فيسبوك

غادة عبد العال: “من هو الرئيس السابق لمصر؟”


برنامج مسابقات على إم بي سي مصر بيسألوا فيه المتسابقين أسئلة في المعلومات العامة و هم بيجروا على تريد ميل محطوط فوق حمام سباحة عشان اللي يجاوب غلط يقع في الماية ! .. من ضمن الأسئلة اللي اتسألها متسابق فيهم سؤال :
“من هو الرئيس السابق لمصر؟”
أنا شخصيا اتخضيت من السؤال و قلت يادي النيلة الواد ده حظه نحس ..
ما هو ما ينفعش مبارك .. ده الرئيس المخلوع .. و ما ينفعش مرسي اللي نزعوا عنه صفة الرياسة أصلا .. طب هيقول إيه هيقول إيه ؟
الواد جاوب ببساطة متناهية .. عدلي منصور!
آه صحيييييح .. ذاكرته طلعت ميه ميه ما شاء الله !
عشنا و شوفنا إسم رئيس مصر السابق بأه trick question !!

مصر..غادة عبد العال