منوعات

وبسبب عموده المثير للجدل..الصحفي السوداني الهندي عز الدين يثير ضجة واسعة داخل مواقع التواصل الاجتماعي


أثار الصحفي السوداني والكاتب بصحيفة المجهر السياسي الهندي عز الدين ضجة واسعة بسبب عموده الذي كتبه يوم الثلاثاء وأنتقد فيه طريقة افتتاح غرفة العناية المكثفة بإحدى المستشفيات السودانية والتي قام بإنشائها شباب من خيرة أبناء الوطن وهم شباب مبادرة شارع الحوادث, إحدى أشهر الجمعيات الخيرية السودانية.
وقد وجدت هذه المبادرة تفاعلاً كبيراً للدرجة التي جعلت الفضائيات العربية تفرد لها مساحات خاصة عبر شاشاتها مع الإشادة بالشباب القائمين علي أمرها.
وقد كتب الهندي عموده والذي نشره موقع النيلين تحت عنوان (إن الأمة التي تضع ست الشاي مكان وزير الصحة, أمة لا يمكنها أن تتقدم شبراً إلي الأمام) في إشارة واضحة  لعدم رضائه علي الطريقة التي تم بها افتتاح المركز, علي يد بائعة الشاي (أم قسمة) والتي اختارها شباب مبادرة شارع الحوادث كرمز للتضحية والمكافحة من أجل العيش, ولذلك كرموها هؤلاء الشباب بمنعها (مقص) شريط الافتتاح.
وقد وجد عمود الهندي ضجة واسعة وجاءت معظم التعليقات منتقدة للصحفي والذي وصف بالمثير للجدل,
وقد تحصل موقع النيلين علي بعض من التعليقات المصاحبة لعموده.
وكان أبرز التعليقات تعليق حمل اسم حمدون حيث كتب (أيعقل أن يكون رئيس تحرير جريدة بهذه الدرجة من التعالى ، ست الشاي هذه تمتهن هذه المهنة لأنها غير متعلمة وتبحث عن اللقمة الحلال لتربية أولادها ، ست الشاي هي تمثل أمهاتنا جميعاً هي رمز العطاء ورمز التضحية ورمز الأمومة الصادقة .
الله يهديك يا هندى ،،،،).
وكتب صالح أيضاً (كل يوم يثبت لنا هذا الهندى انه قليل الفهم سطحى الادراك قصير النظر.. مال الامم والتقدم وقص الشرائط… يا راجل ما تملا الكرسي الانت فيه بلا مؤهل بالقليل من الفهم وتقيم الافكار قبل انت تكتب وتظهر فراغ فكرتك.. الفكرة رئعة والله يا شباب وما شخص انسب من هذه المراة .. والناس الماعندها موضوع دى خلونا نتسلي بي وهميتهم دى.. وسبب تخلف البلد ان وجد فهو انك رئيس تحرير لي احدى صحفها).
فيما كان تعليق جعلي مخالفاً لبقية التعليقات, ووضح أنه متفق مع حديث صاحب العمود حيث كتب معلقاً (الهندي بتكلم بموضوعية ولم يبخس الناس أشياءهم، واعترف بفضل هؤلاء الشباب وما يقومون به من عمل جليل، وليس لديه اعتراض ايضا علي تكريم ست الشاي، لدرجة انه اقترح اطلاق اسمها علي المرفق الجديد !!
اعتراضه علي الهمجية والسبهللية والافتئات علي وزارة الصحة .. يعنى ببساطة شديدة يمكن للوزارة أن تقفل هذا المرفق .. الى أن يعتذر هؤلاء الشباب .. بس ح يضيعوا فيها الناس المساكين اللي منتظرين العلاج.
الهندي يتكلم بموضوعية (بعض) المعلقين يشتمون .. وكل اناء …..
والله لا أعرف الهندي معرفة شخصية ولم أره الا في التلفزيون .. بس .. النصيحة حااااااارة)

ياسين الشيخ _ الخرطوم

النيلين


‫23 تعليقات

  1. طيب شفت ليك حرامي سارق الحكومه حتي لو كان وزير صحه او حرامي سوق بتاع بيع بكسراو صحفي فرحان زيك كلما سافر لبلد عمل انجاز يحسب له كما عملت

  2. والله نحن نشيد بكلام الهندي كصحفي وكاتب ينظر للموضوع نظرة ثاقبه ، هل يمكن ان يمر نفس هذا العمل باوروبا باي دولة … لااعتقد ماذهب له الهندي عين العقل والتفهم وهو لم يقلل ولا من الشباب ولا من السيدة قسمة وانما لا يصح غير الصحيح وان كان هنالك خطاء فاعتقد الخطاء يرجع اولا لادارة المستشفي ممثلة في مديره ومدير المستشفيات يوسف تبن ولوزارة الصحة التي يجب ان تعرف كل كبيرة وصغيرة لاي مستشفي …. لا عاطفية في العمل الجاد المستقيم الزي يعتمد علي نظام واضح للوزارة ولكن للاسف لايوجد system في بلدنا العزيزة لكي يعرف كل موظف او ممول او متبرع حدوده مع التحية وشكرا للهندي لكي يثير مثل هذه القضايا لكي يتعلم منها البقية التي لا تعي بنفسها الا بالهفوات والاخطاء ……. صديق للهندي … عبيد

    1. يمكن اتفق معاك؟وبعدين الاجهزة والمعدات لازم تكون مطابقه للمواصفات بتاعة الدولة مدة الصلاحة وهل الدولة محتاجة وفي نقص فيها وحتي الطلاء للغرفة لابد ان يطابق الموصفات اللون والرائحة ووو ويمكن ان يسبب حساسية للاطفال وكان لابد من استشارة وزارة الصحة قبل اي عمل وهذا مبلغ كبيرة متبرع به واذا كل شئ احضر خطا وغير مطابق او لانحتاج له في السودان تكون خسارة كبيرة فكيف يفهم الجزار في الطب ؟وبعد دا كلوا هل العلاج سوف يكون مجان واين الاطباء الذين يعملوا معاهم بالمجان

      1. اولا دا اذا كان فى دولة اصلا وفيها مواصفات ومقاييس ،، ثانيا بسطاء المجتمع او امثال ست الشائ ديل فى اوربا كبار الاعيان وقامات البلد ،، ثالثا الجزار فى السودان بفهم اكتر من الطبيب ،،، رابعا منتظرين واحدة زززيييييك تجى تعمل معاهم بالمجان ،، خامسا الاختشو ماتو ودى قصة شوفى اكبر زول ليك يحكيها ليك

    2. اول حاجة امشي غير اسمك دا، شنو حمد النيل دي؟!!!!!
      الواحد في روحو اسمو غلط، مافي حاجة اسمها حمد النيل، ممكن حمد الرب، حمد الله، لكن النيل تحمدو علي شنو؟؟؟
      أمة عجيبة بشكل
      تانيا صديقك دا عمدة خالي أطيان ،
      تأملات انت مافاهم زاتو الحاصل شنو، هو بقول كلام وانت بتشكرو وبتقول كلام تاني
      الهندي دا قال المفروض إنّو يجيبو وزير الصحة عشان يفتتح الغرفة دي، ولولاهو ولولا التصديق العملتو الوزارة ماكان قدرو يعملوها،
      اها وريني فهمت شنو من الكلام دا؟!!!!
      أكيد مافهمت حاجة لأنو صديقك الهندي
      يعني ببسيط العبارة المتملق دا داير يفهم الشباب إنّو الوزير يمن عليهم بالمعروووووف الكبييييييير العملو وهو إنّو ماعرقل ليهم العمل وخلاهم،
      لا خلااااااااس ماقصر، يقصر وزير الصحة السويدي،
      يللا ياولد قوم لف من هنا
      بلاش مسخرة منكم يامتسلقين
      يسلق بي……

  3. اذاكان وزيرالصحة الولائى والاتحادى قايمين بواجبهم ماكان الشباب عملو اللى عملوه وفى الدول الاوربيه اللى بتتكلموا عليها غرفة طبية زى دى من اول واجبات الوزارة ولن نحتاج لام قسمة (مشكوره) بان تساعدهم والهندى لوكان فيه خير كان فرد مساحة بسيطة فى صحيفته للناس عشان تعرف هؤلاء الشباب ويحثهم على مساعدتهم بدل تنظيره الفارغ اللى يحبط والتطبيل للمسئولين

  4. الهندي عز الدين والله الواحد ما عارف يقول شنو في العجاله دي لان المساحة صغيره والزمن ضيق . لكن ابسط ما يقال انك إنسان مقغرف ومغزز وأصبحت لاتطاق. وبعدين
    ياخ الناس بتدفع دم قلبها عشان تشتري جريده وانت بتحكي لينا عن اسفارك بغض النظر عن ان كانت بغرض العمل او غرض شخصي . دا اكتبها في مذكراتك الخاصه. الناس محتاجه لكلام يحل مشاكلها مش تجاربك الشخصيه
    عموما المابتشوفو في بيت أبوك بخلعك. والله يرحمك يا أستاذنا حسن سآتي

  5. و الله سبحان الله ….. لو الشخص عاوز يعمل خير الناس مابتريحه وخاصة من مسبطي الهمم أمثال الهندي عز الدين هذا الصحافى الذي لولا الإنقاذ لم يكن فى هذا المكان … حسبنا الله ونعم الوكيل … ثم ماذنب الإنسان البسيط إذا حب يشارك فى عمل الخير حتى لو بلفته بارعة لهذه الأم العظيمة ( قسمة ) … ثم أنت مفروض توجه نقدك للوزير الذى لا تستطيع أن تتفوه بكلمة واحدة فى إخفاقاته وأتحدااااااااااااااك … وأقسم بالله انك تعلم الإخفاقات تماماً … أتق الله ياشيخ .

  6. هذا الصحفى المنتفخ كالبالون اتفه من ان نعيره اهتماما هو مجرد طبال لاولياء نعمته من اللصوص والحرامية

  7. مشروع طلع من غير ما يلغفو منو حاجة

    فعلا حاجة تستحق نزعلهم

  8. ياشباب شارع الحوادث الله يكون في عونكم . بلد فيها امثال الهندي دا قطعا وبلا شيك لازم يكون فيها شباب حي زيكم .. شباب قنع لاخير فيهم …. وبورك في الشباب الطامحينا .. هو الخمج البعمل في الهندي دا وامثالة ماهو دا الدافع الرئيسي لقيام هولاء الشباب بهذا العمل الفخيم ونتمني من الحي الذي لايموت ان يكون المشروع القادم مستتشفي كبير بحجم اجركم عن الله الذي لايخفي عليه شي في الارض ولا في السماء . ولو لا دفع الله الناس بعضهم ببعض لفسدت الارض .. نحن نامل من كلام هذا الهندي ان وقود لمشاريع اكبر واكبر .. بعدين يا ايها الهندي هذه هدية قدمت لاصحابها من النساء والاطفال الذين يستحقونها ولم يقولوا امنا ست الشاي هي وزيرة الصحة ..طيب وزير الصحة منو القال هو ست شاي الا في فهم انت الله يكون في عون السودان الانت عامل فيهو صحفي … بعدين موضوعك مع ست شنو …. لكم العتبي ياشباب حتي ترضو

  9. الزول ده كل يوم بيثبت انو هندى … ده اسمو افتتاح رمزى … وبعدين يفتتحو ابو قرد .. ولا قسمه .. الفرق شنو … الوزير حايجى شايل معاهو معدات هدية مثلا … ولا قسمة حاتجيب اهلها وتاجر ليهم نص العنبر !!!

    بالعكس ياحمار .. دى وفرت على المواطن السودانى … كتير من المصاريف واللغف والاستهبال في اموال الدولة الكان حايتم بسبب انو سعادتو عايز حف افتتاح … هاك المقص ابو 36 مليون جنيه ( بالقديم ده )

  10. ببساطة وفي إيجاز ، أيهما أكثر نفعا ، ما قام به شباب شارع الحوادث ، أم ما تلفظه صحيفة و يصبح حبرا على ورق لا يسمن و لا يغني من جوع !!!!؟؟؟ شتان شتان .

  11. الواحد يتأسف جداً لمعظم الشباب والقراء لضيق الفهم الذي صدر من الجميع إتجاه الهندي في فهم ما يصبو إليه وهو السودان الجبيب أن يكون دولة مؤسسات وان ينزل الناس منازلهم لاأكثر ودا من باب ديننا الأسلامي وهو في نفس الوقت لم يسخف بالخالة وهي تشرفنا جميعاً بل مدحها كثيراً وكذلك أثني على مبادرة الشباب وهو واجب على كل شباب السودان أن يحزوا حزوهم لرفعة البلد دون النظر إلي سياسة الحكومة لنرتقي بي سوداننا إلى الأمام وأخيراً لتقوا الله يا هولاء في مهاترات لا نفع منها والسودان كل يوم في ضياع بس فالحين نتكلم.

  12. والله العظيم أنا في كلمة كدا كتبها غايظاني وومفتفتة مرارتي وافقعة طوحالي، قال شنو؟ قال قدسية التراتبية؟!!!!!!!! ان شاء الله ياهندي الكلب يرتبو ليك لحافك في السجن قريب يااااككو (مع الاعتذار للككو)،
    شنو التراتبية وشنو التابعيه؟!!!!
    التراب في خشمك،
    والله كويس!!!
    ماعاجبك إنّو الشباب عملو حاجة بي مجهودهم وداير انت وأسيادك تجو تقصو الشريط؟!!!!!
    اما سمعت قول الحق عز وجل ( لَا تَحْسَبَنَّ الَّذِينَ يَفْرَحُونَ بِمَا أَتَوْا وَيُحِبُّونَ أَنْ يُحْمَدُوا بِمَا لَمْ يَفْعَلُوا فَلَا تَحْسَبَنَّهُمْ بِمَفَازَةٍ مِنَ الْعَذَابِ ۖ وَلَهُمْ عَذَابٌ أَلِيمٌ).
    طبعا أكيد الآيات الكريمة دي مامرت عليك ولو مرت عليك مابتفهمها ولا بتتدبرها، هو انت فاضي من تكسير التلج ومن الوهم الانت عايش فيهو؟!!!
    طبعا المسكين الحيران دا قايل روحو (مفكر سياسي) زي ما اوهموه المصريين اولاد فوزية بعد ما مشى كسر ليهم تلج مصر خط احمر وشنو ماعارف، اها من ديك الجماعة عجبهم ليك التكسر وكتبوا عن ناس الهشتك بشتك وصاحبنا صدق المكنة، وعييييييييييك ،
    على العموم كلب متسلق زي دا المفروض الناس ماتديهو ايي اعتبار لأنو واحد وسخ ، وان شاء الله كدا يجي يومك وتفتش ليك غرفة إنعاش وماتلقى غير غرفة شباب الحوادث، ونشوفك بتخشها ولا لا،

  13. هم ناس الصحة اصلا لاقين عشان يقفلو الغرفة ….بعدين اختنا الاتكلمت عن النواصفات والمقايييس كلامك صح بس حبيت انبهك لانو الماده دي ف المستشفيات عندنا م ش غال ي بيها ….العيانين لافين بالمستشفي وبنطو مياه الصرف الصحي ..الغرفه فيها ميه نفر وشباك واحد والمكيف منظر االسلالم بالمسشفي الله يكرمكم (بصاق .اعقاب سجاير وتمباك ) وين المواصفات دي وكتيييير وكلنا شايفين بس الواحد لم يوجه انتقاد يعمل حسابو لانو دا واقعنا ودي بلدنا ونحنا كشعب سوداني طيب بنحب نطبطب ع بعض م بنحب نطلع النصيحة

  14. يا هندي لو كنا في بلد تحترم التراتبية قلناها نعم. بس اصغر ملازم جبهجي في حكومتك يامر اللواء الغير جبهجي . اصحى يا هندي

  15. ست الشاي. . ربنا يديها الصحة والعافية والهندي ربنا يحفظه أنا أصلا ما عايز أعلق علىٰ الموضوع نهائي بس عايز أعلق على الناس القاعدة تشتم أي زول قاعد يشتم دا أصلا زول تافهة ما أكتر من كدا وبعدين في واحدة متخلفة شديد وما مربية تربية بيت بل مربية تربية شارع ( شماسية ) إسمها سارة منصور وأخذت الموضوع بفهمها المتخلف وشتمت الأخ الهندي وصفته بأنه شاذ جنسيا بلاهي دي مرأة جد ولا ……….
    يا عالم أي زول يوصل فهمه بطريقة لذيذة بعيداً عن الإساءات والكلام الما منو فايدة وشكرآآ عبدالحليم حاج الطيب الشيخ موسي أبو المرضية شمال كردفان أم بادر

  16. الخيل تجلبق والشكر لحماد
    ..
    لماذا لم يقوم الوزير بتجهيز المشروع ليقوم بالافتتاح

  17. في ناس مفتكرين انو الشباب ديل شغالين بدون استشارة .. دي مجموعة كبيرة من الشباب و ذي ما قدرو يلموا التكلفة جنيه جنيه برضو عرفو يستشيرو المتخصصين في المجال ده حتى في ناس من المتبرعين شغالين في المجال ده وفيهم خريجين هندسة طبية واطباء وووووو و تقريبا اي تخصص بتلقى فيهم . يعني ما ناس عنقالة ساي .

  18. والله انا مستغرب في الناس الموافقة على كلام الزول ده ياخ الموضوع دا كلو القامو بي الشباب ديل دا من صميم واجبات وزراءك الانت عايزهم يجو ويمسكو مقص الافتتاح دا لمن هم ما فاضيين ما عايز تريح الناس الهاميها مرض الناس الغلابة سبحان الله وحسبي الله ونعم الوكيل