منوعات

بالصورة .. تقليعة تزيين ( المرارة ) في فطور العريس !!


تناقل مرتادو مواقع التواصل الإجتماعي صوراً ( لمرارة ) مزينة في تقليعة جديدة تم تقديمها في فطور العريس بالسودان ، والمرارة وجبة معروفة في السودان تتكون من بعض أجزاء الخروف ( النيّة ) دون طهي وتدخل فيها الكبدة و الاحشاء .

وتفيد متابعات موقع ( سوداناس ) الإلكتروني أن صرعات الزواج في السودان قد شملت تزيين كل الهدايا المقدمة للعريس أو العروس بمافيها الخروف والاواني التي تحمل الطعام ووصلت لحد تزيين ( قدر) الفول ، كما ظهر شاي العريس بشتى أشكال الثراميس الفاخرة و أصناف الشاي بالحليب مع الهبهان أو النعناع .

سوداناس


‫9 تعليقات

  1. ناس متابعة الفارقة والبزخ والاسراف كرهتو الشباب فى الزواج والغريبة انو بعض الاباء الكبار مباركين المور الدخيلة على السودان

  2. قرف عليكم تنشروا المرض دة .. لو فى شخص فيكم يعرف كمية البكتريا الموجودة فى الاسمها المرارة لما نظر اليها ثانية .. الرجاء توعية المواطنين لانهم مش ناقصين و كفاية اللاقنه فى الخضروات و الزيوت و حتى الفراخ

  3. سلام عليكم يا صلاح ده و الله الحاصل لكن دي ما امور دخليه في ياتو بلاد بيعملو كده و دخلت علينا منهم ده بوبار صناعه سودانيه 100ال100

    1. وعليكم السلام دى امور هندوس تزين كل مايخض الزواج حتى الكل جماعتننا ما فاضل ليهم يوم زار للعريس والعروس

    2. وعليكم السلام دى امور هندوس تزين كل مايخض الزواج حتى الاكل جماعتننا ما فاضل ليهم الا يوم زار للعريس والعروس

  4. كده اثبتنا فعلا اننا شعب فارغ لايهتم إلا بلامور التافهه السخيفة الشئ شنو ياجماعة هو عرس والله معرض فنون الامور دى لو الناس العاقلين ما لحقوها حا تعنس ببنات السودان كلهن دى والله امور تافهه لاعلاقة لها بالزواج الزواج جمع اتنين على سنة الله ورسوله فهل ياجماعة الذى نعمل فيه هذا يرضى الله ورسوله خافوا الله ياالموثرين فى بنات البسطاء الذين اصبحوا مقلدين لكم رغم فقرهم وعوزهم بسطوا الامور ودعوا المركب تسير لان وقوفها لايجلب غير المفاسد والمضار لهذا الشعب البسيط الطيب لانو فى النهاية اتنين بنجمعهم باى طريقة كانت وبعد داك بيشقوا طريق حياتهم اذا لماذا تصعيب الامور مادام النهاية واحدة فى التبسيط وفى الاسراف والله من وراء القصد ودمتم .

  5. في كل يوم تصعدون الى الهاوية وفي كل يوم تلمعون وجه الزيف والمباهاة والافتخار في الفارغ وكل صباح نصحو على ان هناك بشر لاهم لهم غير اغراق المجتمع في مفارقات طبقية وفي نفوسهم مرض يغيظون به الفقراء وغير القادرين ..
    وفي كل يوم يزداد الغباء الاجتماعي لدينا وتضمحل اعماق الاصول وتنكشف عورات الخلق السليم مما يسيء للمجتمع ؟؟ ا
    امور ما انزل الله بها من سلطان تسري في المجتمع كسريان النار في هشيم القصب والعشب ولا تبق على محافظ او ذو غيرة على العادات السليمة ونبذ الغريب والدخيل ..
    انتهت كلمة الرجل واصبحت رغبات المرأة هي المنفذة رغم انف اي شنب .. وكذابون اؤلئك الذين يبرمون اشنابهم ويخلعون ملابسهم للجلد بالسوط نعم كذابون فهم ضعفاء امام امر النساء ورغباتهن في كيف يكون الفرح وكيف تكون المجاملة .. تعدد التقليد وتخطى مسالة اللبس الى مسائل اخرى اصعب واسوأ من المجاراة في اللبس والزي ..
    غدا سنسمع ان وسخا من الاوساخ استاجر طائرة صغيرة لارسال فطور العريس من الخليج للسودان او العكس او نسمع ان غبي من اغبايء المال حجز قاعة وفندق جوار القاعة ليستمر الفرح 7 أيام بلياليها .. لا نحسد الناس على ما اتاهم الله ولكن نشفق عليهم من ما يفعلونه في انفسهم وفي المجتمع
    ماذا يذوّقون او يشكلون لحم ممنوع صحيا في العالم تناوله ولو مطبوخا ، لحم تشمئز من منظره ولو كان ما كان فالى هذا الحد وصل الترف والتبذير ..
    اللهم لا اعتراض ونسالك العافية والرضاء وان تهدي جهلة قومنا

  6. لاحول ولاقوة الا بالله
    أخشي ما أخشي أن يتم دفع المهر للعريس بدلا من العروس كما يتم في الهند
    اللهم لا تبتلينا.
    نستغفرك ونتوب اليك