋﺸﺎﻥ ﻳﻘﻨﻌﻮ ﺑﺎﻻﺳﺘﻤﺮﺍﺭ .
• ﻋﺸﺎﻥ ﺍﻟﻤﺮﻳﺦ ﻳﺮﺟﻊ ﺗﺎﻧﻲ ﻭﻳﻄﻠﻊ ﻣﻦ (ﺍﻟﺘﻤﻬﻴﺪﻱ ).
• ﺟﻤﺎﻝ ﺍﻟﻮﺍﻟﻲ ﺍﺳﺘﻘﺎﻝ ﺍﻣﺎﻡ ( ﻋﺰﺍﻡ ) ﺍﻟﻤﺮﻳﺦ ﺍﺗﺄﻫﻞ ﺑﻌﺪ ﺍﻥ ﻛﺎﻥ ﻣﺘﺄﺧﺮ 0 / .2
• ﻭﺍﺗﺄﻫﻞ ﺍﻟﻤﺮﻳﺦ ﻋﻠﻰ ﺣﺴﺎﺏ ﺍﻟﺘﺮﺟﻲ ﺑﻌﺪ ﺍﻥ ﺍﻛﺪ ﺟﻤﺎﻝ ﺍﻟﻮﺍﻟﻲ ﺍﺳﺘﻘﺎﻟﺘﻪ .
• ﺍﻻﺳﺘﻘﺎﻟﺔ ﺩﻱ ﻓﻴﻬﺎ ﺑﺮﻛﺔ .
• ﻭ
• (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ).
• ﺑﺲ ﺍﻟﺴﻨﺔ ﺩﻱ ﺍﻟﺒﻄﻮﻟﺔ ﺍﻻﻓﺮﻳﻘﻴﺔ ﻓﻴﻬﺎ ( ﻣﺠﻤﻮﻋﺎﺕ ) ﺯﻱ ﺍﻟﺪﻳﻮﺍﻥ ﺍﻟﺪﻳﻤﺔ ﻣﺮﺷﻮﺵ.
• .……… ﻭ
• ﻓﻲ ﻣﻮﻗﻊ ( ﻛﻔﺮ ﻭﻭﺗﺮ ) ﺍﻣﺲ : (ﺍﻋﻠﻦ ﺍﻟﺴﻴﺪ ﺟﻤﺎﻝ ﺍﻟﻮﺍﻟﻲ ﺭﺋﻴﺲ ﻧﺎﺩﻱ ﺍﻟﻤﺮﻳﺦ ﺍﻧﻪ ﻗﺮﺍﺭ ﻣﻐﺎﺩﺭﺗﻪ ﻟﻜﺮﺳﻲ ﺭﺋﺎﺳﺔ ﺍﻟﻨﺎﺩﻱ ﺍﺻﺒﺢ ﺍﻣﺮﺍ ﻭﺍﻗﻌﺎ ﻭﺳﻴﺘﻢ ﺑﻌﺪ ﻋﻮﺩﺗﻪ ﻣﻦ ﺗﻮﻧﺲ ﻣﺒﺎﺷﺮﺓ ، ﻣﺸﻴﺮﺍ ﺍﻟﻰ ﺍﻥ 24 ﺳﺎﻋﺔ ﻓﻘﻂ ﻫﻲ ﺍﻟﺘﻲ ﺗﻔﺼﻠﻪ ﻋﻦ ﺗﺮﻙ ﺭﺋﺎﺳﺔ ﺍﻟﻨﺎﺩﻱ ، ﻭﻋﻠﻤﺖ “ﻛﻔﺮ ﻭﻭﺗﺮ” ﻣﻦ ﻣﺼﺎﺩﺭ ﻣﻘﺮﺑﺔ ﻣﻦ ﺍﻟﻮﺍﻟﻲ ﺍﻥ ﺭﺋﻴﺲ ﺍﻟﻤﺮﻳﺦ ﺍﺳﺮ ﻻﺣﺪ ﺍﻟﻤﻘﺮﺑﻴﻦ ﻣﻨﻪ ﺍﻧﻪ ﺍﻛﺘﻔﻲ ﺗﻤﺎﻣﺎ ﺑﺎﻟﻔﺘﺮﺓ ﺍﻟﺘﻲ ﻗﻀﺎﻫﺎ ﺭﺋﻴﺴﺎ ﻟﻠﻤﺮﻳﺦ ﻣﻨﻮﻫﺎً ﺇﻟﻰ ﺍﻧﻪ ﺷﻌﺮ ﺑﺎﻟﺘﻌﺐ ﺣﺘﻲ ﻭﺻﻞ ﺍﻟﻔﺮﻳﻖ ﻟﻬﺬﻩ ﺍﻟﻤﺮﺣﻠﺔ ، ﻭﻃﺎﻟﺐ ﺍﻟﻮﺍﻟﻲ ﺍﻫﻞ ﺍﻟﻤﺮﻳﺦ ﺑﺄﻥ “ ﻳﺒﻘﻮﺍ ﻋﺸﺮﺓ ﻋﻠﻲ ﺍﻟﻔﺮﻳﻖ” ﻭﺃﻥ ﻳﺤﺎﻓﻈﻮﺍ ﻋﻠﻴﻪ ﺑﻤﺴﺎﻧﺪﺗﻪ ﻭﺩﻋﻤﻪ ﻓﻲ ﻣﺸﻮﺍﺭﻩ ﺍﻟﻤﺤﻠﻲ ﻭﺍﻻﻓﺮﻳﻘﻲ ﻣﺸﺪﺩﺍ ﻋﻠﻰ ﺍﻥ ﻗﺮﺍﺭ ﺍﺳﺘﻘﺎﻟﺘﻪ ﻧﻬﺎﺋﻲ ﻭﻻ ﺭﺟﻌﺔ ﻓﻴﻪ ﻣﻬﻤﺎ ﺣﺼﻞ ) .
• ﻧﺎﺱ ﻭﺩ ﺍﻟﻴﺎﺱ ..ﺡ ﻳﻘﻮﻟﻮﺍ ﺍﺧﻴﺮ ﻟﻴﻨﺎ (ﺍﻟﻜﻮﻧﻔﺪﺭﺍﻟﻴﺔ ).
• ﺍﻟﻤﺠﻤﻮﻋﺎﺕ ﺡ ﺗﺒﻘﻰ ﻟﻴﻬﻢ ﻣﻠﺢ – ﻣﻠﺢ.
• ﻟﻜﻦ ﻣﺎ ﺗﺨﺎﻓﻮﺍ ﻳﺎ ﻣﺮﻳﺨﺎﺏ .. ﻃﻮﻝ ﻣﺎ ﺟﻤﺎﻝ ﺍﻟﻮﺍﻟﻲ ﻗﺎﻝ ﺍﻥ ﺍﺳﺘﻘﺎﻟﺘﻪ ﻗﺮﺍﺭ ﻧﻬﺎﺋﻲ .. ﻳﺒﻘﻰ ﺍﺳﺘﻘﺎﻟﺘﻪ ﻣﺎ ﻗﺮﺍﺭ ﻧﻬﺎﺋﻲ.
• ﻭﻃﻮﻝ ﻣﺎ ﻗﺎﻝ ﻟﻴﻜﻢ ﻻ ﺭﺟﻌﺔ ﻓﻴﻬﺎ ..ﻳﺒﻘﻰ ﻓﻴﻬﺎ ﺭﺟﻌﺔ .
• ﻛﻤﺎﻥ ﻧﺤﻦ ﻣﺎ ﺑﻨﻌﺮﻑ ﺍﻟﻮﺍﻟﻲ.
• ﻛﻞ ﻣﺮﺓ ﺑﻘﻮﻝ ﻛﺪﺍ.
• ﺍﻟﺰﻣﺎﻟﻚ ﺍﻟﻤﺼﺮﻱ ﺍﻣﺲ ﺣﻘﻖ ﺍﻧﺘﺼﺎﺭ ﻋﻠﻰ ﺍﻟﻔﺘﺢ ﺍﻟﻤﻐﺮﺑﻲ ﻓﻲ ﻣﺒﺎﺭﺍﺓ ﻣﺜﻴﺮﺓ.
• ﻗﻠﻨﺎ ﻟﻴﻜﻢ ﺍﻟﻜﻮﻧﻔﺪﺭﺍﻟﻴﺔ ﻭﻟﻌﺖ .
• ﻭﺍﻟﺤﻤﺎﻡ ﻣﺸﻰ ﺍﻟﻤﺠﻤﻮﻋﺎﺕ.
• ﻟﻮ ﻋﺎﺭﻓﻨﻬﺎ ﺑﺘﻮﻟﻊ ﻛﺪﺍ .. ﻛﻨﺎ ﻧﺰﻟﻨﺎ ﺍﻟﻜﻮﻧﻔﺪﺭﺍﻟﻴﺔ .
• ﻧﺤﻦ ﺍﻟﺤﻤﺎﻡ ﻣﺎ ﻗﺎﻋﺪﻳﻦ ﻧﺪﻭﺭﻭ.
• ..………
• ﺍﻟﺴﻴﺪﺓ ( ﻝ ) …ﺟﻮﺯ ﺍﻟﺤﻤﺎﻡ ﺍﻟﺠﺎﻧﺎ ﻓﻲ ﺍﻟﻤﺠﻤﻮﻋﺎﺕ ﺩﺍ ﻋﺎﻭﺯﻧﻮ (ﺷﻮﺭﺑﺔ ) .
• ﻭﻗﺮﺽ ﻋﻠﻰ ﻛﺪﺍ .


‫11 تعليقات

  1. يا عمي اي من الفرق التي ذكرتها ستطيح بفريقك (الحمام) .. فصاحة اكثر من اللازم .. بالله عليك مباراة (ابوالهل) امس مع فريق اكثر من مغمور وبرضو الهلال تعبان .. تتكلم عن الحمام والحمام عندك في البيت ..

  2. على قدر ما احترم كتاباتك ككاتب متميز ، على قدر ما اندم كل مرة أقرأ فيها لك.
    الحقد على المريخ يعميك تماما
    على الاقل كان يجب ان تبارك للمريخ تأهله لأنه اذا كان الهلال والمريخ كل الشعب السوداني،
    اذن بالأمس كل الشعب السوداني فرح لتأهلهما ، ونحن كسودانيين بنشارك بعض الفرح والكره
    كان بس بالمنطق دا .
    حتى ع الأقل تبارك لي فريقك التأهل . وعلى ذكر التأهل انت اصلا زعلان لتأهل المريخ
    أكثر من تأهل الهلال.

  3. أنت يا محمد عبدالماجد اقعد علي لماطك دي لما الله يرميك مع مازمبي الحمام وعينك ماتشوف الا 66666666

  4. يا اخى المريخ مفروض يخرج من مباراة عزام
    اوغستين مفروض يطرد من الشوط الاول وهدف وانغا فاول اوضح من الشمس
    ولمحمد الحق فى تناول المريخ انظر الى حقد مزمل وسلك

  5. هههههههههههههههههههههههههه وتاني ههههههههههههههههههه
    ﺳﻤﻮﺣﺔ .. ﺍﻟﻤﻐﺮﺏ ﺍﻟﺘﻄﻮﺍﻧﻲ … ﺍﺗﺤﺎﺩ ﺍﻟﺠﺰﺍﺋﺮ … ﻣﻮﻟﺪﻳﺔ ﺍﻟﻌﻠﻤﺔ .… ﺍﻟﻤﺮﻳﺦ ﺍﻟﺴﻮﺩﺍﻥ.
    • ﻳﻌﻨﻲ ﺍﻟﻮﺍﺣﺪ ﻟﻮ ﺟﺎﺏ ﻟﻴﻪ ( ﻋﺪﺱ ) ﻣﻊ ﺍﻻﺳﻤﺎﺀ ﺩﻱ ..ﻭﻻ ﻳﻔﺮﺯﻭﻩ.
    • ﻳﻤﺸﻲ ﻟﻴﻚ ﻣﻊ ﻫﺬﻩ ﺍﻻﺳﻤﺎﺀ ﺯﻱ ﺍﻟﺤﻼﻭﺓ.
    • ﻭﻻ ﻓﻲ ﺯﻭﻝ ﺑﺤﺲ ﺑﻴﻪ.

  6. انت راجل مقرف في كتاباتك بدل ما تشجع فرق السودان يا عديم الوطنية والاحساس حاقد ارزقي بتاع كروش وبتاع صحن الفول

  7. تعال للمجموعات بالرديف عشان مازيمبي يديكم تسعة ..

    ومريخ السودان ما سمعت بيهو !!! .. طيب آخر مرة غلبت المريخ كان سنة كم !!

    اختشي ..

  8. عفارم عليك يا ود عبد الماجد انتو لو شفتو وقريتو كتابات مزمز وكابو وسلك تقول ود الماجد موسي

  9. عفارم عليك يا ود عبد الماجد انتو لو شفتو وقريتو كتابات مزمز وكابو وسلك تقول ود عبد الماجد موسي

  10. انتوا يا مريخاب قدر ما تنعصروا تعملوا فيها عقلانيين ونا س حكمة وكده بس شوفوا كتابكم بيقولوا شنوا وبيعملوا شنوا ده حقدهم عمل مساوى قيت ديل بتجسسوا على الهلال وعملاء عدييل ولا بيختشوا وطنية شنوا يا نجمة المسالمة وعندكم عين كمان تتكلموا على ود عبدالماجد ده لو وزنتوا مزاميزكم وكبابكم وسلكم علا اسماعيل ده بنحترمه تب ما بيشبه ناسكم ديل يا صفوة هى صفوة شنوا صفوة شرامة صفوة صفوة عبار استغفر الله نسيت التاء المربوطة هى ما عبار بتشديد الباء لكن باضافة التاء المربوطى

  11. لا اعلم كيف اصبح هؤلاء كتاب امثال عبدالماجد وسلك وكابو في الشأن الرياضي في حين تخلو تماماً اعمدتهم من التحليل الفني الرياضي لانجد شيء غير المهترااااااااات والتقليل من شأن الفريق الأخر كأنما هذا من كوكب وذلك من كوكب أخر
    وهنا نقول الجمل مابشوف عوجة رقبتو ياود عبدالماجد إذا كان الفريق المغربي والجزائري والمصري حمام فكيف تأهلت انت لهذا الدور ولماذا لم تنتصر بثلاثة والخمسة علي الفريق الكنغولي المغمور ……!؟
    والشيء الأخر فماذا سوف يكون قولك حينما تنتصر هذه الفرق عليك في دور المجموعات حينها ماذا سوف تكتب ولا المدرب هو الغلاطاان عند الهزيمة وليس الفريق الحمام …..!؟
    لذلك نقول لكم جميعاً لاتصنعو من الحمل نمراً لأن أدا الهلال والمريخ غير مطمئن رقم تأهلهم لهذا الدور ومن الأن تمني أن لاتقع مع المغرب التطواني
    اعشق الهلال وانا هللابي علي السكين ولكن لايرطني مثل هذا والتقليل من فرق الوطن لأنه تلعب بأسم السودان ياصحفين الغفلة …؟ّ!