زواج سوداناس

قاعدة عدم رجعية القوانين



شارك الموضوع :

* حزنا والله شديد
* حزنا على خروج أولمبينا
* الغريبه مدرب تونس أعلن أنه حايتأهل من الأبيض
* قالها بالحرف الواحد
* سأهزم السودانى بالأبيض
* الزول ده ما حاوى
* ولا بتاع رمل
* لكن بعد مشاهدته للمنتخب السودانى عرف انو حايغلب برااااحه
* لأن مدرب تونس ضليع
* خبرات وشهادات وأشياء كثيرة
* وهنا كان الشوط الثانى
* وهو شوط المدربين
* فكان النجاح لمدرب اشطر
* لانلوم الديبه ومحسن
* ياها قدراتهما
* ولانلوم اللاعبين
* ياها عرفتهم
* وكى نطلع من التجربة كسبانين ما خسرانين
* يجب ان ندرس الموقف جيداً
* خاص صفحة الأحمر الوهاج
* وأن نقتنع بأن لاعب الكرة كلما صغر سنه ومرحلته
* يحتاج لمدرب أكثر خبرة ودراية
* وبعد إكتمال عوده فى ظل تدريب رهيب ومؤهل
* ممكن بعد كده نرفع معه مدرب فى مستوى التدريب الذى تلقاه حينما كان بمراحل اللعب
السنيه
* فكان ممكن جداً
* ان يكون المدير الفنى لأولمبينا خبير كبير
* ومحسن والديبه يساعدوهوا
* منها يستفيدوا ويزيدوا تأهيل
* ومنها نضمن المضى فى المنافسات قدماً
* ومنها يستفيد النشء من حصص تدريبيه نافعه
* تكمل كل أساسياتهم للعب الكره
* الفات مات
* وكتر خير الوزارة والإتحاد ومولانا احمد هارون ومحسن والديبه واللعيبه
* ياها قدرتهم
* المهم
* فى ناس فالقننا اليومين دى
* قالوا الفيفا حايطلع قانون حول تسجيل اللاعبين
* وحايدى إتحادنا صورة منو
* وبالقانون ده بقيف بكرى المدينه
* خاص صفحة الأحمر الوهاج
* لأنو القانون الجديد بعترف بالعقودات الفى البيوت
* التقول عقد عرس
* عقد الزواج البتم فى البيت ماقدام المأذون
* بجبرك تمشى المأذون عشان تطلع القسيمه
* يعنى أجراء وجود المأذون شكلى ده إجراء مهم جداً
* ولا قسيمه مافى
* أيها الناس
* الكلام الفارغ كتير
* كتير جداً
* والجهل بالقانون مشكله كبيره
* وهناك مبدأ قانونى يقول
* الجهل بالقانون ليس عذراً
* ومبادئ القانون كتيرة
* منها قاعدة بتقول
* عدم رجعية القوانين
* يعنى ينتج القانون أثره بعد إكتمال مراحل سنه ونشره بالجريدة الرسمية
* ولايطبق القانون بأثر رجعى
* والحتة دى مهمة جداً إذا إستصحبنا مبدأ الشرعيه
* ومبدأ الشرعية يقول
* خاص صفحة الأحمر الوهاج
* لاجريمة ولاعقوبة إلا بنص
* يعنى لو دخنت سيجارة فى بص مثلاً
* ولم يكن هنالك وقتها نص يجرم ذلك الفعل
* فإن فعلك لايعتبر جريمة
* برغم انه يمكن ان يكون مخالفاً لقواعد الأخلاق والذوق
* ولكنه ليس جريمة
* فبصدور قانون يمنع التدخين فى المركبات العامة
* ويعتبرها جريمة ويعاقب عليها
* هنا تدخينك داخل المركبة العامة يعتبر جريمه إذا وقع بعد ان أصبح القانون سارياً
* ولكن لايحق للسلطة العامة ان تقبض عليك بتهمة التدخين داخل مركبة عامه قبل سريان
القانون
* يعنى يقولوا ليك قبل تلاتة سنين انت شربت سيجاره فى البص
* الليله الفعل ده بقى مجرم
* لذلك نحاكمك على فعلك داااااااااك
* يبقى
* إذا أصدرت الفيفا قانوناً ملزماً للإتحاد حول التسجيلات
* وإعتمدت فيه التسجيل بالعقد الخارج أروقة الإتحاد
* الكلام ده ما بخص بكرينا
* ومن الليله انا مابقول بكرى المدينة
* بقول بكرينا
* خاص صفحة الأحمر الوهاج
* المهم انو القانون ما بخص بكرينا
* يطبق على الحالات البتحصل بعد سريان القانون
* ولكن الملاحظ ان قاعدة عدم الرجعيه يرد عليها بإستثناء
* ويعرف ذلك الإستثناء عند اهل القانون
* بالقانون الأصلح للمتهم
* ودى كيف ؟
* اوريكم
* قانون ساري يعاقب علي تسبيب الاذي بالغرامه
* وقعت المخالفه في وقت سريان ذلك القانون
* واثناء المحاكمه وقبل صدور الحكم البات )بات دي دايره شرح , نشرحها في مرة جايه
بعد تسجيل المريخ لاطهر الطاهر (
* صدر قانون جديد يعاقب علي نفس الجريمه بالجلد مثلا
* في هذه الحاله
* تفاضل المحكمه بين القانون القديم الذي وقعت الجريمه في ولايته
* والقانون الجديد الذي صدر بعد وقوع الجريمه
* والمفاضله تكون اي القانونيين اصلح للمتهم
* ودي الحاله الوحيده التي تمثل استثناءا علي قاعدة عدم رجعية القوانين
* اي القاعده التي تقول بعدم تطبيق القانون باثر رجعي
* والافضليه تختلف من متهم وآخر
* وفي بعض المرات نجد قانون هبط بالحد الادني للعقوبه ولكنه صعد بالحد الاعلي للعقوبه
* والقانون التاني صعد بالحد الادني للعقوبه ولكنه هبط بالحد الاعلي
* يعني القانون الاول قال السجن من شهر لي اربعه سنين
* والقانون التاني قال السجن من سنه لي سنتين
* هنا القانون الافضل للمتهم يكون بالنظر الي حالة المتهم
* اذا كان جديرا بتخفيف العقاب
* فان القانون الاصلح له هو ماهبط بالحد الادني للعقوبه ولو ارتفع بالحد الاقصي
* وان كان جديرا بتشديد العقاب
* فان القانون الاصلح له هو ماهبط بالحد الاقصي للعقوبه ولو ارتفع بالحد الادني لها
* لانه لامجال لتطبيق الحد الادني عليه طالما كان جديرا بتشديد العقاب
* فهمتوا يا الهمتوا وحلمتوا وقلتوا قانون الفيفا الجديد حايبطل تسجيل بكرينا للمريخ ؟؟؟؟
* محاضره مجانيه نحتسب ثوابها عند الله
* ايها الناس
* ان تنصروا الله ينصركم
* اها
* نجي لي شمارات والي الخرتوم
* أكان شفت يا والينا
* قالوا من فساد الدول الحولينا
* حاجات بتخلي الحيرة تسكن فينا
* تصدق يا والينا
* في نيجيريا قالوا ممكن زول يأجر وزارة ويقابل فيها من الاجانب المستثمرينا
* وبعد توقيع العقودات وقبض السمينه
* ينزل صورتو ويشيل غنيمتو ويضحك علينا
* ويكون الوزير الحقيقي يا والينا
* في زيارة تفقديه لاي مدينه
* الموضوع ده برنجع ليهو يا والينا
سلك كهربا
** ننساك كيف وفي نيجيريا الوزارات بتتأجر مفروش يا اخينا
والي لقاء
سلللللللك

شارك الموضوع :

تعليقات الفيسبوك

تعليقات


4 التعليقات

إنتقل إلى نموذج التعليقات

      1. 1
        omar khalid

        نرجو ا ان تحكي لنا قصة تسجيل سيلا هل طالب به المدرب ام امر بتسجيله صلاح ادريس

        الرد
      2. 2
        محمد عبدالله

        انت لو بتحكي القصة للعامة انت في مشكلة ولو للخاصة هم فاهمين بس في حاجة يمكن القانون دا ساري من زمان بس ما في نادي اشتكي مثلا نزار حامد وقع خارج مكاتب الاتحاد للمريخ وداخل مكاتب الاتحاد للهلال لو المريخ اشتكي كان كسب بس انتو ما ملمين بالقوانيين يا البتشرح في القانون .

        الرد
      3. 3
        محمد عبدالله

        انت لو بتحكي القصة للعامة انت في مشكلة ولو للخاصة هم فاهمين بس في حاجة يمكن القانون دا ساري من زمان بس ما في نادي اشتكي مثلا نزار حامد وقع خارج مكاتب الاتحاد للمريخ وداخل مكاتب الاتحاد للهلال لو المريخ اشتكي كان كسب بس انتو ما ملمين بالقوانيين يا البتشرح في القانون . بكري المجننكم دا سجل ليه 3 أهداف في نصف موسم كامل محلي وافريقي ومشترنو ب 3 مليار يعني لحدي هسي القون بنصف مليار وصار رقم واحد بالفريق معني كدا انتو ماعندكم حاجة

        الرد
      4. 4
        أمير الظل

        الفهم قسم

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *