زواج سوداناس

ساندرا كدودة تُبرئ جهاز الأمن وتعتذر للشعب السوداني.. لم يتم إحتجازها أو إعتقالها أوإختطافها أو التحقيق معها أوتعذيبها



شارك الموضوع :

نظمت الناشطة الدكتورة ساندرا فاروق كدودة مساء الثلاثاء بمنزلها بضاحية الطائف بالخرطوم مؤتمراً صحفياً كشفت من خلاله الأسباب الحقيقية لإختفائها من منزلها خلال الأيام من 12- 15 أبريل 2015.

وأعلنت ساندرا في المؤتمر الذي رصدته عدد من الصحف عن إعتزارها للشعب السوداني وللأجهزة الأمنية والنظامية المختلفة لما سببته من إزعاج بإدعاء إختطافها، مؤكدة أنها لم يتم إحتجازها أو إعتقالها أوإختطافها أو التحقيق معها أوتعذيبها كما راج خلال فترة إختفائها والذي قالت أنه كان بكامل إرادتها ولأسباب خاصة بها، موضحة أنها عادت إلى اسرتها بمحض إرادتها.

وقالت الصحفية شمائل النور بحسب متابعة موقع”النيلين” (الحمدلله ما كتبنا عنها ، لأن القصة من البداية فيها نفس)، وأضافت شمائل (من الآخر ساندرا لم تُختطف).
ساندرا اعتذار

الخرطوم: معتصم السر

شارك الموضوع :

تعليقات الفيسبوك

تعليقات


45 التعليقات

إنتقل إلى نموذج التعليقات

      1. 1
        محايد

        خطاب مفبرك

        الرد
        1. 1.1
          آينشتاين التاني

          قال ليك عقدت مؤتمر صحفي في بيتهم .. بي لحمها و دمها … تقول مفبرك .. انت عندك مشكلة في (الشبكة !!)؟

          الرد
      2. 2
        أمير الظلام

        النشوف ناس المركوبة حيقولوا شنوا؟

        الرد
        1. 2.1
          ِالسوداني

          على جهاز الأمن إقامة دعوى عليها ” إشانة سمعة وإدعاء كاذب ” وإياها حال الشيوعيين تشويه صورة كل شئ وإساءة الظن بكل شئ لحاجة في نفوسهم ولكن إنكشف كذبهم وفضحهم … طيب ما عرفنا إلى أين ذهبت وأين كانت ؟ وماذا حصل لها وقد عادت منهكة ومتعبة جدا كأنه حصل لها عملية ……… ” فماذا أنتم قائلين يا شيوعيين وخاصة ناس الراكوبة الذين أحرجتهم حرج بالغ بهذا الحديث …….

          الرد
        2. 2.2
          سلوى عثمان

          طبعا حيقولوا الحقيقة ويوعوك
          ويجيبوا ليك النجيضة عشان الناس تفهم وتعرف وتتعلم

          هذه هي الحقيقة التي يحاول الكيزان واتابعيهم الترويج الى عكسها
          حيب لي خبر واحد غلط او مفبرك منهم واتحداك

          الرد
      3. 3
        كاره البشير

        و هو ده دليلكم
        ورقة وحروف قلم حبر

        الرد
      4. 4
        suliman

        وين الامضاء

        الرد
        1. 4.1
          أبو يوسف

          الخطاب عليه إمضاء وأنا شفتو في مكان تاني بس عملو تغطية للإمضاء للخصوصيه أعتقد .

          الرد
          1. بره البلد يا حمار

            شفتو وين يا زول والله شكلك مع الجماعة

            الرد
      5. 5
        suliman

        امكن كانت في الدهب

        الرد
        1. 5.1
          عصام تاج الدين محمد

          خطييير والله يا سليمان ….. ضحكتنا والله في الزمن الصعب دا

          الرد
      6. 6
        ن/ ح م

        لا يكفي الاعتذار بل تجب المحاسبة ومحاسبة الذين كالوا الشتائم لجهاز الأمن ولغيره وكتبوا في المواقع ما لا يعقل وسجلوا بالخطوط العريضة على مواقعهم : اطلقوا سراح ساندرا بريتني أقصد ساندرا ابنة فاروق كدودة , ولا تعجب لما تكتبه الظاهرة الصوتية الذين يدعون أنهم شيوعيون والبروباقاندا التي تكبر الأحداث الميكروسكوبية ملايين المرات ما دامت تخدم ( االقضية ) واللا قضية التي يعكف على أصنامها وتماثيلها عواجيز الحزب البائر !! إنها لحظات نادرة جداً من لحظات الرجوع إلى الحق وتوضيح الحقيقة من قبل أفراد الحزب الذين يرمون خصومهم بكل كبيرة وصغيرة , حتى ولو كان الأمر من قبيل تعثر سيارة ساندرا الفارهة أمام منزلها (الأرستقراطي) في الحي (البرجوازي) , فإنهم يعلقونها على مؤامرة الجبهجية المساكين !! شكـــراً ســـاندرا ومعنى الاسم : المتألقة أو المتوهجـــة في اللغة الإغريقية أو اختصار ل: إلكساندرا !!

        الرد
      7. 7
        الخال

        تقصد فى الضهب

        الرد
      8. 8
        suliman

        اول حاجه يا ن/ح ش ناس ساندرا ديل قروشهم حلال وقبل الانقاذ ابوها دكتور كدودة عميد جامعة الاهلية امها دكتورة السفارة الامريكية بكونو ناس الامن طلبو منهم وضغطو عليهم انا عارف اي حاجه

        الرد
        1. 8.1
          شافوه عرفوه هابوه

          وهل هذا يعنى انها وان الدكاترة معصومون من الخطا والاجرام ? وليه ما راحت تلعب بديلها وحاولت ان تتستر بذريعة الاعتقال والتعذيب وربما التعدى عليها من قبل الامن السودانى?

          الرد
      9. 9
        أمير الظلام

        يمكن أتزوجت متعة وبأنقضاء مدة العقد رجعت شيوعية-شيعة كلوا محصل بعضوا على رأى المصاروة

        الرد
      10. 10
        سرور

        ورينا كنتي وين؟؟؟؟؟؟؟شكلك بتاعة قعدات.

        الرد
      11. 11
        مدحت الهادي

        كلام لا يصدقه العقل … الكل زي بعضه … المهندس البوشي عندما تم اعتقاله طلبوا منه أن يقول بأنه لم يكون معتقلا ولم يفعلوا به ولم ولن و و و و …. ولكنه رجل هو في طبيعة تركيبته رجل مهما حصل ….!!!!!!!!!!!!!!!!!!!!!!!!!!!!!!!!!!!

        أما هذه المرأة أو البنت فهي في طبيعة تركيبتها مهما كانت أنثوية … يعني كانت وين عندما غابت عن ذويها ؟

        ضغطوها ضغط إلى أن عرفت شيء لم تكن تعرفه في عمرها ورأت أشياء يصعب عليها كأنثى أن تتحملها وعليه وافقت على ما عرض عليها بأن تتقدم باعتذار مكتوب منها شخصياً وما كانت سترضى به لو لا الضغوط التي ميرست عليها ….. ومثل هذا الكلام السازج يقال في القصص الخيالية أو إن كان حقيقة فهو كذب X كذب …. ومافعله الأمن في هذه الحكومة يفوق بكثير الذي وقع على هذه الساندرا وياما هناك نساء وبنات وقع عليهن تعذيب ولكن مكانة هذه الساندرا هي التي نفعتها بأن يخرج هذا الموضوع للملأ وإلا لما كانوا قد اهتموا بها ولكانت في مزبلة النسيان ….. والله أكبر عليكم أيها الخونة …..ولا نامت أعينكم أيها الجبناء والخزي والعار للمنافقين ماكلي حقوق الشعب السوداني الكريم ….

        الرد
      12. 12
        صحراوي

        ما شاء الله تبارك الله غالبية المعلقين يتمتعون بخلفية أمنية وخيال أمني شكلهم ينتمون الى قبيلة كونان المحقق

        الرد
      13. 13
        رمادي

        بعد الإفراج عنها أعتقلت عشرين مرة ..
        والنتيجة كانت المؤتمر الصحفي الذي لم يحضره أحد سوى المكتب السوداني للخدمات الصحفية التابع لجهاز الأمن !!

        جهاز الأمن سئ السمعة .. أقذر مما نتخيل ..

        الرد
      14. 14
        Mukh mafi

        الان حصحص الحق يا زمارة الراكوبة والعفن القارفنا وقارف السودان كله بالاكاذيب والتضليل و جعلنا ان نكون مدافيعن بدل معارضين نكاية بالراكوبة واكاذيبها ..
        يا سبحان الله ..في نفس يوم انتشار الاكذوبة انزلت مقالا بعنوان من وراء اختطاف ساندرا .. اتى بعض الفارغين والذين لايهمهم ماذا يقولون ان كان كذبا او فبركة او تضليل وامطروني سبا وشتما واسموني بالمطبل ، وتارة كوز وتارة ايه ماعارف ..
        حين كتبت المقال كنت على قناعة تامة داخل نفسي ان الامر غير طبيعي وان خلفه شيء غامض فساندرا ليست بالشخصية التي تقلق جهاز الامن او الشرطة لتعتقلها وذكرت ان هناك رجال باشنابهم ورجال بصولاتهم وجولاتهم لم تعتقلهم الشرطة او جهاز المخابرات خوفا من تعطيل الانتخاباات فهل ساندرا هذه اهم منهم وساعتها طالبت الشرطة بكشف الامر بسرعة وان تأتي هذه الساندرة وتعترف بما حدث لها في مؤتمر صحفي ويكون محاميها موجودا ويكون الاعلام كله موجودا .. والا سوف تلصق التهمة بالامن عامة ..
        كان هذا رأس الموضوع والذي نشر في النيلين وقد تلقيت تهديد وعلنا على الهواء تحت الموضوع اني قذفت ورميت بنات الناس ولتستعد انه سيتم فتح بلاغ ضدك ..
        من خلف اختفاء ساندرا ( يا شرطة)
        كغيري من المواطنين والمشتغلين بالأخبار التي تحتها ما تحتها شغلني وتابعت خبر اختفاء بنت اسمها ساندرا قيل انها دكتورة ، وتابعت مدى استغلال البعض هذا الغياب المفاجئ وكنت في قرارة نفسي موقنا ان هذا الامر وراؤه من ورائه وهناك قصة ما او اخرى ,, ربما كانت من صنع الدكتورة نفسها او من حولها ومن تنظيمها الذي تتبع له وارادوا بذلك خلق بلبلة معينة مع سير الانتخابات ,,
        اليوم وبكل بساطة نتفاجأ بان الدكتورة وسط اهلها وبدون أي مقدمات او رشح اخبار، عن من كان يبحث عنها .؟. وتابعت ايضا ذلك المؤتمر الذي عقد من اسرتها ولتخلق منه بطلة في زمان اصبح الابطال يباعون ويشترون من سوق النخاسة ..
        الله اعلم لم تغيبت هذه الدكتور عن اهلها ومع من كانت ولم تسارعت الخطى في فتح البلاغ متزامنا مع الانتخابات .. وتم رسم سيناريو للاختفاء بطريقة غريبة وهو ان عربتها واقفة في مكان ما .. وخلال كل هذه المدة لم يذكر احد ماذا عن تتبع الهاتف النقال ؟ واذيع ما اذيع مع العلم هناك المئات من المختفين اليومين ويعودون بدون ضوضاء؟؟
        والان انا وساجمع كم شخص ونكلف محامي بفتح بلاغ في ساندرا ومن عاونها ولنرى صاحب التهديد ماذا يفعل ببلاغه

        الرد
        1. 14.1
          شعبولا

          كل يوم بتثبت للناس انك فعلا اسم على مسمى (مخ مافي)

          الرد
        2. 14.2
          عصام تاج الدين محمد

          إنت مخ مافي ولا مخ في!!!! بعدين الراكوبة دي ظلها ظليل وبتجيب الخبارات البتجنن المهابيل زي حضرتك كدا …. ويا خبر بفلوس بكرة يبقى بلااااااااااااش يا عديم المخ

          الرد
        3. 14.3
          سلوى عثمان

          فعلا مخ مافي
          ولا تعليق
          اسمك يرد عليك

          الرد
        4. 14.4
          مثلث حمدي

          بالك طويل خلاااااص عشان بتتحاور مع ديل .. يا خي ديل ناس (كان طارت غنماية ذاتهم).. ناس اتجاه واحد .. والغريبة يتكلموا ليك عن حرية التعبير .. انا بعرف كم واحد ترك الموقع بتاعهم دا عشان حجبوا ردوده التي ترد علي عنصريتهم (الله يخلي لينا النيلين – وجه ضاحك لمن مدمع).

          وزي ما قلت في ناس بدل كانوا معارضين بقوا مدافعين بعد اكتشاف أنو الموضوع (عنصرية وجهوية بس).

          الرد
          1. Mukh mafi

            وانا واحد من الذين تم حجبهم ومنعهم الدخول لاني فضحتهم وعريتهم واثبت جهلم

            الرد
      15. 15
        Mukh mafi

        ومازال اهل الراكوبة هنا يصرون انها كانت مختطفة وانها اجبرت ان تقول ماقالت ..
        كبروا عقولكم وخليكم من شغل العيال دا يا شيوعيون

        الرد
        1. 15.1
          الراوي

          يااخي كبر عقلك انت كم معتقل طلب منه الاعتذار كتابة يااخوي انتي الظاهر عليك راجل طيب دى قمة الامتهان من جهاز الامن كل يوم تطلب للتحقيق والتعذيب تحت النعذيب الواحد الرجل يمكن ان يتعترف هو القاتل لينهي التعذيب الذى يكون الموت اهون منه جاي فرحان تقول الحصل هو نفسك رايك صحيح مخ مافي .

          الرد
      16. 16
        مدافع عن الوطن

        ياخى ساندرا شنو؟
        السودان لو بيعتقل ويعذب كان اعتقل وصفا ناس عرمان الساندوا الجنوب الى أن انفصل ونقلوا آلياتهم لفصل جزء آخر ؟ بنت زي دى بتختفى والا تُخفى ما بتأثر بي شئ بنت أو أمرأة مفترض تراعى سمعتها وسمعة أهلها لو باتت برا البيت ولو ليوم واحد ..

        الرد
      17. 17
        Mukh mafi

        لانكم عديمي الحجة والمنطقة ياراوكبية نتعامل معاكم بمستواكم بالمخ المافي دا عشان اكاذيبكم وتضلليكم
        وانت البتتكلم عن شرفها مين مس شرفها او اتكلم عنه اذا كنت بتعني الكلام عن الغياب فهاهي تقول اسوأ وافظع من كلامي
        وتعذيبها كما راج خلال فترة إختفائها والذي قالت أنه كان بكامل إرادتها ولأسباب خاصة بها،
        نرجوك يامفتح شرح الكلام الاخير دا

        الرد
      18. 18
        Mukh mafi

        بعد الإفراج عنها أعتقلت عشرين مرة ..
        والنتيجة كانت المؤتمر الصحفي الذي لم يحضره أحد سوى المكتب السوداني للخدمات الصحفية التابع لجهاز الأمن !!

        جهاز الأمن سئ السمعة .. أقذر مما نتخيل ..

        يبدوا ان البعض لايفرق بين استدعاء للتحقيق واعتقال .. انظرةا كلام هذا الشخص اعتقلت عدة مرات يا اخي انت لتضحك على منو هي كل الفترة من اختفائها لظهورها الى الان ما تمت شهرين فكيف تعتقل ويفرد عنها عدة مرات يعني كم ساعة الاعتقال يكون ؟؟

        الرد
      19. 19
        شافوه عرفوه هابوه

        يجب محاكمتها رغم اعتذارها لكى تكون عبرة لكل من تسول له نفسه تشويه سمعة السودان والشرطة السودانية ثم يلجا للاعتذار بعد اشاعة الاكاذيب والاتهامات الباطلة لسلطاتنا التنفيذية والامنية

        الرد
      20. 20
        ابو خالد

        بعد الجدل ده كلو ما عرفنا مشت وين ………..؟؟؟؟؟؟؟؟؟

        الرد
        1. 20.1
          أمير الظلام

          يا بوخالد النضال فيهوا السرى والجهرى دى مناضلة بت مناضلين يعنى حتكون مشت العمرة مثلا

          الرد
        2. 20.2
          شافوه عرفوه هابوه

          ما تشيل هم كانت معنا ايام وليالى لن نساها ابدا ولا ننسى حلاوتها كده يا بلاش

          الرد
          1. بره البلد يا حمار

            ما فهمنا

            الرد
      21. 21
        سمي جدو

        الي مخ كافي يازول انت عاطل ول شنو كلو مانفتح موقع نلقاك ناطي كرهتنا حاجة اسمها نت.

        الرد
      22. 22
        بخاري

        يا ريت كان الاعتذار بخط يدها وليس مكتوبا. ده ياهو الابتزاز ذاتو الله يكون في عون الشعب الغلبان.

        الرد
      23. 23
        حامد زين

        كلام فارغ

        الرد
      24. 24
        oaltahir

        الحكاية و ما فيها احبت ان تعمل بعض الوقت تحت الارض كما كان يعمل رحمة الله عليه نقد لكن حتى نقد كان ناس الاستخبارات عارفنو وين

        و لما لقيت الحكاية صعبة شوية عليها لملمت اطرافها و قالت بري بري بري انا مالي و مال الحكايات دي

        دي كل الحكاية

        الرد
      25. 25
        الريس

        دي وحدة هاربة من البيت و حايم ليها كم يوم مع واحد في شقة في المهندسين الله يحمي اعرضنا من جنس دة

        الرد
      26. 26
        عابد

        من اهم الاشياء اخي الرئيس محاسبة اي مسؤول او صحفي عبر القانون اذا روج ضد شخص لازم يقدم لمحاكمة على الهواء مباشر زي ما نشر عبر النت لازم يعترف عبر التلفاز صحفيين ووزراء ومعارضين زي النسوان ما فضل الا يقولوا فلانه طلقوها وفلانه عرسوها اختشوا شويه

        الرد
      27. 27
        وين الحقيقة

        يا جماعة ما تكتبوا إلا و إنتو واثقين من معلوماتكم.
        الكلام غير الموثق أقل حاجة بيعملها إشانة سمعة لأخد الطرفين.
        ما ينطق من قول إلا لديه رقيب عتيد

        الرد
      28. 28
        Mukh mafi

        انا السم النقوع سمعت بيه يا سمي جدو
        انا لي عداوة مرة مع الاحزاب وخاصة المتشوعين ولا يعرفون الشيوعية واقسم بالله انا قريت وعاصرتها اكثر من اي واحد سفيه بيتكلم هنا وعامل نفسه شيوعي ومناضل وانا ماعارف مين القالهم الشيوعية هي انك لازم تدعي الوطنية ..
        ويا جماعة اوريكم نقطة ضعف الشيوعي وين : بمجرد ما تديه على قفاه بالحقائق والاكيدة وتفحمه بالحق ينهار ويلجأ للسباب واعلم انه يجرك جر للشتم والسباب ومن بعدها يغير الموضوع ويتجه الى كلام اخر .. ويبدأ وصفك بالبذيء واللسان ايه وايه
        وهم حافظين كلمات اوريكم ليها عشان لم يقولها واحد اعرفوه من الرواكبية والشيوعين
        امنجي وارزقي ،، وكوز .. والمطبلين .. وهكذا ..
        الشيوعيون اكثر اناس خربوا البلد و اول من سن الانقلابات و اول من سن الاعدام السياسي وانقلب عليهم وطهر قادتهم على يد البطل نميري
        الشيوعيون جبانين ورعديدين من الانظمة و انما فقط يجعجعون بالاسماء الوهمية او من خلف الاماكن المظلمة ..
        وقريت نكتة طريفة قالوا زعيمهم المافون نقد انه كان مختفي من اعين النظام بعد الانقاذ واتضح ان البيت تابع لجهاز الامن والمرافق ضابط من الامن والبيخدم شرطي في الامن وبعد دا يقولوا اذكياء
        كنا في احد الاجتماعات ابان اتحادات الثانويات وكنا لجنة مكونة من عدة الوان سياسية وكنت اتبع للمستقلين واثنا جلوسنا في الاجتماع تحدث عضو الجبهجية وتم تعديل كلامه ووافق وتحدث مندوب عن حزب الامة وكذلك الاحزاب الاخرى وحين اتى دور الحزب الشيوعي قال كلاما اراد به ان يفرض رؤية حزبهم وكيف تجرى الانتخابات فاعترض زميلي من المستقلين ايضا وساندناه ووقفت معنا بقية الاحزاب فاذا العضو المبجل يكشح كوز موية على زميلي المستقل . والله عينك ما ماتشوف الا النور اتعلق علقة لم بكى بعيونه وبعد الاجتماع تم نشر المسودة .. فجاء واحد علق على الورقة وليه ما كتبتوا عن علقة فلان ..
        القصد انهم اناس لايعرفون التوافق ولايعرفون ان يلتئموا مع الاخرين ودائما هم نشاذ وهم مخالفون على طول فترات الديمقراطية في السودان ..
        ولا احد لايعرف قصة طردهم من البرلمان ابان حقبة الديمقراطية الاولى .
        ولا احد لم يرى تلك الصورة التي كيف بدا فيها زعيمهم ذليلا امام الراحل نميري الذي كان يكشف له ما فعله بيده ..
        الشيوعيون مرضى بمرض العظمة المفقودة والشيوعيون في السودان مريضين بمرض الجهل والغياب عن الحاصل في الخارج وفي داخل بلاد الشيوعيين انفسهم .. فقد احرقوا كل نظريات منظريهم من اجل الدفئة التي عجزت انظمتهم ان توفرها لهم ..
        قوموا بلا ساندرا وبلا كندرا

        الرد
      29. 29
        سمي جدو

        يا راجل خلي نفسك بارد شوية لاسم نقعو ولافاهم حاجة كنت متوقع انك تقول عن موضوع سندرا دي موضوع عام واناقشه حسب خبرتي او معرفتي و لاداعي لشحصنة الموضوع حاول ان تكون مجرد في كتاباتك ومعرفني الشخصيه ل د سندرلا هذا اقل شيْ تقوله لما يحدث لها في هذه الايام ثانيا اقرأ لهندوسة سيرة وانفتحت ستعرف اين موقعك من الحقيقة التي تفترض انك الوحيد الذى تملكها وتحلل المواضيع عجبي لفهمك!!!!!!!!!!!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *