اسقفوا علي كده

*طبعا ناس الهلال ديل
*اللاعب لما يقطع رصيد ويقيف
*بعملوا بيهو مكالمتين مجانيات
*اقصد مباريتين مجانيات
*بعد داك بكضم
*ما بشحنوهوا تمااااام
*بحولوا فيهو رصيد بي جنيه
*يصلو تسعميه وخمسين قرش
*يقوم يقطع تاني سرييييييييييع
*المهم
*سيمبو الفتره الاولي دي قطع كم مره
*لانو بشحنوهوا بي جنيه
*ودايرين يدخلوا نت كمان
*شوف ليك جنس فلهمه
*ولما يقطهع يزعلوا
*جنيه ما بتم حق النت زاتو مع الرسوم الحكوميه الكتيره دي
*المهم
*سيمبو يقطع
*يشحنوهوا بي جنيه
*يقطع تاني
*ومرات يقطع في المكالمات
*زي قطعتوا القطعها ليهم يوم كورة مريخ كوستي
*قطع ليهم في حته صعبه
*والشبكه ماكانت كعبه
*لانها مسكت الكوره
*الشبكه كويييييسه
*كعب مكسيم
*الشبكه كويييييسه
*لكن الرصيد كمل
*المهم
*ضربت براي حق سيمبو
*لقيتو بطلع زي خمسه وعشرين الف دولار
*وعذرت الكاردينال
*يعني يدفع الخمسه وعشرين الف دولار لي سيمبو اصلو ما عندو مواسير غيرو ؟؟؟
*المواسير البتنقط دي كلها دايره ليها جلب وشريط مويه
*والموضوع ده بقروش ما ساي
*مازي الشركه الصينيه
*مشروع بي اربعمائة مليون دولار
*تعملوا بي تمنيه
*وتخصم اربعه وتشيل بس اربعه
*الكلام ده داير قروش كااااااش
*مافي زول بدينك رصيد
*تدفع بس
*عشان كده الخمسه وعشرين الف دولار بتاعت سيمبو ما استلمها حسب تضريباتي
*قاموا شطبوهوا وسجلوا مكانو زول
*لكن هل مضي سيمبو ووقع علي المخالصه
*لانو سيمبو مسجل كأجنبي
*يعني البتسجل مكانو اجنبي
*ولو ما وقع علي المخالصه
*بيبطل تسجيل آخر اجنبي اتسجل في كشف الهلال
*وآخر اجنبي اتسجل في كشف الهلال
*هو البرازيلي ابو اسرة كريمه
*والدليل علي انو آخر اجنبي اتسجل في كشف الهلال
*انو كان نايم اثناء التسجيل
*وراجعوا الصورة في الواتس
*يبقي يا سيمبو يقبض الخمسه وعشرين ويوقع علي المخالصه
*يا البرازيلي ابو اسرة كريمه يدينا عجاج كرعينو
*لكن زعلت والله
*لما شفت صورة البرازيلي واسرتو في المطار
*حبيت اسرتو شديد
*اسرة تتحبه والله
*اسرة شكلها رائعه الله يكفيها شر العين
*والشافع
*حلاتووووووو
*حايوحشنا والله
*حقو نعمل شرينق مع كردنه ندفع الخمسه وعشرين الف دولار لي سيمبو
*الشافع ده مقطع قلبي والله
*دمو خفيف وشيطاااااااااان
*يا كردنه
*تدفع ولا الاسره ترجع ؟؟؟؟؟؟
*والغريبه امس حلمان انو الهلال خته لي سيمبو خمسه الف دولار بس
*وسيمبو زعل ورفض يوقع عيل المخالصه
*سيمبو ده لو سافر
*البرازيلي ابو اسرة كريمه يا حليلو
*قال ليك الشافع في المطار شاغل الناس كلهم
*وكانوا بقولوا ليهو بابا كيف
*يقول ليهم بابا ماسورة
*للامانه كان بقول (ماشوله )
*لكن قاصد ماسورة
*صغير وجاهل
*ويضحك ويجري
*ايها الناس
*امام الاتحاد قانون واضح
*يا مخالصه
*يا سداد للحقوق لدي الاتحاد كامله
*يا عدم اعتماد تسجيل آخر لاعب وقع في الكشوفات
*ولانو سيمبو اجنبي
*يبقي آخر لاعب اجنبي وقع في الكشوفات
*ورونا قانونكم يا ناس الاتحاد
*وسبمبو عارف الحته دي
*وقال كاااااش وتامي
*دولار ينطح دولار
*واذا فيها دولار ملصق او مقطوع ما بستلمووووووو
*ورونا القانون علي اصولو يا ناس الاتحاد
*خلوا كبسور يمشي لوزان
*بمناسبة لوزان
*موضوع بكري حصل فيهو شنو ؟؟؟؟؟
*المدينه في المدينه مع عمك المدينه
*ساق ابوهو ومشي
*رضا الله ورضا الوالدين ده يا هو البجيب ريحة المطار (ظااااااااتو )
*ايها الناس
*ما ايها الناس
*ايها الادروب
*قصة 2870 بقت علي كده خلاص ؟؟؟؟؟
*ياراجل يا اشتغل معنا صاح
*يا خلي الشغله لي غيرك
*امس ناس عطبره ضربو بسألوا عن القصه دي كيف
*قلت ليهم دي قصه ولسه
*يا حبيبنا ادروب فكنا ياخ
*المهم
*زماااان
*قالوا في مغترب اشتري قطعة ارض
*وقال لي اخوهوا اشرف لي علي المباني
*يرسل في الريالات
*والاخو يبني ويشرف
*ماشين كويس
*يضرب لي اخوهو تلفون
*ايش حالك يا حامد ,,,زين
*حامد يقول ليهو كويسين نحمد الله
*المغترب يقول ليهو بعت لك مبلغ مع الرجااال
*نفس الرجاااال الجابلك المبلغ الفات
*همتكم شويه يا حامد يا رجااااال
*كلما يضرب ليهو يشبكو ليك ايش لونك وعلومك والرجاااال
*فجأه فنشوهو
*قام ضرب لي حامد اخوهو
*حامد كيفنك
*حامد قرب يجري
*كيفنك دي سنين ما سمعها
*استغرب وين علامك وايش لونك وعوجة الخشم الغريبه ديك
*المهم حامد جمع نفسو ومسك التلفون كووووويس
*قال ليهو تمام يا اخوي
*قال ليهو المباني وصلت وين
*قال ليهو في العتب
*قال ليهو اسقف علي كده
*خمسه وعشرين الف دولار سيمبو الما ادوها ليهو دي
*خلتني اتخيلت كردنه يقول لي صديقي عمادالطيب بالتلفون
*المباني بتاعت الجوهره (الزرغاء) وصلت وين
*عمده يقول ليهو في الحفر
*كردنه يقول ليهو اسقفوا علي كده
*ايها الناس
*استقرار الزعيم احد اسباب العبور من باب سويقه
*يجب ان نحافظ علي ذلك الاستقرار لانه احد اسباب العبور لدور الاربعه
*وشامي لي ريحة مطار
*صدقوني
*الناس الريحتها مطار مطار بتعرف ريحة المطار
*والناس الريحتها طير طير بتعرف كيف تطير
*المهم
*للاهله الشرفاء اقول
*واكررها
*وقلتها قبل كده
*الفرق الصغيره عادي بتفرخ للكبيره
*فنحن سجلنا من المورده كاوندا وشوشه وعنتر ومجيد وبرشم وهنو وابو كدوك وامير كمال وعجب وغيرهم
*مثلما سجلنا من الهلال هيثم وعمر وبكري ومعز وجابر وطمبل وغيرهم
*طبيعي ان تفرخ الفرق الصغيره للكبيره
*ولما لاعب من الكبيره يرجع للفرق الصغيره زي وليد علاء مثلا
*ده بكون لانو لسه ما نجض
*بنرجعوا الصاج تاني
*ينجض ونجيبوا
*وقعت ليكم الطعميه !!!
*ايها الناس
*لا اعتقد ان مصر تستطيع ان تنفذ حكم الاعدام في حق مرسي واخوانه
*لا داعي للقلق
*فالسياسه هي كذبه واحده
*تجبرك ان تكذب العمر كلو تبريرا لتلك الكذبه الواحده
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*رمضان من ناحية جايينا جايينا
*وكهربتك دي مخوفانا وما بتكفينا
*وقال صديقي عمار في مربع لينا
*كهربة السرور ملازم الفشل مشروعا
*تقطع من صباحا ولا بتحن بي رجوعا
*الناس بالسخانه وفلس الجيوب ملسوعه
*قنعت من الكهارب وبقت بتلحس كوعا
*هيييييييييييييييييييييييييييييييييييييييييييع يا والينا
سلك كهربا
ننساك كيف وباقي كلام عمار اتخيلتو
شكوتنا ليك لو اصلو ما مسموعه **** حرم طلاق تلقي البلد مرجوعه
والي لقاء
سلك