زواج سوداناس

قصة كيف تحول شهر عسل “عمر” لمرارة الحنظل بسبب حادثة مع الملازم”غسان”.. سفهاء النت زادوا عذاباته


عمر نيستا

شارك الموضوع :

لم يتخيل الشاب عمر أن يدخل حراسات الشرطة وهو ما زال في شهر العسل إنها مقادير الكون لا يملك تصريفها إلا الله رب العالمين.
قرر الشاب السوداني عمر نيستا وهو المغترب في دولة قطر ويعمل في وزارة الداخلية القطرية إكمال نصف دينه فتمت مراسيم الزواج وسط حفاوة الأهل منتصف شهر أبريل الماضي، وكانت شريكة حياته الحسناء “دعاء” التي تعمل موظفة بمطار الخرطوم الدولي.

ثلاثة سنوات متواصلة لم يرى عمر السودان فقط في صيف هذا العام أتى في إجازته وأكمل زواجه ،وبينما هو في شهر العسل سطر له القدر فاصل في حياته لم يكن يتخيله أبداً وهي حادث المرور الذي حدث له الثلاثاء الماضي ونتيجته وفاة الطرف الأخر بعد يومين من الحادثة غسان عبد الرحمن وما أدراك ما غسان إنه ملازم الشرطة الذي كان حديث المجالس في السودان في القضية المشهورة بمكتب الوالي(كشف حينها والي الخرطوم لوسائل إعلام شبهة فساد لبعض منسوبي مكتبه) وبقية قصة غسان معروفة على نطاق واسع.

نترك الحديث حول تفاصيل الحادثة يحكيها عمر بأصابع كيبورده لأحد أصدقائه (انا جاي من الشجرة ماشي لي زوجتي في شارع الستين .. في تقاطع جوبا .. جيت ماشي والإشارة خضراء .. في عربية كسرت الإشارة ودخلت .. حاولت اتفاداها ماقدرت .. لانو فجأة اتعارضت لي في نص الشارع وضربتها .. حتى شوف عربتي اتكسرت وحرقت).

طبعاً حينها عمر لم يكن يعرف من الطرف الأخر في الحادثة ولكنه بعد لحظات عرف ووجد نفسه خلف قضبان الحبس وتحريات مكثفة معه من قبل الشرطة السودانية، التي كان يهمها أن تتعرف على ملابسات الحادثة بصورة دقيقة جداً لأن طرفها الملازم غسان عبد الرحمن وحتى تأمن القيل والقال.

ولكن سرعان ما إنتشرت الإشاعات المختلفة عبر صفحات التواصل وتطبيقات الهوات الذكية ،وشكك البعض أن يكون وراء الحادثة شبهة جنائية، بينما نفت الشرطة ذلك بحسب تصريحات صحفية.

معاناة كبيرة وحزن لعمر وعروسته وأهله بسبب إشاعات غير مسنودة بأي منطق أو دليل حول تصفية وإغتيال غسان بل كل المؤشرات والقرائن تدل على حادثة قضاء وقدر.

وهكذا تحول شهر عسل عمر وعروسته لشهر حنظل ليس بسبب الحادثة وحسب بل زاده مرارة ضعاف النفوس وسفهاء الإنترنت من مرتادي المواقع وشبكات التواصل بإقحام شخص ربما لم يسمع قصة غسان وساقه القدر ليكونا طرفين في حادث مرور عادي ربما كان هو أيضاً في قبضة ملك الموت مع غسان ولكن نجاه الله لحكمة يعلمها قد تكون إبعاد وبصورة نهائية شبهة ترصد غسان.

لم يجد عمر مفراً من الدفاع عن نفسه بخصوص اللغط حول الموضوع وبعد أن ترحم على روح الفقيد ملازم أول شرطة غسان الذي توفي صباح يوم الخميس وكتب على حسابه بفيسبوك ويبدو أنه يعاني من ضغط نفسي شديد بسبب الحادثة وسيطرت أخبارها على مجالس الناس في الواقع والفضاء الإسفيري(انا لله وانا اليه راجعون
الفيس كلو بقول اغتيال وكلام غريب
انا بعرفو من وين عشان اغتالو ده يومو تمه وربنا كاتب كده
الحمدلله علي كل حال).

