زواج سوداناس

جماهيرية الهلال وجماهيرية القذافي


شارك الموضوع :

*قلناها كتير
*قلناها بقناعة كامله
*قلناها استنادا علي الواقع
*قلناها بالمستندات والادله
*ولسه يكابر الاهله
*كلمناكم وقلنا ليكم
*جماهير المريخ هي الاكثر ابداعا وامتعاعا والاكثر عددا
*ولكن اخوتنا الاهله يكابرون
*لا لشئ سوي انهم لايرون في المريخ شيئا جميلا
*برغم الجمال الواضح الباين
*لكنهم يكابرون
*ايها الناس
*الرقم القياسي في الدخل مسجل باسم جماهير المريخ
*قلنا للاهله لو انتوا اكتر مننا
*تعالوا نرجع لي روليت الدخل عشرين سنه لي ورا
*حاتلقوا ملك الشباك بدون منازع هو جمهور المريخ
*وقد كان
*فقالوا الطريقه دي ليست دقيقه
*في هلالاب كتار زعلانين ما بدخلوا كورة الهلال
*قلنا ليهم ارجعوا للمباريات الكبيره وشوفوا عدد الجماهير داخل الاستاد
*وقد كان
*وجدوا ان الارقام القياسيه للدخل في مباريات المريخ
*قالوا ابدا
*زي كورة المريخ والترجي دي دخلها اهله كتار
*كانوا بمنوا النفس يشوفوا يوم في المريخ
*عشان كده دخلوا الكورة
*وجاء استفتاء صدي الملاعب للجمهور الاكثر ابداعا في التشجيع
*فجاء المريخ ثانيا للعرب خلف الزمالك
*وراجعنا الروليت عشرين جمهور لي ورا
*لم نجد الهلال حضورا
*الهلال السعودي ما حضر في ذلك الاستفتاء
*جمهور المريخ مبدع
*والدليل ان اي هتاف للجماهير تجده مريخيا
*فيسرق تارة
*ويعمم تارة اخري
*مثلا بالطول بالعرض مريخنا يهز الارض
*هتاف مريخي من امو
*بقي قومي
*بالطول بالعرض سودانا يهز الارض
*ومافرقت معانا
*لان السودان هو سودان المريخ
*ثم سرق الهتاف
*بالطول بالعرض شنو كده ماعارف يهز الارض
*الابداع يخرج من حناجر الشفوت دوما
*ثم تتخاطفه الحناجر المقلده
*المهم
*كان استفتاء صدي الملاعب للرئيس الاكثر شعبيه
*فاز جمال الوالي
*ماكان في اسم رئيس هلالي في التنافس
*التنافس كان بين البلوي وجمال
*وفاز جمال
*لان الفريق الاكثر شعبيه هو المريخ
*بالتالي الرئيس الاكثر شعبيه منطقي ان يكون رئيس المريخ
*واخيرا كان استفتاء اسكاي نيوز عربيه
*حول من الافضل في الكرة السودانيه
*فكانت النتيجه 9/66 مقابل 91/33
*السته وستين للمريخ طبعا
*والتلاته وتلتين للهلال
*يعني الضعف يا روشا
*يعني نحنا قدركم مرتين
*تلاته وتلتين في اتنين
*ولان الاهله مريخاب زعلانين جاءت التلاته وتلتين
*لو ما الزعله دي كانت النتيجه تسعه وتسعين
*ولسه الاهله بكابروا
*حكاية جماهيريتهم دي
*زي جماهيرية القذافي
*كلام ساي
*يا جرذان وزنقه زنقه والجماهيريه الليبيه
*مرقوهو من ماسوره
*الزول ممكن يطلع ماسورة
*لكن يطلع من ماسوره !!!!
*دي ماعملها الا القذافي والجماعه
*مبروك لجماهير المريخ الشفته
*مبروك للجمهور الاكثر ابداعا
*مبروك للجمهور الاعرض تعدادا
*نعم نعم شفوت احبكم
*ايها الناس
*الازرق يكتسح المريخ في استفتاء سكاي نيوز
*الهلال يكتسح المريخ في استفتاء سكاي نيوز
*دي مانشيتات بعض الصحف
*اها حا بصححوا الملعومه لي القراء
*ولا بقرضوا علي كده ويعملوا نايمين ؟؟؟
*كان صححوها خير وبركه ومهنيه عاليه
*ولو ناموا علي كده يبقي ضللوا التلاته وتلتين في الميه
*والتلاته وتلتين في الميه دي معهد كمبيوتر ما بتدخل
*عيدوا السنه يا رمضان وركزوا
*يمكن تجيبوا ليكم نسبة تدخلكم معهد كمبيوتر
*ايها الناس
*الشفت حسين مثل جماهير المريخ من داخل الاستوديو في اسكاي نيوز
*الكلام ده بعد اعلان النتيجه
*لم يذكر انجازات المريخ الداخليه والجويه
*واظنه قد اشفق علي الاهله
*انا لو محلو
*كان ذكرت انو المريخ هو بطل الجويات في السودان
*ومسجل في لوح الشرف الافريقي
*وعندو تلاته سيكافات
*عجز اي فريق سوداني في الوصول لما وصل اليه
*وكنت قلت لو داير ليك مريخابي بتقابلو في المطار
*وكنت ذكرت انو المريخ شال الدوري بدون هزيمه او تعادل
*ومجلة الفيفا اتكلمت عن الحكاية دي
*وقالت ده اعجاز ما انجاز
*لانو الانجاز بتكرر
*اما الاعجاز فتكرارو شبه مستحيل
*وكان اتحدثت عن المتواليات والرقم القياسي
*وكان قلت كلام كتير
*لكن اخونا حسين حنين
*واشفق علي اخوتنا الاهله
*بالذات وهم يخسرون استفتاء سكاي نيوز بعد ان اعلنوا اكتساحهم له
*المهم
*تعالوا نعمل استفتاء لاكثر الجماهير ذهابا للمطار
*اكيد النتيجه بتكون صفر في الميه لي ناس روشا
*وميه في الميه للجماهير الوفيه
*المهم
*بعد طار الترجي
*الجماعه الذين يحقدون من باب ينتقدون
*ماورونا رأيهم شنو
*الجماعه الكانوا بقولوا الخعبلات وتضليل الجماهير حاينتهي بباب سويقه
*وينكم ؟؟؟
*انتهيتوا انتو
*والجماهير عرفت لماذا تنتقدون من باب يحقدون
*ايها الناس
*ناس كتار بتكلموا عن رحيل رمضان للهلال
*كدي بالمنطق كده
*الهلال تيمو كعب
*ودخل المجموعات بقدرة قادر
*وعندو تلاته فرص للتسجيل في التكميليه
*ولو سجل رمضان ما بلعب ليهو افريقيا
*يبقي قلص فرصو في التسجيل افريقيا لاتنين
*فهل يسجل الهلال رمضان ويدخل المجموعات بدون رمضان
*ويموت مع ناس التطواني موت الضان ؟؟؟
*ام يفتح لي موضوع رمضان وبالذات اول كورة ضد مازيمبي في نهار رمضان ؟؟؟ظ
*لكن المريخ فرصو اربعه للاضافه
*وفريقي ما محتاج كتير
*ممكن يسجل تلاته افريقيا
*ويجمد نزار في الكشوفات المحليه
*مافارقه
*المهم
*امس واقف جمب بيتنا
*جوا ناس الهلال ماشين التمرين بي بوكس
*اسلام ضحكت لما شافت البوكس
*وقالت لي ديل بالبوكس ه ماشين تمرين ولا ماشين تمبول !!!
*قلت ليها يا بتي التلفزيون يوم الاحد حايعيد مسلسل موت الضان
*اللهم ارحم الفاضل سعيد
*ايها الناس
*مسابقه كبيره
*اذكر اسم مدرب الهلال القادم بعد كورة الاحد
*الخيارات
*الفاتح النقر وفطومه اختي
*فوزي المرضي روشا مساعدا له
*كونسلت زي بتاع كورة التلاته ديك
*كردنه شخصيا مع اعادة باتريك مساعدا له
*ترسل الاجابات بالواتساب
*ايها الناس
*نبارك لبنتنا الحمراء الشفته
*آفاق عبدالوهاب حامد حسن
*التالته علي مستوي الولايه التانيه علي مستوي محلية امبده بمجموع 277
*آفاق مريخابيه بت اسرة مريخيه عريقه
*يوجد الابداع دوما حيث يوجد المريخ
*ايها الناس
*احر التعازي للكابتن الضو قدم الخير في وفاة والده
*نسأل له الرحمه والمغفره والصبر للضو واخوته
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كلمونا وقالوا لينا
*تزاحم في ترخيص العربات بعد خفضتوا الرسوم لينا
*فكرة يا والينا
* الذنوب لو لقيتوا طريقها تخفضوها لينا
*تصبحوا تلقونا كلنا للآخره مشينا
*نرتاح منكم وترتاحوا مننا يا والينا
*تاني تلقونا وين تصرحوا لينا وتكضبوا علينا !!!!
سلك كهربا
ننساك كيف ولو ما حرام كان مشينا الآخره برانا اتقدمنا ليكم قدام
والي لقاء
سلك

شارك الموضوع :

تعليقات الفيسبوك

تعليقات


1 التعليقات

      1. 1
        Adil

        حمااااااااااااااااااااااااااااااااااااااااااااااااااااااااااااااااااااااااااااااااااار غيرت الصورة الجديدة البتقطع الخميرة وجبت الاقبح

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *