بالبنطلون وصلعة
لابد ان يلعب تراوري –ان لعب- او ان –العبه المدرب- ببنطلون وحالق شعر راسه حتي نرتاح اقلو من شد الشورت والشعر ..لو قفز تراوري ببكاورت ضفر في مباراة القمة الاخيرة ونفذ تلك اللعبة لاحتاج الي عملية لفك يده عن شعره…. لن يستفيد المريخ من تراوري ابدا
*
سيمبو اللمبو
مما ديكور بتاع مريخ كوستي عمل عمليتو في سيمبو انا عرفت سيمبو ده ايامو انتهن…الغريبة كانوتيه قعد وكيبي قعد…الناس كلها تراقب فيهم وتتمني مرقتهم زي ادروب الفي الميناء البيطلع كل يوم بجردل مليان تراب الجمارك تراقب في التراب كل يوم وادروب اتاريهو سراق جرادل … غايتو
*رباط حبيبي
يندر ن يخلو لاعب من اصابة كما يندر ان يخلو مرعي من ربابة او مطعم من ذبابة او خلا من غابة لذلك تبقي الاصابة لاتعني شيئا مادام قد تم العلاج والذين صفقوا لاوكرا كانوا يتخوفون من اصابته اوكرا ده الا يكونوا عملوا ليه عملية تقليل سرعة …لذلك اري ان نجاح الياسو باين من اساسو ولو حل لنا مشكلة قطع الكرات العالية فقط لكفاه فان كل عكسية علي المريخ تمثل خطرا كبيرا …المريخ يمكن ان يسجل لاعبين مصابين بالرباط الصليبي لكن غيره يسجل رباطة
*معسكر سوسة والعافية مدسوسة
جاء في الاخبار ان سانغا اشتري مباراة الزمالك ب100 الف دولار من الحكم..والله الفريق ده الا يشتري شراء..ده ما فريق بيغلب ..فريق غلبوا مساوي رايح جاي ده اسهل من شراب الشاي..مفروض مساوي يحول ليهم رصيد اتسببوا في اعادةقيده… الهلال فكر يسافر تونس ويعمل مباراة مع تونس..علي قاقرين رئيس بعثة وللا شنو..قال ليك في زول في سيرك..كل يوم بيدخل راسه في خشم الاسد والناس تكورك بالاثارة …في الكواليس كان الاسد بلا اسنان وتناول وجبة قبل قليل ..الناس دي بتهابش براها لامن تلقي نفسها في الكونفدرالية..الهلال ده ممكن بعد ده يلقي نفسو في الكونفدرالية كل شيئ وارد ..
*سعانين
الدماعة ديل بجيبوا اللاعبين بطريقة جيب السعانين الواحد يقول ليك جابوا لينا غنماية عيونها زرق اهم حاجة بتحلب كم ما عارف ..تلقي الغنماية البلدية بتحلب اكتر منها لكن ما جايبين ليها خبر ..كل ما اقرأ عن البرازيليين الاثنين اندهش يقولوا ليك الاسمراني..لا يا مارسيلو… السمراني خلوه الابيضاني ده اكبر من الكوكي عندي اخوي شغال في المطار قلت ليه انت الزول ده نزل بالسلم والا بكرسي متحرك وجايب معاه مرتو وولدو كمان عايزز يطلع رقم وطني هو…. تالق ليما انا عارفو ما بروح كده ساكت…ديل شعارهم لو انت نسيت انا مانسيت
*ينصر دينك يا ريس
افضل قرار كان عدم اعطا الجنسية لكل من هب ودب من الاجانب بلغ بجنسيتنا الهوان ان صارت مثل قبلة ولادة بنت المستكفي (واعطي قبلتي من يشتهيها) طبعا الفقرة دي ماممكن تتحذف لانه درسونا ليها ونحن صبيان لكأن كل الشعر قد نفد.. لا تجنيس الا لمن يستحق انشاء الله يكون احسن لاعب عندنا كيبي
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يا جماعة البغل ده من وين جاي…… ده ما بعرف اكتب وعاوز يخفف دمو كمان تفووووووووووووووووووووووووووووووووووووووووووووووو
ما عندك رد او تعليق احسن من كدا…الكتابة أدب والردود بكون فيها شيئ من احترام النفس والآخرين..الاختلاف لا يعني الخروج عن اللباقة ….أعانك الله