سياسية

السودان يتحول للنظام الملكي..الملك “كبر”، ولي العهد “إيلا” ، ولي ولي العهد “معتز”


بحسب ورقة فكرية تم تقديمها داخل إحدى أمانات حزب المؤتمر الوطني الحاكم في السودان ، تقترح الدراسة التي يتم النقاش حولها بسرية مقترح تحويل الحكم في السودان من النظام الجمهوري إلى نظام “المملكة الشورية”.

وبسؤال لموقع “سوداناس” للدكتور الجامعي حافظ باشري المتخصص في شئون الأحزاب السودانية عن صحة ما يتداول عن تلك الورقة قال “بالفعل علمت بذلك لكن الورقة مازالت في نقاش على مستوى قاعدي ولم تصل للقيادات”.

وبحسب ما يتداول تقترح الورقة إجراء إستفتاء للشعب السوداني بنعم أو لا للتحول للنظام الملكي ،وذلك بنهاية الفترة الرئاسية الحالية التي تنتهي منتصف العام 2020.

ويبدو أن فكرة “المملكة الشورية” هي رد من الحزب الحاكم لفكرة الزعيم المعارض حسن الترابي “النظام الخالف” التي يروج لها هذه الأيام.

وتقترح الورقة الفكرية إعتماد النظام الشوري وإلغاء الإنتخابات الرئاسية ومبايعة كل من “عثمان محمد يوسف كبر” والي شمال دارفور الحالي ملكاً للسودان ومبايعة “محمد طاهر إيلا” والي البحر الاحمر ولياً للعهد ، وكذلك مبايعة “معتز موسى” وزير الموارد المائية والكهرباء الحالي ولياً لولي العهد.

حسن حماد- سوداناس


‫28 تعليقات

  1. غايتو المؤتمر الوطني بقى يخاف من الانتخابات عديييل
    يعني نجهز عمم ولا صديري ولا بدل ولا عقالات
    اخلى حاجة الملك من الغرب ولي العهد من الشرق ومعتز ولي ولي العهد من الوسط

  2. خلاص انا ببقي أمير امارة شمال كردفان
    الأمير يوسف بن محمد بن عيسى ال الجهني

  3. (غايتو المؤتمر الوطني بقى يخاف من الانتخابات عديييل)

    ضحكتني عدييييييل يا فيصل.؛؛؛؛؛؛؛؛ علي الطلاق البشير يحكم لمن يقول باره ما داير.

  4. والله مما حفظو الكلام ده لبله الدجال عرفنا في حاجة زي دي حتقترح

  5. كان كبر ملك البشير وعلى عثمان ونافع وعبدالرحيم ديل يكونو شنو

    1. أكيد كل واحد منهم سوف يعلن نفسه امبراطور بعد استقلال دولة دنقلا وشندي والجزيرة لأن النظام الملكي مابينفع معاهم

  6. النظام الملكي اثبت نجاحه في الخليج لكن في السودان لا ينجح لان السودان متعدد القبائل والثقافات ومن رائي ينفع نظام الولايات السودانية المتحدة ان شاء الله مع مراعاة العدل والنزاهة

