رياضية

الأرباب صلاح إدريس يفجرها داوية: المريخ لم يطلب سيلا ولكنني عرضته عليهم..وأهلي شندي متكفل بكافة التزامات اللاعب المالية رغم انتقاله للمريخ


كشف الأرباب صلاح أحمد إدريس رئيس نادي الهلال الأسبق وراعي فريق الأهلي شندي رابع الترتيب في بطولة الدوري السوداني الممتاز الحقائق الكاملة عن انتقال محترف الأهلي لفريق المريخ علي سبيل الإعارة.

وذلك عبر عموده الصحفي والذي تحصل عليه موقع النيلين, وكتب رئيس الهلال الأسبق في عموده ما يلي:

رحم الله جدَّي إدريس حفيد المك نمر من ابنته غناوة فقد كان ذلك الحفيد محبوباً بدرجة كبيرة من العشيرة والقبيلة وكان له فرس متميِّز كان صاحبه كبير الإعجاب به .
​ذات يوم وفي لقاء من لقاءات القبيلة في فاشر المك بمدينة شندي كان الأرباب إدريس , و هكذا حدثني والدي , يمتطي صهوة جواده و يجول في الميدان مزهوا ً بجواده و يقدِّم بعضاً مما تعوَّد عليه من قدرات له و لفرسه الذي يبدو انه قد كان جامحا في ذلك اليوم .
​سقط الأرباب إدريس , وقد شاباً نضيراً يومها , من صهوة الجواد و قامت قائمة القوم ينهالون ضربا على الجواد و يتناهرونه كيف له أن يسقط الأرباب حفيد المك .
​انتفض الأرباب إدريس و نهض قائماً ليحول بين القوم و جواده ملاطفاً القوم (خلوهو يالناس وما تلوموهو حرَّم مو عارفني أرباب) .
​وعدم المعرفة تنجب الخطأ الذي يوجب اللوم لصاحبه .
​لكنني لست ميَّالاً للوم الأخ الأصغر سيِّد أبشر جلال الدين بل إنني أجد له العذر و أجد فبما جاء منه أكثر من شيء إيجابي و إن كنت أخذ عليه تخطيه لكل الخطوط الحمراء بل أنه قد كاد يتخطى ما فوق البنفسجي منه إن لم يكن قد فعل ذلك فعلاً
​”كم فتى” في مكَّة يشبه حمزة ؟! هكذا تساءل شاعرنا الكبير الراحل المقيم صلاح الدين أحمد إبراهيم … وكم فتى في شندي يشبه سيَّدا ؟! هكذا أتساءل أنا .
​لأخي الأكبر و صديقي و رفيقي عبد المجيد منصور مقوله شهيرة لطالما ضجَّت بها ساحة مسرح كرومة في تلك اللقاءات الجماهيرية التي كانت تقوم بصورة راتبة وكان يجمِّلها ذلك العملاق مجيد بحضوره الزاهي البهي هو و الراحل المقيم أخي علي الفكي و قد كانا معارضين للمجلس ولكنهما كانا يصرَّان على المشاركة و الحضور رغم ظروف مجيد الصحية . وأعود لمقولته الشهيرة “المشكلة في الهلال مشكلة ثقافية” طيَّب الله ثراك أخي مجيد و طيَّب الله ثراك أخي علي الفكي وقد كنتما تضيئان المشاعل و تنيران الطريق و تعبَّدانه نحو فهم متقدم و تحاور راقٍ و مجتمع رياضي يتعافى في عافيته المجتمع الكبير كلِّه .
​إنَّ ما يفرِّق بين الإداري و المشجع لخيط رفيع إذ لا ننسى أن الإداري , افتراضا , قد بدء مشجعاً ثم منتسباً إلى أن يصل إلى كراسي الإدارة و مرافيها .
​لقد سعدت و تشرَّفت بقيادة العمل الإداري في الهلال لما يقارب الأعوام الست كانت في مرحلة انتقال و تحوُّل من الهواية أو الاحتراف المغلَّف إلى مرحلة الاحتراف و الذي ما زلنا بعيدين عن مطامحنا الحقيقية و المشروعة فيه .
​قبل عامين , وربما ثلاث , خرج الهلال و المريخ من دور الاثنين و ثلاثين للبطولة الإفريقية للأبطال و تقدَّم أهلي شندي في الكونفدرالية إلى دور الستة عشر فعنَّت لي فكرة طلب استعارة الكابتن سعيد السعودي من المريخ و الكابتن بكري المدينة من الهلال أما لماذا هذان اللاعبان فلأنهما لم يشاركا فريقيهما في المباريات التي لعبها فريقاهما رغم قيدهما أفريقياً
​خرج أهلي شندي من دور الستة عشر فغابت الأسباب التي كانت تبرر طلب الكابتنين سعيد و بكري …. لتسنح هذه الفرصة هذا العام و لتطبق الفكرة بفهم وطني واحترافي عالٍ و مسئول ومالا تعلمونه هو أن المريخ لم يطلب سيلا ولكنني من عرضته عليهم …. ليس ذلك فحسب بل إن سيلا معار للمريخ مع تكفل أهلي شندي بكافة التزاماته المالية حسب ما ينص علية عقده … هذا بالطبع عدا حوافز مبارياته مع المريخ .

 

ياسين الشيخ _ الخرطوم

 

النيلين

 


‫19 تعليقات

    1. صلاح ادريس دا أكبر غلطة عملها أنو بقى هلالابي ..
      كان يجي محلو الطبيعى مع الصفوة ..
      شوف الشتائم اللي تحت دي ..
      الراجل عنده بعد نظر ولم يتنازل عن اللاعب نكاية في الهلال انما مساعدة للمريخ في مشواره الأفريقي، وسبب ذلك أن المريخ مفروض يسجل مدافع اسمه (الياسو)، ولكن في آخر لحظة لم تتم عملية الانتقال، قام الراجل اتبرع باللاعب .. يجي جمال الوالي يقول ليهو .. لا شكرا..
      كسرة : (تماهيا مع التعليقات) .. تماهيا ؟؟ !! (استعن بصديق) !!
      جمهور الهلال أكثر من المريخ هذه حقيقة لا نغالط .. ولكن الحقيقة الأخرى التي يجب عدم المكابرة فيها هي أني جمهور المريخ معظمه صفوة ، وجمهور الهلال معظمه (كرور) .

      حاشية : لسان العرب : كرور .. من كار .. يكور .. كورة فهو كرور، أي محب للكرة لدرجة الجنون .. والله أعلم

  1. والله ثم والله يانكره انشاء الله لن يكون لك ابدا مكانه عند اهل الهلال الشرفاء ايها الرجل الحقود تعرض ليهم سيلا تعرض ليهم اهلى شندى بكامله لايهمنا بشى بل انت لامكان لك ثانيا فى الهلال ياطيش الانتخابات.ثم لماذا الظهور فى هذا التوقيت بالذات؟؟؟؟؟ ولقد ارتحنا منك شهورا عده وكلما تقدم الهلال الى الامام خرجت من جحرك لتعكر الاجواء.اللهم احفظ الهلال من هذا الحاقد.

  2. هذا يثبت انك غير هلالى اصيل كما تدعى وهذا يؤكد المقولة بانك صرفت 2 مليار عشان كرسى الهلال وبعدها صرفت 5 مليار عشان كرسى رئاسة الاتحاد ياخى شوفلك طبيب نفسى عندك عقدة الظهور

  3. تحياتى للاخوة المتداخلين
    الارباب شئنا ام ابينا هلالى وحتى النخاع يعنى عشان اعار سيلا للمريخ اضحى غير هلالابى والرجل ساق مقدمة واضحة لاختلاف موجود بين المشجع والادارى الجميع ينسى ان المريخ اعار لاعب فى قامة سعيد السعودى للاهلى شندى لما لا يعير الاهلى سيلا للمريخ؟ ثم اخوتى بغض النظر عن الديون لاينكر الا مكابر ما صرفو صلاح ادريس ع الهلال ولكن صراحة مجتمعنا الهلال بات به الكثير من الجحود ونكران افعال الرجال ودونكم(هبثم – مهند -عمربخيت – المعز – حليفة وقبلهم حمودة والدعيع

    1. صلاحك ده ما بيشجع هلال امدرمان ((( هلال السودان ))) ((( هلال العزة )))
      الا بيكون هلال انت بس البتعرفوا وما ليه مكان تاني في رئاسة هلال العزة والكرامة
      أسوأ فترة هي فترة رئاسته

  4. ارباب سليل الارباب وكفى
    والله فى بلدنا دى ما اظن فى زول بيفهم عملتك دى يا ارباب (لله دررررك )

  5. التعليق والرد على هذا النرجسي مضيعة للوقت. الحمد لله الذي عافى الهلال منه. سيلا قال. سيلا دا في فريق مويس مانفع.

  6. امر مضحك فعلا . هل لان سيلا بالمجان عشان كدا قبله اهل المريخ ( ما دام ميته ) كما يقول
    اهلنا السودانيين وضحى بعنكبه
    المسكين ؟ ولو كان المريح محتاج لامثال سيلا وعذرا عمر بخيت ( لا لمهارته ولكن لهبوط جهده ) ليواصل مسيرته الى دور الاربعه فنقول له باى باى .. واراهن على ذلك سؤال : ماذا قدم سيلا لاهلى شندى حتى يستعين به المريخ لبطولة الكبار
    والارباب يمن عليكم يا اهل المريخ وب اهيه : قال سيلا قال سيلا … طيب ما كان تعيرهم نادر الطيب ؟؟؟؟؟
    حاليا نصف لاعبى اهل شندى ونصف لاعبى المريخ الاساسيين من مشاطيب الهلال ؟؟؟ حقيقه ولا الحساب ولد ؟؟؟؟؟

  7. والله الشي المحير انو مافي زول طلب منك توضح انو المريخ طلب سيلا ام لا ودى حركه منك لي لفت انظار الاهله اليك وياسيد يا ارباب ما لا تعرفه انو الامة الهلاليه رمت طوبتك من زمااااااااااااااااااااااااان وماعاد اليك مكان في الهلال ولا جمهور الهلال مهما قلت تصدق لو سجلته اهلي شندي كوووووووووووووولو للمريخ برضو ما شغالين بيك يا ارباب لكن ماوريتنا بتين بتجى السودان ؟؟؟؟؟؟

  8. تتكلم عن الهلال وانت اكتر واحد بتحقد علي الهلال .. ولكن للهلال رجااااااااااااااااال بياكلوا النار

    1. يا بلال (عصام )
      الرجال برضوووو احد رجالات الهلال بس يخلي جمجرة المقالات ده
      هههههههه

  9. الارباب صلاح ادريس
    قدم للهلال كل ما تمناه كل هلالي وهو هلالابي شهم ولسع عندو شعبيه جارفه من هلال املايين
    لكن اعيب عليه مناوشاته الشخصية مع اعضاء مجالس الهلال
    سؤال :-
    0 هل طالب صلاح اديس ما دفعه للهلال ؟؟؟؟؟؟
    اكيد لا
    نحن لسع عندنا عشم في صلاح ادريس يرجع ليكون احد اكبر داعمي الهلال ان يرغب في الرئاسة او لم يرغب
    ونحمد الله عندنا امثال
    1/ طه علي البشير 2/ صلاح ادريس 3/ البرير 3/ الكاردينال 3/ عطاالمنان 4/ شيخ العرب …….اذا مشي الاول بيجي التاني
    لكن اذا مشى جمال الوالي مين بخلفووووووووووووو…..؟
    اعارة سيلا حس وطني من غير ميول مافيهو شئ

    1. قدم شنو للهلال أبطال افريقيا ام كأس الاتحاد الافريقي بلاهي خلونا من العواطف والمصالح الشخصية
      صلاحك ده ما بيشجع هلال امدرمان ((( هلال السودان ))) ((( هلال العزة )))
      الا بيكون هلال انت بس البتعرفوا وما ليه مكان تاني في رئاسة هلال العزة والكرامة
      أسوأ فترة هي فترة رئاسته
      وبعد كده عايزو لسه يرجع ليك اذا رجع حيرجع للهلال الانت البتعرفو فقط وليس هلال السودان

  10. صلاح ادريس شئنا ام ابينا هو من العقول النيره الدفعت بكره القدم السودانيه الي سطح الاحداث واصبحنا بفضل افكاره هو جمال الوالي نطمح للفوز بالجوائز الاقليميه والقاريه فارجو من الاخوه المشاركين ان يكون نقدهم هادف وبناء حتي تعم الفائده ولا نقدح في وطنيه رموزنا.

  11. قد تنكر العين ضوء الشمس من رمد
    وينكر الفم طعم الماء منى مرض
    لله درك يا أرباب
    والله انا مريخابي حتي النخاع ولكنني تمنيت ومازلت اتمني أن يكون صلاح ادريس في ادارة المريخ بجانب الوالي وباقي العقد الفريد ليس لشيئ ولكن لان بعض أهل الهلال لايعرفون مقدار رجالهم .
    يكفي صلاح ادريس اكتشافه لبكري المدينه وهو شبل وتخزينه في فريق المدينه ومن ثم نقله الي الهلال وهو الآن أحسن مهاجم سوداني – حقا لانبوة لنبي في قومه – كما أن زامر الحي لايطرب .
    ان مكان صلاح ادريس هو رئاسة الاتحاد وادارة الكرة في البلاد لكننا
    كالعيث في الصحراء يقتلها الظمأ والماء فوق ظهورها محمول .
    كما يكفي المحترفين الذين اتي بهم صلاح ادريس مثل قودوين وسادومبا وكلتشي الذي مازال يؤدي حتي الآن .
    مع تحياتي واحترامي للجميع
    اللهم وفق المريخ والهلال حتي يلعبوا مباراة الكأس الافريقية في السودان
    آمين آمين آمين

  12. قد تنكر العين ضوء الشمس من رمد
    وينكر الفم طعم الماء من مرض
    لله درك يا أرباب
    والله انا مريخابي حتي النخاع ولكنني تمنيت ومازلت اتمني أن يكون صلاح ادريس في ادارة المريخ بجانب الوالي وباقي العقد الفريد ليس لشيئ ولكن لان بعض أهل الهلال لايعرفون مقدار رجالهم .
    يكفي صلاح ادريس اكتشافه لبكري المدينه وهو شبل وتخزينه في فريق المدينه ومن ثم نقله الي الهلال وهو الآن أحسن مهاجم سوداني – حقا لانبوة لنبي في قومه – كما أن زامر الحي لايطرب .
    ان مكان صلاح ادريس هو رئاسة الاتحاد وادارة الكرة في البلاد لكننا
    كالعيث في الصحراء يقتلها الظمأ والماء فوق ظهورها محمول .
    كما يكفي المحترفين الذين اتي بهم صلاح ادريس مثل قودوين وسادومبا وكلتشي الذي مازال يؤدي حتي الآن .
    مع تحياتي واحترامي للجميع
    اللهم وفق المريخ والهلال حتي يلعبوا مباراة الكأس الافريقية في السودان
    آمين آمين آمين

  13. يا اخوانا دا الكلب ابو سبعة ارواح كلما نقول ارتاح منه الهلال وجماهيره الخلص يطلع لينا من جديد يا اخوانا اسالوا الله ان تطول اقامته الجبرية بالسعودية وربنا يكتر من قضاياه لان ظهوره في هذه الفترة الحساسة يضر بالهلال المقبل علي نهائي الابطال يريد ان يفسد ذلك كما افسده من قبل امام الوداد………………وامامكم كمية البلاغات التي فتحت الان ضد رئيس نادي الهلال