احمد دندش

اغاني و(بخرات).!


*غايتو برنامج (اغاني واغاني) بدون (فرفور) السنة دي…زي (الزول الرايح ومالاقي ود حلال يوصف ليهو).!
*يتلفت ساااااااكت.
*الغريب في الموضوع في ناس ماشغالة بـ(فرفور) كتير…وبيتكلموا عن عودة افراح وصباح وريماز.
*غايتو (جنس حركات).!
*ياجماعة…نختلف او نتفق…البرنامج دا بدون (فرفور) مابمشي لي قدام.
*الزول دا الوحيد القاعد يحفظ الغناء.
*الباقيين كلهم (ناس ورق ساااااكت).
*الواحد فيهم تلقاهو شايل الورقة في يدو زي (البخرة).
*وعمنا قدور يقعد يضحك.
*ماعارفين بيضحك على شنو..؟
*ياربي يكون بيضحك على (البخرة)..؟
*اول مرة في حياتي اشوف لي فنان بيغني من (بخرة).!
*ماعارف ليه بتحسسوني بـ(الغربة) لما اشوفكم وانتو بتغنوا من الورق.
*ياخي (البنغالة) بقوا حافظين غنانا…خليكم انتو.
باص بيني:
*غايتو اخطر حاجة بيخاف منها الطالب لما (البخرة) ماتضرب…انتو اخطر حاجة بتخافوا منها شنو..؟
باص اخير:
*رأيكم شنو لو اتحول اسم البرنامج وبقى (اغاني وبخرات)..؟..اهو…على الاقل تكونوا صادقين مع المشاهد ومع (روحكم) ذاتو.!


‫2 تعليقات

  1. (اغاني وبخرات).قال الظاهر عليك مابتحضر برامج التلفزيون السوداني وخاصه(هنا السودان)ويجي الفنان يفتح خشم ويقفل خشموا ماتعرف بيقول شنو وكل اغنية مسجلة من بدري فقط علي الفنان تحريك فمه يمين وشمال وحتي ناس الموسيقي حضرنا ولم نجدكم ديك؟تقول لي شنو ياحليل زمن الغن والفنانيين الزمان

  2. اغاني واغاني !! ياخي شوف ليك موضوع هادف اتحدث عنه سيبك من (لهو الحديث) وكمان في الشهر الكريم اتقي الله في نفسك وفينا يالاسمك أحمد
    والسر قدور المابخجل قايل نفسه مابموت طبعا ومعديها غنا وطرب ربنا يهديه ويشوف ليهو أعمال صالحة تنفعه يوم لاينفع مال ولا بنون
    حسبي الله ونعم الوكيل