منوعات

مغتربي السعودية يتكلفون بكامل نفقات الحج.. هدية ل ام قسمة


قررت رابطة المهندسين الطبيين بالمملكة العربية السعودية والتي ساهمت في إنشاء غرفة العناية تكريم الخالة أم قسمة وإستضافتها لحج هذا العام والتكفل بكامل نفقات الحج.

وقد وجد المنشور على فيسبوك الذي كتبه عضو الرابطة المهندس أشرف السماني ويعلن فيه هدية المغتربيين ل أم قسمة(بائعة الشاي) التي إفتتحت غرفة العناية المركزة لأحد مشافي الخرطوم تكريماً لها من مبادرة شارع الحوادث التي تقوم بأعمال خيرية في المجال الصحي، تفاعل وإعجاب كبير من أصدقائه وتم تداوله على نطاق واسع على صفحات التواصل الإجتماعي.

الخرطوم: معتصم السر


‫18 تعليقات

  1. اها يالهندي ديل اهل السودان الحقيقين الماصلين الما بنكرو اهلهم وبستعرو منهم لمن يكونو فقراء والفقر مو عيب يا هندي يا عزالدين اللة لا عزاك ما دام انت بتسخر من فقراء اللة هذا الست كل القلوب وقفت معاها لانها كانت امراءة شريفة و بتاكل لقمة حلال مو ذيك تمدح في فلان وتذم في فلتكان

    1. لفظ الجلالة يكتب هكذا (الله) أخي دار حامد بدون التاء المربوطة….(وإمرأة )هكذا. مع الشكر…

    2. كل السودانيين في الداخل والخارج مع الخالة “أم قسمة ” التى تمثل لنا أمنا الشريفة المناضلة المكافحة العفيفة ” إلا النشاز المدعو “الهنيدي ” لا يمكن يا هنيدي أن يكون كل السودانيين خطأ وأنت الوحيد الصاح ، إعتزل العمل الصحفي لأنك غير جدير بذلك ولا تستحق الكتابة عن أي شئ مهما كان ، رجل متسلق ومداهن وكسار ثلج ورجل أصبحت منبوذ ومكروه من كل قطاعات الشعب خاصة المثقفين منه ” يعنى أصبحت “صفر” ونطالب كل القراء بمحاربة صحيفة المدعو الهندي عزالدين صحيفة “المجهر السياسي” خلوه يدق الدلحة ويفلس ..

  2. و الله خبر جميل و موقف اجمل من طرف هذه الرابطة . ربنا أداة على قدر نيتها و ربنا يتقبل من الجميع . الشعب السوداني شعب جميل و خلوق

  3. سبحان الله شوف الشباب الحلوين ديل ربنا جعلهم سبب لافراح كثير من أمهاتنا والآن ربنا جعلهم سبب لأجر عظيم لامنا قسمة ربنا يجعل عملكم في ميزان حسناتكم يارب

  4. دي فرصة لشباب السودان يتحدوا من أجل الوطن و أهل السودان.

  5. يا دار حامد يا عبيط
    الهندي لم يسخر من ست الشاي
    هو تحدث عن هيبة الدولة
    وكلامو صيحيح ميه في النيه
    لكن اشكالك المخبولين لا يفهمون مثل كلام الهندي

    1. السلام عليكم يا خى كيمو أولا بقول ليك ربنا يسامحك على هذا السب
      وثانيا انت مو الهند عشان تسبنى أو ترد.و انتى والهند بتاعك دا والدولة البتتكلم
      عنها دى ما قامت بالشئ دا هدا مجهود من شباب وطنى ومخيرين يفتحو اليفتحو ويا ريت
      لو لقينا زينهم اعداد كبيرة فى السودان ويا ريت لونقدر المجهود الذى قاموا بة وهم يتقاسمون جنية المواصلات
      وأنت والهندى فلاحين الا للكلام

  6. يا كيمو انت لو معجب بالهندي، امتدحو زي ما داير، لكن لو بعدت من الالفاظ القبيحة افضل، بهذه الالفاظ بتثبت انو مافي فرق بينك والهندي او الهندي يعلق باسم مستعار

  7. تفتتحو ام قسمة لان الانجاز هذا تم بعمل خيري، بس قصة المقص الواحدة دي صعبة ليكم،
    جمع ليك شباب وانجز وجيب الدايرو يقصو ليك، لاتنظر لمراسم احتفائية، بل انظر لحجم العمل المنجز…

  8. خلي الحكومة تبني ( مؤسساتها الصحية ) وان شاء الله تجيب للافتتاح مدير منظمة الصحة العالمية …. لكن حاجة ما عملتها دايرها تفتتحها ….

  9. إستغفر ربك
    ومافي داعي للألفاظ الغير لائقة يا كيمو
    واذا عايز تظهر زي صحبك الهنيدي ده حاجة تانية

  10. الشى المحير انو الهندى بيقول فيما معناه انو ما فى بلد محترم بيحصل فيها افتتاح بالشكل ده طيب بالله فى بلد محترم الحكومة بتاعوا يكون ما عندها عناية مكثفة بتاعت اطفال فى مستشفياتها طيب فى بلد محترم بين يوم وليلة يتحول فيها متحصل نفايات مع احترامنا لكل متحصل النفايات كمهنة شريفة إلى مليونير وصاحب صحيفة يسب من يشاء ويمنح من يشاء ولا يسأل من أين لك هذا وأهم من ذالك يرأس التحرير وهو غير دارس للصحافة أو أى جامعة

  11. يا دار حامد كيمو دا الهندي شخصيا . وطبعا لما انت يا دار حامد تكون شغال متحصل بتاع نفايات وهو عمل شريف لكن خجﻻن من المجتمع . وفجاة تبقي مثﻻ مثﻻ (بقول مثﻻ ) مؤتمر وطني كبير وعندك جريدة من تمويل المؤتمر الوطني حتعمل شنوووو؟؟؟