زواج سوداناس

الوزير «يتهنقط» في شنو؟!



شارك الموضوع :

> التسجيلات في السودان زي الولاده زمان
> اقول الولاده زمان لانو الولاده اختلفت بين زمان واسي
> زمان الناس كلها تكون راجيه الولاده
> واول ما تتطلع الدايه
> يجروا عليها
كلهم بصوت واحد
> ولد ولا بت
> اسي طبعا الولاده اختلفت
> بقت زي الامتحانات
> من بدري تكون عارفها متين
> وولد ولا بت
> وفي ناس بوزنوها مع الاجازه
> بل في ناس بختاروا يجيبوا كم
> واحد
> توأم ابو جوز
> توأم ابو تلاته
> وحتى الجنس
> ولد وبت
> ولا ولدين
> ولا بتين
> ولا بت وولد
> الولاده اتطورت
> والطب زاتو اتطور
> والله لو ما الطب اتطور
> كان شكينا في قصص كتيره
> المهم
> التسجيلات بتاعتنا في البلد دي
> زي ولادة زمان
> الولاده متين ما معروف
> المهم دخلت التاسع وفي اي لحظة متوقعه
> والغريبه الغشيمه لو حاسبه غلط
> تمقلب ليك خروف السمايه زاتو
> ولد ولا بت
> ما معروف الا يجي مارق ويفصح عن نفسو
> تسجيلاتنا جايبين منو ومن وين وليه ومتين
> زول غير رب الخير عارف مافي
> بنجح ولا يفشل
> القصة توفيق من الله سبحانه وتعالى
> لذلك تلقي الهلال يشطب كانوتيه الليله
> وبكرة ينط
> كردنه يقول ليك الاعتماد على النشء
> ويجدد للشغيل وعمك مساوي تلاته سنين تاني
> نحنا موضوع كوفي فيهو شنو
> مافي زول بعرف الا اليوم بعد يقفل باب التسجيلات
> الياسو مدخلنو كشف طبي سته مرات ليه
> الياسو زاتو ما عارف
> شكه في روحو
> قال يا ربي يكون عندي شنو
> وده السودان
> واجمل قرار صدر في ما يخص التسجيلات
> هو قرار رئاسة الجمهورية بمنع التجنيس
> خلونا نروق شويه
> ياخ تسجيلاتنا لو ما زي ولادة زمان
> برازيلي الهلال ابو اسره كريمه
> الراجل شدة ما كبير
> نام على تربيزة الولاده اقصد التسجيلات
> الزول ده الضغط قايم عليهو خلي بالك
> واحتمال العمر
> للسن احكام
> الناس الكبار ديل بتجيهم غفوه
> ما بقدروا يقاوموها
> غايتو لو جاتو الغفوه في كورتنا
> وختفها من قدامو الشبل ابراهومه
> الزول ده لمن يصحي بلقاها تلاته صفر
> عمك ياخ
> ايها الناس
> المجموعات على الأبواب
> ونذكر
> ابو الهل لاعب في الكنغو
> وضد مازيمبي
> وفي رمضان.. والشمس بره
> كان دايرين كلامي
> ما تفطروا
> العبوا صايمين
> ما ممكن تخسروا الكورة والصيام
> صوموا صيامكم
> والقاسمه الله بدوكم ليها
> الفاطرين ليها شنو
> لو اتعشيتوا الباقيه باقيه
> نحنا كورتنا هنا
> في رمضان برضو
> في استادنا
> بالليل
> نضرب الحلومر في الفطور ونتسحر بالفريق الجزائري
> ومجموعتنا كلها صايمه
> يعني زول بلعبنا بالنهار في رمضان مافي
> ولما نقابل مازيمبي في دور الاربعة ان شاء الله
> بنلاقيهو ماكلين الضحية وتريانين
> كورة الختام طبعا الاولى عندنا
> التانيه بره
> باقي بنحب الجويه نحنا
> ريحة المطار يا فرده
> مطار مطار
> ما طير طير يا محمد عبد الماجد
> الخوف نكون جايين بالكأس
> وعمك البرازيلي ابو اسرة محترمه نقابلوا في صالة المغادرة
> بي اسرتو يا عمك
> زول يودعو ما حايلقي
> باقي الجماعه ديل ما بحبوا الوداع
> بفكوا الزول عكس الهواء في الاستاد
> ايها الناس
> ناس شارع الحوادث اخجلونا بمشروعاتهم الراقيه الباقيه في نفوسنا ما بقت الحياه
> واجمل حاجه عملوها
> انهم ادوا شرف قص الشريط في الافتتاح لست الشاي
> اختيار موفق ومعبر وجميل
> لأنو لو جابوا وزير مثلاً للافتتاح بحرجوهو
> معقوله وزير ما عمل العنايه ويجي يفتتحها؟
> دور ست الشاي كان كبير جداً
> فهي صاحبة البنابر التي اتت منها الفكره
> وهي صاحبة الصبر الجميل
> وهي رمز من رموز البلد دي الذي يجب ان لا تخطئه عين
> وهي تعبير عن كبرياء امه وشعب
> الوزير يعمل انعاشو ويجي يفتتحوا ونصفق ليهو
> لكن يجي «متهنقط» في اللاندكروزر عشان يفتتح غرفة انعاش ما ساهم فيها بي لمبه
> ما بتجي
> والوزير لما «يتهنقط» حقو «يتهنقط» بي حقو وانجازو واعجازو
> ما «يتهنقط» في انجاز الناس
> الوزير يتهنقط في شنو ؟؟؟
> شكراً جميلاً لكم يا ناس شارع الحوادث
> وما بتنضام بلد شبابها ما باره الخيابه
> بل شال هموم الناس على اكتافو واجبر الظروف كي تطاوعه لخدمة انسان البلد
> ان شاء الله لا تفوتوا ولا تموتوا يا ناس شارع الحوادث
> والمرة الجايه لما تعملوا مركز غسيل الكلى
> خلوا عمك الطاهر سيد التسالي يفتتحوا لينا
> عمك الطاهر الرجل الطاهر
> المباري ملوة تسالي اليوم كلو
> من اجل العيش النضيف
> بارك الله فيكم فرداً فرداً
ايها الناس
> ان تنصروا الله ينصركم
> أها
> نجي لي شمارات والي الخرتوم
> كان شفت يا والينا
> موضوع ميدان العاشره في الثورة لسه بحير فينا
> تجي تورينا
> ولا نجيب ناس العاشره ونجيك تبرر لينا؟
> ولا ننسى الموضوع وتنسوا الموضوع وينسوا الموضوع وميداننا يرجع لينا؟!
سلك كهربا
ننساك كيف وميادينك ميادينك محرمة على مواطنينك
والى لقاء
سلك

شارك الموضوع :

تعليقات الفيسبوك

تعليقات


4 التعليقات

إنتقل إلى نموذج التعليقات

      1. 1
        عبدالرحمن ابومحمد

        يا سليمان اتقى الله . كيف لك ان تلعن مسلم يقول لا اله الا الله ؟ مهما قال سلك فإنه مسلم . ولا يجوز لعن المسلم . اما موضوع خسارة الهلييييييييييييييل من مازمبى فكلنا يتمنى ذلك والاحلى لو بقت خمسة او ستة ده يكون احلى يوم . اوع تقوم تلحقنى انا لود سلك . الله يرحمنا جميعآ

        الرد
      2. 2
        عبدالله

        يا (فضل الله) حصل (حصن ) الفضل من الصحافة ..

        الرد
      3. 3
        زهجان

        أتق الله . صاحب التعليق الاول فأنت بعيد كل البعد عن فهم مضامين الرائع سلك . أما الشيئ المهم فشهادتكم مفخره لشياب شارع الحوادث ورد حازم على خطرفات الهندي

        الرد
      4. 4
        Adil

        يعني ايه ابو اسرة محترمةيا ما محترم يا فاقد تربوي تفوووووووووووووووووووووووووووووووووووووووووووووووووووووووووووووووووووووو

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *