منوعات

بالصور.. (عواسة) (القراصة) تجبر الإعلامية رفيدة ياسين علي الجلوس أرضاً وهي مرتدية البنطلون


فاجأت الإعلامية السودانية ومراسلة قناة اسكاي نيوز أصدقائها بصور تداولها الكثيرين,قيل أنها قامت بنشرها عبر حسابها الرسمي علي موقع التواصل الاجتماعي تويتر.

حيث أظهرت الصور الإعلامية التي تحظي باهتمام كبير من قبل الرواد وهي جالسة علي الأرض ومرتدية بنطلون وتستعد لتعلم صناعة الأكلة الأشهر في السودان (القراصة) والتي تصنف من المأكولات الشعبية المعروفة في السودان.

وعلي الرغم من الكمية الكبيرة التي حصلت عليها من الإشادات من قبل أصدقائها بسبب تحمسها علي تعلم صنع المأكولات السودانية, إلا أن سهام النقد طالتها أيضاً بسبب الملابس التي ظهرت بها من خلال هذه الصور.

حيث يري جمهور المنتقدين أن مثل هذه الملابس لا يتم ارتدائها في المناطق الريفية والتي يمتاز أهلها بالبساطة والسماحة, وكان عليها أن ترتدي ملابس أكثر حشمة من هذه لكي تستطيع التأقلم مع حياة الريف ومن ثم تعلم عاداتهم وتقاليدهم وحتى أكلاتهم.

11209755(عواسة) (القراصة) تجبر الإعلامية رفيدة ياسين علي الجلوس أرضاً وهي مرتدية البنطلون

11209755_921941891201834_7936508864564656113_n
رفيدة ياسين

ياسين الشيخ _ الخرطوم

 

النيلين


‫36 تعليقات

    1. لوكنا عايزين نشوف جنس دا كنا عملنا لايك لصفحتة في الفيسبوك وكل يوم تجينا صور واخبار بالكوم للامورة…
      نحنا هنا عشان نشوف أخبار هادفة .. مش أخبار هايفة

    2. في ناس كدا عايزين يعلقوا والسلام ..

      طبعا ما معقول تغير ملابسها عشان تتصور .. لأنها ببساطة ما قاعدة تصور كليب بتاع أغنية .. ولو نظرك كان (نص نص) ح تلاحظ أنو خلفية الحيطة مختلفة وحتى منطقة العواسة .. تاني حاجة أنا شايف ملابسها معقولة مقارنة بالمنظر في الشارع العام، والصورة الأولى لابسة قميص طويل (تونك يا قول البنيات !)

      أنا صراحة رفيدة دي (ما من ناسها) لكن الحق حق !!

  1. عشان تعرفوها عايزة تظهر وبس هسي شنو في كل صورة لبس غير ،، في داعيه لجنس العوارة دي والمشكله انه ممكن انه تأثر على بنات اهل المنطقه بي لبسها والمياعه دي

  2. ***إستوب … إعادة التصوير من البداية … حطينا الحطب تحت الدوكه يلا يارفيده ولعي النار … أنفخي قولي أووووووف أووووف أووووف … بعد داك إمسحي الدوكة زين … وخليها تسخن … وأبدي عوسي القراصة … أوكي
    ***نبدأ التصوير … أكشن

  3. اعتقد لو قعتي فوق بنبر بيكون افضل واريح من القعاد علي الارض
    الله يديك الصحة والعافية ويوفقك في عملك

  4. عرفنا وشفنا في الفيديو كليب الفنانات والكومبارس بيغير كل كم دقيقة لكن عواسة قراصة تاخد ربع ساعة يغيروا فيها حتى البنطلون .. دي جديدة

    1. والله كلامك صاح :خلونا منها ،عملوها لينا كيم كارديشيان السودان بالأخبار الهايفة دي.

  5. ياخ دي دعاية ساكت نحن ناس اقاليم وبنعوس فوق البوتجاز ولا كانون بالغاز ولا العدمان عندو كانون
    ده كلام للاستعراض واظهار اللبس ما اكتر
    ان شاء الله يلم فيها واحد يعرسها ويمنعها من الظهور

    1. هههههههههههههههه هسي لو دعواتك دي استجابت ،، و يجيها واحد متمسك وانصار سنه جلايبيته فوق من الركبه

  6. مالها ؟ يا حلاتها حتى بالهدوم العصرية دى إنتو يا ناس الريف لا عاجبكم العجب ولا الصيام فى رجب ..

  7. حضور مدهش وكاريزما ساحرة وحيثما تكونى تتجه الانظار وتواضعك جعلك اكثر جمالا .. ربنا يحفظك

  8. الاستاذه رفيده يسن مراسلة اسكاي نيوز وجه سوداني مشرق ما في ذلك شك ولكن السؤال المهم هل رفيده هذه اول مراسل سوداني لقناة اخبارية حتي نقحم بها بصورة يومية وهي تركب حمارا مرة وتقوم بعواسة القراصة مرة ثانية وما الغريب في ذلك؟؟!! هل رفيده هذه من كوكب اخر غير الارض ام من بلد اخر غير السودان حتي تكون عواستها للقراصة خبر مهم يستحق النشر ؟ ارحمونا يرحمكم الله.

  9. ماعندكم موضوع تعوس كسرة ولا تعوس فطير في النهاية لازم نفتخر بيها سودانية اعلامية
    انشاء الله في كل صوره لبسه و بسمه

  10. هذه البنت مصابة بالشوفانية ومفتكرة نفسها يا دنيا مافى غيرى كل مرة تطلع لينا بتقليعة جديدة مرة ركوب الحمير ومرة عواسة القراصة وتغير في المنطلونات على طريقة الفيديو كليب وتنشر كل هذه الصور وكانها اتت من كوكب تانى افيدونا افادكم الله من هذه البنت غير انها مراسل لقناة اسكاى نيوز وماهى قناة اسكاى نيوز وسط القنوات العملاقة الجزيرة وفوكس نيوز , غايتو البت دى والمدعو الفحيل ربنا يدينا خيرم

  11. الخبر الجاي قولوا كيم قصدي بالصور رفيدة مطاردة دجاجه احدى الاسر بكل عفويه والديك يقدم لها دعوة مطاردة له في الزيارة القادمه ههههههههه

    1. ههههههه لزيزة يا ريم …. ما تشوفي لي البنت دي داير اعرسها …. انا انصار سنة مشهور اووي

  12. بعدين كيف يعني رفيدة عاملة صحفية دي اعلامية مشهورة جدا وشغالة في قناة عالمية

  13. اولا: نتمني ان نأكل من القراصنة دي او من يدها
    ثانيا: من ناحية ملابسها أراها عادية و مافيها اي كلام
    ثالثا: الي الإخوة المنتقدين أحسن لهم ان لا يعلقوا او ما يتابعوا أخبارها. هي حرة في تصرفاتها و بعدين كل الصور دي للأصدقاء و المعجبين.

    1. انا ضد نشر اي صور لاي فتاة اي كانت هذا مبدأ لكن هذه الفتاة تريد ذلك وهذا الصحفي يساعدها في ذلك بتعمل هنا انك مضايقها ووو دي ياها حركات الشيوعيه الذين لا نخوة لهم فقط يكذبوا بالغناء نحن ونحن وهم عراة في الفكر وفي اللبس والاخ خالد كلامك غلط من اوله لاخره حتى القراصه غلط . انا ما بنتقد ولا نقد كلامنا دا كلامنا دا رفض نرفض هذا ميز بين الانتقاد والرفض دا شيء غير مقبول فهمت معجب ومغرم واصدقاء لبنت امشي شوف محله وين ……. يقول – عز وجل -: ﴿ وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى ﴾ [الأحزاب: 33]
      وين انت من هذه الاية الكريمة تقول صور ومعجبين

  14. ما تجي في (ضفر) بناتنا المحتشمات الحلوات في قنواتنا وخاصة ساحرات النيل الأزرق

    1. هسي (ضفر) الدخلوا هنا شنو ؟ بس عشان جاب قون في الترجي طرتوا بيهو السما حتى مع رفيدة حسين جايبين لينا (ضفركم) ده هههههه

  15. ياخي حيرتينا مره عواسه كسرة ومره عواسه قراصة ومره مع خالد عواسه السر شنو في العواسه دي

  16. هههههههههههههههههههههههه
    قبل يومين انتقدت اعلامية لانه بجون مناسبة او ادنى سبب ختوا لينا صورة وقالوا تمتاز بابتسامة ساحرة تنافس المونليزا وهي تعاين في الواطة وفاتحة خمشها متر .. واظن واحد مراهق وعاجباه الصورة قال انت زول حاقد وبس عايز تنتقدها وووووو الى اخره
    وانا انادي وبشدة تعالوا نهاجم اي موضوع من هذا القبيل عشان نرتاح من رفيدة وغيرها يا اخي ما تشوف ناس خديجة وناس المرحومة ليلى المغربي ولا تشوف منتهى الرمحي وفيروز زيان ولا تشوف المرحومة سهام المغربي ولا تشوف الاستاذة بخيتة احمد والصحافيات اللامعات من السودان في واحدة اتمسرخت وركبت حمار ببنطلون كدا وسايق الحمار راجل .. ولا عملت نفسها حنكوشة مابتعرف شغل البيت وعايز تتعلم على الهواء ..
    ما تتعلم من امها واخواتها وهو يعني كونه انها تجي وتعوس على الهواء خلاص بقت بطلة ومتواضعة .. دا اسمه ترف شو وشو سيء الاخراج ..
    رفيدة اذا كانت اعلامية فهي من اعلامي الصف الثاني يعني مراسلة تقرأ فقط ليس لديها انتاج اعلامي بمعنى انتاج الصحفيين ,, لاعمود لاصفحة في مجلة وانما فقط متجولة وتتصور ..

  17. عدم موضوعية فلماذا الاهتمام بمثل هذه الامور الهايفة فكم من فتاةسوداني تعوس القراصة والكسرة والفطيرة؟ اليس لديكم موضوع غير هذه التي لا تستحي في ملابسها ولا تحترم الذوق السوداني العام.

  18. يا ناس إتقوا الله سألتكم بالله ما عندكم بنات بتلبس زى لبسها دا بطلوا حركات وخلو البيت فى حالها هى تعودت على هذا اللبس وأهلها موافقين مع إنو تشبه بالرجال بس نقول شنو الموضة وآخر الزمن الذى أشار إليه رسولنا الكريم عليه أفضل الصلاة وأتم التسليم

  19. الناس الشابكننا بنطلون بنطلون . علي النعمة البنطلون احسن وافضل واكثر سترة الف مرة من الاسكيرتيات الشايفنها دي . حفظك الله اختنا رفيدة .

  20. عليكم الله ماتزعلو البنية بنيتكم كان زعلتو منها البيشوفها منو وبعدين هي تعبانة وغيرت مرتين عشان تعوس قراصة مع انهم الحسناوات البنعرفهم بعوسو قراصة جد بعد تنتهي من العواسة حتي تمشي تشوف ليها حمام يهني بنيتكم عايزة تتصور جنب ال

  21. الحليوه لم تغيير ملابسها مرتين انما المكان هو اللي تغيير بسبب انها انتقلت من مكان الي مكان يعني هي عاست القراصة في مكانين مختلفين — وسلامتها