  7. يبدو ان بلة الغايب قد تم تعينه فعلا” مستشارا” في القصر الجمهوري 🙂 🙂

  8. اتمنى ان تكتب الصحافة بما ينفع الناس والبلد فقط نحس بانها ماجورة وهذا عيب اولا انا شخصيا احس بان الوالي (كبر ) من اكثر الناس الذين تعرضوا لابتلاءات وصمد وواجهته محن كثيرة في ولايته ولاية تعج بالاجانب بالتمرد ارثى فيها السلم والي ناجح وما العيب لو الزول نجح واثبت كفاءته وولائه لاهله ووطنه ان يستمر هل هنالك شبه ماليه عليه وموقعه بامكانه ياكل من منظمة واحدة يكون اغنى زول ثانيا ( ايلا ) طور ولايته صارت من اجمل مدن السودان بورسودان اجمل من العاصمة لو لا النيل الذي حباه لنا الله لكانت اوسخ عاصمة بالعالم الخرطوم لان مدراء المحليات لا يعملون ولا المحافظين ولم يطوروا اي شيء فقط يطوروا كيفية زيادة الرسوم كيفية التحصيل لكن عمل يحس به مواطن لا يوجد . الوالي مشروعه متخلف او هو يستعين باشخاص لا علاقة لهم بالعمل ولا الجمال ولا شافوا ولا زاروا باقي الدول هل من الصعب ان توفر كل محلية (حاويات نفاية امام كل خمسة منازل بدل الاكياس الاوساخ البعوض يعالج ناس الملاريا بكم في السنة يكلف الدولة كم كل الناس شهريا تدفع رسوم نفايات لكن وسيلة وطريقة جمعها عيب ومشينه لا يشبه عاصمة هل من الصعب اي محلية تشتري 30 عربة حديثه وجياد دي بتعمل في شنو لو ما قادرين توردوا ومن الخارج بكون ارخص من جياد او حرامي بعطا عقد يجلب مستعملات

  9. اكيييد حتكون الحكاية فيها مشيخة
    ومن حسي
    ترقبوا اخوكم الشيخ عبدالله بن عبدالحميد ال ضوبنا الكردافي امارة شمال كردفن طبعازااموضوع شوري لا انتخابات ولا يحزنون اراضي سااااااكت لكن كدا الجماعة ما باكلواا تيم

  10. هههههههههههههههه هههه….. هههه…… هههه…… وكان الله يحب المحسنين ولكل أجل كتاب !!!!!!!!

  11. انا ما عارف السودان دا الحصل ليه شنو في قول صحفيه وعقول القراء
    اي مسخرة وكلام فاضي يتم تصديقة وتتلقفه الصحف والمواقع ويصبح مثار جدل وكلام ولغط فاطي يا اخي اتقوا الله في عقول الناس الله يخرب بيتكم واحد واحد

    1. اخى السودان مصاب بمرض فيروسى خطير وفتاك لايوجد الا فى السودان فيروس اسمه تشرذم الاحزاب الرجعية البائدة الملطخة بحب الرئاسة ونهب ثروات البلاد لصالحهم ولصالح ابنائهم والتابعين لهم ومن يعملون عملاء لمصلحتهم من دول العداء للوطن وللمواطنين الواجب ان تخلى هذه الفئة والشرذمة الطريق لشبابنا
      او ان ينقلعوا ولو بابادتهم
      لو كان فى الامر حيلة لناديت لهم ابوعاج اشهر طبيب لبتر الاعضاء الفاسدة من الجسد السودانى

  12. الاخوة المعلقين كونوا جادين فى تعليقاتكم وقدموا اقتراحاتكم واطرحوا اراءكم بدلا من الاستهزاء اطرحو المفيد ومنكم نستفيد انة السودان بلد الامان والانهار والجنان والحب والحنان وفية اسراب الحسان من الاغنام والضان والابقار والجمال والغزلان فية وفية فية حلاوة اللسان فية كرامة الانسان لانريد ان نندم ونقول زمان كان فى بلد اسمة السودان يابلدى يااحب مكان ياحبيبى ياالسودان

  13. ايوه نحن كشعب نقبل بفكره تقسيم السودان الى خمس دول …وكل دوله حره فى ان تختار نظام الحكم فيها ان كان رئاسى او ملكى…لكن ان تفرضوا علينا ملكا اوعائله ماله هذا مرفوض مرفوض …ولن ينجح لان التمرد سينطلق من الوسط هذه المره …والسودان ده ماحق الترابى كفايه تنظير ..

  14. هل باشري استاذ جامعي فعلا ؟ ام هو مجرد ملفق من ملفقي الأخبار !!!!!

  15. السلام عليكم

    دايرين الجد …. السودان لايحتاج ملكية ….ولا يحتاجديمقراطية الأحزاب المهرجة ….. ونحن دولة لا يعرف شعبها ما هى الديمقراطية …التي يساق اليها الناس …زرافات ….ووحدانا …بأمر من زعيم العشيرة ….أو القبيلة .
    نحن بلد …متعدد الأعراق …والثقافات ….واللغات … نحتاج الي من يوحدننا … وكيف ذلك ؟؟؟
    نحن نحتاج الى حكم عسكري ….دكتاتوري ….مستبد …. مستنير …
    حكم عسكري ….يطبق القانون فقط …. لايعرف …قريب …او بعيد ….ولا يعرف جهوية …او عنصرية ..
    حكم يقةل للأعور ….أنت أعور ….حكم ينصب المشانق ….والرصاص ….والسيف ….ويعلق …ويصلب نهارا …جهارا .
    هذا هو الحكم …الذي يستحقه السودان ….في بلد كلها ساسة …
    قسمآ ….عظمآ …. لو طبق هذا النظام ….البلد ….تمشي عدييييييييييييييييييييييييييييييييييييل .
    ومافي زول اقول ….سيك …ولا ميك …. ايه رأيكم ؟؟؟؟

  16. كلام فارغ
    هذا لان الدولة مش قادرة تستفيد من مزايا الحكم الجمهورى ولانها مش قادرة تطبق الديمقراطية تطبيقا سليما لمصحلة الوطن والشعب
    الحل الامثل ان يحال الى المعاش كل الكهول التى تعدت اعمارهم اليو م سن الهرم والسن المعتدل ويتركوا لشبابنا مسالة حكم البلاد وادارتها ومصلحة الوطن والشعب والاجيال القادمة
    فلقد انتهى زمان هؤلاء الكراكيب وفشلوا فى كل شئ ونحن والله لنا شباب مثقف ومتعلم ولهم الخبرات الكافية لادارة دفة الحكم فى البلاد وستكون ادرتهم للبلاد وتخطيطاتهم مدروسة وفق ثقافتهم لا مجرد تخمينات كما فعل ويفعل الكهول المهدى الترابى ابوعيسى الميرغنى والسيوعيون سجم الرماد وكل الكراكيب المتصارعة للحكم يجب عليهم ان يعترفوا انهم فشلوا فى ادارة دفة الحكم لمصلحة الوطن والشعب والاجيال ولم يفلحوا الا فى نهب ثروات البلاد وحرمان الشعب منها واستعبادهم بسلس الطائفية الدينية والحزبية طوال حكمهم ولم يقدموا للاجيال شيئا هاانذا توالدت الاجيال وكبرت واصبحوا شبابا ولم يجدوا مصلحة بنتها لهم الحكومات السابقة لان كلها كانت تعمل لمصلحة نفسها واتباعها والعالم الخارجى بغية اسناد بقائهم على كراسى السلطة بمساندتهم
    اطلقوا العنان لشبابنا فهم اهل الحكم والوطن فلقد مضى زماننا دون ان نقدم شيئا ونحن الان ضيوف فى ضيافتهم

  17. يا جماعه قولو كلام غير ده اتونسوا باي حاجه تانيه ما تجننوا الامام الصادق هو هسع بحاول ليه في طريقة ترجعون وتمخولوه بالملكيه حيقول ليكم هذه فكرتي من زمان شوفوا الحزب بتاعي شغال بالملكيه من زمان ده كله تمهيد لينا دخلنا الولد مدرسة المؤتمر والبنت في باريس والبقيه في الامانات وتجوا تقولو لي كبر يكون ملك غير عصايته ابو هنكول عمره ما شال حاجه ولا حصل كتل ليه جداده ولا سرق بس تجوا ترشحوه ملك علي طول والله بتجننونا والمراغنه زعلانين من كلامكم ده كان ممكن ياخدوا ولاية العهد تدوها لحيرانهم ناس الشرق ناس ادروب والله ده حقاره يا ناس خلو الموضوع دا في حنانكم .

  18. الأسئلة الرابع والخامس والسادس من الفتوى رقم ( 2158 ):
    س4: من بدا فقد جفا ، هل هو حديث وما مرتبته؟
    ج4: جاء في كتاب [كنوز الحقائق في حديث خير الخلائق] بهامش [الجامع الصغير] 2 / 97 بلفظ: من بدا جفا ومن اتبع الصيد غفل رواه الطبراني ، وجاء في [الجامع الصغير] ومعه [كنوز الحقائق] 2 / 112 بلفظ: من بدا جفا رواه الإِمام أحمد عن البراء ورمز له السيوطي بأنه حسن، وجاء فيه أيضًا بلفظ: من بدا جفا ومن اتبع الصيد غفل ومن أتى أبواب السلطان افتتن ، وأشار إلى أنه أخرجه الطبراني في [الكبير] عن ابن عباس ورمز له بأنه حسن، وقال أبو داود : حدثنا مسدد ، ثنا يحيى عن سفيان ، حدثني أبو موسى عن وهب بن منبه عن ابن عباس عن النبي صلى الله عليه وسلم، وقال – مرة – سفيان : ولا أعلمه إلاَّ عن النبي صلى الله عليه وسلم قال: من سكن البادية جفا، ومن اتبع الصيد غفل، ومن أتى السلطان افتتن .
    وبالله التوفيق. وصلى الله على نبينا محمد، وآله وصحبه وسلم.
    اللجنة الدائمة للبحوث العلمية والإِفتاء

  19. يجب تغيير الأسم ونظام الحكم 1- الأسم يتكون شعبنا من أربع قوميات الترتيب حسب اللأكثرية أ- العرب ب- النوبيين ج- الأفارقة د- البجاويين أقترح الأسماء التالية 1-(بلاد النيلين – بلاد النيل أو( أرض النيل – أرض النيلين ) 2- (سلطنة عناب) الحرف الاول لكل قومية عرب نوبيين أفارقة بيجاويين ثانيا نظام الحكم( سلطانى أميري) يقوم مجلس الشورى المنتخب من الشعب مباشرة بترشيح 4-6 أشخاص من خارج أعضاء مجلس الشورى ثم يقوم (أهل الحل والعقد 40 شيخا ممن تجاوزوا ال 40 عاما ) بأختيار واحد من هؤلاء لمدة معينة طويلة قصيرة يحق لمجلس الشورى المنتخب دوريا كل 4 سنوات أن يطلب أعفاء (السلطان أو الأمير ) شرط موافقة التلتين أو تلاتة أرباع مجلس الشورى المنتخب ونفس العدد من مجلس أهل الحل والعقد يتم أعفاء السلطان أو الأمير على أن يتولى رئيس مجلس الشورى أو أمين أهل الحل والعقد (الأمارة مؤقتا )لمدة لا تزيد عن 40 يوما حتى يتم أختيار (أمير – سلطان ) جديد * أختيار الوزراء يرشح السلطان – الأمير الوزراء – الولاة – السفراء قادة الجيش والأجهزة الأمنية ثم يقوم أهل الحل والعقد بفحصهم ومن يحصل على الثلثين يتم تصعيده لمجلس الشورى المنتخب لينال نسبة 50%+صوت هذا مضمون يمكن البناء عليه بالحذف أو الزيادة او الالغاء على العموم هذا رأيى شخصى “تنظير “هذا والله أعلم

  20. طيب الاسماء دى تتغير كيف؟؟

    يعنى كبر يكون عثمان بن محمد بن يوسف بن كبر الدارفورى الكردفانى !!!

    الزمن من اغلى العوامل لذا لا تضيعو الزمن ياناس ارجوكم شوفو حاجة فيها فايدة خلو الوهم و الغيبوبة الانتو فيها دى