ليعود عمر ويمسح من على صفحته في فيسبوك كل منشورات الحادثة من صور السيارات التي نشرها في وقت سابق والتعليقات حول اللغط الدائر وأسئلة أصدقائه للإطمئنان عليه،

لعله يريد أن ينسى كل شئ، ولسان حاله يقول(أرحموا من في الأرض يرحمكم من في السماء).

الخرطوم: معتصم السر

شارك الموضوع :

تعليقات الفيسبوك

تعليقات


49 التعليقات

إنتقل إلى نموذج التعليقات

      1. 1
        دينق عبدالله

        بعيدا عن القيل و القال يجب على المدعو عمر نستا تن يظهر بعض التعاطف و الحزن على قنل المرحوم غسان.
        بتصرف و كأنه قتل دجاجة في حادث عرضي.
        حتى لو ان المتوفي مخطيء يجب ان يعلم بأنه قد قتل نفسا بالخطأ.

        هذا انسان بلا احساس و كذا الصحفي الذي كتب التقرير.
        رحم الله غسان و غفر له

        الرد
        1. 1.1
          سودانية زمان

          هل الدولة بقت فوضه كدا لابوليس لا محاكمة ولا سجن مش مفروض يتم القبض علية حتي يتم معرفة من هو المخطئ في الحادثه دا ودفع الجزية اذا أخطأ؟المرحوم لسع دمه لم ينشف من الارض والاخو طائر علي الفيس بوك والكلام الفاضي مافي عظأ سبحان الله

          الرد
          1. ابوبكر

            مافيكم واحد واقعي في كل انحاء العالم اذا حدث حادث سير لابد ان يكون في خطا علي احد الاطراف ومن يتخطي الاشارة حمرا يقع عليه الخطا 100% ويتحمل كل مايحصل للطرف الثاني وهذا ماحدث فالمرحوم الله يرحمه تعدي الاشارة حمرا والامر الثاني اذا كان الطرف الاول عمر مخطئي ولو بنسبة من الخطا وسيارته مؤمنه تامين شامل لايتوقف بالقسم وشركة التامين تتحمل كل مايترتب عليه
            لكن نحن في السودان بلد الجهل ياحمير افهمو واتركو التعليقات الساذجة لانه كل من يقراها يعتبر انها صادرة من حماااااار لااقل

            الرد
            1. سودانية زمان

              والله انت الحمار والجهول وفجأة قالوا المرحوم مات وفجاة الضارب في الفيس بوك متين البوليس جاء ومتين سمع الشهود ومتين بحث الادلة علي اساس انو المرحوم غلان و المرحوم مات فاهم وهي ليس فقط حادث بسيط وشركة التامين تتصرف فيه زول مات ياحمار يعني لابد من سجين وجيم لعدة ايام او شهور لغاية اثبات الحقيقة ولوبتفهم

              الرد
      2. 2
        خرطومي

        ما فاهم حاجة
        هل المتوفى هو نفسه الملازم غسان بتاع مكتب الخضر ؟

        الرد
      3. 3
        احمد عبد الله

        نعم يا اخي المتوفى هو الملازم غسان رحمه الله و لكن دي ما نهاية القصة ليتك شفت رسائل من هم سفهاء النت فعلا الذين نسجوا عنها قصص و مؤامرات و كلها اكاذيب وتساب الضارة بأمن الوطن و المواطن . يا اخي عارض برجولة و اخلاق اذا اردت معارضة الحكومة و والله من يعارضون بحمل السلاح رغم اختلافي مع توجههم اشرف من معارضة المشاطات و مثيري الفتن

        الرد
      4. 4
        kaaaaak

        سفهاء النت هم من قام بتصفية كل من شارك او له معلومات عن محتولة اغتيال حسني مبارك. وهم من صفي الزبير و إبراهيم شمس الدين . ديل مش سفهاء النت ديل شذاذ افاق و اراذل القوم و حشرات علي راي ملافظ شيوخكم

        الرد
      5. 5
        محمد عزالدين محمد الامين

        جيت ماشي والإشارة خضراء .. في عربية كسرت الإشارة ودخلت .. حاولت اتفاداها ماقدرت .. لانو فجأة اتعارضت لي في نص الشارع وضربتها .. حتى شوف عربتي اتكسرت وحرقت).أولا الله يرحم المتوفى ونسأل الله أن يرحمه . وهذا هو ألأجل المحتوم وليس على أى إنسان أن يقوول شئ فيه لأن أجل الله أذا جآ ء لأ يؤجل .ويا أخى عمر /هذه أقدار الله عز وجل وأنت ليس لك فيها يد ولا متعمد هذا الشئ هذا مقدر ومكتوب .ونسألأ الله أن يحفظ الجميع ولأ ننسى أن نذكر الجميع بالتقيد بأنظمة المرور واتباعها لسياقة آمنة للجميع.

        الرد
      6. 6
        دار حامد

        ربنا يرحمو ويغفر لية لكن الموضوع لو ما داير تشك يخليك تشك المهم ما علينا ربنا يرحمو الموت ليست النهاية وفي النهاية ان كان شي مفتعل ربنا عالم بكل شئ وكل زول بياخد جزاءوة علي ما فعلة واللة ياجماعة لانو الظن في حق الاخرين كعب وكمان الناس هنا برضو بتسال لية و كيف يعني بس غسان والناس عارفة القضا والقدر ولكن برضو بتسال انا مش عارف،الحكومة حتقول لي الناس شنو ومش عارف العريس حيكون وضع شنو طبعا الصور بتكون كدة من بعض الناس انو قبض حقو زمااان وتم المهمة واللة لو انا البقول فيخو دا البحصل في بكرة بعد بكرة وتلقي ليك اي مجموعة عملت ليها حاجة براها علي اي،حال ربنا يرحم المرحوم ويغفر،لية ويلهم زوية الصبر وحسن العزاء ان كان مان بفعل فاعل او مات بقدر هكذا ….. وشكرا

        الرد
        1. 6.1
          الرشيد

          أخي دار حامد إسم الجلالة يكتب هكذا (الله) بدون التاء المربوطة..وكذلك كلمة ليه دون التاء المربوطة.

          الرد
          1. سودانية متخلفه

            الله يجزاك خير يا الرشييييييييييييييييييييد والله ابدعت . بس دة الفالحين ليو في بعض . اهه ال ة في دة طبا غلط اسفه المفروض ه .

            الرد
      7. 7
        mirgani siddig

        ربنا يرحم غسان وبغفر لعمر وقانون المرور هو الفيصل نعم للاقدار وياما راحوا ضحايا في حوادث الحركه والطيران ربنا يرحم الجميع

        الرد
      8. 8
        ود الضعين

        اكيد الحادث ما مدبر ماهو لو كان اصلا مدبر وﻻ وراهو ريحة تصفية كان عملوها بجرار وﻻ دفار جامبو وﻻ قول قريدل وإلا يكون الزول العامل العملية دى يكون فدائ يركبوك فى عربية صغيرة ويقول ليك صفى لينا زول والله إلا تكون داعشى وانحنا ماعندنا ثقافة الاستشهادين دى ولو كان عايزين يصفو كان الموضوع حصل زمان ﻻنو القضية هى ذاتها بقت بقت تاريخ ماتت زمان والمرحوم طلع براءه لكن انت ياعريس الموضوع بالبساطة دى ماشى لمرتى والإشارة خضراء وكده حاول لملم أفكارك واترحم على روح الفقيد وبعداك انفى الشبهات الحولك دى بصورة مقنعة وجميلة

        الرد
      9. 9
        عماد

        بعيدا عن الحادث ،، اتنمني ان يلقي الحادث الضوء علي القيادة في السودان و عدم احترام ابسط القواعد ،،،
        اتنمي ان تلتفت شرطة المرور بان دورها لم يكن للجباية ،،، بل دورها تنظيم المرور و اجبار الكل للالتزام بقواعد و تعليمات المرور
        فقد مررت كثيرا بهذا التقاطع و غيره في شارع الستين و رآيت العجب من عربات تسير عكس السير ،، و ركشات تمرح يمينا و يسارا و حمدت الله كثيرا انني مررت بسلام ،،،
        له الف رحمة المتوفي ،،، و نسال الله ان يخرج الاخ عمر من هذه المحنة

        الرد
        1. 9.1
          الرشيد

          المتوفي بالياء هو الله سبحانه والمتوفى بالألف المقصورة هو الذي توفاه الله.

          الرد
      10. 10
        خرطومي

        ايوة حسي قريتا يا احمد عبد الله
        لعلك تعلم ان المرحوم كان حرامي واختلس اموال عامة وفاسد واحتمال كبير بقية افراد العصابة يكونوا دبروا له هذه الموتة او ان جهاز الامن اصبح ينفذ العدالة ويحارب الفساد بهذه الطريقة ومع اختلافنا معها ولكنها رادعة

        الرد
        1. 10.1
          الحمدلله

          مين القال ليك المرحوم حرامي ……..ياخي اتقو الله وربنا يرحمه ويغفلر ليهو ….انت مابتعرفه ماتتكلمو ساي …..الحكومه ختتو ليكم في الواجهه عشان تشيل من نفسها اي حاجه وعرفت تخلي افكار الناس كلها تنصب في انو المرحوم كان حرامي …..والله حرام عليكم …..ربنا يرحمك ياغسان ويغفر ليك

          الرد
      11. 11
        خرطومي

        المرحوم حينما كان مسجون في الحراسة كان خايف شركائه في الجريمة يغتالوه لانه اصبح شاهد وطلعت ايامها اشاعة بانه تم تسميمه

        شاحد ربي الخواجة العمل الانترنت يخش الجنة

        الرد
      12. 12
        خرطومي

        لقد قام القضاء السوداني بتحريف القرآن الكريم من اجل تبرئة غسان هذا فخلطوا بين اية السارق واية الربا

        الرد
      13. 13
        دحدوح الجعلي

        حبكة جيدة من مافيا التماسيح

        الرد
      14. 14
        ايمن حسن

        الله يرحم المتوفي. و للشعب السوداني الحق و كل الحق للتشكيك في رواية الحادث حتي يتبين الخيط الابيض من الخيط الاسود فالانقاذ عودتنا علي تصفية خصومها. و بعدين ماذا عنيت بانه ربما كان في قبضة ملك الموت لكن الله نجاه هذه الجزئية لا تصح

        الرد
        1. 14.1
          الرشيد

          لمتوفي بالياء هو الله سبحانه والمتوفى بالألف المقصورة هو الذي توفاه الله.

          الرد
          1. سودانية متخلفه

            و الله ابداع درس عصر مجاني يا ناس استفيدوووووووووو . بس المحل ما مدرسه المحل بيت بكا دي بس المشكلة .

            الرد
      15. 15
        شافوه عرفوه هابوه

        قانونا يجب التحقيق مع عمر واطلاق سراحه فورا بضمان مقر اقامته فى السودان لحين استدعائه من قبل المحكمة لحضور جلستها لاينتظر ولا يحبس دقيقة بعد التحرى لانه لا شئ يدينه حتى الان ولن يؤخذ عليه شئ فى جلسة المحكمة لانه كان له اسبقية المرور وغسان هو الذى تجاوز قانون الحركة ولم يلتزم بالاشارة الضوئية اما واظننى ان الشرطة تحتفظ به فى الحبس ظلما لان غسان شرطى تابع لهم اولا وثانيا مجاملة لاصحاب الاقلام المسمومة بسوء الظن والافتراء على عمر جزافا
        هذا ما تقوم به الشرطة فى السودان وسؤالى لو كان الذى لقى حتفه سخصا غير الملياردير الشرطى غسان هل كانت الشرطة ستتخذ نفس الاجراءات والحبس المتخذة مع عمر -الاجابة واضحة وصريحة طبعا لا والف لا
        فاذا كانت الشرطة تكيل بمكيالين فماذا بقى من العدالة الاجتماعية والقانونية
        لقد اظهرت الشرطة اننا نعيش واقع الطبقية والعنصرية التبعية فى ظلال الديمقراطية المزعومة يجب اطلاق سراح عمر بضمان عنوانه فورا ويحق له مطالبة وزارتى العدل والداخلية بالتعويض فى جلسة المحكمة على مالحق به نتيجة حبسه اللا قانونى بعد اثبات براءته

        الرد
      16. 16
        سودانى ود بلد

        يا اخ عمر صوم شهرين متتالين
        و اسال الله الرحمه و المغفره
        ما يهمك كلام الناس طالما القضاء براء ساحتك….. و ربنا يرحم غسان فقد مات شهيد

        الرد
        1. 16.1
          سودانى مغبووووون

          شهيد ؟؟؟ … طوالى رقيتو شهيد .. ادوك مفاتيحها ولا شنو !!!!!

          الرد
      17. 17
        المنفي

        ومنو القال ليكم اصلا هو توفي ؟؟؟ مش ممكن تكون مسرحية لاخفائه ؟ اين الجثمان؟ و الزول الصور الصور ده مالو ما صور صورة غسان وهو داخل السيارة او منقول للمستشفي …؟

        الرد
      18. 18
        الوجع الخرافي

        ونترك عمر يحكي القصه من كيبورده ككككككككككككككككككككككككك
        تعال شيل القنابير دي مننا
        متهم في حادث قتل قبل يومين يدخل علي الفيس و يحكي قصة الحادث
        ويصور العربات ويحزن علي عربيتو الاتكسرت واتحرقت كككككككككككككككك
        كككككككككككككككك

        الرد
      19. 19
        احمد

        ربنا يغفر لي غسان ويريح بال عمر بس صراحة يا جماعه اليومين ديل عدم الرقابه المروريه وتساهل العساكر المرتشين خلا الناس كلها تكسر الاشاره الحمرا عادي وبي قوة عين وقلب… كسر الاشاره بقا اسهل من كسر كباية شاي زاتو ومرات قدام عربية الشرطه بتلقا الناس يكسرو زفت الاشاره دي

        الرد
      20. 20
        احمد

        سبحان الله على اخلاقك أيها الكاتب للخبر معتصم السر كيف تسمح لك نفسك المتعلمه للكتابه والحوار ان تقول على من يقرأون الاخبار وكل واحد يريد ان يعبر و يقول رأيه الشخصي فتقول عليهم كلمه سفهاء ؟؟؟!!!!!! هل تعليمك اوصلك الى هذا !! الله يسامحك الله يسامحك

        الرد
        1. 20.1
          سودانية زمان

          معتصم السر كيف تسمح لك نفسك المتعلمه للكتابه والحوار ان تقول على من يقرأون الاخبار وكل واحد يريد ان يعبر و يقول رأيه الشخصي فتقول عليهم كلمه سفهاء ؟؟؟!!!!!! )خليك منو اصلو هو أخذ رشوة كبيرة لكي يؤلف الموضوع فاسد مثلهم

          الرد
      21. 21
        جلال شريف

        انا واحد من سفهاء النت وشذاذ الافاق ديل بحسب مقاييسكم .. وغير مقتنع ابدا بهذه المسرحية الهزليه واعتبرها مدبرة باليل واضم صوتي لصوت (خرطومي )..
        نؤمن باالقضاء وللقدر لكن ثقافة الاغتيالات هي من صميم افعالكم طائرات تقع وحوادث حركة واغتيالات .

        الرد
        1. 21.1
          الرشيد

          شغّل مخك ما هو الضمان أن يسلم عمر من الحادث ألم يكن هناك إحتمال أن يموت عمر ويسلم غسان؟

          الرد
      22. 22
        sosee

        سجمي هسه لو كنت انا صدمتو والله شافني كان حتقولو اني تبع شلة المفسدين ديل وفساد اداري وانا ومخصوص جابوني بت عشان يبعدو الشبهاات ي جماعه خلو الخلق للخالق في النهايه ماحتحاسبوهم انتو .. ولو جينا للحساب عينكم في الفيل تطعنو في ضله … الشارع هندااك ليوو والسلاح اسهل مايمكن تتحصلو عليو وبيت فلان وفلان وفلان معرووفين انتو بس نفذو خليكم من قالو وقلنا والماشي يسوقني معاو بالله اصلا العمر واحد
        الله يرحم المتوفي ويجزيو بعمله وحمدلله علي سلامتك ي عمر ونحن كشعب الله لينا بس

        الرد
      23. 23
        osman

        المدعو عمر نيستا يتصرف فعلا وكأنه عفص نملة فى الأرض
        ولم يظهر اى شعور تعاطف مع المتوفى واسرته
        الله لا يهنيك بعسلك

        الرد
      24. 24
        خرطومي

        حايم في النت وامة محمد التى لا تجمع على باطل قد اجمعت على انه اما شركائه قتلوه عن طريق الجهاز او ما يشبهه او انه لم يمت وانما حي يرزق
        والصور المنتشرة ليست صوره اساسا

        الرد
        1. 24.1
          الرشيد

          (إنّ بعض الظن إثم) وبعض الظن ما يحدث المرء به نفسه فكيف عظيم إثمه إذا نشره بين النّاس.!

          الرد
      25. 25
        عمر

        اسه يعني الضابط كان كاسر الاشارة؟؟؟
        ياخ ما تفكونا من الحياة الكلها كذب دي؟
        عارفنكم حرامية تاني في شنو مصرين تطلعوا نفسكم انبياء؟

        الرد
      26. 26
        السمانى

        المشكلة انو القاتل اخد الموضوع بكل سذاجة وعدم مبالاة بروح الانسان كانوا قتل كلب وذلك نتيجة القسوة التى اكتسبة من الغربة السيئة وذلك نتيجة السرعة الزائدة وعدم بذل المجهود اللازم لتفادية ولذلك يجب ان يقدم الى المحكمة ويحاكم بسبب الاهمال الجسيم حتى يكون عبرة للامثالة ونحن واثقون من عدالة القضاء السودانى

        الرد
      27. 27
        الكلس

        والله السودانيين اتغيرو ياخساره

        الرد
        1. 27.1
          سودانية متخلفه

          صدقت …. صدقت … لا فض فوهك !!!!!!

          الرد
      28. 28
        عباس حسن

        المهم فى القصة الفوق دي حاجة واحدة وهي خطأ والي الخرطوم لم يكشف عن فساد مكتبه بل وجه به وحاول أن يغطي عليه، الخضر والغ في الفساد وابنه جزء من المفسدين بلا كشف عنه في حينه معاكم.. أما قصة غسان دي نقطة في بحر فساد وقتل وتدمير وطن

        الرد
      29. 29
        ود القدر

        بالنسبة لي الناس اللي بتقول عمر كانو قتل كلب او نملة و و و و الكلام الفارغ دا
        الكاتب اقتبس كلام عمر مع صديقه قبل غسان ربنا يرحمه ما يتوفى يعني ما قصة عدم مبالاة
        و اكييييـــد لو الطرف التاني ما كان الملازم ما كان حصلت كل الجوطـــة دي
        و لا قدر الله لو عمر جاتو حاجة و الملازم طلع سليم برضو ما كان حصل كدة
        اتقوا الله فيما تكتبون و خلوا التنظيرات دي

        شعب يحب يتفلسف في اي حاجة

        الرد
      30. 30
        سودانى حر

        ياسادة فى البدء نسال الله ان يتغمض الفيد بواسع رحمته وفى الاول والاخير كل نفس ذائقة الموت ونحن ما بيدنا حاجة سواء الدعاء والتهجد لله المشكلة بتكمن فى انو المتوفى له سوابق اعمال واشتباه فى اكل مال عام والمتسبب فى الوفاة يقال انه برئ والله اعلم ليست نحنا من نحكم فالعلم عند الله تعالى التعلقيات التى تسئ للطرفين مرفوضة رفض تام فنحن شعب مثالى بالرغم من ان المثالية قد انتهت فى زمن الانقاذ وتحولت للمثلية انا شايف انو الاتنين ديل سواء بذنب او من غير ذنب هم ضحية لقضية بلد كاملة بما انها تخضع للتشكيك فالاجدر انو الناس تطلع الشارع وتعبر عن ما بداخلها بدلا من النقش على حجر صلب قذف فى بحر ميت

        الرد
      31. 31
        ابونزار

        اللهم إرحم غسان وأدخله الفردوس الاعلى من الجنان ,, اللهم الهم والدته المكلومه الصبر الجميل .,, أللهم أحسن عزاء والده , وكل أهله وإنا لله وإنا إليه راجعون ,, وكل نفس زائقة الموت, اللهم عوض شبابه الجنه آمين

        الرد
      32. 32
        احمد السليحابي

        ههههههههههه
        للأسف الناس ديل بفكرونا
        جهله زي زمان زي زمن ساحات
        الفداء بغشونا و يقولوا الملائكة كان بتحارب
        معاهم الكفار……
        غسان الله يرحمه ة ليو رب يحاسبه
        و نحن الله يرحمنا برحمة ..من الظلمة

        الرد
      33. 33
        انا حستفيد شنو !

        افحصو لينا فرامل سياره المرحوم والتلفون وورونا الحاصل دا البثبت انه في شبه ولا لا … 🙁

        الرد
      34. 34
        عابد

        اولا ربنا يرحم الملازم ويتقبله قبولا حسنا والف حمدا للسلامة للاخ عمر . انا ياجماعه اي موضوع بنظر له بطريقه تخصني وتخص تفكيري نحن في في هذه الايام اختلط علينا كل شيء والله اعلم زول يجد حقيقه الا ما يتقبله عقله يؤمن به ويسكت غالب الحوادث التي وقعت لاشخاص لديهم قضية راي او حتى لو كان داعيه النغمه يقال الفرامل الحدث وقع في اشاره المعنى الزول تحرك بالسيارة مسافة لو كانت الفرامل بها مشكلة كان عرفها نفرض فرامل سمعنا بان العربه قير اوتماتيك والزول البفهم القير الاوتماتيك لا يمكن يحدث هذا سمعنا قالوا كان مطارد وكل هذا لا يفند التهم على . بعد كل هذا في مجرمين خلاف هذا الامر امام السيد عمر البشير تحدي كبير التحدي فقط قرارات شجاعه تنظيف المؤسسات لا نريد زوجة ولا اخ الرئيس شغال بزنسن والله دا عيب في حقك وتاريخك النضالي انت دخلت القصر دا رجل معروف ومشهود لك لا نريد ان تتلوس نريد تطبيق القانون نريد مشاهدة محاكمة مجرم المجرم الشايل بندقيه ويقطع الطرق ليس اخطر من اللابد وجبان وينهب القروش التي تعب ولماها صغار الموظفين يلهفها يسرق اراضي شركات نريد معرفة مصدر اي مال

        الرد
      35. 35
        ود العطا

        الله يرحمه ويغفر له
        والواحد يخجل والله الصدم يتنبذ والصادم يتنبذ والبكتب يتنبذ والمعلق يتنبذ والبرد علي المتعلق يتنبذ وبينبييذة اقلها ياحمار
        يبدو ان هذه هي العولمة

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *