جرائم وحوادث

سيدة تشنق نفسها داخل حمام مستشفى ببحري


أقدمت سيدة على إنهاء حياتها بصورة مأساوية داخل حمام مستشفى ببحري. ونقلت مصادر لـ(المجهر) أن السيدة البالغة من العمر (50) عاماً وقد حضرت كمرافقه لزوجها المريض بالمستشفى، أنهت حياتها بشنق نفسها بواسطة ثوبها داخل حمام المستشفى.. وفور اكتشاف الحادث تم إبلاغ إدارة المستشفى فأبلغت بدورها الشرطة التي أوفدت فريقاً من مسرح الأدلة الجنائية.. وبعد اتخاذ الإجراءات القانونية أحالت الجثة إلى المشرحة، ودونت بلاغاً بالحادثة، وما زالت تحرياتها جارية لكشف الملابسات.

 

 

المجهر السياسي


‫6 تعليقات

  1. يالله من مآسي الناس في السودان كيف يصل بها الحال لدرجة الانتحار و زوجها مريض اللهم اغفر لها و صبر اهلها

  2. يا طبراوي الجماعه محتفلين بوداعهم ..ووزير الصحة فيهم .المسكينة دي اﻷه يرحمها تلقاها حق الدواء ما عندها .وزوجها في مريص ..ياست.

  3. ود الجزيرة سلام عليكم
    أن شا الله نحتفل بوداعهم من الدنيا كمان. و الله خبر محزن و مؤسف جدا انو انسانة زي دي تنتحر من شدة اليأس في الدنيا و قلة الحيله . و سوف تلاقي رب العباد و لسان حالها يشكو قهر المجتمع و اهمال الناس لها. و انا عشان الظلم و الطبقية العدنان دي طلبة العفو و العافية من أمي و أبوي و قلت ليهم البلد دي تاني مو جايها تب و ده كان قبل 30 سنة و لسع ما عندي نية الرجوع

  4. ربنا يرحمها ويغفر اليها وهو وحده العالم بالاسباب .
    يا عطبرواي حيرتنا معاك عديل كده ٣٠ سنه ؟؟؟ ياخي حرام عليك ، لو الحاج والحاجه ادوك عفوك ورضاهم انت كيف قلبك يطاوعك ؟ ياخي الحكومه في ستين والوضع مهما كان زفت ياها بلدنا واخوانك واخواتك والاغلى منهم امك وابوك مكتوين بوجعها ، يعني انت اعز منهم ، لو وضعك تمام طيب رسل للحجاج برضو قدر اخف من قدر ، غايتو انا شخصياً مابقدر على الغربه الزي دي مع العلم متغرب من ١٩٩٤ بس لو كترت سنتين وبرجع

  5. أبو يوسف سلام عليكم
    نعم طيلة هذه المدة و ده ما بعيني انو ما بزور البلد و الأهل و البر بالوالدين و صلة الرحم مأمورين بهما من عند الله و سوف نحاسب عليه.و السودان بلدي و بحبها و انتم أهلي و عشيرته و بحبكم و لكن أكره الظلم و الغبن الحاصل لينا من بعض الجماعات المسلطه علينا دي يعني في ظلم و فساد و ندفع ثمنه نحن الغلابة غاليا و ده الكرهنى البلد

  6. وعليكم السلام ورحمة الله يا عطبراوي وأحبك من أحببتنا فيه .
    الحمد لله طمنتني إنو بتمشي زيارات تطمن فيها على الأهل وربنا يديهم الصحه والعافيه الحجاج ويطول في عمرهم وترجع البلد يوم من الأيام غانم وسالم بعد ما تتحسن الأوضاع