زواج سوداناس

الصحفية غادة الترابي ترد علي صلاح إدريس: تبقى حكاية اللاعب سيلا أحدث إنتاج الأرباب في العام 2015



شارك الموضوع :

هاجمت الصحفية الهلالية غادة الترابي راعي النادي الأهلي شندي ورئيس نادي الهلال الأسبق صلاد أحمد إدريس, وذلك علي خلفية إهدائه اللاعب محمد سيلا لنادي المريخ.

وبحسب ما نشر رواد مواقع التواصل الاجتماعي فقد كتبت في عمودها والذي تم تداوله علي صفحات مواقع التواصل بصورة كبيرة ما يلي:

الأرباب وحكاية سيلا
اختار رئيس الهلال الأسبق الظهور بحكاية سيلا ولست أدري هل كان يقصد ما اتجهنا إليه بفهمنا أما انه كعادته في تناول الأحداث يختار الغموض الذي يعقبه لزمن طويل .. حيرة ينهيها هو بنفسه بمقال تفسيري توضيحي في القريب العاجل .
أنا على يقين أن حكاية سيلا ليست مجرد هدية متبادلة تم بموجبها اتفاق أن يذهب مالك للأهلي وسيلا للمريخ وليست بدوافع وطنية كما حاول راعي الأهلي شندي تبريرها إنما هي رسالة مبطنه تفهم من سياق العمود لمجلس إدارة الهلال أن مأتم رفضه منهم قد قبله غيرهم وأنه لا حرج أبدا في الإعلان عن هذه المنح الاربابيه المقبولة والمرفوضة ليكون على الأقل الجمهور الهلالي في الصورة فإذا نجح سيلا مع المريخ على الإدارة الهلالية أن تعض بنان الندم على قرار الرفض وعندها سيكون الأرباب قد حافظ على وعده القديم للجمهور الأزرق .
هكذا حللت الموقف بوجهة نظر تحتمل الخطأ أو الصواب وهذا رأي يمثلني وليس بالضرورة أن يكون هو ما قصده رئيس الهلال الأسبق .
تبقى حكاية سيلا أحدث إنتاج الأرباب في العام 2015 وتبقى كل الافتراضات متاحة حتى الثورة الجماهيرية الغاضبة التي شهدناها في مواقع التواصل الاجتماعي والتي لها مايبررها فلا يعقل ولايقبل أن يكتب من ترأس الهلال لستة أعوام وكسب ثقة الجمهور الهلالي لدورتين أنه اهدي الغريم التقليدي لاعبا حتى ولو معطوبا من أجل المشاركة معه في بطولة يلعب فيها إلى جانبه الهلال ترى هل الذي قدم الهدية هو رئيس الهلال الأسبق أم صلاح إدريس الكاتب والصحفي والراعي لأهلي شندي .
عن نفسي أرفض هذا التصريح مثلما رفضت تصريح آخر لرئيس الهلال الحالي أشرف الكاردينال بمناشدته لجمهور الهلال بمساندة المريخ لأنه يمثل الوطن وسؤالي لرؤساء الهلال يظل قائما ( أيه الوطنية الواقعة فيكم الايامات دي ) .
انفرادات متفرقة
وليد ومحمد عبد الرحمن وهواجس الإصابات التي أصبحت عاملا آخر يضاف إلى عوامل القلق التي تجتاحنا قبل بداية دوري المجموعات .
قيد الثلاثي وإلحاقه بالكشف الأفريقي أعاد إلينا شئ من الهدوء .
قضية بكري المدينة عادت إلى السطح وهذا مايجب أن يكون .

 

ياسين الشيخ _ الخرطوم

 

النيلين

 

 

شارك الموضوع :

تعليقات الفيسبوك

تعليقات


20 التعليقات

إنتقل إلى نموذج التعليقات

      1. 1
        محمد عبدالله

        تفسيرك بنسبة 60 % صحيح بس كمان في اقوال تقول ان الياسو وموضوع السيستم دي ملفقة السيستم ما رفضوا ولا شي هذا تكتيك من الاتحاد مع المريخ عشان غرزة ما يزعل وبعدين سيلا مجاني ويا خبر بقروش بكرة مجاني

        الرد
      2. 2
        خال أماسى

        صلاح ادريس رجل لاتنال منه سهام النقد التى توجه اليه فقد عهدناه منذ ان كان رئيسا للهلال عالى الفهم( لا اعرف صلاح ادريس شخصيا ولا امت له بصلة) اذا اهدى سيلا للمريخ فقطعا له مرام غير ما تتكهن به الاقلام الناقدة والمؤيدة وسترون بعدين اخوتى اذا كان اهدى الاعب للهلال ورفض المجلس الهدية لماذا اذا نهاجمه وهو يخزن لاعبه ف المريخ ما المريخ زيو والرابطة كوستى والهلال الابيض وبقية فرق الممتاز

        الرد
      3. 3
        امريكي

        زي ما خزنا بكري المدينة في الهلال

        الرد
      4. 4
        الرشيد

        أكثر ما أكره للنسوان الكلام في الكورة والسياسة..

        الرد
      5. 5
        wadalsheikh

        ده راجل وطنى مش زى كتاب الصحف الرياضيه كلهم شغالين على حسب الجيب
        وصلاح افضل رئيس مره على الهلال معا احترامى للرؤساء السابقين
        وانتى خليك معا الكردنه و السخافه الرياضيه السودانيه مش صحافه

        الرد
      6. 6
        محمدأحمد

        الراجل عايز يحافظ على لاعبه زي ما عمل المريخ مع أهلي شندي في لعيبة كثيرة مثل سعيد السعودي وخلافه وسفاري مشى الأهلي ودا عصر الإحتراف والتنقلات والإعارات موجودة في الدول العربية وخاصة السعودية … يعني العيب شنو .. هسه المعروف الهلال يجيب اللعيبة ويخسر فيهم وفي النهاية يتحولوا للمريخ ويكونو جاهزين بدون مقابل يعني كل لاعب سواء أجنبي أو محلي يشترك مع الهلال ويكون تفكيره في المريخ … إنت إذا صحفية ممتازة شوفي العلة وين في الهلال وليه اللعيبة ترغب في التنقل للمريخ دون الفرق الأخرى بما فيهم هثيم مصطفى الذي كان يعشق الهلال ولا يحب المريخ ….

        الرد
      7. 7
        ابو خالد الدمام

        افهم يا سيد الكارو ما يكتب ثم قم بالرد .. فعلا الفهم اقسام

        الرد
      8. 8
        Mukh mafi

        يا جماعة البنوتة كتبت ان عايزين تقروا اقروا وان ما قريتوا عنكم ؟؟ بس اتفرجوا في الصورة المذوقة وملونة،، لعمري لم اعرف ماهي صحفاتنا هل هي صحافة ام عرض وجوه وجمال .. من الله ما خلقكم هل رأيتم صحفي يذوق صورته ويلونها بالورود والالوان وتكون لموضع صحفي .. دي صحفية ولا عروس ولا باحثة عن عريس ..
        يابتي خت صورتك الشخصية لان الموضع رسمي ما شخصي ولا غزلي ..
        نامت صحافتنا بسلام

        الرد
      9. 9
        سميه محمد صالح

        اتق الله ايها القراء الكاتبه غاده الترابى افضل كاتبه وهى شابه فى عمر الصحافه الرجاء الترد باداب ومافى داعى للتجريح امثالكم لايعرف النقد الجاد وفقك الله ياغاده سدد خطاك والى الامام ولا نامت اعين الحسدين

        الرد
      10. 10
        abuahmed

        صورتك جميله جدا انتي صحفية ولا طالبة زواج المهم وصلت الرسالة وربنا يديك ولد الحلال ويهدي سرك

        الرد
      11. 11
        سيدالكارو

        أمرك عجيب يا ابوخالد !
        الزولة زعلانة من الارباب عشان اهدي المريخ ممثل الوطن اللاعب سيلا كما هي زعلانة ايضاً من الكاردينال الذي طالب جماهير الهلال بتشجيع المريخ ممثل الوطن !!!
        الكلام ده عربي وللا لاوندي زي ماقال المدير السابق للجمارك ؟
        عموماً الفهم خليناهو ليك إنت !

        الرد
      12. 12
        فارس عبدالرحمن

        انت من اسمك لا تفقهى شيئا عن الوطنية

        الرد
      13. 13
        سميه محمد صالح

        الاخ فارس انت من ردك اكبر جاهل على وجه الدنيا الاسم دخلو شنو بالوطنيه هى مجرد رايا انت محروق من جواء ليه خلى عندك نقد بناء ولاتكون زى الطير حفظك الله ياغاده من عين الحسدين واحب اذكرك انها متعلمه ماجاهله خريجة قانون + صحفيه اعمل حسابك من الكلام الفارع بجيب ليك هوى

        الرد
      14. 14
        سميه محمد صالح

        الاخ abuhmed

        الرجاء ان تعلق باد ب ما دخل اخت بنت ربنا انتقم منك على كلامك الفارغ استاذه غاده ارفع من ذلك ربنا اهدى الجميع لعمل الخير الزواج قسمه نصيب احب تعرف انو زواجها قريب سوف تكون من المدعون عشان تخعل على نفسك

        الرد
        1. 14.1
          شكري

          سؤال لماذا تسحب تصحيحاتي للغة الكاتبة؟ إذ لديها أغلاط إملائية تجعلل سبويه يتململ في قبره..وما أريد إلا الإصلاح ما استطعت وما توفيقي إلا بالله.

          الرد
      15. 15
        سميه محمد صالح

        الاخ سيد الكارو

        انت رجل مستهتر بالناس ربنا اجازك على حسب قولك ليس المؤمن بطعان ولا لاغان ولافاحش ولا بذي انت من هؤلا الناس الما عندهم مواصيع غير الاساءه للبشر ربنا انتقم منك استاذه غاده ارفع من كلامك الماعندوا معنى تكلمت عن صلاح ادريس الارباب بكل ادب دائماً بتحترموا بحترمها انت دخل شنو اتقى الله فى الناس الظلم ظلمات

        الرد
      16. 16
        شكري

        الاخ(الأخ) سيد الكارو

        انت(أنت) رجل مستهتر بالناس ربنا اجازك(يجازيك) على حسب قولك ليس المؤمن بطعان ولا لاغان(لعّان) ولافاحش ولا بذي(بذئ) انت(أنت) من هؤلا(هؤلاء) الناس الما عندهم مواصيع(مواضيع) غير الاساءه0الإساءة) للبشر ربنا انتقم(ينتقم) منك استاذه (أستاذة)غاده ارفع (أرفع)من كلامك الماعندوا (عندو)معنى تكلمت عن صلاح ادريس(إدريس) الارباب(الأرباب) بكل ادب(أدب) دائماً بتحترموا(تحترمو) بحترمها(بيحترمها) انت(أنت) دخل(دخلك) شنو اتقى(إتق) الله فى(في) الناس الظلم ظلمات(يوم القيامة)

        الرد
      17. 17
        فارس عبدالرحمن

        ويعنى شنو يا سميه محمد صالح اذا كانت خريجة قانون انت قايله الفهم بالشهادات الجامعية انت وهى الاتنين جاهلات كدى امشى اخدى ليك دروس فى الوطنية وبعدين تعالى بدل ما تنطى تدخلى زى الضبانه فى الشاى

        الرد
      18. 18
        سميه محمد صالح

        الاخ فارس عبد الرحمن اين الوطنيه ماظاهره فى ردك زى الضبانه انت حشره لانك مابتساوى حاجه عندها نعم الشهادات اهم شئى فى الحياة جاهل انت وامثالك العلم يرفع بيتاً لا عماد له والجهل يهدم بيت العزه والشرف اعمل حسابك من ردك الجاهل العوير والا سوف تقع مالا يحمد عقباه احب ان احذرك من الكلام الفاضى شوف ليك شغل اظنك عاطل بدون عمل ياحاسد ربنا انتقم منك ومن امثالك

        الرد
      19. 19
        مكنيكي

        والله كل البلاوي من هذا الصلاح.. .يا اما اسوقا او اغرقا. بكري المدينه لو الكاردينال عاوز اشتريهوا في روحوا بشتريو.و عدم تجديدوا ما مساله قروش الشغلانيه تحريض من صلاح علي اساس ده ولدي وكده.. .هيثم مصطفى وقف في وش البرير عشان عشمان في عوده صلاح لحدي ما انشطب و مشا المريخ عاوز اثبت للناس لحدي الان انا قادر للعطا.. برضوا متابع صلاح لحدي ما سجل في الاهلي.. .ولقا البعمل فيه ده كلوا غلط لان صلاح ما ح يرجع للهلال تاني ..مين منا بنسي سادومبا برضوا وراه صلاح.. .والله ياريت كل روسا الهلال زي الكاردينال..
        سوال ليش صلاح ما يكرس كل جهدوا في الاهلي شندي ..وجمال في الاهلي مدني.. ويخلوا لينا هلالنا ده نستمتع بيه ما فاضل لينا في السودان ده شي غير الهلال
        صلاح ادريس ده بزكرني الحريم لمن اتونسن مع بعض ما بقولن الحاجه دغري
        اتمني من رجال الهلال ان يمضوا اي ريس علي وثيقة مافيش مطالبه بي ديون ما فيش شيكات كلوا التعامل في امور النادي ب الكاش .. .والله ال ذي صلاح ده لو تابع صرف الكوره دي الا يبيع الالحان عشان اعيش.. .شغل طواقي مابنفع معانا.. ببني جوهره بكره دايرين السيخ

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *