زواج سوداناس

الهندي: حوار هزيل أجراه”الطاهر حسن التوم” مع (أولاد المبادرات)مقدم البرنامج بدا ناعماً كـ(حمامة) وهو يخضع لابتزازات سفهاء الشبكة العنكبوتية


الهندي عز الدين : الدكاترة في أوروبا شغلهم الشاغل عملهم وأبحاثهم والمشاركة في المؤتمرات والكورسات الطبية، أما غالب الأطباء عندنا فتركيزهم في جمع أكبر قدر من المال لشراء البيوت والشقق ..إذا أحب أطباؤنا مهنتهم فلن يحتاج سوداني واحد للسفر إلى الخارج

شارك الموضوع :

ما زالت الأسئلة حيرى حول عدم استقرار سعر صرف (الدولار) والعملات الأجنبية الأخرى، رغم ما ردده عدد من المسؤولين عن استقبال حسابات بنك السودان لودائع (دولارية) ضخمة من بعض دول الخليج العربي خلال الشهرين المنصرمين.
{ وهل صحيح أن هناك ضغوطاً تتعرض لها وزارة المالية والبنك المركزي من (لوبيات) رجال الأعمال للحيلولة دون ضخ المزيد من النقد الأجنبي بالسوق، وعدم اتخاذ إجراءات من شأنها تخفيض سعر العملات الأجنبية مقابل الجنيه السوداني؟!
{ البعض من الذين أصابتهم (التخمة) من طول سنوات التربح على حساب الفقراء والمساكين، يردد أن أي انخفاض لسعر (الدولار) عما هو عليه يعني تعرضه لخسائر فادحة!!
{ لذا لابد أن يبقى الحال على ما هو عليه، ليجوع الناس ويفقد نحو (ثلاثين مليون) مواطن قدرتهم على العيش الكريم وسط مذلة وانكسارات اجتماعية وأخلاقية، حتى لا يخسر بضعة (مئات) من الذين يكنزون الذهب والفضة نذراً من أرباحهم التي فاقت حد المعلوم وفق هوامش الأسواق العالمية!!
{ الحكومة التي ترضى بالتضييق على غالبية شعبها لترتاح (فئة) قليلة، حكومة لا تستحق الاحترام، ولا يجوز لها البقاء راعية لحقوق المسلمين والنصارى.
{ وحالنا ظاهر بين يديك يا ربنا، فإن ما دعوتنا له بالحق يدفعنا أن نسأل حكامنا عن (مليارات) السعودية والإمارات.. وهل كانت حقيقة أم سراباً؟!
{ وهي بالتأكيد ليست ثمن مشاركة السودان في (عاصفة الحزم)، فالسودان إنما يؤدي واجبه التزاماً برسالته تجاه شعب “اليمن” الشقيق الذي فتنته جماعات الخوارج الضالة من (المتشيعة)، والسعودية إذ تساند السودان في محنته كما فعلت مع شعوب عربية ومسلمة كثيرة، فإنها إنما تتصدى أيضاً لأداء واجبها تجاه عباد الله المسلمين.
{ لماذا لم ينخفض (الدولار).. سادتي؟! لا ترددوا على مسامعنا أسطوانات مشروخة من شاكلة (لابد من زيادة حجم الصادرات مقابل الواردات).. نعم نعلم ذلك أبجدياً، لكننا نعلم أيضاً أن سوق النقد (الهش) في بلادنا يتأثر بدخول (مليون دولار) فقط.. أو خروجها من دهاليز مكاتب العملة بالسوق (الإفرنجي)!! فما بالك بمليارين وثلاثة؟!
(2)
{ حوار هزيل ذلك الذي أجراه “الطاهر حسن التوم” مع (أولاد المبادرات) على شاشة قناة النيل الأزرق قبل أيام!!
{ شاهدت جزءاً من الحوار الموجه، ولارتباك مقدم البرنامج الذي بدا ناعماً كـ(حمامة) وهو يخضع تماماً لابتزازات سفهاء الشبكة العنكبوتية، ولضعف إجابات أصحاب المبادرات لدرجة أن صوت أحدهم (بتاع شارع الحوادث) لم يكن مسموعاً ولا واضحاً، يتكلم وعيناه منكسرتان إلى أسفل، لا تكاد تفهم ماذا يقول، غادرت الشاشة التي كانت يوماً ذات عطر ومذاق، إلى شاشة أخرى أكثر جاذبية.
{ سأله “الطاهر” بلين مريب: (كيف تتعاملون مع مبلغ كبير كهذا.. اتنين مليار جنيه.. هل لديكم مؤسسية؟)
أجابه الفتى باضطراب: (نعم.. لدينا مكتب تسيير.. ما مكتب تنفيذي.. لكن..
وعندنا أمين مال.. بنجمع القروش.. وبعدين بنشوف نصرفها كيف حسب الاحتياجات…)!!
{ لم يسألهم الفيلسوف “الطاهر”: هل لديكم حساب بأحد البنوك؟ في أي بنك.. حسابكم؟ كيف وردتم مبلغ الـ(2) مليار جنيه..؟ وكيف نعرف أنها (2) وليست (4)؟! وهل الحكم هنا هو الضمير أم النظم والسستم؟!
{ من يوقع على الشيكات.. واحد وللا اتنين وللا تلاتة؟! كيف تتم أوامر الصرف؟ من يصدق؟ كيف تشترون المكيفات والأجهزة والأدوية والأدوات التي تحدثتم عنها.. هل تخضعون أمر المشتريات لنظام (التلاتة فواتير) أم أن المسألة (هبتلي ساي)؟!
{ لماذا لا تريدون أن تسجلوا وأن يكون لكم مكتب تنفيذي منتخب من جمعية عمومية بنظام أساسي، ولوائح، ونظم.. ما دمتم تعملون منذ العام 2012؟!
{ دعونا من حكايات العواطف المبتذلة التي ركب موجها كل ساذج وساذجة.. (سنة كدا كان في سيدة بتكورك في شارع الحوادث.. طفلها مات.. وكانت عاوزة يستروه.. وجوا شباب وساعدوها.. ومن هنا جات فكرة المبادرة)!!
{ الحساب ولد.. وكما نحاسب الوزراء والولاة والمعتمدين.. ينبغي لنا أن نحاسب كل صاحب (مبادرة) جمع مالاً، ولو (مية) جنيه باسم الشعب السوداني المسكين.
{ الفساد لا حزب له.. ولا قبيلة!!

الهندي عز الدين- المجهر السياسي

شارك الموضوع :

تعليقات الفيسبوك

تعليقات


72 التعليقات

إنتقل إلى نموذج التعليقات

      1. 1
        Mohammed

        الزول دا اظنو جن … لو بتسخر من الطاهر … اي زول عارف الطاهر افهم منك … ما تقعد تقابض ساي تمسك دا و تفك دا

        الرد
        1. 1.1
          متسائل

          منكسر … لين … ناعم الألفاظ التي رمتها به سارة منصور يحفظها عن ظهر قلب ثم يجترها ليرمي بها الآخرين … احترم نفسك يا هندي ديل ناس محترمين.

          الرد
          1. أمير الظلام

            للذين لا يعرفون منعى ما يكتبونه : ألا أخبرك بملاك ذلك كله ؟ قلت : بلى يا رسول الله ، فأخذ بلسانه ، قال : كف عليك هذا قلت : يا نبي الله ، وإنا لمؤاخذون بما نتكلم به ؟ فقال : ويحك يا معاذ ، وهل يكب الناس في النار على وجوههم ، أو قال على مناخرهم إلا حصائد ألسنتهم . رواه الترمذي ، وقال : حديث حسن صحيح .

            الرد
            1. صحراوي

              أنت أمير الضوء الساطع وليس أمير الظلام ، أذهب فقد وليتك على أمارة أشعة الشمس الذهبية

              الرد
        2. 1.2
          متسائل

          بعدين ياهم ديل ناس الحكومة بتاعتك مؤسسات وأوراق وامضاءات وشيكات وحسابات ومراجع عام وهلم جرا صرف في الفاضي والفساد والغش ما يديك الدرب. أخير ديل ناس نضيفين بين يدينهم المليارات ويركبو المواصلات مافي واحد منهم اشترى ليه عمارة ولا لاندكروزر … الخ. والنظام ياهندي ما الا يكون النظام الانت خاتي في راسك المعووج أي اجراءات ولو بسيطة لجمع وحفظ وصرف ومراجعة الأموال بطريقة مضبوطة دة نظام بس أهم شي الناس الماسكنو يكونو نضيفين … لأنو لو عملت مليون نظام وماسكنو حرامية بيحصل الاختلاس.
          شفاك الله ياهندي ياعدو النجاح

          الرد
          1. abu hassan

            الاخ متسائل معاك حق في كل كلمة انتا قلتها وسارة منصور معاها حق هو لو راجل صحي الكلام دا ما يمشي يقولوا للناس الحكومة الناهبة البلد ما يمشي يبحت قي دفاتر الحكومة يشوف المتعافي ونافع وعلى عثمان وغيروو ناهبين كم من البلد بدل ما يقعد يتكلم في شباب نضيفين من مبلغ بسيط عملو حاجة كبيرة للفقراء والمساكين ما يمشي يسال الكيزان ضاربين مليارات الدولارات ويسالهم انتو عملتو شنو للفقراء البلد والمحتاجين

            الرد
        3. 1.3
          Daw Alburaii

          يا الهندي العب بعيد دا شعرا ما عندك ليه رقبة !!!!!!!!!!!و لا دي فرفرة مذبوح؟؟؟
          و الله الأقلام الشريفة فعلا تادرة في هذه الأيام الغبراء ة لكن مع ندرتها نشهد الله أن قلم أستاذ الطاهر يعد منها و لكنا لا نذكر لك موقفا واحدا يمكن ان يضعك في مقام الشرفاء و لا يسعني إلا أن أقول لك ماقاله يحيى الفخـــراني يا خخخخخخخ ( إتلهي)
          فأنت فوطة و ممسحة في احسن حالات ان تكون مفيدا و لمن ليس لاهلك ووطنك بل لسادتك الذين هم اعداء الشعب و سارقي قوته

          الرد
      2. 2
        سارق حنين

        يشهد الله انت واحد مريض لا شفاك الله

        الرد
      3. 3
        شكري

        عكاشة؟؟؟!!! أحييييييي

        الرد
      4. 4
        zuhra

        ياخي الناس راضية تدفع ليهم وواثقة فيهم انت زعلان مالك بعدين بعد يحاسبو كل المفسدين الفي الحكومة ويرجعوا منهم النهبوهوا نجي نشوف لو في فساد هنا ولا لا ولا اي زول يعمل عمل ناجح لازم المطبلاتية يعملوهو شيوعي وفاسد صحي الاختشوا ماتو

        الرد
        1. 4.1
          عمر الامين

          ليس المؤمن بفاحش ولاطعان ولا بذئ…..كلام يفضح غيرتك من هؤلاء الشباب وما نالوه من ثقة الناس معهم بتفاعلهم مع تفكبيرهم المبادر فيما ينفع الناس…كف عليك لسانك

          الرد
      5. 5
        Mohammed

        This man ( if he is ever a man ) drives me cxrazy, he must be developing a rare psycho-syndrome . My goodness,

        الرد
        1. 5.1
          زول ســــوق

          كويس الحكاية وقفت علي my goodness ما جابت ليها Oooh My God ! غايتو ناس اللوتري و اللجوء ديل عندهم جنس حركات .. غايتو !

          الرد
          1. صحراوي

            وااااو يا زول السوق وااااو

            الرد
        2. 5.2
          جعلـــي

          المشكلة شنو يعنى عشان التعليق يتكتب الانجليزي ..

          حتى الجملة التي اشتملت علي المصطلح الطبي، يمكن محاولة ترجمة معناها ب (يبدو اننا موعودن بظهور متلازمة مرض نفسي نادر).. حتى وان لم تستوعب الترجمة المعنى كاملا .. بس أحسن من شيل البطارية في القمرة ..

          الرد
      6. 6
        الشاكوش

        الحساب ولد.. وكما نحاسب الوزراء والولاة والمعتمدين… متى تم مجاسبة أي من هؤلاء ؟ بل من هم أقل منهم درجة لا يتم محاسبتهم فكيف بالوزراء ومن علي شاكلتهم ؟
        اذا كنت ترغب في اصلاح الحال يجب ان تطالب بمحاسبة المسؤولين عن قضية واحدة من قضايا الفساد الكثيرة التى تزكم الانوف .. لا نطلب منك ومن كل صحفي إلا أن يكتب مطالباً عن محاكمة المفسدين وتقديمهم للقضاء ( العادل) حينها ستكونون قد أديتم الدور الذي يفترض أن تقوموا به … لا الكتابة عن شباب كل همهم أن يكفكفوا دموع الأطفال الغلابى والأرامل والايتام وحتى لا يتم اتهامهم كما تقول فانهم على الاقل تمكنوا من بناء صرح يؤكد نظافة أيديهم ,ان أيديهم ليست كالأيدي المتوضئة اياها… اكتب عما يفيد المجتمع … حينها ستجد كل القراء يشيدون بما تكتب .

        الرد
      7. 7
        Naser

        طبعا هذا المرتزق (المترزق) من صحفية الضلال ، آكل الحرام والسحت يحاول ان يتذاكي، وما يدري انه يفضح نفسه للناس
        مقالاته(مجوبكة) ومعطونة بالكذب والتدليس،
        من قال لك ان الولاة والمعتمدون يحاسبون او تتم مسآءلتهم؟!!!!
        طبعا انت من الذين ينامون على الجنب البارد لعلمك القاطع بانه لا محاسبة لمسؤل وإلا كانت تمت محاسبة السيد رئيس البرلمان (الفاتح عزالدين). على وقاحة وسخافة وتفاهة واجرام أخيه المدعو(الهندي عزالدين)، لا أعزك الله ياحقير
        فأنت ومن على شاكلتك يلوذون بالسلطة ورجالها كما تلوذ البغايا بقواديهن، فلولا اخيك ياحقير ماكان لك ان تجد الحماية وانت تتطاول على الناس وتستهزاء بهم، وتنسى أيها التافه انه عند الله تجتمع الخصوم، فويلك أيها المطفف اللعين،
        لقد تأذت خلق كثيرة من كتاباتك ولسانك السفيه يا إمعة السؤ، لكن لك يوم وستلاحقك وهنالك دعوات من أجرمت بحقهم يا سقط المتاع، لا متعك الله بعافية

        الرد
      8. 8
        رمادي

        وكما نحاسب الوزراء والولاة والمعتمدين !!

        يوم متين حاسبت ليك زول إنت ؟؟
        وإنت لو بتحاسب كان عملوك رئيس تحرير ولا عملوا ليك جريدة ..
        ولا أصلا سودان اليوم فيهو مجال لشخص صاحب كلمة أو موقف ..
        سودان اليوم اصبح حكرا على المرتزقة والطبالين والكسارين أمثالك .. هم فقط من ينال غنيمة المواقف الخائبة .. لذلك أجدر بك أن تلزم الصمت حتى لا تفقد ما تبقى لك من إحترام فلا أذكر أن الشعب السوداني بأسره اتفق على إدانة شخص كما اتفق على ادانتك وعلى سفاهة كلماتك وضحالة فكرك هذه الأيام ..

        الرد
      9. 9
        عبد الله ضوينا

        الكتاحة ما خاتيه عليك لومناها ساكت بقيت تقايض

        الرد
      10. 10
        رمادي

        وهي بالتأكيد ليست ثمن مشاركة السودان في (عاصفة الحزم)، فالسودان إنما يؤدي واجبه التزاماً برسالته تجاه شعب “اليمن” الشقيق الذي فتنته جماعات الخوارج الضالة من (المتشيعة)، والسعودية إذ تساند السودان في محنته كما فعلت مع شعوب عربية ومسلمة كثيرة، فإنها إنما تتصدى أيضاً لأداء واجبها تجاه عباد الله المسلمين..

        راعي الضأن في الخلا يعرف أن موقف السودان في هذه الحرب هو موقف المتسول ليس إلا .. وأن الجندي السوداني للأسف الشديد في هذه الحرب مجرد مرتزق ..
        والبشير إن كانت تهمه المقدسات الإسلامية لماذا وقف مع صدام في حرب الخليج ؟؟ ولا الزمن داك ياربي الكعبة كانت في بغداد ..
        السعودية نفسها لم تتحدث عن مقدسات إنما عن إستعادة الشرعية وطبعا حكومتك لأنها تخجل من كلمة ((شرعية)) أرادت مبرر وجيه لدخولها فكان هذا المبرر هو حماية المقدسات !!

        الرد
        1. 10.1
          كورنجي

          أنا مع أي زول يضرب الشيعة، كان البشير ولا غيرو، يعني ما بيهمني تسول ولا غيرو أهم حاجة عندي المجوس ديل يندقوا.

          الرد
      11. 11
        mohamed ali

        وكما نحاسب الوزراء والولاة والمعتمدين.. ينبغي لنا أن نحاسب كل صاحب (مبادرة) جمع مالاً، ولو (مية) جنيه باسم الشعب السوداني المسكين…..
        ياخ انت لو هندى قايل الناس كلهم هنود زيك،،ياتو مسؤول في ألدولة تمت محاسبته ونحن نتصدر قائمة الدول الأكثر فساداً في العالم،،وأنت المريض تناقض نفسك ففي صدر مقالك أشرت إلي تنفذ ألمسؤولين وقلت
        ،،،الحكومة التي ترضى بالتضييق على غالبية شعبها لترتاح (فئة) قليلة، حكومة لا تستحق الاحترام، ولا يجوز لها البقاء راعية لحقوق المسلمين والنصارى.،،،، وتاني جيت قلت بنحاسب الوزراء…ياخى امبارح الملازم غسان عليه الرحمة مات بسره ولم يستطع أحد تقديمه للمحاكمة حتي موته لأنهم جميعاً متورطين وأمبارح كمان حكمو علي طالبين بقطع ألأيدي لأنهم سرقو ٢٠٠٠ جنيه،،،شفت الشفافية والعدالة دي كيف
        أقول ليك حاجة،،قوم لف

        الرد
      12. 12
        Mustafa Ibrahim Ogall

        فلم هندى بحق وحقيقة
        بطاله واحد مطموس لا يختشى
        وفى انتظار حلقة الغد

        الرد
      13. 13
        النواهي الحامدي

        في كلام الهندي بعض الحقيقة إذ إن مندوب ( شارع الحوادث ) لم يوضح كيف تجري العمليات الحسابية في منظمته , وحتى لو كانت الأمور فيها تجري بحسن النية , فإن حسن النوايا يمكن أن يسيّر الأمور لشهر وشهرين , لكن هذه المنظمة لها الآن سنتين أو ثلاثة , ولذلك لا بد من تسجيلها رسمياً وإشهارها , أين كانت توجد هذه القروش ؟ في أية خزينة ؟ حتى ولو كان معظمها (عينياً ) ففي أي المخازن كانت تستودع هذه المواد العينية ؟ والحق أنه يجب أن تعمل كل المنظمات الخيرية في النور !! أي أن تكون لها مكاتب وحسابات واسم مشهر ( والحساب بيجمع ) وأن يكون للذين يديرون هذا العمل رواتب ووظائف وأن تكون سمة هذه المنظمة البقاء والديمومة , فمنظمة تجمع (مليارين ) أي مليوني جنيه على الأقل وهي تساوي مائتين وخمسين ألف دولار , هذه منظمة شاطرة ويستحق القائمون عليها أن يعملوا بأجر , فالعمل بلا أجر يمكن أن يكون من شخص غني له رصيد مالي ضخم في التجارة أو في البنوك بالمرابحة , ولا يصح أن يكون من شخص مفلس , أو أشخاص مفلسين يجمعون من بعضهم البعض تكاليف التذاكر كي يعودوا إلى بيوتهم !! وإلا فإن وراء هذه المنظمة ( منظمة شارع الحوادث) سراً لا يعلمه إلا أصحابها وهذا الولد المسيكين الذي لا يكـــاد يبين ( أحمد الصيني ) والذي ذكر مندوب منظمة (صدقـــات ) بأنه كان أحد أعضاء منظمتهم , وعلى كل فينبغي أن يحمل فعلهم على المحمل الحســـن ولكن يجب أن يكون منظماً وبدفاتـــر ومكاتب ومجلس إدارة وأشخاص يُســـألون عن ما يفعلون , وأرجو أن أذكّر الأخت المعلّقـــة ZUHRA التي قالت بأن الناس راضية بأن تدفع لهم !! بأن الرضا ليس هو العنصر الوحيد الذي يجعل الأشياء أو التصرفات أو السلوك أموراً مشروعة !! وفي كل الأحوال لهــــم التحية!

        الرد
        1. 13.1
          عصام محمد تاج الدين

          يا النواهي الحامدي دي منظمة أو مبادرة المهم مجهودهم ظاهر للعيان، تقدر تقول لي المنظمات الأخرى والتي تظهر في الشاشات ومش عارف إيه ناس حسن الختام ومنظمة أم الفقراء وحاجة اسمها سند وغيرها بملايينها الدولارية وشغالة استيراد وتصدير ومش عارف إيه، هل حصل سمعت بأي نشاط لهذه المنظمات ؟؟؟؟؟ أرجو أن لا تنساق وراء خطرفات هذا المأفون مكسور العين اللي إسمه الهندي والهنود منه براء والذي صار في غفلة من الزمان من سريح بطبلية صار يتحدث في المنابر ودي أظنها من علامات الساعة !!!! وبعين برضه بقول ليك الناس راضية وأعمل خير وارميه وراء ظهرك ، هسع بلاي الناس بتدفع الزكاة وهل تعلم أين تذهب قروش الزكاة؟ ندفع حق النفايات والعاصمة عبارة عن مزبلة تاريخية!!! الحكومة تفع الناس قروش الموية مع فاتورة الكهرباء وناس ما عندهم أصلاً ولا حنفية!!! يا راجل احترم عقلك وابعد عن ما تقوله هذه الفتاة البنغالية و….. ولا كفاية كدا

          الرد
        2. 13.2
          عادل العمدة

          نتمنى يا أخي أن تصل بنا الأمور في بلدنا لمحاسبة الشاردة والواردة ، لكن أخي بالرغم من ثقتنا في هؤلاء المبجلون في سعيهم ومساعيهم الحميدة في اصلاح ما يفترض تقوم به حكومتنا أو رجال أعمالنا ، لكن عزيزي كان سيكون كلامك منطقي لو كنا في عهد حكم راشد يحاكم الذين ظهر فسادهم رأي العين ، وأكلوا مال الدولة ، وهؤلاء الذين قاموا بهذا الفعل الجبار والله لا نشك فيهم ، ومن ذا الذي يحاسبهم سوى رب العالمين ؟؟ بعد محاسبة ضمائرهم التي أرشدتهم لعفل الخيرات .
          يجب أن يوجه الهندي الذي انكشفت أوراق جهله لمسئولي الدولة قبل هؤلاء ، فهؤلاء من الله عليهم بفتح من عنده كريم ، فأرجو أن توجه سؤالك للهندي الضحل الكئيب الذي مهما حاول استغلال صحيفته للنيل من هؤلاء فلن يزيدهم إلا قوة ويزيده وهناً على وهن ..

          الرد
      14. 14
        osman

        دخلت اقرا التعليقات بس اكيد الموضوع لا يستحق القراءة

        الرد
        1. 14.1
          Mukh mafi

          وانا زيك والله ومن العنوان عرفت ان الهندي اصيب بهستيريا

          الرد
      15. 15
        ود الثورة....

        الهندى عزالدين أو زفت الطين .. المصريين الله ابتلاءهم بي توفيق عكاشه بس هو دكتور وولد باشوات غني جدا و يهضرب بمال أبوه .. لكن أنت يا العوقه مالك علينا كل يوم تطلع لينا افكارك العفنه دي و تمرضنا و نحن العلينا مكفينا .. الطاهر حسن التوم أنت لا تسوي طرف ظفره من التعقل و الفهم و الأحترام .. فلا تنتقد من هم أعلي مكانة منك في كل شي و خليك في مستواك من شاكلة سارة منصور و ما دونها .. لا تستغبي الشعب السوداني لأنك مكشوف بالنسبة له رجل ارتزاقي متملق و ما خفي كان أعظم .. ليس كل غبي و جاهل يمتلك منبر أعلامي جدير بالأحترام .. و لكن الدي يحترم من يمتلك عقل و فكر و مبداء .. كفاك و أغلق بالوعة افكارك النته فلسنا بحاجة الي حرف منك و غسيتنا حتي النخاع ..

        الرد
      16. 16
        Mustafa Ibrahim Ogall

        فلم هندى طويل جدا وبايخ لابعد الحدود………بطله مطومس وجاهل ولا يختشى
        في انتظار حلقة الغد

        الرد
      17. 17
        محمد مصطفي

        عيناه منكسرتان هذا التعبير ترضاه لابنك الله كسر كراعك باكر بتنط ليك واحده بتتكلم معاك عن باقي الكسرات

        الرد
      18. 18
        zuhra

        ردا علي الاخ النواهي الحامدي
        لم اشاهد الحلقة المذكورة والحقيقة لا احد يحتج علي ان تكون الامور قانونية و تكون الامور المالية تجري بالطرق السليمة والشرع في القران الكريم شدد علي كتابة المعاملات المالية او اشهاد شهود في اطول اية قرانية لكن البغيظ في كلام الهندي انو عاوز يبدا بمحاسبة شارع الحوادث قبل كل المسؤلين الذين اتهموا بالفساد
        و اخيرا حسب معلوماتي القليلة انو عدم تسجيل المنظمة ليس بسبب عدم رغبة الشباب بل معاكسات من جهات اخري والله اعلم

        الرد
      19. 19
        أبكرونا

        يا الهندي الرجال خليهم للرجال و انت خليك مع ناس رفيده و ساره و ام قسمه و اتحاد المرأة الدايرين يكرموك ديل لانحشارك الرائع معهن فيما يخصهن و ما لا يخصهن يا تالتهن…. و بعدين فرقا شتي بين زول عندو شهادة ثانوية و جامعيه زي الطاهر و زول عنقالي و طويل لسان في الفارغة و المقدوده زيك…… فحقا البراميل الفارغة تحدث ضجيجا أكثر!

