زواج سوداناس

اصلو الفرق الضعيفه بتفرح بالتعادل



شارك الموضوع :

*عند اعلان الحكم لنهاية المباراه
*وبعد سكوته علي ضربة الجزاء المرتكبه مع كوفي
*والتي سيبررها سي صلاح بان الحكم يخطئ ولا يظلم
*بعد اعلان صافرة النهايه
*حمدنا الله كثيرا
*وحمد الله اخوتنا الاهله كثيرا
*الاهله حمدوا الله لانهم خرجوا بنقطه لا يستحقوها
*ولانهم مقتنعين بانهم فنيا ضعفاء امام المريخ
*وكانوا يخافون الهزيمه ببشتنه
*لذلك حضروا للملعب بالشلوت
*بالخنق والرفس
*اصلو البتغلبو الحيله بعمل كده
*المهم حمدوا الله علي التعادل الماكانوا بحلموا بيهو
*ونحنا برضو حمدنا الله علي التعادل
*لانه لا يحمد علي مكروه سواه
*وهل يوجد اكره من التعادل مع فريق ضعيف فنيا ومهاريا ؟؟؟؟
*عشان كده الاهله المامصدقين انفصموا
*ناس مبارك البلال
*مبارك تحدث عن الصغار امثال فداسي واتير
*وتحدث عن كبارنا امثال اوكرا
*ولا يعلم ود البلال ان اوكرا اصغر من محمد عبدالرحمن
*وان جمال سالم اصغر من وليد علاء الدين
*لان جمال سالم مسجل عندنا رديف
*ووليد اكمل السن عندنا قبل يمشي هلال كادوقلي
*صغار ايه الجاي تقول عليهم
*اتير يا مبارك كان بلعب في المورده ايام المورده تالت الممتاز
*وفداسي لعب في اتحاد مدني قبل امير كيلا يجي رئيس لاتحاد مدني
*واظنه زامل في الملاعب هيثم الرشيد يا بركه
*اما شيخ مساوي
*فحدث ولا حرج
*ايها الناس
*الزول لمن يقول بلعب بالصغار كاستراتيجيه
*بكون عندو كبار مجهبزين وفنانين ومنتجين
*يقوم يختهم كنبه عشان يقوي عود الصغار
*لكن لمن مايكون عندك خيار غير ناس محمد عبدالرحمن البتسميهم مجازا صغار
*يبقي ده افضل ماعندك
*ففيصل الجوهره الخاوتننا بيهو قاعد كنبه
*لانو ماسوره
*وقلناها ليكم
*بتجيهو الكورة خمسه مرات
*بقع سته مرات
*والموسم الماضي قابلناكم مرتين يا بركه
*بي ابراهومه الرديف وبخيت الشبل وفيصل الجوهره في الكنبه
*اما كانوتيه المافي زول شافو
*وبوتاكو ماسورة تانا
*وكيبي العضير
*وبقية المواسير
*قاعده كنبه بي حقها
*ايها الناس
*الاهله اشتروا الترماي في التسجيلات الماضيه
*وقضوا الدورة الاولي مبعدين للمواسير متسترين بانهم يشركون الصغار
*حداشر اجنبي بلعب فيهم واحد
*مقلب قدر ده سمعتوا بيهو ؟؟؟
*ايها الناس
*المريخ اقتسم النقاط مع التحكيم والهلال
*شال نقطه وادي التحكيم نقطه والهلال نقطه
*لو ماكده مفروض تكون التلاته نقاط للمريخ وسته اهداف
*علي كل حمدوا الله علي النقطه
*وحمدناهو لانه لا يحمد علي مكروه سواه
*ايها الناس
*خلوهوا التحكيم
*التلفزه
*المخرج كم مرة اعاد هجمات الهلال علي قلتها ؟؟؟؟
*وكم مرة اعاد هجمات المريخ علي كثرتها ؟؟؟
*كم مره دخلت الكاميرا كلوز علي جماهير الهلال (المهزومه في آخر استفتاء )
*وكم مرة ورتنا الكاميرا جماهير المريخ ؟؟؟
*وهل هذه اجهزه قوميه ؟؟؟
*هل القوميه وصف ولافته ام مضمون ؟؟
*نقاطع يعني ونعلن المقاطعه الرسميه يا اجهزه يا قوميه ؟؟؟
*ولا تشتغلي بحياديه ؟؟؟
*التحكيم قول حلينا مشكلتوا بتحكيم اجنبي
*التلفزيون القومي ده برضو نحل مشكلتو بتلفزيون اجنبي يا ساده ؟؟؟
*سبحان الله
*بشه صغير ورمضان كبير وامير كمان
*بشه اللعب في المورده قبل هنو صغير
*ورمضان الكان في ود نوباوي لما بشه في المورده كبير
*غايتو مفروض تاني لما نقابل ابو الهل يكون المانشيت
*الكبار يقابلون الصغار
*بكون مانشيت واقعي
*عليك الله يا بركه مساوي ده امسك ليهو البشه اقصد البزه ماتقع منو
*عليكم الله اكبر بكري ولا كاريكا !!!
*اكبر جمال سالم ولا ماكسيم ؟؟؟
*اكبر مساوي ولا امير كمال ؟؟؟
*اكبر رمضان ولا سيسيه ؟؟؟
*اكبر اتير ولا مصعب ؟؟؟؟
*اكبر فداسي ولا اوكرا ؟؟؟
*اكبر كوفي ولا الشغيل ؟؟؟
*اكبر عنكبه ولا صلاح الجزولي ؟؟؟
*اكبر نزار ولا شيبون ؟؟؟؟
*الله اكبر
*كمان قولوا كردنه اصغر من جيمي ؟؟؟
*غايتو عماد الطيب اصغر من الفريق طارق
*لكن تاني ماعندكم اصغر حتي ولو كان اطهر
*ايها الناس
*ماذا يحدث في الرديف والاشبال ؟؟؟
*وماذا اعددنا للتسجيلات ؟؟؟
*وهل يقوم الجهاز الاداري للفرق السنيه بواجبه ؟؟؟
*وهل نسكت حتي تمضي سكين التسجيلات علي رقابنا ؟؟؟
*وهل موضوع الاشبال ده من اجندة المجلس ؟؟؟؟
*سنفتح ملف الفرق السنيه بشفافيه
*القصه ما بنسكت عليها ابدا
*المهم
*مساوي لما اداها لبكري
*السمعناهو في مساوي عكس الانكتب عنو تاني يوم
*سته ركنيات مقابل واحده
*تبين كيف كانت تسير المباراه
*قصة اشراك الصغار القايمين فيها الاهله دي
*زي قصة عمك يكون قاعد راجي ولدو يجي من الشغل يرسلو السوق
*لما يفقد الامل في جية ولدو
*بضطر يرسل ود ولدو
*لانو ما لاقي ولدو
*يعني لو كان عندهم زول في مستوي راجي مثلا
*وليد ما بشمها
*لكن الجوهره هو البديل
*اخير وليد يخرمجها
*والجماهير بتعذروا
*مصدقنين انو شبل
*ايها الناس
*اصلو الفرق الصغيره بتفرح بالتعادل معانا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف المحيرنا يا والينا
*في البلد دي يا نسكت وتبقي فينا
*يا نتكلم والناس تشتكينا
*خليها تشتكينا يا اخينا
*والتاريخ بسجل ليهم وبسجل لينا
سلك كهربا
ننساك كيف في الحاله دي
والي لقاء
سلك

شارك الموضوع :

تعليقات الفيسبوك

تعليقات


5 التعليقات

إنتقل إلى نموذج التعليقات

      1. 1
        هلالابى

        انتو فرحتو بالهزيمة ثلاث مرات امام الترجى وسكورب وعزام
        فى الثلاث مباريات كل مباراة دحل مرماكم هدفين
        بلاهى الرقابة لماذا تسمح لك بالكتابة ؟
        اى شماسى يمكن ان يكتب ما يفيد خيرا منك
        اما انك ماجور او جاهل عدو حتى لنفسه

        الرد
      2. 2
        azaloh

        غباء شديد

        *ايها الناس
        *اصلو الفرق الصغيره بتفرح بالتعادل معانا

        ألا يعرف أن الفريقين ألتقيا في الدوري الممتاز38 مرة وفاز الهلال في 17 والمريخ في 6 وتعادلا 15 مرة!!!
        مين الضعيف ومين التعادل؟؟

        الرد
      3. 3
        د.أزهري أحمد

        أنت مشجع متعصب وليس صحفي صاحب هوية ورسالة كيف تصف الهلال بانه من ضمن الفرق الضعيفة وهو بكل معايير التصنيف العالمي أفضل منك وباحصاء المواجهات المباشرة أفضل منك لو كنت أمينا لكان عنوان تهريجك هذا : الصحفي الجاهل بيفرح ويصدق الكذب. أنت ومزمل وأبوشيبة وغيركم من الهلال خصم على الصحافة الرياضية … الحكم عطل انفراد صلاح الجزولي قي بداية المباراة ليحرم الهلال من هدف محقق سبق ضربة جزاءك المزعومة ولكنك لاتمارس النقد والتحليل الموضوعي بقدر ما تمارس المكايدة والمكاواة . تبا لها من صحافة.

        الرد
      4. 4
        صالح احمد صالح

        صحيح الفرق الضعيفه بتفرح بالتعادل ….. ايمن سعيد لاعب الهلال قال تعادلنا مع الهلال مكسب ؟؟؟
        والله مشكلتك يا جمال الوالى عندك افشل صحفيين متعصبين … اطبلو ليك عشان حفنة دولارات ؟؟؟ غرزيتو بجلالة قدره كخبير اشاد برباعى الهلال البراعم وليد واطهر وجكسا والصينى وقال المريخ عاااااااوز مهاجمين … ولما كان فى الهلال كان يضع المدينة فى دكة البدلاء وقال هذا اللاعب ما عندو مهارات وبضيع اهداف مضمونه ولا يمكن الاعتماد عليه ….واستبدل المدينه وضفر ووانغا وقال المريخ محتااااااااج لمهاجمين ….. انت شن قولك ؟؟؟؟؟؟؟؟؟؟

        الرد
      5. 5
        حاقد على جهلة هذا الزمان

        (*وبوتاكو ماسورة تانا
        *وكيبي العضير
        *وبقية المواسير)
        علي الطلاق لو لعيبتنا كلهم مواسير ما بحصلوا الماسورة (48) بوصة وارقوا ، دي لوركبوها في أم بده تصرف معاها موية بحري.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *