ماااااابهمني
حتقول علي.. ما بستحق خيرك علي!!
تقعد تعد في كل جميل سويتو لي..
وتقول: “محال ما بتبقي أصلاً إلا بي “!
لو كنت ناوي تذلني.. مااااا بهمني
**
أنا برضي أديتك زمان..
علمتك الريد والوفا.. ووريتك الحب والحنان..
رشيت طريقك بالرذاذ.. سكنتك الروض والجنان
دافعت عنك في الغياب.. جنبتك الذل والهوان
أديتك الضل والمكان..
لو قلبك المستغني خان.. ماااابهمني
***
عليت مراتبك بالنجاح.. شديت سواعدك للفلاح
في ضل مودتنا الوريف.. قلبك من الأسف استراح
نسيتك الحزن القديم.. والحيرة.. والأسى.. والجراح
بالبسمة ضويت الطريق.. بالضحكة بدلت النواح
بي حبنا الصافي النبيل.. رجعت كل القايلو راح
الدنيا ضاقت يا ما بيك.. وبقت معانا براح براح
ضوت نجومنا طريق هواك.. والبدر في دنياكا لاح
والليلة لو كايس السماح!! مااابهمني
***
أنا ياخ نسيت قصة هواك..
وبديت حياتي مع سواك..
ده الجننك والزاد أساك..
خلاك تغالط في رؤاك..
والمستحيل أصبح جزاك..
أنا تاني ما برجع معاك..
ولو قلت إني سبب أذاك..
أو إني شيطان.. ما ملاك.. مااااا بهمني!
تلويح:
العواطف الحقيقية لا تعرف المن والأذى.. فلاتهتموا لعاطفة مريضة يأكلها الحقد.
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
اعادة كتابة النص حتي تستقيم بعض الاشياء
تقول علي.. ما بستحق خيرك علي !!
تقعد تعد في كل جميل سويتو لي..
وتقول: “محال ما بتبقي أصلاً إلا بي “!
لو كنت ناوي تذلني………..
انا بعترف بي غلطتي وبرجوك تسامح لو كنت جد بتعزني
انا عمري ما اتنكرت ليك ولا حتي في يوم نسيت
انك كتير اسعدتني ونورت بيتي وجنتي
واديتني من خيرك كتير ما حرمتني
علمتني الود الجميل واخلصت لي
ومليتني بالحب والامان
وفرشت لي حتى الزهور وسكتني في اجمل قصور
واديتني في اهلك مكان واديتني بينهم حتي راي
وظللت عشي ودنيتي وعلمتني كيف بكون حتي الكلام
وانا ما نسيت خيرك علي وشايله معاي في كل مكان
عليت مراتبي بعشرتك
وبقيت معاك مبسوطة جد بي طلتك
انا عمري ما نسيت قصة هواك
وحياتي ما ممكن تكون الا برضاك
وارجوك تعال خليني جمبك وبي وراك
انا بالي دايما في رؤاك
انا متوسدة الشقا والالم من يوم جفاك
انا بعتذر وانا بعترف انك هواي
واني من غيرك عدم واني من غيرك خواء
الاخت داليا، السلام عليكم،
ناسف لاستباحة نصك واقتباسه ومن ثم كتابة نص جديد ،فانا اردت فقط اسقاط بعض الضوء علي حق الزوجة علي الزوج،
فارجو منك ان تعذريني ،،صراحه حاولت ان امسح نصي فلم استطيع،،،،
محمد سيد
يسلم يراعك الاخت داليا كلام قمة الجمال