هيثم صديق

اديلو


واديلو اخر خطة في كرة القدم
قالها الجهاز الفني للهلال للاعبيه
وقالها الاداريون وهتف بها الجمهور
وصاح بها الزميل لزميله
اديلو
والشغيل يدي وفداسي يدي واتير يدي
والحكم ما بدي
الحكم ما بيحسب بلنت للمريخ الا باورنيك 8
كوفي الا يتوفي
وخطة اديلو ناجحة جدا لانها اخرجت من عمل بها بامنيته(التعادل)
الهلال اصبح الدرون تيم من زمان
لذلك يعمل علي ذلك …
الهلال دوما لاعب والهوي مناصرو
لو ناصره الهواء للعب شوطا ضد الهواء
لكنه يلعب مع الهوي
وهوي الحكام للهلال بائن اصلو ما عاوز دليل
مرات الواحد يخاف الحكم لما الهلال يجيب قون يطلع العاب نارية من جيبو
ممكن يعملها زي بتاعة الرذاذ
الشغيل ينال نجومية المباراة…مفروض كان ينال وسام (اديلو)
مسكين اوكرا جاء ليلعب كرة فوجد نفسه في ميدان التحرير المصري يوم موقعة الجمل
والله ناس المريخ يسكتوا علي الحكام ديل بالطريقة دي يدخلو حصين وجمال للملعب
مباراة بلطجة
الردم القديم رجع من جديد ..بتاع الدافوري والرملة داك
اديلو
فوزي او النقر كان ممكن يلعبوا بالخطة دي
ما محتاجة لكوكي وكاك وهداك بكري جاك
الشغيل واتير وفداسي جاءوا بشغل قناصة…
وكل ده كوم ونوم الحكم كوم
بلنت اوضح من خلو سجل الهلال من بطولة خارجية يصهين عليه
في الاعادة الحكم طرد 3 من الهلال
المباراة دي حضرنا اعادتها في الدوري السعودي
انتهت بالاصفر غالب والازرق مغلوب و3 لاعبين بره
الحكم الاسكتلندي طرد اتير وفداسي والشغيل هناك
الغريبة ما طرد سي سي..ما عارف ليه
لو جا حكم امس من برة لكان نصف لاعبين الهلال برة
علي كل حال الله يستر الهلال
بالطريقة دي ما بيجي تالت مجموعتو
شفتو مساوي لما بكري خطف منو الكورة
اشر لبتاع الاسعاف عشان يلحقو بالعربية
ممكن عادي الاتحاد يسمح للاعبي الهلال يستعينو بعربية الاسعاف
لكن كاريكا حنني..الزول ده انتهي نهاية غريبة
امير كمال مرات بيديه فرصة يستلم علشان الجماهير تشوفو والمدرب يشوفو والمذيع يشوفو
كنت اتمني لو لعب غارزيتو بتشكيلة اهلي مدني
علي الاقل كان سيحافظ عليالاسسيين من الركل الذي تعرضو له بالكيلو والرطل
الهلال ده لو لعب ضدو اهلي مدني مش التشكيلة الغلبت اهل مدني ما بفوت الدرون ده
لكن الحكم طلع (حافظ) دورو تماما
هجوم المريخ لا يمكن ان يخرج بدون بلنت ابدا
بيقعد في الصندوق اكتر من القزاز
علشان كده في كل مباراة له بلنت واااضح
افريقيا ومحليا وتمرينيا ذاتو
الا امام الهلال
لان صحف الهلال كتبت عن احتساب بلنت للمريخ
هم عارفين انه اتير وسيسي بشكير ومساوي تحضير ممكن يعملوا حادث تصادم مع بعض مش بلنت
لكن الحكم جاء وهو عايز الكورة تطلع بدون فوز المريخ
تعادل يعني..الهلال ده ما ممكن يكون فائز الا يشتري محلات الفائز للاثاث
هلال ما شاف رمضان ده هلال شنو
غارزيتو حياهم فاحياهم
ك الجرايد الدرونية طلعت بتصريح غارزيتو
غارزيتو الكبير حيا صمود الوصيف
و
اديلو …لكن كاس ما بتشيلو


تعليق واحد

  1. الرمة ده جاء من وين كمان؟ دي شنو ده……. نحن ناقصين غباء … كفاية كمية البلادة المتوفرة عند الاصلع كمان جابيين لينا كوم بلادة جديد. ده من وين واسمو شنو؟ ومهنته الاساسية شنو؟ ده شكلوا كده ينفع حلاق وفي احسن الظروف تاجر عدة او حرامي. تفووووووووووووووو علي الكيزان الجابو المغص للسودان وخلوا الفاقد التربوي يكتب كمان.