        الرد
        1. 19.1
          Nasry

          وبقول سفهاء الشبكة العنكبوتية، وهو ماعارف انه هو أسفه سفهاء التملق والمنافق الأكبر ، والله لكن ريحتني بي لقب (تالتهن) دا
          ههههههههههههههههههههههه، ياهندي السجم والله ماااااااابتقدر على الناس كلها، أحسن ليك البد يا تالتهن هههههههههههههههههههههه

          الرد
      20. 20
        nazar

        نرجو من السيد الهندي عزالدين ان يفصح عن مصدر ثروته

        الرد
      21. 21
        ياسحري

        وانا ايضا دخلت لاقرا التعليقات ولم اقرا من الموضوع ولا حرف ،،، التعليقات كفاية جدا لمعرفة تفاصيل المقال ،، الأثر يدل علي المسير ،، ( فعايلك يدل عليك ومن كلامك أعرفك ) ،،،

        الرد
      22. 22
        ابو عمر

        يا جماعه انا عايز واحد اورينا السيره الزاتيه للهندى خصوصا” المراحل الدراسيه .

        الرد
        1. 22.1
          سوداني وبس !!!

          أسأل مزمل أبو القاسم

          الرد
      23. 23
        كبسول

        ( وعيناه منكسرتان الي اسفل)….. ما يكون كسر عينه حاتم أحمد عباسية….والعياذ بالله

        الرد
      24. 24
        ود الحاج

        يا اخي خلاص ملينا الموضوع دا. انت قايل غير مبادرة الحواث او موضوعك مع سارة منصور ماعندنا هم. المثل بيقول – وانت كاتب صحفي وتفهم في الأدب والثقافة – ان اكترت من الجدال مع الأحمق صعب على المستمعين التفريق بينكما. خلاص موضوع وانتهى . ما خليت وزير او اعلامي او اي شخص قال كلمة مع ناس المبادرة الا وقلت فيه ما لم يقله مالك في الخمر. حتى الحكومة مررت الموضوع دون حساسيات اوحسابات حزبية
        انصرف الى اشياء اكثر اهمية . الصراع القبلي يفتك بخيرة شباب السودان. المخدرات. وغيرها. الفرصة امامك ومن خلال الصحيفة لتبني اي مبادرة تخدم السودان. انظر الى المستقبل وانلق الى الامام

        الرد
      25. 25
        ahmedfahad

        كل سودانى:
        اما حاتم احمد عباسية
        او هندى عزالدين

        الرد
      26. 26
        عثمان

        سيبونا من القرف والطبالين هم الاتنين الواحد فيهم اضرط من التاني توف عليكم يا الوجه السقمة

        الرد
      27. 27
        طارق ابوالحسن

        هو دا شنوا دا الهندي دا بقول في كلام خارم بارم قول ليهوا سمع سورة الحمد شوفوا مايتعتع

        الرد
      28. 28
        ابن بطوطة

        محمد المعلق لنا بالانجليزية كلام الهندي ترجموه ليه ام براه قراه

        الرد
      29. 29
        مهموم

        الزول ده عبيط …
        اسكت ياخ عملت لينا قومة نفس

        الرد
      30. 30
        دفع الله الشريف ابوقناية

        قبل عامين تنبأ الخبير الأقتصادى الهندى عزالدين بان يصل سعر الدولار الى 5,5 جنيه .. لم يمض شهران حتى وصل الدولار حافة ال8 جنيه وبدأ فى الصعود حتى وصل الى سقف 9,5 حاليا .. الهندى عزالدين يعمل ضمن منظومة إعلامية معروفة تتلقى اوامرها من جهة امنية تتربح من وراء عدم استقرار سعر الصرف .. مجموعة الأربعة يتقدمهم مالك السلام روتانا وعفراء كسبوا اكثر من 15 مليار بالجديد من تجارة العملة خلال شهر واحد .. مخطىء من يظن ان كل البحبحة والحفلات الفارهة التى يقيمها العلامة الهندى عزالدين هى من دخل صحيفته الهايفة وشهادته المضروبه .. الهندى شخص جاهل ومغرور وهذه الميزات استفادت منها عصابة الأربعة و جهات امنية أخرى وسعت لتقديمه كصحفى كبير بل ومفكر لتحقق من خلاله ما تريد .. ليس الهندى وحده من يلعب هذا الدور .. فهناك الطاهر التوم وحسين خوجلى فى التلفزيون وكذلك عثمان ميرغنى وضياء البلال والرزيقى فى الصحافة .. أقرأوا وشاهدوا وسترون الحقيقة !!!!!

        الرد
      31. 31
        ودالبورت(Ezo)

        السلام
        يا اخوانا كلام النواهى صحيح من غير تشكيك فى الشباب الله يحفظهم , من المفترض فعلا
        باى حال ان يفتحو حساب موخد للمنظمه ويكون عندهم مسئول من كل ولايه فى السودان
        له حق التوقيع والصرف لان المبالغ الجايه على المنظمه حتكون مبالغ كبيره جدا جدا
        لانو نحن على حسب طبيعتنا واسأل الله ان نكون كذلك نتعاطف مع الاشياء هذه فى ظل الوضع
        الخاصل فى البلد , وبعدين نحن نتطلع لان يكون فى كل ولايه وقريه غرفه زى دى لان
        الناس البتدفع دى من السودان عامة وفقدت الثقه فى الحكومه انها تعمل حاجه لمصلحة المواطن
        لانهم بيعتقدوا (المواطنين) غير موالين للنظام فبالتالى ما يستاهلو حاجه زى دى ويقولوا من الافضل
        نقسم القسمه بيناتنا وكفى . شكرا لشباب المبادره ونسأل الله انو يكون فى كل ولايات السودان
        غرف زى دى وعلاج للاطفال بالمجان لانو نحن واطفالنا ظلمنا كثيرا مقارنه مع باقى العالم

        الرد
      32. 32
        نادر

        { من يوقع على الشيكات.. واحد وللا اتنين وللا تلاتة؟! كيف تتم أوامر الصرف؟ من يصدق؟ كيف تشترون المكيفات والأجهزة والأدوية والأدوات التي تحدثتم عنها.. هل تخضعون أمر المشتريات لنظام (التلاتة فواتير) أم أن المسألة (هبتلي ساي)؟!
        انت جاد يعنى نظامك انت ماش كدة …
        ياراااااااااجل اختشى على دمك….

        الرد
      33. 33
        شترة

        وانت ابو سفهاء الشبكة العنكبوتية ..

        شترة : قريباً سنكون قروب رواد الكيبورد ضد الهندي عز الدين وامثاله

        الرد
      34. 34
        sudani56

        الهندي داء حقو نطلق عليه اسم توفيق عكاشه بتاع السودان .
        اتفقوا معاي من اليوم ورايح واطلقوا عليه اسم توفيق عكاشه لأنه شاذ في افكاره وآرائه.

        الرد
        1. 34.1
          JOI....

          ندعمك بكل قوة وود الثورة معي و اعتبرنا أول اعضاء في القروب و لا حتي ممكن نعمل صفحة في الفيسبوك

          الرد
          1. محمد همت

            وانا معاكم وممكن نسميه الهندى عكاشة

            الرد
      35. 35
        شعبولا

        سفهاء الشبكة العنكبوتية ؟؟؟؟ والله انت اسفه منك لم يخلق بعد يا متطاول لانك ناقص عقل ودين وانت فعلا كما وصفتك سارة منصور بأنك بتاع (فركة)

        الرد
      36. 36
        عبدووو

        صدقوني الهندي ده صحي هندي

        الرد
      37. 37
        م محمد يوسف

        ليس علي المريض حرج اتركوه واتركو جريده لكي يتزن

        الرد
      38. 38
        nasreldeen alshingiti

        { الحكومة التي ترضى بالتضييق على غالبية شعبها لترتاح (فئة) قليلة، حكومة لا تستحق الاحترام، ولا يجوز لها البقاء راعية لحقوق المسلمين والنصارى

        قلت شنو يا ……………………………………………………………………….. هندى ؟!

        الرد
      39. 39
        الطيب عوض

        تعرف يا الهندي هي فعلا 2 مليار مش 4 مليار ولو كنت انت ضمن الضيوف كان سالهم سؤالك الغبي دا عشان انت حرامي وهم شرفاء فالقصة ما محتاجة
        وبعدين شايفك كاتب كلمة سادتي بالله نحنا سادتك يعني بتعرف تقول كلمات مهذبة
        سبحان الله من صحفي لمتحري وانت فاقد للقيم والاخلاق وربنا ينتقم منك دنيا واخرة

        الرد
      40. 40
        :::بــيكو::

        الظاهر انو الشغلانة دي (مُصران) ماعندو حد
        ياخي أقفل الموضوع ده يقفل نفسك يا أبو جضيمات

        الرد
      41. 41
        عابر سبيل

        انت يالهندي مشكلتك في الافتتاح علي يد ست شاي واللا في المبادرة نفسها.
        هههههههههه فقد المنطق .

        الرد
      42. 42
        تور الجر

        والله ما في زول ساذج في السودان دا غير ك انت.. انت أكبر ساذج واكبر جهول وكل افكارك وتحليلاتك سطحية وتنم عن جهل فاضح باسط اصول التحليل والاقناع .. فلاحتك بس تتهجم على الاخرين خاصة من هم اطول منك باعاً في مجال الاعلام والصحافة .. افضل لك أن تعود الى مهنتك الاصلية في مجال لم النفايات.. يا بتاع النفايات.

        الرد
      43. 43
        الفاتح نقد

        كان الانفع والاجدر للاستاذ الهندى انو يوجة نقدة وقلمة ويفضح ويناقش قضايا الفساد فى السودان وبخاصة الفساد الحكومى والثراء الخرافى الذى يتمتع بة كل من سار وراء الانقاذ الفساد الذى ازكم الانوف وجعل السودان من الدول المصنفة فى هذا المجال … وايضا كان من الافضل نقد و تسجيل صوت لوم وتقصير لوزارة الصحة التى وحتى هذة اللحظة لم تستفد من هذا الانجاز (لابناء شارع الحوداث) و المنحة الربانية الجاتم فى صمه خشمم بتخصص كادر طبى لتدشين وبداية العمل بوحدة العناية المكثفة اشباب لان البلد والمواطن المسكين المغلوب على امرة فى امس الحوجة لمثل هذة الخدمات وتاخير تدشين عمل هذة الوحدة الطبية يزيد من معاناه المواطن المغلوب على امرة ويجهض القرض الاساسى الذى من اجلة قام المشروع

        هداك الله اخى الهندى ولا كتر من امثالك . (انما الامم الاخلاق ما بقيت ,, فان هم ذهبت اخلاقهم ,,, ذهبوا )

        حواء السودان ولود اخى الهندى وليس كل الناس امثال من يلهثون وراء الانقاذ ولا فى اخلاقهم

        الرد
      44. 44
        ياسر

        يا هندى خليك عاقل واعتزر للناس ديل ولو عايز تنتقد انتقد ياخ ولنا فى رسول الله اسوة حسنة (( ما بال اقوام يفعلون كذا وكذا)
        والشعب السودانى لمحاح وبيفهم ، من غير تجريح للبشر وتشكيك فى النواية وتجيب الكلام لنفسك والله من ورا القصد.

        الرد
      45. 45
        الخال

        الله يرحم السودان

        الرد
      46. 46
        الخال

        يا جماعة لسع انتو ماعارفين تشخصو الهندى لانو الهندى لو مدحتو بفتكرك ماجبت حاجة من عندك ولو قلت ليهو انت غلطان بفتكرك انك واحد حاسد عشان كدى ماتحرقو بنكن الهندى دا زى الزول القاعد فى راس جبل شايف الناس صغار والناس شايفنو صغير وبحب يعيش فى جو المهاترات زول مريض نفسى ياناس اعملو خير ودوهو لأخصائي أمراض نفسية قبل مايلقط الورق

        الرد
      47. 47
        تموت الاسد فی الغابات جوعا ولحم الضان تاکلها الکلاب

        انتو یا ناس النیلین الهندی دا بدفع لیکم حاجه ولا شنو؟ کلما اعلق علی کتاباته لا تنشرون تعلیقاتی

        الرد
      48. 48
        كوكو

        الزول يمشي ينوم أحسن، تصبحون وتمسون وتصبحون.

        الرد
      49. 49
        وداحمد

        واذا الحكومة رفضت تسجل الجمعية نسو شنو

        هذا ما قلته لماذا لم يتم تسجيل الجمعية لاحد الاعضاء . فقال رفضوا تسجيل الجمعية وهم فى اشد الحوجة لتسجيلها وليس رافضين للتسجيل يا هندى

        واقول المقولة الشهيره ( عندما تطعن من الخلف فتاكد انك فى المقدمة )

        الرد
      50. 50
        ابوبكر

        والله ياهندي انت كنت محترم وللاسف فقدت الاحترام شباب شارع الحوادث يمثلون ويجسدون صوره الانسان السوداني الفريده التي لاتوجد في اغلب البلدان واتحداك لو حصل انك طلعت صينية غدا لاي عزاء في جواركم ابصم بالعشره انك مافعلتها لانه ليس لك شهامه زي اولاد شارع الحوادث دي هم نحن اهل السودان الطيبين وكمان عايز تحاسبهم اسكت ولا تتبرع ليهم وخليهم يبدعو في مساعده الشعب

        الرد
      51. 51
        أبو محمد

        أعجبني مرة تعليق أحدهم وهو يقول: عندما تسمع من بعيد اهتزازا في إحدى عربات القطار ولها ضجيج فاعلم أنها فارغة… الصحفي قائد رأي عام، وإن خالف هذه القاعدة فهو فاقد وعي، وعليه أن يكسر سنان قلمه وينكمش لأنه لا يعي دوره ولا مكانته في أعلى سلم قيادة الرأي.. الطاهر حسن التوم رجل خلوق وعلى وعي برسالته الإعلامية، ولا نعرف عنه أنه سبق أن أشهر لسانه أو خرج عن قاعدة الذوق العام، لا مع مضيفيه ولا مع أي شخص في الشارع العام، وقد حاور أفذاذًا بقدر كبير من اللباقة والحصافة والذكاء، ويستنبط المشاهد أو المستمع على الفور حرصه على الخروج من الحوار بفوائد عامة تستهدف رفعة البلاد، ويستشعر غيرته الوطنية… أتمنى أن يعي الهندي عزالدين مدلول عنوان زاويته (شهادتي لله) ويجعلها فعلاً شهادة لله من أجل المواطن والوطن، فكم نحن بحاجة إلى من يقف إجلالا للمواطن سعيًا لحل مشاكله وتجاوز معاناته.. ونرجو تسخير قلمك لما هو أنفع بدلاً من استهداف الأشخاص، وأن ترتقي بمفرداتك بما يتلاءم مع ذوق المواطن السوداني وثقافته ووعيه لا أن تهبط بها إلى القاع.. فالأسلوب هو الرجل نفسه.

        الرد
        1. 51.1
          محمد همت

          يالله عليك يا أبو محمد .. فهم وذوق عالى .. لكن هل الهندى يفهم مثل كلامك هذا ؟!

          الرد
      52. 52
        WALEED

        عليك الله انتا صحفي … ياخي انتا بالجد ما محل احترام بدل ما تهتمه ب مشاكل الوطن مهتمي ب مواضيع هايفه واللهي شباب شارع الحوادث ديل اشرف منك ومن نظامك الداعمك ده … ياجاهل ياجهللول

        الرد
      53. 53
        السنجاوي

        بعد هذه التعليقات الضافية على الهندي مراجعة نفسه
        والاعتذار لمبادرة شارع الحوادث
        أو على الأقل يتركهم في حالهم
        ولا يشغلهم عن خدمة الناس التي قصر فيها الإعلام و أصحاب الشأن

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *