زواج سوداناس

البشير: تحقيق الأمن و”قفة الملاح” من الأولويات



شارك الموضوع :

تعهّد الرئيس السوداني، عمر البشير، بأن دورته الرئاسية الجديدة التي ستبدأ فور تنصيبه الثلاثاء، ستكون من أولوياتها، تحقيق الأمن، وفرض هيبة الدولة على كل أطراف السودان، بجانب تحقيق الرضا الوطني فضلاً عن “قُفة الملاح” والعيش الكريم للسودانيين.

وقال البشير في أول لقاء له مع نواب حزبه المؤتمر الوطني الحاكم، “نريد أن ينطلق السودان من خلال الدورة القادمة ووضعنا أسبقياتنا بصورة واضحة”.

وأضاف أن الأسبقية الأولى تتمثل في تحقيق الأمن وفرض هيبة الدولة على كل أطراف السودان، وتابع “لأنه بدون توفير الأمن كل ما يطلبه منا الآخرون سيكون سراباً لأن الأمن والتنمية وجهان لعملة واحدة”.

وقال موجهاً حديثه لنواب حزبه “أنتم ستكونون رأس الرمح في تحقيق الأمن الاجتماعي حاثاً إياهم للعمل من أجل الاستقرار.

قفة الملاح

وحول الأوضاع الاقتصادية بالبلاد، جدّد الرئيس التأكيد على تحقيق الأمن باعتباره المدخل الصحيح لتحسن الاقتصاد، وقال “في برنامجنا الناس يتحدثون عن “قُفة الملاح” وهذا مهم أن نوفر العيش الكريم لكل مواطن سوداني.

ورأى البشير أن “قُفة الملاح” تبدأ بتوفير الأمن، باعتبار أن الإنسان غير الآمن في منزله وحركته وفي مناطق عمله لا يستطيع العيش الكريم، حاثاً على النظر إلى دول الجوار التي تعاني من اضطرابات أمنية.

بدوره، قال نائب رئيس المؤتمر الوطني، إبراهيم غندور، إنه بشهادة كل القوى السياسية والقوى الخارجية، التي شهدت على الانتخابات، أنها كانت حرة ونزيهة وشفافة وتعبر عن أهل السودان.

وشدّد على اعتماد حزبه على نفسه بتمويل ذاتي كامل للعملية الانتخابية، قائلاً “نستطيع أن نقول إن كل “مليم” دخل الانتخابات كان من موارد المؤتمر الوطني والحركة الإسلامية”.

شبكة الشروق

شارك الموضوع :

تعليقات الفيسبوك

تعليقات


23 التعليقات

إنتقل إلى نموذج التعليقات

      1. 1
        الجعلي الحر

        بسم الله
        و الحمد لله
        مالك الملك يعطي الملك لمن يشاء و ينزع
        بسم الله نبداء التفاؤل الامل الانطلاق
        1\ امن وفرض هيبه دوله محاربه فساد عدل و كفاءات عليا كل ف مجاله ف سده اداره الوزارات
        2\قفه ملاح رقابه صارمه اسعار منخفضه محاربه مصاصي دماء الشعب
        3\ تنميه عمران خدمات بني تحتيه طيران مطارات دوليه جسور تجاره خارجيه استثمار
        4\ سياسه خارجيه رشيده عوده للخليح و العرب و الجيران ربط الجيران يالسكه حديد ما عدا جوبا الا اذا قدمت فروض الطاعه
        سكه حديد مع اثيوبيا و ارتريا و مصر تخلق انتعاش اقتصاد قوه وامن اقليمي

        واخيرا
        كل ده ما بتم الا بوضع المؤمن القوي الامين المستنير ف اداره الدوله + المحاسبه و التدقيق و المراجعه و المحاكمه
        لكل شارده ووارده

        الله اكبر
        اللهم انصر الاسلام و السودان وانسان السودان الصابر
        و نتمني بدايه لعهد الرخاء و الرفاهيه و الاتحاد و الاخاء و القوه و العزه لكل سكان السودان

        الرد
        1. 1.1
          عصام تاج الدين محمد

          هي يا الجعلي الحر انت صدقت ولا شنو؟؟؟؟

          الرد
      2. 2
        مهموم

        الزول ده عبيط …
        اسكت ياخ عملت لينا قومة نفس

        الرد
      3. 3
        رمادي

        بعد 26 سنة دي ياداب بقت إهتماماتك ؟؟
        طيب إهتماماتك في الربع قرن الفات كانت شنو ؟؟

        غايته بلاء ربنا ابتلانا بيك .. ونسأله التخفيف أو يجعله في ميزان حسناتنا ..

        الرد
        1. 3.1
          عصام تاج الدين محمد

          يعني انت ما عارف يا رمادي اهتماماته كانت شنو؟ تحسين الحال أولاً، ثم الزواج مثنى (ما عارف ما كمل الباقي ليه؟)، ثم تظبيط الركب، وبع داك قبل علينا والله يستر كيس الملاح ذاته ما نلم فيهو

          الرد
      4. 4
        ابو جمال

        26 سنة مضت نهب وتشريد وتقتيل تقسيم البلد فساد اداري واخلاقي……حتصلح ايه بعد خربت مالطة لانريد منك غير((فك الدفة وادها غيرك.

        الرد
        1. 4.1
          نادر

          الزول ياخى عايز يستكمل النهضة, خلوهو يستكمل.

          الرد
      5. 5
        wadaljzeera

        26 سنة لم يتغير شئ والحال من سيئ لأسوأ وسيظل الحال هو نفس الحال ولن يكون هنالك أي تغيير وسوف تتكرر نفس الوجوه ونفنس الشخصيات إذا على مستوى المركز أو الولايات “نفس الناس” الذين عجزوا عن تحقيق أي شئ يرضي طموح الشعب السوداني الغلبان سواء على مستوي الأمن والسلامة أو الناحية الإقتصادية من تدمير للمشاريع المنتجة مثل مشروع الجزيرة وكل المشاريع الزراعية والنقل النهري وسودانير والخطوط البحرية والمحالج ومصانع النسيج والزيوت ” كل شئ تم تدميره ومن الصعب إعادته لما كان عليه قبل الإنقاذ ولو بيوم واحد .. ” وهذا يظهر على حال الناس العام ” الناس صارت مشوهة ووجوهم كالحة “التقول ممسحين برماد” جفاق في البشرة للكبير والصغير ” ووأكثر من 95% من الشعب صار تحت خط الفقر “عيشة كفاف” عدا المتنفذين وآلهم وحاشيتهم المرطبين الواحد تلقاه سمين ليه فقرة السيف ما يدليها وشوفوهم في التلفزيون ظاهرين والواحد مندي “ترين ” ينز زيت ” رغم إنه لو تتبعنا مسيرته منذ نشأته في قريتة تلقاه كان فقير ومعدم وبالكاد راتبه يكفيه 15 يوم ده لو كان أساسا شغال وله راتب وكان الواحد عراقيه مقدود .. شوفهم الآن أصبحوا كيف ؟؟؟ هؤلاء لا يرجي منه خير للبلد ولا للمواطن همهم الأكبر نفسي نفسي وآل بتيى وصحبتي وحاشيتى ” ….

        الرد
      6. 6
        عابد

        الامن داخل العاصمة لم تحققه لماذا لا يوجد خطة واضحة لمحاربة السرقة السطو مع العلم يوجد الالاف من قوات الشرطة داخل العاصمة نريد حسم سرقات المنازل الواحد بقى يخاف م ينوم في الحوش لانه معرض للقتل وهو نائم

        الرد
      7. 7
        شترة

        السودانييين بدونك قفتهم ملياااااانه الحمد لله .. ما محتاجين تملأ ليهم قفتهم …

        الرد
      8. 8
        منتصر حلفا

        اللهم يسر الحال

        الرد
      9. 9
        أبوعشة

        بالله يا ريس انت بعد ستة وعشرين سنة ، عاوز بس تحل مشكلة قفة الملاح بس، وهل نحنا بس مشكلتنا في قفة الملاح ، ربنا يهدينا واياك ، أقرا سيرة العادل الفاروق عمر بن الخطاب لتعرف كيف يكون الحكم ، خليك من عمر بن الخطاب ، شوف اردوغان بس.

        الرد
      10. 10
        شعبولا

        يعني حا نبدأ ناكل (هوت دوغ) بعد ما علمتنا كيف ناكلها انت وانقاذك القذرة

        الرد
      11. 11
        البديرى

        الجكن يالمتعافى

        الرد
      12. 12
        sudani1000000%

        احلام زلووووووووووووووط
        ماعرفناها الا من ريسنا..
        تعرفوا اجمل شئ في الكضب انه الواحدعارف نفسه بيكضب ومتاكد انه مافي حد مصدقة

        الرد
      13. 13
        ta3leeq saree3

        عموماً، ربنا يرحم شعبنا و يوريني في الدنيا قبال الاخرة في كل من تسبب في معاناتهم، طبعا فاهمين أقصد منو.

        الرد
        1. 13.1
          ta3leeq saree3

          يا سيادة المراقب، مسحت النص الأول من رسالتي ليه؟؟

          الرد
      14. 14
        ابو ادم

        يا جماعة الخير عمر البشير دا انسان سوداني بسيط دخل في سكة وما عرف يتخارج منها . مفروض نقيف معاهو . وننقذو من المعاهو . عمر دا بسيط وخلوهو الجماعة يشيل وش القباحة . عاش مهموم مغموم وكان خايف من اوكامبو . المهم الزول دا وجد نفسو امام امرين اما يواصل او تتم تصفيتو من قبل العصابة . حلقومو انشرط من كتر الخطابات . لغاية ما عملوا ليهو عملية . وركبوا ساحت من كتر الرقيص عشان يرضي الشعب . وركبوا ليهوا ركب صينية لأنو في حظر امريكي . وهسه دخلوهو في ولاية جديدة أكاد اجزم انو ما عايزها . المسكين ورطان امنيتو يعيش زي أي انسان عادي . لكن ما بخلوهو . طيب الحل شنو ؟؟؟؟ اقترح انو يتنازل لاي واحد من العصابة مقابل التنازل عن ممتلكاتو ويرجع يشتغل في الوق المركزي يلقط رزقو . المهم اكاد اجزم انو حيوافق لكن هل المعاهو حيوافقو ؟؟؟؟

        الرد
      15. 15
        ta3leeq saree3

        يا سيادة المراقب، مسحت النص الأول من رسالتي ليه؟؟

        الرد
      16. 16
        عمر الامين

        شرط قفتنا تكون زى قفتك الان مش بتاعت زمان…….تقول العرب لكل امرئ من اسمه نصيب…

        الرد
      17. 17
        M. Babikir

        هذا يتطلب السهل الممتنع: تطبيق الشرع ما استطعت إلى ذلك سبيلا ثم العدالة ومحاربة الفساد. وانظر النتيجة. ربنا سيفتح لك وللشعب السوداني أبواب السماء والأرض.. وسيأكل الناس من فوقهم ومن تحت أرجلهم.. وسيتحقق الأمن تدريجياً.. فهذه سنة الحياة. وهذا ما يبشرنا به ديننا الحنيف.. فهل من مدكر؟

        الرد
      18. 18
        ابوشوك

        الحمد لله دخلتونا الاسلام ووريتونا الامانة والقوي الامين و اكلنا مما نزرع ولبسنا مما نصنع ودخلنا 1800 دولار ماتشيل همنا انت خليك في روحك

        الرد
      19. 19
        suliman

        كان في حلاق بحلق للبشير كل ما يجي يحلق ليهو يقول ليهو والله اوكامبوده عواليك اوكامبو ده وش مصائب قام يوم البشير زهج من حلاقو قال ليهوياخي كرهتني بي اوكامبو قال ليهووالله ياسعتك انا من اجيب ليك سيرتو شعرك بقوم وبقدر احلقو ليك

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *