منوعات

الشاب عمر: انا بعرف غسان من وين عشان اغتالو ..يوم تمه وربنا كاتب كدا


ترحم الشاب Omer Nesta الذي أصطدمت سيارته بسيارة المرحوم غسان على روح الفقيد ملازم أول شرطة غسان الذي توفي صباح يوم الخميس حيث يقول في تعليق علي حسابه بفيسبوك بعد الوفاة: وكتب (الحمدلله انا لله وانا اليه راجعون ربنا يرحم غسان ويغفر ليه).
وأضاف الشاب عمر

“انا لله وانا اليه راجعون
الفيس كلو بقول اغتيال وكلام غريب
انا بعرفو من وين عشان اغتالو ده يومو تمه وربنا كاتب كده
الحمدلله علي كل حال”.

الخرطوم: معتصم السر
نستا1


‫19 تعليقات

  1. سبحان الله ، وانت يا راستا قاتل ليك روح إنسان اليوم حتى ولو بالخطأ وداخل الفيس عادي كدة وعايش حياتك عادي زي الماحصل حاجة ؟
    آيه الحصل لقلوبنا زمان تلقى قاتل الروح بالخطأ بيصل مرحلة قريبة من الجنون وياتي له أهله بشيخ يقرأ له القران ويعظه ويثبته حتى لا يصاب بالجنون

    1. السلام عليك اخى اقرا من فضلك تعليقى فانى اجملته على الاخوة والاخوات بمخاطبة الذكور من الجنسين
      لاننى اظنك لا علم لك بقانون الحركة ولا بالقوانين الوضعية
      اقرا ه وافهمه والزم نفسك عدم سوء الظن باخوتك غفر الله لك وهدانا واياكم
      والسلام عليك

    2. دا حادث قضاء وقدر ما عندنا فيه كلام …
      أنا الحارقني قانون التحلل دا ..

  2. زمن غريب جدا …. حتى مجرد التأثر بازهاق روح -ما كان لها ان تموت الا باذن الله- قد انعدم لدى الناس …. هل صارت الروح رخيصة لهذه الدرجة ام ماتت فينا اشياء اولها تقدير الانسان ؟؟

  3. rقاتل الروح وين بروح فعلا هذا اخر الزمان كانه قتل فرخة شكل متخصص فى زهق الارواح

    1. يا اخى العزيز اتق الله فى اخيك واق الناس شر لسانك وشر قلمك
      هل الاخ عمر يعرف غسا ن او قد راه او التقى به من قبل?طبعا لا
      هل بينهما عداوة تدفع الاخ عمر لقتل غسان اخذا بثاره?طبعا لا
      الاخ عمر لم يكن على علاقة بغسان لا من قريب ولا من بعيد كما وانه حتى لا يعمل ولا يعيش فى السودان
      المسالة ان غسان هو الذى لم يتقيد بقانون السير والالتزام بالاشارة الضوئية ولم يحترم القانون رغم انه كان رجل قانون كل هذا والاخ عمر له الاحقية واسبقية المرور ولم يتجاوز قانون السير
      مسالة الشك كان سيكون منطقيا لا قدر الله لو كان الذى لقى حتفه هو عمر
      ونقطة ومحور الشك كان سيكون لماذا تجاوز غسان الاشارة الضوئية رغم انه ملم بالقانون فى اطار مهنته واصطدم بسيارته سيارة عمر الذى كان له احقية المرور ?طبعا الاجابة والتهمة الواقعية هى لتعمده قتل عمر وفى هذه الحالة تقع علي غسان نفى العمد عنه على قتل عمر
      فاتق الله يا اخى وليتق الله كل من سولت له نفسه الظنون السيئة فان بعض الظن اثم

  4. سبحان الله النفس صارت رخيصه وكمان خاشي الفيس تعلق حرام عليك

  5. انا لله وانا اليه راجعون ….. نعم توفي غسان وربنا يغفر له ويرحمه …. الشاب عمر من حقه يدافع عن نفسه لانو هناك اتهام بان غسان هناك من قتله …. يبقي في الحالة دي الاتهام يخص الشاب عمر يبقي من حقه الدفاع عن نفسه وقريت في موقع ما انو هناك جهة نافذة في السلطة هددته بالاغتيا . …..اللهم لا نسالك رد القضاء ولكن نسالك اللطف فيه

    1. أخ عادل أتفهم وجهة نظرك فقط أريد أستطيع أن اجزم بأن 80% من الأشاعات السياسية مصدرها اما موقع (المركوبة) المركوب من شياطين الأنس والجن أو الحزب الشيوعى فالاثنان وجهان لعملة واحدة

  6. القتل الخطأ
    والدليل قوله تعالى { وَمَا كَانَ لِمُؤْمِنٍ أَنْ يَقْتُلَ مُؤْمِناً إِلا خَطَأً وَمَنْ قَتَلَ مُؤْمِناً خَطَأً فَتَحْرِيرُ رَقَبَةٍ مُؤْمِنَةٍ وَدِيَةٌ مُسَلَّمَةٌ إِلَى أَهْلِهِ إِلا أَنْ يَصَّدَّقُوا فَإِنْ كَانَ مِنْ قَوْمٍ عَدُوٍّ لَكُمْ وَهُوَ مُؤْمِنٌ فَتَحْرِيرُ رَقَبَةٍ مُؤْمِنَةٍ وَإِنْ كَانَ مِنْ قَوْمٍ بَيْنَكُمْ وَبَيْنَهُمْ مِيثَاقٌ فَدِيَةٌ مُسَلَّمَةٌ إِلَى أَهْلِهِ وَتَحْرِيرُ رَقَبَةٍ مُؤْمِنَةٍ فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِنَ اللَّهِ وَكَانَ اللَّهُ عَلِيماً حَكِيماً} (النساء:92)

    اللهم أبرم لهذه الأمة أمر رشد يعز به أهل طاعتك ويذل به أهل معصيتك

  7. اولا الزول ده مش مفروض يكون رهن الإيقاف؟؟
    حتى لو طلع بكفالة .. ما هاماه الزول المات .. ولا عربيته اللي اتكسرت .. ياخ هو زاته ما تعرض لإصابات ؟؟

    طلوع الزول ده يزيد غموض القضية .. لأنه الكيزان اصحاب تاريخ حافل في الإغتيالات بس الشغلة تغيرت من الطيارات للعربات ..

  8. لا حول ولا قوة الا بالله
    يا جماعة صلو عالنبي صلى الله عليه وسلم
    الولد العمل الحادث بعرفو معرفة شخصية حظو وقع في حادث مع شخص معروف سياسيا وصاحب قصة مشهورة
    بتحدث الاف الحوادث في الخرطوم ما اي حادث لازم يكون فيهو شبه جنائية
    الولد نزل من قطر إجازة للزواج وربنا كتب ليهو يعمل حادث مع المرحوم الكان اساسا غلطان وقاطع إشارة
    خليكم مكان الولد ده وكفاية اشاعات والافضل تمشو تتقصو الحقائق بنفسكم بدل الاشاعات اللي اثرت في نفسية الولد واهلو
    وجزاكم الله خيرا وربنا يزيل عنو محنتو

  9. الحادث ممكن يكون مدبر عن طريق اللعب في الفرامل مثلا. مفروض يتفتح تحقيق.

  10. يانا س اتقوا الله فانكم مسؤولون عن اقوالكم وافعالكم وارائكم
    مالك بتحفروا يمنا ويسرا فى محاولة لجعل البرئ متهما وتريدون سحبه لظلمات السجون وحبل المشنقة
    اتقوا الله فان الشاب عمر كانت له الاسبقية فى المرور ولم يتجاوز قانون الحركة ولم يتوقع ان سائقا على علم بقانون السير
    سيتجاوز القانون تحديا منه و هنا الفقيد غسان هو المخطئ لعدم التزامه بالاشارة الضوئية ولعدم احترامه القانون رغم انه من رجال القانون وهذه مشيئة الله وان تعددت الاسباب فالموت واحد ولاتمديد اوتقصير ولا تاخير ولا تقديم فى الاجل

  11. وحتي لو ما بنعرفوا ايه التخلف ده الله لا جاب باقيك من المفترض يرموك في سجن ما تشوف تاني منو النور وبعدين علي الاقل قول قدر الله وما شاء الله فعل

  12. اول حاجه قبل ما اعلق ونعم بالله وقدر الله ما شاء فعل واراد الله ان يختار غسان بجواره وندعوا الله له بالرحمه والمغفره وعايز أقول الاسمه عمر دا احتمال يكون محتاج لكف قوي لانه زي ما مصدق والواحد في حالات البرود اللي زي دي احتمال يصاب بالجنون لو ما لحقوا ،، لانه من طريقه كلامه وردو على تعليقات الناس في صفحته الخاصه بالفيس تحس بيو زي طاشي وما مركز !
    وبعدين من كلامه دا (( انا بعرف غسان من وين عشان اغتالو ..يوم تمه وربنا كاتب كدا )) كأنو ما هامي شيء او عندو سلك زح من مكانه ! لانه غالبا الواحد في حالات زي دي بكون في حاله ما طبيعيه في غايه الزعل والهم والقلق وبخش في عدم كلام مع الناس

  13. الواحد لما يدخل تعليقات النيلين بشوف محن، ياخي ما يخش الفيس ولا يخش طيارة انتو مالكم ومالو؟؟
    الراجل كلامو صح زول يومو تم ولكل أجل كتاب، والناس شابكنو اغتيال اغتيال وهو المسكين لا ايدو لا كراعو، قضاء وقدر ومسطر ولو فيكم زول بقدر يعمل حاجة ما كاتبه ربنا اليجي ويورينا!!
    ربنا كاتب الحادث، وكاتب غسان يموت في الحادث، والاحسن من غسان ومني ومنكم ماتوا في حوداث دا حال الدنيا، عايزنو يتصور ليكم وهو ببكي ولا داقي صيوان عزاء!!
    عليكم الله خلوا الكلام الفارغ والعندو كلمة طيبة اليقولا والما عندو اخير يسكت، التعليق ما الزامي!!

  14. ما اكثر الفساد الذي تحمية الحكومات في اعمال الاراضي وعلى سبيل المثال في ولاية وسطية خضراء راسب في الشهادة السودانية ابتعثه الحزب الشيوعي للدراسة بروسيا وعاد يحمل دبلوم هندسة تم تعيينه مهندس بالتخطيط العمراني ومارس التزوير منذ تعيبنه حتى اثرى ثراء فاحش وتمت مكافأته مؤخرا بتعيينه مدير عام اراضي الولاية الوسطية الخضراء بالرغم من اتهامه بالتزوير لقرارات لجنة التخطيط عندما تسلق لمنصب مدير التخطيط وتم التحقيق معه عدة مرات بواسطة السلطات الامنية واتهم في ملف مخطط السليمانية الذي لم يقفل حتى الان وتم التحقيق معه عدة مرات فهو القاسم المشترك في كل قضايا التزوير بالاراضي والتخطيط ورغم ذلك تم تعيينه مدير عام الاراضي ليواصل نهبه لاموال الولاية.. اتق الله يا اخي الوالي في مال الولاية.